سلمي

اسلام

رامي محمد

اغاني ثورية

روضه حره :)

sisi

الثوره

ماتخليهومش يكسروك ..
حلمك ده عمره ما ينقتل لو مهما حاولوا يقتلوك
لم اللي اللي فاضل من أنين روحك وريحة دم اخوك
......................
ماتخليهومش يكسروك
ياللي انت صدى صوت صرختك قادره  تبدد الجيوش
لسه الأمل جواك ف نبض القلب صاحي ماتسيبوش
.................
لسه راسك عاليه فوق
نور عينيك لامح الشروق
بكره شمس ماليها شوق
طالعه ترسم يوم جديد
...................
حلمنا مالي  المكان
مصري حر ومش جبان
واللي باعنا واللي خان
ما اشتراش غير العبيد
... ماتخليهومش يكسروك 
ياللي انت مهما قالوا عنك ومهما حاولوا يشوهوك
اثبت وثبت اللي جنبك عمرهم ما يغيروك
.. ماتخليهومش يكسروك
هماف ايديهم السلاح وانت اللي حيلتك الهتاف
راحوا اللي كنت بتحبهم قدام عينيك طب ليه تخاف؟

محمد عباس - ماتخليهومش يكسروك

Abdelazem alzahaby - 7ora fe watan / عبدالعظيم الذهبي - حره في وطن

من أجمل ما غني في الثورة
زي الحمام طايرين
رابط الفيديو كليب
http://youtu.be/Tj5ZxPZdRkE
..
راديو ميدان :
https://www.facebook.com/radiomidan
الفنان أحمد شطا :
https://twitter.com/AhmedShata22
المخرج عز الدين دويدار :
https://www.facebook.com/dir.ezzeldeen.dwedar

كلمات : حمدي ليلة
الحان : احمد شطا
توزيع وهندسة صوتية : احمد حبيب
عود & جيتار : احمد شطا
إخراج : عز الدين دويدار
إنتاج راديو ميدان
.....
الفجر شقشق شق زيف الليل
والصبح جيّ وجاب معاه فِكرة
قـَطر الندى لسة يادوب بيسيل
والحُرّة نازلة تجيبلنا بُكرة

صادها الخسيس واتباهى بخيانته
والقاضي راضي والشهود عميان
والحُرة واقفة ف قلب زنزانته
ضحكتها طعنة فـ قلب كل جبان

زيّ الحَمام طايرين
سور القفص غِيّة
أصل البراح زنازين
والسجن حريّة
والثورة حق ودين

ورِّي ابتسامتِك للّي فاكرينِك
لمّا اتسجنتي هينحني جبينِك
همّا تغيب الشمس فـ عيونهم
وانتي تِغير الشمس من عينِك

زيّ الحَمام طايرين
سور القفص غيّة
أصل البراح زنازين
والسجن حريّة

لابيض دا لون العِزة ياعروسة
انتي اللي حُرة وبلدي محبوسة
صوتك يا(بنت الحق) بقى ثورة
قادرة ترجّع مصر محروسة

زيّ الحَمام طايرين
سور القفص غيّة
أصل البراح زنازين
والسجن حريّة
والثورة حق ودين
والنصر أغنية

زي الحمام طايرين - أحمد شطا وراديو ميدان - مذهل ورائع

منتج منفذ / المخرج عز الدين دويدار
https://www.facebook.com/dir.ezzeldeen.dwedar
إنتاج طلاب ضد الإنقلاب بجامعة الأزهر
غناء فريق لحن الحرية ) الأزهر )
آداء و كلمات الراب - الفنان خالد جاد
اداء فريق لحن الحرية
اسلام القهوجى
معاذ زكريا
اسامة الشاعر
كلمات الألتراس - محمد حبسه
الحان التراس
توزيع : أحمد حبيب

الكلمات :
آزهري من يومي ثوري والتاريخ يشهد كمان
بنصر الحق دايماً وطول عمري في الميدان

يا آداره مش بنخاف وهتافنا أقوى هتاف
افدي ديني بحياتي وقلبي عمره ماخاف

قتلونا جوه الجامعه وآهانوا الطالبات
مش هنركع للعسكر ولاهنسيب حق اللي مات
علشان كل الطلاب اللي في سجون الانقلاب
من اليوم ده مفيش دراسه ولا امتحانات إحنا في إضراب

يا آداره مش بنخاف وهتافنا أقوى هتاف
افدي ديني بحياتي وقلبي عمره ماخاف

الطالب الازهري عمره ما كان يوم جبان
ولافرط في كرامته ثابت دايما في الميدان
اكدب وقول اخوان وافصل يلا فلان وفلان
اضراب لكل الناس والاضراب في كل مكان

يا آداره مش بنخاف وهتافنا أقوى هتاف
افدي ديني بحياتي وقلبي عمره ماخاف

يا آداره مش بنخاف وهتافنا أقوى هتاف
افدي ديني بحياتي وقلبي عمره ماخاف

اللي يبيع الحريه ويستسلم للي خان
مش هيحس بكرامه ولا هيشوف الامان
تيجي ايه سنه من الزمان غيرك قاعد في اللومان
والشهدا ماتوا عشان انت ما تعيش في هوان

يا آداره مش بنخاف وهتافنا أقوى هتاف
افدي ديني بحياتي وقلبي عمره ماخاف

يا آداره مش بنخاف وهتافنا أقوى هتاف
افدي ديني بحياتي وقلبي عمره ماخاف

ودي كلمة من الطلاب للعبد و النواب
الثورة دي مكملة و دي جامعة مش كتاب

أزهري ثوري - إنتاج شباب ضد الإنقلاب الأزهر - تنفيذ عز الدين دويدار

" خليك جدع "

أداء
فريق لحن الحرية
اسلام القهوجي
معاذ زكريا
اسامة الشاعر

كلمات
محمد حبسة

الحان
فريق لحن الحرية

توزيع ومكساج
احمد حبيب

تنفيذ
عز الدين دويدار

مونتاج وجرافيك
ظل ونور
 https://www.youtube.com/user/TheAzhar2050
https://www.facebook.com/sac.azhar
https://www.twitter.com/sac_azhar

خليك جدع

شعر : أحمد صلاح الدين
fb.com/SaladinDoc

جهز نفسك :

جهز نفسك إن صديقك
بكرة ف وقت الجد يسيبك
إنت لوحدك
إنت وحقك
إنت وكل العالم ضدك
مش وياك غير بس مبادئك
على كام حلم اتصبر بيهم
على كام وعد اتداروا ف صدقك
كل وعود الناس اتكسرت
فاضل وعدك
________
جهز نفسك
إن السجن يكون منطقتك
يخمد كل شرار من طاقتك
ينخر زي السوس ف إرادتك
وان الضلمة هتبقا صديقتك
________

جهز نفسك
إن ظنونك تبقا الواقع
وان مفيش في الدنيا موانع
واوعى تقول على شيء :
مش ممكن !!
إنت الوقتي خيال الأمس
حسن الظن بينفع لما
فيه إنسان لساه بيحس
بس ف دنيا العدل الأعمى
والأرواح تتباع بالرخص
حسن الظن أكيد مش نافع !!
________

إسأل نفسك ..
إيه الدافع ؟؟
إنك تخرج وسط الخوف
وتسيب راحة البال ف البيت
وانك تمشي طريق معروف
عتمة ونهش كلاب وصويت
بابه ملغم بالوطاويط
آخره غويط
إيه الدافع إنك تبعد ..
كنت بتمشي جنب الحيط !!
________

بعد ما تعرف إيه الدافع
اقف تاني ..
اثبت تاني ..
اوعى تخاف من نار ومدافع
اوعى تقولها ف مرة يا ريت !!
________

لما رصاصة هتقطع أجلك
بكرة هيدوا صاحبها نيشان
وانت هتبقا الجاني ف قتلك
واللي اتبرأ كان سجان
وان فاكر دمك يشفعلك 
هيكون بكرة دليلهم ضدك !!
ويلفقوا ليك ألف قضية
ويسبولك ملة ودين !!

فاكر موتك هيحننهم ؟؟
هم أساسا بني أدمين ؟!
________

جهز نفسك ..
إن الحق طريقه خطير
لكن واضح زي (الشمس)
سيب الدنيا بحالها
وطير !!
________

جهز نفسك
إن الكل هيمشي ف عكسك
طنش أي حاجات بتعاكسك
اهزم خوفك واقتل عجزك
واوعي رصاص الهم يصيبك

واما العالم كله ينافسك
جهز نفسك ..
إن النصر هيبقا نصيبك
________
Soundtrack:
Amorous Cello by Rick Dickert.provided by freesoundtrackmusic.com

حَـكْـي 1 | جهز نفسَك

إلقاء : أنس علاء - شقيق إحدى حرائر المنصورة 

شعر : أحمد صلاح الدين
fb.com/SaladinDoc

نصي الحلو
____

نصي الحلو اللي مكمّلني
لما بحس ف مرة بنقص
كانت دايما بتصدّقني
حتى ف يوم ما مشيت العكس
واما الكل بيبعد فضلت
كانت هيّ معايا وبس !!
 ____

كنت بشوف ف عينيها رجولتي
لما تغطي رقبتي كوفية
كانت أصلا غزل إيديها ..
خايفة تجيلي لسعة برد ..
واما اتأخر كانت تقلق
تسأل عني طوب الأرض ..
واما تلومني .. بضحك منها !!
كنت برد بكل برود :
إيه يا عبيطة  ليه قلقانة ؟؟
إنتي جبانة ..
وأطمنها
إني حاميها !!
إزاي إيد تتمد عليها
وانا موجود ؟!
 ____

مرة كلاب الظلم شافوها
نهشوا الفاضل من ضحكتها
نسلوا الباقي من رقتها
زي الخيط ..
سحلوا طيبتها
شدوا جيبتها
واتعريت ..
هي ف عتمة سجنها حرة
وانا محبوس ف انوار البيت ..
ربطوا إيديها
واتكتفت ..
 ____

بص ف عيني وشوف الذل
إن الحل مهوش ف إيديا !!
واني كسرت كلامي وخفت
واني ضعفت
لما عرفت ..
وان بلاط السجن الساقع
كان بيخلي لحافي اشواك
وان الضلمة بتعمي هناك
وان الأكل صفايح زفت
واني قرفت
بص ف عيني وقد ماشفت
مين الوقتي الراجل فينا
ومين الست ؟؟
 ____

تعرف إيه عن جرح القلب ؟؟
جرح القلب مهوش بيلمّ
من غير صرخة ومن غير دمّ
مش مسموع
طعنة بتغرس جوة ضلوع
مش باينين ..

هيّ قلوب ماشية برجلين ..
 ____

تعرف إيه عن ضحكة تداري
حسرة بتنطق بيها دموع ؟؟
لما يبان انك قلقان ..
غصبن عنها 
بس الدمعة
نزلت من غير استئذان !!
تعرف إيه عن يوم ف السجن
يتجددله ايام وشهور
نور الشمس مهوش بيبان ..
واما الصوم بيعدي أدان
بعد أدان ..
تعرف إيه عن طعم الجوع ؟؟
 ____

إيه وداها ؟؟
تنزل ليه ؟؟
برر جبنك للسامعين ..
عادي السحل وعادي القتل ؟؟
إيه الشرع وإيه الدين ؟؟
عادي إيديه تتمد عليها
قطع إيديه
بكرة الدور هيعدي عليك
أصل دا دين ..
لازم حتما هتوفيه !!
 ____

رقة صوتها بتزلزلهم
تحفر فيهم مليون شق
لما بتهتف بتحمسني
تملا القلب حياة ويدق

نصي الحلو بتنطق ثورة
لما تقول للظالم لآ
إزاي صوتها ف عينهم عورة
لما بينطق كلمة حق ؟!
 ____

Original Soundtrack : Amir Hedayah - Hope for Children

حَـكْـي 2 | نُصـي الحلو

" هنا الأزهر "

أداء
عبدالرحمن القريوتي

كلمات
محمد حبسة

الحان وتوزيع
احمد دعسان

مونتاج
عبدالرحمن القريوتي

التسجيل
نغم ميديا

انتاج
قناة اليرموك

www.youtube.com/user/TheAzhar2050
www.facebook.com/sac.azhar
www.twitter.com/sac_azhar



هنا الأزهر

غناء: مصطفي أمين
|fb.com/MostafaAminWay |
twitter.com/MostafaAminWay
youtube.com/Moustafa0Amin

ألحان: صهيب شكري
fb.com/sohaib.shokry

كلمات: محمود السرّاج
fb.com/Csarrag

توزيع: شريف عبد السلام
fb.com/SherifARP

جيتار: شريف فهمي

كمان: Graça Carvalho

هندسة صوتية ومكساج: عمر صلاح


:كلمات الأغنية
آه يا آخر حد باقى
بعد ما مات الجميع
 سبتنى قبل أمّا تاخد 
حضن حتّى ع السريع 
سبتنى والظلم دولة 
والحياة بعد المداولة
 موتى كان آخر محاولة
 تحييى أوراق الربيع
 .. البُكا بلِّل سجاجيد الصلاه بالأدعيا
 والناس مازالوا بيقتلوا ف المُرسلين والأنبيا
 .. من غير حساب
 وانا لسه ببعتلك جواب
من غير لا ظرف ولا بريد أخبارك إيه 
.. وانتَ بعيد ؟
 غيّرت عنوان الوطن .. ولّا الوطن مفيهوش جديد
   لسّاك يا صاحبى بتفتكر .. لسّاك؟
  وتقف وتستنانى ع الشباك؟
 وتشبِّه إنى أنا اللى جاي هناك
 .. فتقوم تناديلى معلش مش جايلك 
إنتَ اللى هتجيلى 

لمشاهدة الفيديو 
http://bit.ly/LzxTEf

Mostafa Amin - Akher Had Ba2y | مصطفي أمين - آخر حد باقي






رسالة من المعتقلين الي الوطن الغائب.. #‏يوم_المعتقل_المصري

باب الزنزانة ورفيق الحبس
وسرير مش ميري من غير بطاطين
والضلمة زيادة عن اول امس
وطابور الذنب مش جنائيين
....
وانا ذنب بلادي 
حرية وعدل
وكرامة انداست وداسوني وراها
وقالولي بلادك مش حلم الفجر
......
والفجر قريب... كل الأسوار مبتمنعهوش
والظلم ان ساد  ... وخلاله بلاد اوتاده فشوش
.....
لساني بغني للوطن الغايب
و مخاصم ليلكم يا نظام الشايب
تصبحوا علي دولة  مفيهاش سجان
بيجامل ماضي علي قفا شبان


باب الزنزانة

الـــكـــلـــمــــات

طلبوا منى أبيعلك فكرة تشتريها ودنك
طلبت منهم أبقى نور هيرشد إبنى وابنك
فماطلوا ، على أساس إنى بكرة احتاجهم وأطلب
شيئ مقابل غنوة تحلى فى عين مجتمعى باطله

لم اللى باقى منك واهرب مـ المدينة فورا
الناس بتفضل ساكتة بس فجأة بتعمل ثورة
هتلم اللى بيتكلم هتلاقى اللى ساكت صرّخ
دى دولة يابن الكلب مش تيكية مش هنعرص

آسف يا مدموزيل لو إسلوبى خارج جدا
أصلى مش سى بى سى بحط كريم شانتيه عـ الجبنة
غطيها وأنت بتحلم إن صوت الحق إتكتم
هتقولوا السيسى رئيسى هنفضل نرفع المبتدأ ./?

رفضنا تجار الدين ده مش معناه إننا نبدلهم
بتجار الشعوب ونفوض ديكتاتور يقتلهم
أدينى بقولها بكل سهولة لإنى عايزك تفهم
إن احنا درع دولة حطوا على رقبتها سيفها

خلونا نشوف سراب مـ العطش واحنا اصحاب النيل
على إيدهم دم اخويا وقالوا لأخويا عليه بيتادين
قتلنا جماعة عشان يا جماعة مصر تعيش
فاللى وجه المسدس مش خسارة العرش فيه

مفيش رسول بينزل مـ السما بشعب مؤمن
يصلح الكوكب بإنه يقتل كل مشرك
ذنبه ايه الشاب اللى مات لمجرد كونه مش مدرك
إن الجماعة زرعت فيه مفاهيم لا تليق بمسلم

لو كنت صاحب رسالة توعى المخطوفين ذهنيا
مش تدعم الإبادة بتصنيفهم كتلة إرهابية
عمرك ما هتقتل فكرة بقتل صاحبها لازم تفهم
بتموت الفكرة الغلط لما فلان يسعى لتصحيحها

طب أديك بتولد كبت بالإعتقال وجرايم القتل
هترجعهم تحت الأرض بكرة يشيل أحفادنا الذنب
وقت تسقط الداخلية قلنا نضفوا الداخلية
لو هنقتل كل مريض لزمتها ايه الأدوية ؟

سيبوا البلد دى وإمشوا بدل ما بتطفش الكوادر
سيبونا نلاقى حل مخلقتوش غير المشاكل
حكومات عسكر عواجيز وأصبى كهل فيها عاجز
أبعت ظابط بالكلبش أنا مستعد لده من إمبارح

___________________________________________

Emsho

Written by: El Joker
Music: Free Beat
Vocals: El Joker
Master and mix by: El Joker
© 2014 El Joker

Emsho - إمشوا

ما قيمة الكلمات بدون ايقاع محمد رامى

حصريا| أغنية سجون الغدر - إهداء لحرائر مصر

كلمات: سارة أسامة
غناء: تسنيم السيد
ألحان وتوزيع: محمد مالك

=====
الكلمـــات
=====

جوة سجون الغدر ...
 كتبت اسـمـها .. أخـتـك لوحـدها .. إزاي قـادر تـنـام و كـاشـفـيـن سـتـرها ؟!!

جوة سجــون الغــدر ... 
تــدعـي ربها .. دمــوع عـلى خـدها .. إزاي قـادر تـنـام و رايـديـن ذلـهــا ؟؟!

لو مش هتغضـب يوم لأختك ... يـبـقـى ايه تـغـضـب عليه ؟!
لو تـضـيـع منك رجـولـتـك ... بـاقـي ايــه تـبـكـي عـلـيه ؟!
لو تـبـيـع فـي يـوم شـهـامـتـك ... يـبـقـى فاضـل تـاني ايـه ؟!

أصل الحكاية ل في حيائك ... اللي كاشف ضعفهم
لما تــقـفي و بـثـبـاتــك ... الرعـب يمـلـى قـلـبـهـم
كانوا عايـزيـن يحـنـوا راسك ...  بكرة هنشوف ذلهم


حصريا| أغنية سجون الغدر - إهداء لحرائر مصر

عبدالعظيم الذهبي - اللي مات

كلمات وإلقاء: زينة قطري

https://www.facebook.com/Zeina.Coutry.Official.Page

لينك الفيديو:
https://www.youtube.com/watch?v=7HKpl1dmK2o&feature=youtu.be

تصميم: @3bdo-tito

فى عز المظاهرة ..
 فى عز المظاهرة بعلى الهتاف
 قلبى فى ايدى
 متشال على الكتاف
 بطالب بدمي
 ما يبقاش رخيص
 و اشكيلكوا همى
 و مابقاش خسيس
 بطالب بلمه و ضحكة و عيله


 مش دمعه و قله و خيبة و ميله ..
فى عز المظاهره مقولتش أخوان .. 
فى عز المظاهره مكنتش جبان ..
 لا عسكر وسيسى
 وعايزك رئيسى
 فى عز المهانه
 انا كنت انسان !! ..
 صرخت كتير من خوفى عليكى
 لحد ما وقعت و ايديا فى ايديكى
 و الرعب ملانى و مين يسمعنى
 برصاصهم يا امى صابوا عينيكى

 غصب عنى و فجأه انا اتخضيت
 لا سامع هتاف ولا سامع صويت !! 
الصوت اختفى تدريجى
 و الصورة تملى بتبهت
 و النور بيقرب و يجيلى
 و انا جسمى مدغدغ و مكهرب

 انا فين ؟!
 انا لية بعيد ؟!
"! اطمن يابنى اقصد يا شهيد"


 بتبكى ؟!
 بتبكى لية ؟!
 دة المفروض يبقى عيد .. 
ايه ؟! انساكى ؟!!
 والله ما ناسيكى
 يا حبيبتى انا عارف مش بأيديكى
 بكرة يتولدلك بدالى من جديد
 مانتى الأم و الاهل انتى البلد
 انتى الثورة اللى ميدانها فى قلبى اتولد
 و انتى برضو المرار و العيشة و الوجع 
و انتى اللى جبتى بنوتة بميت جدع

 ما تعيطيش فى يوم
 و اوعاكى تبكى
 دانتى اللى ليا
 و اول عشقى
 وصيتكم عليها من قبل ما اموت
 خلى بالكم عليها دى كل اللى ملكى 
.. خلى بالكم عليها دى كل اللى ملكى :"(
‫#‏زينة_قطري‬ 

في عز المظاهرة


Lyrics : 

حدود الفكر والتفكير في الحقيقة ملكي

بس ملكي مش مساعد إن حدودي تكفي

تسند ضعف عزمي ولأصل حلمي تحمي

ففضلت أعافر في صمتي أبني في حيطان مدينتي

بس يأسي من عالمكم خنجر كان في صدري

جرح بكره المضمون من ساعات اليأس

خلى أملي في الحياة طاقة كانت بالعكس

تكشف كل سلب وتسلب كل حق

تعفي نفسي من النضال والصراخ بلأ

إختياري لإختياركوا وعد وإتفاق

إني أمضي على الضمانة وأحلف بالولاء

آسف مش هساعد، أكون لحلمي باعد

أقتل كل شاهد، كان للثورة واعد

الخروج عن المضمون فكرة مش مألوفة

والمألوف للعقول فكرة كانت موصوفة

تحجم كل جامح، تربط كل حي

تمحي من قاموس حياتك إن بكره جاي

جاي غصب عني لو هتكون معايا

كذبة واضحة من البداية وعايشة للنهاية

إنت عكس فعلي

إنت كل ماضي

إنت راضي الحقوق تضيع وتبقى عادي

فرق العمر والتفكير بين الجيل الحر

زي حبك للحياة وإختيار المر

إحنا جيل يحاول، إحنا جيل يغير

وإنتوا جيل في الحرية عمره كان قصير

سرق الأمل منا واللي بيشكي يموت

كده أو كده ميت فاصرخ بعلو الصوت

كل الشوارع لينا والثورة للثوار

والحر لو يسكت يبقى ملاه العار

طال الفرق بينا إحنا بينا شق

جيل بيرفض السكوت الخلاصة لأ

لأ لكل صمت

لأ لكل خوف

لأ بتلعن إختياركوا وتنكر الظروف

لأ تصبر اللي خايف حتى إن صبره طال

لأ تكسر الحصون حتى لو جبال

ساقط رغم حجمك مهما إنك تكون

إحنا نور الحقيقة في عتمة الظنون


Zap Tharwat - #احنا_جيل_وانتوا_جيل

"هل ترانا نلتقي " كلمات أمينة قطب أخت الشيخ سيد قطب رحمه الله .. والتي قد تمت خطبتها لكمال السنانيري وهو محكوم عليه ب 25 عام ... ولم يتم منهم الا 5 اعوام فقط ... وطوال أعوام عده كانت تزوره في مختلف معتقلات مصر ... كانت تخبئ كلماتها الصادقه وقصصها لتسردها له ... عانت كثيراً ولكنها صبرت واحتسبت ... وبعد فراق 17 عام خرج زوجها لتعيش معه ما بقي من سنوات عمرها كما تقول.. إلا أنه في عامهما السادس بعد خروجه جاء السجان ليأخذ زوجها وروحها ويضعه في السجون ثانياً ... ولم يحتمل كمال السنانيري كمية التعذيب التي لاقاها ... ومات في معتقله .. انتظروها اليوم ان شاء الله
-----
وهذه كلمات القصيدة :
هل ترانا نلتقي أم أنها
كانت اللقيا على أرض السراب
ثم ولت وتلاشى ظلها
واستحالت ذكريات للعذاب
هكذا أسأل قلبي كلما
طالت الأيام من بعد الغياب
وإذا طيفك يرنو باسماً
وكأني في استماع للجواب
أولم نمضي على الدرب معاً
كي يعود الخير للأرض اليباب
فمضينا في طريق شائك
نتخلى فيه عن كل الرغاب
ودفنا الشوق في أعماقنا
ومضينا في رضاء واحتساب
قد تعاهدنا على السير معاً
ثم أعجلت مجيباً للذهاب
أيها الراحل عذراً في شكاتي
فإلى طيفك أنات عتاب
قد تركت القلب يدمي مثقلاً
تائهاً في الليل في عمق الضباب
وإذا أطوي وحيداً حائراً
أقطع الدرب طويلاً في اكتئاب
وإذا الليل خضم موحش
تتلاقى فيه أمواج العذاب
لم يعد يبرق في ليلي سنا
قد توارت كل أنوار الشهاب
غير أني سوف أمضي مثلما
كنت تلقاني في وجه الصعاب

RAMI


هل ترانا نلتقي رامى محمد

ضحك المطار .. 
وأشار للولد المسافر ساخرًا
مثل الصغار
وأشار للدفء المهاجر حوله
من كل دار
يغتاله باليأس حتي لا يطيب له المسار
--
هو ما أراد سوى ابتساماتٍ
على وجه البيوت
هو ما أراد سوى ضميرٍ
لا يداهمه السكوت
ومخير ما بين أن يحيا كريما أو يموت
--
ربط الحزام ولم يعد في قلبه إلا الحنين
للعدل يحيي أرضه فيعود كل الغائبين
هل كانت الأوطان إلا راحة للمتعبين
--
الأرض واسعةٌ ونور الشمسِ في كل البلاد
وهو ابن أرض ليس يشبعها نحيب أو حداد 
لكنه ما اختار يوما هجرها رغم الشدا
 --
طار الفتى
ومراسم الإقلاع تشهدها الطيور
نظرت إلى طول الطريق وهونت ذاك الشعور
يوما بحطم في مواجهة المتاهة  ألف سور
---

كلمات : محمو موسي
أداء وألحان : رامي محمد
توزيع : شريف عبد السلام
جيتار : شريف فهمي
مكساج : عمار خاطر
تحريك : أحمد درويش
إخراج : محمد حازم

ألم طار - رامي محمد

بكـيت وهل بكاء القلب يجـدي؟..
فراق احبـــتي وحنيــن وجدي!!
فما معنـــى الحيــــاه اذافتـــرقنا,,؟؟
وهل يجـــدي النحيـب فلست ادري!!
فلا التــــذكار يرحمني فأنسـى,,,
ولا الأشواق تتــركني لنــــومي,,,
فراق احبــــــتي كم هزّ وجــدي,,
وحتى لقـــائهم سأظــل ابكــــــي,,

أداء : رامي محمد 
توزيع : محمد رفعت 

بكيت | رامي محمد

خطبت الحرية

يا عالمي
يا أيها الوجع المسافرُ في دمي
أو لم تكن حواءُ أُمَّا للجميع ؟!
أوليس آدمُ بذرةَ الإنسانِ في هذا الوجود ؟!
فمن الذي قَسَمَ الشعوبَ
لسادةٍ لهم الحقوقُ
وآخرينَ هم العبيد ؟!
==
يا عالمي
يا من تدور تباركُ الطغيانُ في القدسِ الجريحْ
وتبث من سوريا المذابحَ
 ثم تغفو تستريحْ
وبمصر تُهدي الغاصبينَ 
مصارعَ الوطن الذبيح
==
يا عالمي
من أرخص الدمَ في العراقِ لكي يُراقْ
من بعثر اليمن السعيدَ 
على متاهات الفِراقْ
من أشعلَ الأيَّامَ في ليبيا
 جحيمًا لا يُطاقْ
==
العدلُ ليس حكايةً 
تُروَى مِنَ الزمنِ البعيد
العدلُ ميزانُ الوجودِ 
وحُلمُ إنسانٍ شريد
والحقُّ مفتاحُ السلامِ
لعالمٍ حرٍ سعيد
ودموعُ مظلوم يهانُ
تفورُ من تحت الجليد
===
Oh… My World!
Oh pain, that travels into my blood.
Eve is the mother of all living? Is not she?
Adam is the seed of humankind in mortal existence? Isn’t he?
So, who has divided people into masters (who have rights) and slaves?!
Oh! Who that roams around to endorse despotism in a wounded Jerusalem!
And broadcasts massacres from Syria… then take a nap and relax!
And in Egypt, gifts the usurpers death of a slain homeland!
Who depreciated the bloodshed in Iraq?!
Who shattered a Happy Yemen over mazes of separation?!
Who ignites days of Libya to be an unbearable hell?!
Oh… My World!
Oh pain, that travels into my blood.
Justice is not a once upon a time story to be narrated!!
Justice is the entire balance of the universe, a dream of a vagrant man!
Right is the key to establish peace in a happy free world!
Tears of an oppressed, insulted man, boil up under ice!
Oh… My World!

==

كلمات: خالد الطبلاوي
لحن: رامي محمد 
توزيع: إياد حسين 
جيتار: abdobicas
إخراج: خالد الجمل



#Rami_Mohamed
web:http://www.ramimohamed1.co.vu/
https://www.facebook.com/b0.braa
facebook:https://www.facebook.com/Ramimohamed.av
instagram:http://instagram.com/Ramimohamed.av
soundcloud:https://soundcloud.com/ramy-mohamed-3

ياعالمي | رامي محمد

ياعم سلامه حكيم _ ya 3m salama hakim

#ماتستغربيش
غناء: سلمى | كلمات: سارة أسامة | ألحان وتوزيع: محمد مالك
إنتاج: #بنت_الثورة
_______________
الكلمات :
ماتستغربيش ، ثابتة انا ومابنحنيش
ماتستغربيش ، ثابتة انا ومابنحنيش
ماتستغربيش ، ثابتة أنا ومابنحنيش
ماتستغربيش ، ثابتة أنا ومابنحنيش
روحك يابلدي مقوياني ، لو حتي فيكي بتوجع 
لو مهما كان غالي الثمن ، لازم في حبك يتدفع
روحك يابلدي مقوياني ، لو حتي فيكي بتوجع
لو مهما كان غالي الثمن ، لازم في حبك يتدفع

ماتستغربيييييش ، عشقي ده لبكي مابينتهيش
ماتستغربييييش ، عشقي ده ليكي مابينتهيش
اسمعي صوت السكوت ، وقفتي عندك كلام 
لاجل قيمتك يوم تعود ، حصن وتعيشي في سلام
اسمعي صوت السكوت ، وقفتي عندك كلام
لاجل قيمتك يوم تعود ، حصن وتعيشي في سلام
ماتستغربييييش لو يسجنووووني مايهمنيبيييش
ماتستغربيييييش ، لو يقتلوووووني مايهمنييييش
ده بكرة سجاني مني هيعاني ، روحه منه هتطلع
الخاين الجاني مهما آذني حقي منه هيرجع


ما تستغربيش

رامي محمد | فين الشباب

شهيد فلسطينى
يرسم مشاعر الوداع لأمه الحنون
ويخاطبها فى كلمات دامعه ونبرات خاشعه
.
.
.
ودى وصيتى قبل ما اموت
أنا نفسى أسمع لكل صوت
وإنتى يا أمى نفسى أشوفك
نفسى تضمى قلبى برموشك
وإنتى يا أمى نفسى أشوفك
نفسى تضمى قلبى برموشك

ممكن يا أمى
ممكن يا أمى
ممكن يااااااااا ممكن يا أمى
إنى أشوفك ممكن يا أمى
ممكن يا أمى
ممكن يا أمى
ممكن يااااااااا ممكن يا أمى
إنى أشوفك ممكن يا أمى

أنا مت أه بس أوعى تنسى إنى شهيد
ميت وأنا سالك لنهج إبن الوليد
أنا مت أه بس أوعى تنسى إنى شهيد
ميت وأنا سالك لنهج إبن الوليد
لو كل دمعه من دموعك بتسبيها
حسينى من قلبك
بقلك إمسحيها
لو كل دمعه من دموعك بتسبيها
حسينى من قلبك
بقلك إمسحيها

ممكن يا أمى
ممكن يا أمى
ممكن ياااااااااااااااااا ممكن يا أمى
تمسحيها

طيب أعيش واسيب عدوى يقتل فى ناسى
لو عشت مقدرش أكون للظلم ناسى
طيب أعيش واسيب عدوى يقتل فى ناسى
لو عشت مقدرش أكون للظلم ناسى
وإنتى بإيمانك تصبرى وتهنى ناسى
وبدعوه منك فى الدجى تزلزل رواسى
وإدعى لى ياما أشوف إمام المرسلين
وإدعى لى ياما أعيش فى خلد الصالحين
وإدعى لى ياما أشوف إمام المرسلين
وإدعى لى ياما أعيش فى خلد الصالحين

ممكن يا أمى
ممكن يا أمى
ممكن يااااااااااااااااااااااا أمى
تدعى لى ياما

وصيتــــــــي | للمنشد محمد عباس

انا مسلم محمد عباس

- Music composer and singer
- Audio editing (sound design)
- Mix and master music
- Recording dubbing and voiceover

رامي محمد | فين الشباب

Rami Mohamed