شعر

بصوتي

حمد السعيد

اشعار

حمد

شعر ♡

شعر...

الشاعر / حمد السعيد  at BBM : 2AF2218C


للحزن في جوف المفارق مسافات 
مشيتـــــــها لين الجروح اتعبتني
تبكي حرووف الشعر في بعض الابيات 
لاني ماني اكاتبها هي الي تكتبني 
راحت وقالت بعود ولا جات 
مــــــــرت علي شهور ما كلمتني 
ماغير اوزع للوجيه ابتسامات
وانا مشاهيب الفراق احرقتني 
كذاب من قال المحبه سهالات 
عطيت لايامي وهي ماعطيني 
في قلبها ما اضن ذاك الوفا مات 
كني بها في اخر لقى يوم جتني
قالت بغيب وقلت وش صار بالذات 
قالت ظرووفي عن وصالك حدتني 
قلت الظرووف اقدار رب السموات 
ومرت دقايق صمت ما جاوبتني 
وقفت توادعني وقفيت بسكات 
نذرن على رقبتي انها روعتني 
ما عاد ينفعني عليها التلفات
صاحت جرووحي ليه ولا سمعتني 
كنت اتمنى ياقف العمر لحظات
لكن عقارب ساعتي سابقتني 
للهجر في وجهه المحبه علامات 
وطيوفها عقب الوداع احزنتني
راحت ومر الوقت حسره وليعات 
امحــــق علوم اربها ما نستني 
يخنق شعور الشوق في بعض الاوقات 
اني فلا اذكرها بيوم ازعلتني 
جنبتها عن كل حاسد وشمات
ياليتها عن جرحها جنبتني 
يااغايبه عن شوف عيني سلامات 
الدمع والذكرى على ايش اجهدتني 
حبش عوض صبري على كل ما فات 
وملامحش عن زين غيرك سلبتني
وهجرش حصل لاشك ذكراش لاجات
حتى لواني بين ربعي خذتني 
ومشت بي اشواق وعذاب ومسافات
وكل الجروح المبطيه واجهتني 
على كفوف الحلم للوصل رغبات 
لكن ظروف الوقت ما ساعدتني 
يالايام ساهر الليل ما بات
ما شال متنك مثل ما شال متني 
ياليت لجروح المحبه نهايات
ما كان دمعات الفراق افضحتني

دقايق صمت .. الشاعر حمد البريدي

يالله دخيلك كلهم صاروا أحباب - تب الزمن ماهو لـ هالناس تبه

لو جيت تحسب مالقيته بـ الأقارب - مجموع الأعداء أكثر من الأحبه

أنا و أنت و أنت بـ قلوبنا إعتاب - لكن بعض أيامنا مُستتبه ..

نخـاف نفتح قلبنا ينفتح باب - خص القريّب ودنا ما نسبه

والله يا بعض المعارف فـ الأجناب - أخلص من قريب النسب فـ المحبه

هذا إن تردى ينحسب مية حساب - ولا القريّب لو فعل .. ما تكبه

محدن يبي يبتر ذراعه ولو عاب - عمر السفينه ماتعاكس مهبّه

لو جيت تقطف من عناقيد الأعناب - لابد ما ترمي منه كم حبـــــه

تلقى السبب يوم إتمعن فـ الأسباب - و  اللي جهل يلقى السبب عند ربـه

و اللي وطت رجله على جرة الداب - تلقاه حرص بمشيته و يتنبه

و اللي يقول إن البحر سهل كذاب - ما أظن يعرفه زين حتى .. يطبـــه

واللي يدور مدحته عقب ما شاب - ما تنفعه لا صار مثل الجلبّه

أنا أحمـد الله مسّـت لبيتنا أطناب - نثبت ولو زاد الهوى في مهبّه

و إليا هقيـت إني تكاسلـت أرتاب - سارعـت في كيـف الرجال و مشبّه

و يطري علي شطـرً بشرهات و إعجاب - ياكليـب شـب النار يا كليـب شبـه

عبدالكريم الجباري الشمري - يا كليب شب النار يا كليب شبه

تجرح حبيبك دوم و تقول مدري - طيب متى تدري اذا قيل لك مات
وفر دموعك يبي يجي يوم و تجري - اذا رجعت و مارجع لك زمان فات
يوم اموت وما يضل غير ذكري و غاض الندم يفتح قديم الملفات
تبي تجي و ترش بالدمع قبري - و في وقتها ماني محتاج دمعات
بتقول لي اسف و تسكت و تسري - و ليا سريت بترجعك بعض الاصوات
لا صاحوا الاموات ما عاد بدري - و ليا اللتفت و جيت ماردوا اموات
مافاد بك تلميح وجهي و شعري - و لا فاد صوت عتاب مليان عبرات
حطمتني بجروح و انا بصبري - لجلك صنعت من الجروح ابتسامات
كم جيت لك مكسور وزودت كسري - اقسى من جروحك لا طنشت سكات
و انا محال اعاتبك يوم ادري - اخاف اجرح خاطرك بالعتابات
اسكت و اخليها على الله و اشري - خاطرك لو قلبي تشققه صيحات
انا عطيتك يالغلا كل عمري - و تبخل تراضي خاطري بالكلمات
شفني اذا زعلتك على طول عذري - جاهز و نابع من حنان و قناعات
ما في شئ يسوى الزعل لا تهذري - خل نستغل العمر و العمر لحظات
العمر يجري مثل مالدمع يجري - ما دامنا مع بعض ليش الاهات
خلنا نوفر حزننا دام ندري - نبي نتفارق يوم و نذوق حسرات
قبل الندم و قبل يضايقك هجري - اصنع معي ذكرى جميلة للاوقات
و ان كان ما همك كياني و قدري - على الاقل للحب قدر و كرامات
و ان كنت تستانس ليا ضاق صدري - اجرح على كيفك جروحك مسرات
أجرح حبيبك يبي يجي يوم تدريي - لا قلت وينه و القبر جاوبك مات 

سلطان الشمري - تجرح حبيبك دوم و تقول مدري

من كتبت الشعر حقي على البيت الجزيل - ما غبطت أهل المزاجات و أهل المسبحه
حتى لو ما أملك ثقافة عن بحور الخليل - أن بغيت أسبح بحورة من السهل أسبحه
 و الله إن الشعر يشفي من العله غليل - لا بدعت آصدق بيوته و جنبت أقبحه
يا قصيدي و أنت منت بعلى كف البخيل - عيني البارح تحرى صباحاً تصبحه
أختفى النجم الشمالي و أنا أشوفه دليل - و عقبه نجوم السما‍ء في عيوني مدبحه
صرت أسولف فالرجى و الأمل و المستحيل - لين صرت أقبل الشعر صوبه و أذبحه 
واحداً ماله مع الناس بعيوني مثيل - و الله أن الي ظفر فيه شايف مربحه 
أن حكى يضفي على الشهد طعم السلسبيل - و أن عرض قامت عيون الخلايق تشبحه
و الله أن قلبي ليا مر شارعهم يميل - ميل راس الي لجامه قصير و يكبحه 
بس أسوي نفسي أني عنه عابر سبيل - خايفاً يدرون عنه و يفل المسبحه

محمد مريبد العازمي - بحور الخليل

تنقي يا بعد كل الخلايق و أطلبي و أعطيش - وضعت القلب بيمينش و سلمتش نظر عيني
تراها كلها فدوه تنقي كل ما يرضيش - إلا شفت السعادة في عيونش كنها فيني 
أنا قلبي مثل طفلاً تضمه بالحنان يديش - عيونه كل ما أبعدتي تقول بصمت ضميني 
غرامش رجع أشواقي ورا لأيام حب و طيش - متى علمي بلحظات السهر يا بهجت سنيني
أحبش قبل لا أشوفش و محتاجش قبل لا أجيش - تمنيتش قبل لا أدري إذا كنتي تمنيني
و حفظت أسرار ما أحسه تجاهش و أعترى مغليش - و علمتش عقب وصلش وش الي فيش مغريني 
على بحر الأماني و اللقاء خل الغريق يعيش - يا كثر العابرين الي ملامحهم ما تسبيني
أنا مدري وش أعبر أنا مدري وش أسميش - لكني أسعد العالم مدام أنش تحبيني
قتلني صوتش الناعم لا سولفتي علي بشويش - أسرني عطرش الي عاد له باقي على يديني
تقاسمنا المشاعر و الصدف لا تسأليني ليش - يا كم حاجة بنفس الوقت صارت بينش و بيني
إذا قلبي و هو قلبي إذا غبتي يسولف فيش - أجل ش أقول عن طيفاً يصبح بي و يمسيني
مدامش في نجل عيني يا جعل العين ما تبكيش - إذا مريت في بالش و ف دقيلي و حاكيني 
أمانه طمني قلبي مدام أن الوصل يمديش - قليلش عن كثير العالم بأسره يكفيني
تراني مستعد فزحمة العالم أضم أيديش - عشان أحرق قلوب العالم الي ما تدانيني 
هلابش كل ما أبطيتي و جيتيني و يا لبيش - يا حي ذا العين من وصلش و نظرة عينش بعيني
أنا أحبش و أحب أمش و أبيش و كل ما يعنيش - و ما يزعلش يزعلني و ما يرضيش يرضيني
طلبتش طلبه و تكفين دام أني مولع فيش - ترى عند البدو عيباً عقب تكفى تخليني

حمد البريدي - تمنيتش

قالت كلامك وشوشه ش القضية ؟ - قلت السلوم و ربي الي عطانا
الشين فحروف العرب الأبجديه - ما جمله يا بنت إلا حكانا
إن جاز لش ف أبرك محبه و نيه - و إن ما صلح لش جنبي عن هوانا
عشنا على عاداتنا الأوليه - هذي مواردنا و هذا وفانا
و أنتي حضريه و الطبوع بدويه - و هذا هو الي في غرامش حدانا
تبدوي و خلي هوى العنجهيه - قولي بري حالي من الي برانا
أنا بدوي بس أكره العنصريه - و يستاهلون الحضر صادق غلانا
عز الله إن فيهم رجالاً وفيه - عنهم و عن وقفاتهم ما أنتغانا
و حنا بدو للفخر فينا شهيه - تعرف فعايلنا و يعرف نبانا
نبقى عزاز نفوس و النار حيه - ما نتبع المقفين و لا نتوانا
و إن عودت فزعه و وقفه و هيه - صدورنا تحمي صدور أخويانا
أمحق خوياً ما يحاوش خويه - نفز لا جانا النذير و نخانا
من يام روس المرجلة و الحميه - يفرح بنا الي محتمي في ذرانا
في ذمتي ما حن نداني الخطيه - لكن على الفزعات نكرم لحانا
من دون قاصر في جميع البريه - الله مميزنا عن الي سوانا
كلش ولا ذكر العلوم الرديه - في ضيفنا ولا بستر قصرانا
حنا كذا من عاد بقعا صبيه - على الفعول الكايدات أنتفانا
نفرح براع المرجله في مجيه - و نحذف غلطات الرفاقه ورانا
يا خيا للبل دون حوض المنيه - أرواحنا تنساق للي دعانا
نعيش بالدنيا بنفساً رضيه - و نموت ما نطلب من أحداً عطانا

حمد البريدي - وشوشه

واحد م الثنين
كلمات والحان ٬ : سعيد الكعبي
غناء : اريام

واحد م الثنين اريام

الشاعر حمد السعيد - غصن الحنين 2012

انا مسافر .. بصوتي على طريق،جدة

بن فطيس ياهيــه(01)

قصيدة الأمير خالد الفيصل: يوم أنا طالب

صباح الغلا

بإختصار - شعر عبدالله الظفيري

خلها بالقلب وانسى لاتفكر..
دام شي راح لاتحسب حسابــــه 

لو هقـــــــيت بيوم أن بالك تعكـر..
هي كذا الدنيا ماهي دايـم طلابه 

بس لاتنسى بعد هـذي تذكر..
 مايطيق الجرح من ذاق الإصابه 

مثل صدمات الرفيق إليا تــــــــنكر 
 خابت الهقوى وخابـ اللي هقى به 

البخيل اللي قفل بابه وسكــر..
ما أظن أن الكريم يطق بابه 

ومن جهل فرق المؤنث.. والمذكر
لاتحرى منه مضمون الإجـــــــابه 

ومن يسوا به جميل ولاتشـــكر..
مايعرفـ المرجله حضرة جنابه 

وأنـت ياللي جامع(ن) بالملح سكر
ضعتـ مابين التــــناقض والتـــشابه

لانظرتك قلت نور الصبح بَكَــر
كيف جاء ؟؟ مدري لكن الله جابهـ 

المـــــهم أبيك تنسى لا تفكــر
دام شي راح لاتحسب حسابه

عبد الكريم الجباري الشمري - خلها بالقلب و أنسى لا تفكر

الشاعر حمد البريدي المري

أحداً إذا غاب جرح الحب فغيابه
وأحداً جروحه تجيك معانقه حبه


منهو يقول الجروح جروح تتشابه
جرحاً قويته وجرح أبطيت في طبه


يامن ذبحني وأموت بريحة ترابه
ياما عطيته وهو ماخاف من ربه


شرعت بيبان قلبي ولا فتح بابه
ياكثر ماهو مزعلني بلا سبه


إيه أعشقه وأبغضه وأموت بغيابه
وأشتاق له وأقطعه وأغليه وأسبه


والله والله مابه شي ماهابه
لاصرت في متاهاته والمدى قبه


ياسيدي والجفا لا كشر بنابه
شمع المواصل دخيل محبتك شبه


لاصرت أقرب قريب"ن" لك فأنا أولى به
صب الغلا في خفوق معذبك صبه


يامن جروحك بقلبي كنها ذيابه
جرحاً قويته وجرح أبطيت في طبه

حمد السعيد - جرحاً قويته وجرح أبطيت في طبه

لا اله الا الله 
اللهم اغفر لي .. واصلح شأني

انتاج : معزوفة المساء


لا اله الا الله

فى حاله ما إذا الملف المراد تحميله وصل للحد الأقصى للتحميل يرجى الاستماع الى هذا الملف الصوتى للمساعده فى التحميل
https://soundcloud.com/ahmedsebak/how-to-download-songs-from
او أخذ لينك الملف المراد تحميله وتحميله عن طريق هذا الموقع
http://soundcloud-letoltes.hu/
:)

(أريام - خمس الحواس (بدون موسيقى

للقصايد فيني عشق اختار الي يحرك فيني احساس, ذائقتي قد لا تعجبكم ولكني لا اهتم لذالك بقدر ما اهتم بمن تحرك احساسه بها 

bbm: 73DBC98D

الشاعر حمد السعيد - غصن الحنين 2012

RD4ever