أشعار

حلّو المراكب - نادر - الشيخ إمام يبكى بعد وفاة نجيب سرور

البنّ
			
القهوه تحبّ كنكه
والكنكه تحبّ كنبه
والكنبه تحبّ قعده
مبسوطه مربّعه
و كنّا أربعه
أنا و انتِ و انا و انتِ

و كنّا عيون كتير
و طبليّه و زير
ولا بنحبّ نبكى
ولا بنعرف نطير
أنا و انتِ و انا و انتِ

سبنا البوسطه ورانا
فى الترماى اللى داير
العتبه للإمام
كان ريقك جنبى ساكت
حبّيتك من زمان
أنا و انتِ و انا و انتِ

شمّيت لادن سعيد
شمّيته من بعيد
شمّيته من قريّب
خمس سنين حاغيّب
على الشمّاعه خايف
و باخاف على الدولاب
و بادوب على البلاط
و باحسّ الظلّه تقلت
و باسمع الوابور
و باحسّ الميّه تقلب
أنا و انتِ و انا و انتِ

الظُهر الشمس تلحس
الظلّه فى الليمان
والظُهر الشمس تعمل
سيبرتايه دهب
بصّينا لبعض فيها
و مشينا لبعض نبكى
و قعدنا من التعب
أنا و انتِ و انا و انتِ

باقول لك إيه باقول لك
حاجيب حاجات قديمه
قلبى كوره شراب
نلعب والاّ ما نلعب
فرحت لنا المدينه
و امبارح فى التراب
أنا و انتِ و انا و انتِ

و بنفرش ضيّنا 
على ظلّة بعضنا
و احنا بنبرد هناك
علشان ندفا هنا
والقهوه تقول لنا
على بال النار ما تلسع
بتبقى حنيّنه
أنا و انتِ و انا و انتِ

قصيدة البن بصوت فؤاد حدّاد

Bahebak

Zinab_ Lahzaet Tafahom زينب_ لحظة تفاهم

فرقة اسكندريلا مع يسري فودة .. اخر كلام 24-4-2014

اسكندريلا .. مجنون امنيات

خلي بالْك معايا ما تسوقش الهبل
بهلوانْ ؟ مش بهلوانْ ، فار ؟ أيوه فار
واللبن فار
وكان زمانْ الجماد له في الحبل
وتمخض الجبل
فولدني!
حد قال يا فار انت طالع منينْ ؟
يا فار أبوك الجبل ثابت وجبت منينْ الوسوسة
تكفر حبه أكفر حبتين
تاخذ خطوه قدام آخذ خطوه كسكسة
تشوح لي أشوَّح لك
سنّ بسنّ وعين بعين
وفْن بفن أصل الفنّ أوله نسنسة
توِّجني مَلِكْ
بارك للأرض وبارك لي
الحشرات سبع تاشرات تحت رجلي
انا من فصيلة أصيله
أخويا الوطواط أعجوبه : حيوانْ وطير
واخويا القنفد أعجوبة : حيوانْ ونباتْ شوكي
وانا اللي مش أعجوبه لكن انا اللي فيهم
انا المشتهرْ المنتشر وكل الدنيا جيراني
انا   فار فيراني
في قلبي كلاكيع لغم ونغم
والاَّ بلاشْ
خلينا في الوصف البراني
انا عيني اللي يمين يمين
وعيني اللي شمالْ شمالْ
والحول حواليَّا
حنختلف في دي ما نختلفش في رجليا
قول أربعه
انا الفار الفيراني اللي جلدي حرير
وفْروى قشعرير
وأسناني مسرسعه
بتشق من بوز
ما تقولش لما يبوسْ
إبرة الدبوسْ
وداني مطرطقة من غير حموريهّ
انا مش بسيط زى ما تظن
انا جحرى مش خن
انا لي ناب مملوك وناب انْكشاري
استني
الوصف لسه ما خلصشي
نسيت ديلي اللي طوله خمسة اعشاري
يعني نُصِّى
ويادنيا بصىّ
حارقص وارقـَّص
وخيالي متقصقص
على الحيطانْ
****
والليله دي بنت عرسه يا ابن آوى
شوفْ دلعها حضن صدّ وحضن آوى
رايحْــه جـايه لعب ميهّ في حوض نقاوة
بــسّ قــــولــــوا يــا دراوشــــــــــــــــهْ
رقصـــى إسمــــــــه دوشــــــــــة روشة
أو منــــاوشــــــــــــه أو شــ ..  أوشــ ..
أو شقاوهْ
اللــــــيه دي القــط بايـــــــت ع البلاطهْ
احْــــــنا كــــــنا أتىن وجـــا تالت تلاته
قــــال له ضد الموتْ ما تنفع الاستماتهْ
بــــــس قـــــولــــــوا يــــــــــــادراوشهْ
رقصـــــى إسمـــــه دوشــــــــــه روشهْ
أو مناوشهْ
 أو شــ ..  أوشــ ..
أو شماتهْ
ســاقطه قدامي ومن غير غشّ اراها
دنــــيا تفـــاحَه زباله مقشراها
مــــن شراها باعها من باعها شراها
بــسّ قـــــولـــــوا يـــــــــــــادراوشهْ
رقصــــى إســـــــمه دوشـــــه روشهْ
أو مناوشه
 أو شــ ..  أوشــ ..
أو شراههْ
تنـــكمش م البرد تغطس في العطارهْ
وأمــــا تدألــــج بتدألـــــــــــــج بَطارهْ
يـــا بـــني آدم ولــــك برضه الصدارهْ
بــــسّ قولــــــــــــــــوا يادراوشـــــــهْ
رقصـــــى إسمـــــــــه دوشــــه روشهْ
أو مناوشه
 أو شــ ..  أوشــ ..
أو شطاره
قلـــت إيــــــه الساعه واحدَه إلا ساعه
قلــــت صـــــاحب كرش بيحب اللكاعه
قلــــــت نـــص الليلْ لفرسانْ المجاعه
بـــــس قــولــــــــوا يــا دراوشــــــــة
رقصـــــى إسـمــــه دوشــــــــه روشه
أو مناوشه
 أو شــ ..  أوشــ ..
أو شجاعه
***
ولا حد يفهم في الشجاعة
زى الطاحْونة الجعجاعة
قال انت أول خلق بتسيب السفينْة
خاين؟ ..لأ
خايب؟.. لأ
خايف؟ .. آه
يا بنت يا نعناعة
أما مش طالع أبيع جرانينْ بالْليلْ
انا طالع آكل أقرض انتش انتشي
واضرب الأخماس في الأسداس
أضرب الحماس في الاحْداث
الحركه بركه
سكرانْ؟ يمكن سكرانْ، خايف؟ أيوه خايف
وسلام على الخوفْ مَلِكْ الاحْساس
سلام عليه متراس
وسلام عليه فرّاس
سلام على الفار اللي بيلْعب في عب الفار اللي
بيلْعب في عبّ الناسْ

رقصة الفار- بصوت فؤاد حداد

يعني أعمل إيه أنا دلوقتى
يعني أعمل إيه
يا تجيبى قلبى اللى سرقتيه
يا تنادى عليه
نادى عليه
ناديله 
وقوليله بحبك
كده ع المكشوف
والمتغطّى
وقلبى يرقص مع قلبك
الحب مدرسة مشتركة
ايدي فى ايدك واحنا عيال
والحب بيحب الحركة
ويحب برضه خلوّ البال
يعني اعمل إيه
يعني اعمل ايه أنا دلوقتى
يعني أعمل إيه
يا تجيبى قلبى اللى سرقتيه
يا تنادى عليه
قولى يا واد ياللى سرقتك
على قلبى انا ضم
على قلبى أنا ضم
ادينى ثانية من وقتك
تتتك دودودوم
تتتك دودودوم
تك تك دودوم دوم دوم تك تك
وعيونى أهم جم في شبكتك
يا رب أكون أنا من بختك
ويا رب إنت تكون بختى
يعني اعمل إيه
يعني اعمل إيه أنا دلوقتى
يعني أعمل إيه
يا تجيبى قلبى اللى سرقتيه
يا تنادى عليه
غنى له من فيروز حته
يا جايب لى سلام
كيفك انتَ
عبد الوهاب عاش فى الأوهام
كل ده كان ليه
أو من غير ليه
غنى له حبينا لفريد
وأم كلثوم ليلة العيد
ومطلب ما بيسألشي
وبتسألينى باحبك ليه
سؤال غريب ما اجاوبشى عليه
يعني اعمل ايه أنا دلوقتى
يعني أعمل إيه
يا تجيبى قلبى اللى سرقتيه
يا تنادى عليه

أمين حداد

يعني أعمل إيه - اسكندريلا

قصيدة الحلزونة - فؤاد حداد 
صوت : رامي وفا 
حسابي على الفيسبوك
www.facebook.com/ramywafapoet/
حسابي على الانستجرام
www.instagram.com/ramywafapoet/
حسابي على التيكتوك
tiktok.com/@ramy.wafa

الحلزونة - فؤاد حداد

يا حبيبي / Ya Habibi - Malouma Bint Al-Midah

Download : 
http://www.mediafire.com/download/pre2sbb018q7s9a/%D8%B1%D9%8A%D9%85%D8%A7+%D8%AE%D8%B4%D9%8A%D8%B4+-+%D9%81%D8%AA%D9%86+%D8%A7%D9%84%D8%B0%D9%8A.mp3

فـُـتن الذي فَــتن القلوب بحسنه ،
 فأذا الجميل بليله يشكو صبابة حبه ،
 ظبي رمى عن قوسه ،
 دق الدفوف بخطوه ،
 فأذا به سهم الهوى قاد استدار لقلبه

__________________
الكلمات لـ نور ثابت ، الالحان لـ فؤاد عبدالمجيد

ريما خشيش - فتن الذي

أربع إیدین أربع شفایف یشربوا الشاى باللبن
أربع إیدین أربع شفایف على الفطار وشاى بلبن
أربع إیدین وأربع شفایف على الفطار
یبوسوا بعض ویحضنوا نور النهار
بین صدرها وصدره وبین البَسمتین
بیحضنوا الحب اللى جامعهم سوا على الفطار

ویحضنوا الشمس اللى بتهز الستار
وتخش من بین الخیوط وبعضها مع الهوا 
في الأوضة ترسم نفسها على أرضها
على البساط اللى اشتروه مع الجهاز
على الغرام اللى اشتروه من غیر تمن وع الإزاز
ویشربوا الشاى باللبن
فى فنجانين
على الفطار أربع إیدین
ودبلتین
بیصّحو ا قلبى كل لیلة فى المنام
وبیكتبوا بلون منوَّر فزدقى
على الهوا الأسود وع الجفن اللى نام
بیكتبوا بلون منوَّر فزدقى كلمة سلام

Youssra El Hawary - Shai Belaban | يسرا الهواري - شاي بلبن

جت جت .. ماجتش إن شا الله ما جت
مطرح ما ترسي هدقّ لها
أنا بعتلها الدعوة
جت جت .. ماجتش مليش دعوة
ما جتش هيّ الخسرانة
أنا كنت قصدي أريّحها
أبقى هوا لو حرّانة
في البرد أنا البالطو بتاعها
و في الدموع أنا منديلها
جت جت .. ماجتش إن شا الله ما جت
مطرح ما ترسي هدقّ لها
لو جت هغني و هلاغيها
مجتش دغري راح ألغيها
لو جت هجيب البلادوسة
عشان تنوّر ليالينا
عشرة الاف مليون بوسة
مبوسناهمش لبعضينا
ما جتش برضه يحقّ لها
جت جت .. ماجتش إن شا الله ما جت
مطرح ما ترسي هدقّ لها
أنا هنا ساكن أوضتي
بسمع طلب و الهلالية
لو جت جسّت على أورتي
و حققت جوا عينيّ
راح أخدها ويايا بشويش
ناكل بطاطا
و نخبز عيش
نقطف جوافة في أوائلها
جت جت .. ماجتش إن شا الله ما جت
مطرح ما ترسي هدقّ لها
هدقّ خيمتي قدامها
و هدقّ ع العود أنغامها
و أدقّ وشمها على صدري
و مش هدقّ على كلامها
و الدقّة هفرشها ف حجري
و سميطة و جنينة و نجري
و أقعد في حجرها و أحكيلها
جت جت .. ماجتش إن شا الله ما جت
مطرح ما ترسي هدقّ لها
و يوم ما جت .. جت ملقتنيش
لقت دموع الناس بتجيش
صوت همهمة و رادّين الشيش
لسّه النهاردة يا ولداه
فتحنا شبابيكنا و لقيناه
في الجو طاير من غير ريش
سافر و خد غنوته ويّاه
كان نفسه تيجي و هوّ يعيش
______________________
قصيدة : الدقة
شعر : أمين حداد
غناء وتلحين : حازم شاهين

جت جت مجتش حازم شاهين-اسكندريلا

كسميات نجيب سرور مع موسيقى

لو تروح - وجيه عزيز

تبيع ماضيك - الحب والسلام

اللي اشترى منك ما وزنش ... فمتحزنش ، 
ولا تشكيله 
مع إن الأحزان بالكيلو 
أو يمكن ربك ما أذنش . 

اللي اشترى منك أهو باع . 
ليك في العشق و ليه أتباع . 
ليك في الجرح ليالي و باع 
فميحزنش ، ولا يشكيش 
على أهون أسباب ماتجيش 
أو على أهون أسباب تيجي 
مركب و بترسى في خليجي 
شايلة الزينة ، و قلب ما زانش 

على أهون أسباب ماتجيش 
أو على أهون أسباب تيجي 
مركب و بترسى في خليجي 
شايلة الزينة ، و قلب ما زانش 
فمتحزنش 
ولا تشكيله 
مع إن الأحزان بالكيلو

اللي اشترى منك ما وزنش ... فمتحزنش ، 
ولا تشكيله 
مع إن الأحزان بالكيلو 
أو يمكن ربك ما أذنش 


الحلزونة - فؤاد حداد

Ramy Wafa | رامي وفا

Recent comments

آلاء

Mohamed Sayed

إسرَاء.

إسرَاء.

Related tracks