Title: هى مين
Vocals & lyrics by: Mega 
https://www.facebook.com/MEGA.MUSIQ
http://ask.fm/Anonymmmmmmmmmous
 mixed and mastered by : Rakan sherif
Lyrics
Verse 1:
اوصف فى ايه ما اللى اتقال مجبش فايدة
ازرع واحصد مرار البذرة اصلا فاسدة
فاحقن فى كل خلية فيه مصل لكرهك
لاجل ما انسى انى فى يوم غلطت وقولت احبك

اكدب واقول مش هى بعد السؤال مين هى ؟
كلامك مش لواحدة لا ده لكل جنس حوا
لا ده لحية حورية ماتت بالنسبة لى
الوهم لو يسم اموت احسن ما تعيش فى بالى

مش فارقة مش عاوزها لو مش عايزة
اكبر كدبة كدبتها على نفسى ومن ساعتها
رافض احب حد حتى نفسى مش حببها
لو كان فى موتها راحة وربى لكنت اقتلها  

لحد امتى هاتفضل فاكر ان مفيش زيهاا ؟
ربك زى ما خلقها خلق الاحسن منها
الفكرة مش انها اجمل انسانة فى الدنيا لا
غلطتى شفتها ملاك على الارض مفيش ملايكة

اوصف اتكلم قولى اى حاجة
ايه فايدة الكلام فى موضوع مش هايفيد بحاجة
اصرخ ب #ناى مكسور اكدب واقول مش فارقة معايا
ولا اضحك على نفسى واقول فى بقية للحكاية ؟

Verse 2
حبى م كانش افلاطونى ولا احنا عايشين فى اليوتوبيا
حافظ كل انش فيها كانى لسه بشوفها
ملامحها ضحكتها اصغر تفصيلة حبتها
سواد عنيها اجمل ما فيها مش هكفى مهما اوصفها

كل صورة كل ضحكة تتوصف فى ميت مجلد
هى لبنى فى الفيل الازرق هى حورية فيلم الابيض
هى برضه السكينة اللى دبحت ما اتأنت
هى برود جبل جليد سبب غرق تايتانك

هى مين متسالنيش دورها فرعى وعل الافيش
مسرحية انا اللى كاتبها اموت جواها هى تعيش

هى سم وشفته دوا ...... هى حوا بتاعتى انا
هى قطمة التفاحة اللى بسببها نزلت هنا
هى ملكة توجتها لكن عرشى مكنش لها
هى دليلة ولولا دليلة مكنش شمشون اتعمى

فباختصار لو المرار يتوصف فى كلمتين
هى كانت (حب عمرى)  هى كانت
 (حلم السنين)   

اوصف اتكلم قولى اى حاجة
ايه فايدة الكلام فى موضوع مش هايفيد بحاجة
اصرخ ب #ناى مكسور اكدب واقول مش فارقة معايا
ولا اضحك على نفسى واقول فى بقية للحكاية ؟
Verse 3
صعب فى يوم تحس باللى يوم حسيته
داريته ... ردك يقتل فيه كل دقيقة
دمع ضيقة اهرب من نفسى من الحقيقة
كلمة لا مش بتقتل اللى دبحنى كانت الطريقة

بعد جزئين مرار وبعد فترة النقاهة
بعد اما كنت بموت فى الجزء التانى بالف اهه
بعد اما الكل عاب عليا فهموا النية غلط
الغرض من جزئى التانى كان لفت النظر

لكدبة كدبتها على نفسى وللاسف صدقت
كدبت لما فكرت ان المدارين يتلاقوا
سكانى فى كوكب نائى فالكوكبك يشتقوا

لكن دمار كوكبى كان سببه انى غبى
شفت الهلاك ملاك وشفت شيطان كانه ولى
فانتى اللى بعتى شفتك ملاك شفتك اميرتى
سايب مدينتى بتتحرق رايح انقذ اميرتى
ببنيلك قصر عالى ... اموت مش فاضى ابنى فى سفينتى

فلو انتى شايفة النار معايا الجنة مش هناك
لو انتى شايفانى الشيطان مين فينا اللى ملاك
محمد مات دينا حبت مجرد فكرة
م مجدى مش موجود بالمواصفات اللى هى عازتها
(ملخص فيلم اكس لارج)  
فتلف الدايرة بينا ولسه بتسالى هى مين
هى اول نبض حسه قلبى من سنين
هى ضمير حط الاسم وكمل الحكاية
هى .................... النهاية

ف ورب الخلق كل ذرة حب حبتهالك
اتقلبت جوه منى كره لصنفك ولامثالك
كاره ما فيكى اجمل ما فيكى كان حبى ليكى
كارهك زى ما يوم كرهت نفسى عشان شاريكى

hya meen  l هى مين l

master&mixer el_joker  (اغنيه وهم واقعي من (جاجور

حبك إعتكاف

اقولك ايه | A'Qoulek eh !
RC (KaiseR, KasanoVa) ft. Gassour (Awl El Satr)

Mallakey El Qahera - A'Quolek eh Covered By RC Hip Hop Records and Awl Al Satr

You Can Visit "Mallakey El Qahera"s Channel To Check The Original Track
- https://www.facebook.com/Mallakey-El-Qahera-rock-band-202313376450270/?__mref=message_bubble
- https://soundcloud.com/mallakey-el-qahera

KaiseR (Rap Curse) :
https://www.facebook.com/RapCurse

Awl Al Satr:
https://www.facebook.com/Awl.El.Satr.Official/

RC Hip-Hop Records:
https://www.facebook.com/RCHipHopRecords/?fref=ts

Special Thanks For Doaa Badr El Deen
#ana_RC #Awl_el_satr #Mallakey_El_Qahera

اقولك ايه - Mallakey El Qahera | Cover By RC (KaiseR, Kasanova) Ft. Awel El - Satr (Gassour)

معقوله | Ma'qoula
RC (KaiseR) ft Abdeen | قيصر و عابدين
Beat: Produced By Nathis Beats

Recorded By RC Hip Hop Records
https://www.facebook.com/RCHipHopRecords/

Abdeen :
https://www.facebook.com/Abdeen-879810665418550/?fref=ts

Download Link: 
https://www.reverbnation.com/rapcurse/song/25394314--maqoula-rc-kaiser-ft-abdeen-prod

Special Thanks For RC (Dazzler and Afreet El-RC), Abdeen and For Nathis Beats
Thanks

:الكلمات

معقوله ! .. سيبنا البيبان مقفوله!
مين اللي ساب ! مين اللي باع! مشاعرنا مقتوله
عشنا السنين، تاه الحنين، اخر ما بينا صوره
لو مت فيكي هعيش لمين طول السنين مغروره

من اليلادي انا مش معاكي والعتاب مالوش مكان
واللي كان شاريكي بالغالي زمان اتعلم البيبان
اللي جايله منها جرح مايفتحهاش سدها عالوجع
والايام هتبينلهم اللي مفارقك خسران جدع

الليله اخر سلام ما بينا وحضنك يكسر عضمي
خبث الضمه صفرا بمشي ومابردش لما بتندهلي
ماقدرتش ابعد عنِك يوم اثبتي انك تقدري
ويوم ما هكسب نفسي بعدك يبقي الدور عليكي تخسري

ياما قفلتي بابك عني بينا بلاد مع انك جنبي
الوعد انك معايا وانك ملكي وانا مستني
سنه بتجر سنه تقصف عمري جنبك وانا
لسه صابر احلم بيكي وغرورك يعبد الانا

يوم ما اتقابلنا قولتي ان الحياه كانت نقصاني
والنهارده راجع لوحدي والحياه بقيت نقصاكي
واتأكد مهما اكون عشانك انتي مش عشاني
مش هستني اسمع كلام حافظاه باللحن وداني

انتي اللي بيعتي زمان والغلطه كانت غلطتي
والاقيني فجأه مش معاكي وطريقك فارق سكتي
اكسر مراية الحب اكتشف الحب مش كفايه
علشان الاقيكي في صوره كانت مع غيري مش معايا

ايام تجر ايام ولسه بأووح في السرير
والليل للوجع والمخده للتفكير
احنا اتفارقنا، امتي احلامك هتفارقني
حلمت معاكي زمان ونسيت ان لازم اصحي وتصحي

اوعي الايام دي تغرك داير الزمن بالايه تتقلب
سلف ودين ومين يدين في الاخر كسب
كلام قلوب يتقلب، اكيد فينا حد كدب
اخلصت وعيشت فيكي محرابي وفي الاخر بتصلب

مشيت مافرقتش، امسك تليفوني مارنش
كرامتي اهم من اني اكون معاكي عايش متهمش
انا ضد الكسر ويوم ماكنت ضهرك ماتكسرتش
سنها حكم مخها بكره هتفهم بعدي ماحدش

ايام تجلد قلبك تحرق دمك وتعلمك
اللي كان عصفور للجنه اهو النهارده غراب يدفنك
نفسي اقفل صفحتك وانسي فين طريق سكتك
واكره نفسي عشان بحبك واكره حبي عشان قسوتك

ندمان علي اللي كان وبين ضلوعك مش مكاني
وهعيشلك ليه وانا مش شايفك عيشتي يوم عشاني
مين فينا هان عليه ولما فكر كان اناني
واللي بهون عليه، نسيني وعاش مع حد تاني

زمي فيا براحتك بس قوليلهم كان ساندني وجدع
وانه غلب يرضيني  وانا رضاني فيه الوجع
ياما هديته وهو بناني شال عني التقيل
ياما زعلته ولما طلبته جالي و كان اصيل

صارحي نفسك مره واحده قوليلها انك بعتيني
واني استحملت وشيلت وانتي مصره تخسريني
قوليلهم كان في عز تعبه يسيب الدنيا ويجي يشكيلي
وهم يعرفوكي صعب الايام دي تعوضيني

وحشاني و مش هقول يخلص نهاري والليل يطول
و اجمع صورك واشوفها ياريتها ترد يمكن وجعي يهون
يمكن غيرتي خدتني وخلتني احبك بجنون
يمكن ماعرفتش اوصل ليكي لكن يكفيني عرفت اصون

بكره هتنسي والايام تلف تجيبلك حد مكاني
يمكن تجيبلي اللي تنسسيني تعيش علشاني
والليلادي شوفتك صدفه واقفه صدمه وماصدمنيش
غير اني شوفتك زي اي واحده ماتفرقيش

والدمع اللي في عيونك، مش باقيلك بعدي غيره
والدمع اللي في عيونك، مش باقيلك بعدي غيره
وهعيشلك ع اللي كان وقلبي كتر الف خيره

معقوله ! - قيصر و عابدين | Ma'qoula - RC (KaiseR) ft. Abdeen Prod. By Nathis Beats

Written by: Ninja
Music: ( Edit By Me )
Vocals: Ninja
Design By / Ninja
Rec On Imortal Studio
Master and mix by: Ninja
© 2016 Ninja
Official Profile
www.facebook.com/Eslam.ninja
Official Fan Page
www.facebook.com/eninjamusic
Much Love & Respect <3

" أسمعوا بقلوبكم "

اللى كان رابطنا وقت و خلاص انتهى
عدت الايام على بعدها و لا عمرى لقيت زيها
و عايش .. بشوفها صدفه و عادى
قلت الوحشه اكيد هتقل بس فـ بعدها عنى زادت

و حشتنى بكل تفاصيلها رقتها و حتى جنونها
قلنا مش هنبعد بس جه وقت الفراق فـ خوفنا
و موتنا فـ حضن بعض .. الحضن اللى شايل بينا ذكرى
فاكره مش ناسيه ما هون عليا ياما بكره

 كنتى بتحتوينى كأنى .. أبنك و لسه سنى
متخطاش العشر سنين .. كنت بقع تسندنى
بس أبنك كبر ياللى قولت عليه فـ يوم دا سراب
هو انا حُضنى صغر مبقاش يساع حتى التراب !

من بعدك مين شدنى ! بدور على حُضن يلمنى
و لو لقيته بحاول اقنع نفسه ان انتى اللى بتضمنى
جُعت اكتر لما .. اتمنيت نعيش فـ الجنه
كان نفسى آخر مره قومت من حضنك – تقوليلى استنى –

الحضن جنه .. الحضن أطهر شئ جمعنا
الحضن أتحمينا فيه لما أقرب حد باعنا
و بلاش بعاد ياللى انتى .. برضه كنتى بنتى
لما سألوكى عايزاه .. ليه سكتى و ماتكلمتى

مـ اللى بينا كان يجمع ألوف و مايفرقهم أبداً
شوفتى فـ غيرى أب ليكى شوفتى فـ غير حد سندك
انا باقى هنا .. بلملم بواقى حلمنا
احتوينا الناس كلها بس مـ أحتوينا بعضنا

لو فاكر منك حاجه يبقى حضنك لانه
لمس روحى قبل الغياب .. قبل مـ يكبر سنى
لكن
أياكى فـ يوم ترجعى .. حضنى أزاز مسكور
و تعمل أيه نقطه مطر فـ أرض خلاص بتبور

#حُضن
#نينجا
#شير
#شكراً

Hug | حُضن

المعجزه جزء 3 | The Miracle PIII
Kaiser RC | قيصر

for more Like me On Facebook:
www.facebook.com/Kaiser.Rap

Recorded By RC Family Records (Like'em On Facebook):
www.facebook.com/RCFAMRAP

Special Thanks For:
Bassam Snoop, Ahmed Kamel and George Kamal

الكلمات :
نفخ في ادم من روحه، علم ادم من علمه/
نطق ادم بقدرته وخلق نسله من صلبه/
ارسل رسل نزل كتب وقال الانسان في كبد/
وكان الدليل في ٤ من سورة الليل و٤ من سورة البلد/

في احسن صوره شكله، اداه العقل يميزه/
نتأمل، نتفكر في خلقه ننام، نقوم نحمده/
سخرله ما في الارض والسما سبحان رب العباد/
اداه لسان شفتين عنين تشوف ٣ ابعاد/

زحف الانسان ورا المجهول منذ بداية الخليقه/
وكل ما يوصل عايز اكتر يتحدي الطبيعه/
كل ما يتعلم يكتشف يزيد علمه بقدرة الله/
ولذلك يخشي الله اكتر عباده العلماء/

بحث البشر عن الاله شرق العالم وغربه/
ايقانه بوجود قوه اعظم تدير الكون وشأنه/
منهم عبد الاصنام، عبد الشمس، البقر/
منهم اقر وجوده والعياذ بالله كفر/

وعشان مايكنش علي الله حجه ارسل رسل وانبياء/
افتح المصحف ١٦٥ سورة النساء/
وعشان تتيسر الرساله آيدهم بالمعجزه/
خرقاً للعاده حكمة ربنا تأييد بقدره بالغه/

آييد محمد بالقران، سخر الجن لسليمان/
امر نبيه نوح بسفينه تعصم عباده من الطوفان/
لان الحديد لداوود، خرج يونس من بطن الحوت/
آييد موسي بعصى، عيسي بيبرئ يحيي من الموت/

واخر كل المعجزات تتجلي قدرة الرحمن/
ختام المعجزات بكتاب عظيم زي القران/
ارشاداً للعباد موعظه من قوم عصت فا أباد/
ويبان اعجازه اكتر طول ما في بحث واجتهاد/

ولحد الان بيبان اعجاز القران الكريم/
اعجاز وصل لايد اجيال واجيال رغم الاف السنين/
ولانه ختام المعجزات سبحان ربك حكيم/
يكون اعجاز كل الامم تشهد عليه ليوم الدين/

معجزة موسي ماكنش كتابه ولا كان عيسي كتابه/
معجزة موسي في عصي يشق البحر يمينه وشماله/
يمر ومين معاه لبر نجاه يغرق فرعون وراه/
تخرج جثته من البحر سليمه ليومنا عبره لمين تلاه/

٩٢ سورة يونس بتنبه لنجاة فرعون ببدنه/
وانه هيصبح عبره للجاي من بعده/
يكتشف العلماء عن قريب ملح البحر ع الجثمان/
٥ اسفر توراه ماحكيتش القصه زي ما في القران/

وسألو العذراء ازي نكلم مين في المهد صبي/
فرد عيسي الصبي في مهده انا عبد الله النبي/
آتاني كتابه وصاني بالصلاه والزكاه ومش شقي/
والسوره بتحكي باسم مريم في القران تكريم من وفي/

ونشأ عيسي وسط بيئه الطب اتطور فيها/
وقدر باذن ربه يشفي حالات الطب عجز يشفيها/
ايده ربنا يبرئ يحيي من الموت كانت المعجزه/
تحدي مين برع في الطب يقدر يعمل كده!/

قال اليهود ان النصاري مش علي شئ/
رد النصاري علي اليهود نفس الرد الشئ بالشئ/
رد القران عليهم اسلامنا ايمان بالكتب والمرسلين/
بالظبط في سورة البقره ايه ٢٨٥/

موسي نبي وعيسي نبي وكلٍ ليه رسالته/
لكن اعجازهم شافه بعينه بس اللي عاشه في وقته/
وهنا بتبان؛ حكمة رب العالمين/
ان القران اخر معجزه قايمه نشوفها ليوم الدين/

مابين ولادة عيسي بدون الزوج وبرضه ما بتأمنوش/
مابين تحدي هاتوا كتاب بمثله وماعرفتوش/
تحدي لأهل الشعر، يبان فصاحه في عجز الفعل/
مابين موسي بيرمي العصا اول من يسجد اهل السحر/


V2. المعجزه جزء 3 | The Miracle PIII - Kaiser RC | قيصر (Bounced Edition)

Adel Blade F.T Ahmed  kamel _ E7Kely | احكيلي

IsCo Ft. SaloOm | Tawrah - توراه |
_____________________________

V1 .. : IsCo
هتقابلك بس انا قبلك مخرجتش منها سليم 
المضحك اني صدّقت ، يهودك طمعوا في فلسطين 
يجوز كنت اشبهلهم ، انا عجوز من غير ضحكتك 
مش هنسى رد الجميل هجيبلك ورد فوق تربتك 

يا ريتني كنت رجعت وخدتك من وسطهم 
تقدري تقولي أخيرآ انا ارتاحت في بعدهم 
مُستمتع بالّي إتكسر اللي ضاع مش هيوّقعك 
طول منا شايفك بريئة هفضل كل مرة أخدعك 

شكلك ميتنسيش ، بس احنا الّي بينّا انتهى ! 
بكرا يحزن التاريخ ان سوريا حاربت نفسها 
انا بستسلم لعينيكي طول ما فيكي الحرب قايمة 
عيشت اكتب قصايدي ليكي في عز مانتي نايمة 

حبك مكانش عبادة في علاقتنا جزء بينهار 
انتي بطلة القصيدة الّي قتلت في يوم نزار ! 
توراتك قالت هنرجع يظهر ان مفيش نصيب 
أنا هفضل أأذّن في مالطة ، وانتي أسيرة في تل أبيب
__________________

V2 .. :  SaloOm
بتاخدى اخر نفس باقى منى .. تفوقينى 
ما إنتِ ضامنه رغم ضعف ايمانى هيكمل بيكى دينى
طول ما شراعنا ورق اى محاوله هتبقى غرق 
بكمل نقصى بنقص وعارف ان دوري إتحرق

متكتف بيكى، ف غيبتك بهرب ليكى ..وإنتى
آمنتى بالتغيير فا بعد 3 سنين هاجرتى
تأثير مخدر ف علاقتنا اقوى من مناعتى
مابقتش آسف ولا شايف انك اتوجعتى

وادينا جازفنا.. شكل البعد بدأ يضعفنا
لا ليا فيكى ولا انتى فيكى أى شئ ينصفنا
وفي النهايه الاحتياج ف نظرك زادنى قسوه
مريض ف بعادك.. كل ماآدا حالتى اسوأ

معادله .. كل قانون أكّد فشلها
بسزاجه حوا قادره تدارى نقصها بجمالها
هو جزء جمعنا كان شيطانك بيننا تالت .. ولا
نقطه سودا ف قلبك دى اللى قتلت اهتمامك .!


FaceBook >> www.fb.com/ahmed.salom

IsCo Ft. SaloOm | Tawrah - توراه

Written by: Aladdin
Music: Free Beat
Vocals: Aladdin & Fouda
Master and mix by: shetoz
© 2018 Aladdin
lyrics :
__
اسوأ حياه ممكن تعيشها لو بايديك تختار
تعيش النار فا تدوق الجنه احسن ما تدوق النار
ولا ده اختيارات اقل من اللي انت فيه
شكلك غرقان في شر اكتر من اللي شايفك بيه
...
ماعدتش ينفع ابقي و لا يومين ارتحت كدا
ماتقولش غيرك احسن و انك شعله مش موقده
انا يمكن مش رسول لقوم فا مش هقول اسلموا 
يمكن ده اخر فرصه بيننا و بين بشر اتكلموا
...
مش يمكن لو هديتني اهديه و يبقي ثوابك اعظم
و برضه تعيش حياة فيها اكتر مش بشر متعظه
ماتخفش مش محتاج مساعدة و لو محتاج مساعده
فا طبيعي مش هلجألك حتي لو الوقت في ساعتك
...
مش كل ما ابني تهد و اقول خلاص تقول اعدلي
انا كاره ضعفي بكل سهولة فا انا وجودي تاعبني
ده مش طريق المركب , ارجع او هاخدها عوم
احساسي اني باصغر شيطان بيشبع قبل النوم
...
انا مش فاهم اللي انا فيه
و ازاي بشوف نفسي ضعيف ؟
و انا أقوي منه كمان
لا عارف اتوب , و خايف أعيش
...
احنا الاتنين مع بعض لذه مابوصفاش بطعم
مش مهتمين ببكره غير ان بكره هيبقي صعب
احنا ماكناش فاهمين .. او لسه مش فاهمين
ان شاء فيكون .. و برغم كل واحد فينا بدين
...
انا فاضلي كتير .. و انت فاضلك مده و شهر
شهر عشان تختفي لمره و تقول اني ماشوفتش قهر 
و ابقي اتغلبت الف مره و فوزت مره لاني
اختارت ان امشي اعمي بس نجوم السما ترشدني 
...
مش ده الحياه الي قالولي اكبر و عيشها طول بعرض
مش فاهم ليه رفضاني زي ما يكون انتصرت
او خدت اكتر من حقي عشان حقي كان اخف
م اللي فينا اتدعي بحاله، كان احسن من حالي بالف
...
لا ده احنا اختارنا و عيشنا كتير الدور و الباقي عليك
بيفوتك كل يوم نهار عشان تعيش بالليل
و تقول مسيرها تكون الشمس طالعه كل يوم
تضمن منين تعيش لساعه واحده بعد النوم
...
و ليه بنعيش خايفين علي ان كل حاجة بوقت
عيش الدنيا برضا اله ماتعيش الدنيا برضا العبد
و مهما كان العمر قليل عيشه من انهارده
حاول و في كل مره سيب علامه لغيرك مره
...
و ليه بنعيش خايفين علي ان كل حاجة بوقت
عيش الدنيا برضا اله ماتعيش الدنيا برضا العبد
و مهما كان العمر قليل عيشه من انهارده
حاول و في كل مره سيب علامه لغيرك مره
...
نور في عز الضلمه , نقطه في ارض بور
كل ما يبقي يلاقي صوت ملايكه يفوقوه
-
نور في عز الضلمه , نقطه في ارض بور
و كل ما يبكي يلاقي صوت ملايكه يفوقوه

Sa3et Shetan | ساعة شيطان

لو عايز تتابعنى على فيسبوك هتلاقينى هنا : https://www.facebook.com/hassan.sharkawe

Dr.Jupa -The Stage جوبا - المسرح

''راب كيرس''.. الهيب هوب ثقافة

''راب كيرس''.. فريق راب عربي من قلب قاهرة المعز، تأسس عام 2008، متأثرا بالمبادئ الأساسية لموسيقى "الهيب هوب" التي ظهرت في سبعينات القرن الماضي، مثل مواجهة العنصرية والفقر والقمع وغير ذلك من مشكلات يعيشها البشر من مختلف الأجناس، لكن الفريق القاهري الجديد اختار أن يُمصر تلك الموسيقى بشكل يفتخر به أعضاءه بعيدا عن "راب العصابات" التي عانى منه بشكل كبير المجتمع الأمريكي الذي كان أساس ذلك النوع من الموسيقى.

منذ نشأته، أطلق الفريق العديد من الأغنيات التي لامست بشكل كبير مشكلات المجتمع المصري وحاولت علاج بعض المفاهيم الخاطئة. ومن تلك الأغنيات "ازاي تحكم عقلك" و"بركة دم"، هذا فضلا عن أغنيات أخرة يواجه بها بعض الظواهر التي تتعارض مع الهوية والثقافة العربية، وذلك في شكل أغاني ساخرة مثل "الفيزون".

وكان عام 2010، تيمة الحظ للفريق؛ حيث كان أول ظهور لـ"راب كيرس" أمام جمهوره، حين اشترك في مهرجان موسيقى "الهيب هوب" في مصر، والذي شهد إقبالا جماهيريا كبيرا. وجمع المهرجان العديد من فرق "الراب" و"الهيب هوب" المصرية.

وقد أثبت "راب كريس" جدارته في التفاعل مع الجمهور خلال المهرجان.

وبعد أن قضى الفريق بلا شعار يميزه عن باقي الفرق الأخرى طيلة نحو 4 سنوات، انخرط أعضاء الفريق في ابتكار شعار جديد لهم في أواخر 2012، وهداهم تفكيرهم إلى اختيار عبارة "الهيب هوب ثقافة"، لتكون شعار ا يميزهم ويميز أعمالهم فيها بعد. وبالفعل اندرج تحت هذا الشعار العديد من الأغاني، مثل: "المعجزة"، "مقدمة الهيب هوب ثقافة"، "1970 نشأة الراب والهيب هوب"، "سن الستين" وغيرها من الأغنيات التي قدمها الفريق.


أعضاء الفريق:

في فبراير من 2008، تكون "راب كيرس" من "قيصر" الذي بدأ مشواره كـ"مؤدي راب" منفرد في 2006 ، و"دازلر" الذي بدأ مشواره في 2007.

وبذل "قيصر" و" دازلر" جهودا جبارة معتمدين على الموهبة التي يتمتعان بها والخبرات التي اكتسباها لتطوير أسلوبهما في الأداء والتسجيل, الأمر الذي مكنهم من تقديم وإنتاج العديد من الأغنيات أولها "شريط حياه" في 2008، التي لاقت قبولا كبيرا من جمهور ومستمعي الراب في مصر، 

وفي 2010 انضم "دي جي عفروتو" كمنسق للموسيقي أو "DJ" بشكل رسمي للفريق ليصبح العضو الثالث في الفريق.

ومع بداية عام 2012، انضم "حسام كامل" للفريق ليصبح العضو الرابع، وهو متخصص في إنتاج الميديا والفن الرقمي.


وعلى الرغم من عدم توافر الإمكانات، إلا أن الفريق تمكن بفضل الجهود الذاتية لأعضائه من توفير وسائل بسيطة لإنتاج الموسيقى وتعلم كيفية التسجيل والميكساج والماستر، بجانب الاعتماد على الانترنت بشكل كامل كوسيله لنشر الأغاني.

ويسعى كل عضو بالفريق مما يتمتع به من ثقافة وإمكانيات ومعرفة إلى نشر الثقافة سواء ثقافة الهيب هوب في حد ذاته أو الثقافة العامة في المجتمع بالطريقة التي يتميز بها الفريق وتقديم المساعدة لمن يستحقها، وذلك عن طريق وحدة الفكر والروح التي يتمتع بها الفريق، فضلاً عن الأفكار والحماسة الموجود بالفريق والتي تعتبر المحرك الأساسي لكل الأعضاء.

معقوله ! - قيصر و عابدين | Ma'qoula - RC (KaiseR) ft. Abdeen Prod. By Nathis Beats

Kaiser RC / Rap Curse