Post la pasintjara unua sukcesa realigo, la revuo Kontakto, TEJO kun apogo de UEA relanĉas la 2ª Muzikan Konkurson de Kontakto! Ĉi-jare la konkurso estas dividita en tri kategorioj: Kanto de la Jaro, Premio de la publiko kaj Nova Talento.

En ĉiuj trakoj troveblas la kanzonteksto kaj informoj pri la konkursaĵoj!
La voĉdonado eblos ĝis la 6-a de aŭgusto. Jen la voĉdonilo: 
http://esperanto.sk/demandaro/index.php/126714/lang/en

2-a Muzika Konkurso de Kontakto [2015]

Vi kredu, ke nenio por ĉiam restas sama.
Ni trovos ja la vojon por eliri.
Ni vidos antaŭ ni alian situacion,
tio certas, tio normalas.

Neklarigeblas tamen nia em' vojaĝi,
la nebremsebla homa em' vagadi,
tiu serĉo de persono, kiu fariĝu celo
de nia bezono de amo… de amo.

De tiu brakumo unika,
ja nepriskribebla,
tiu rigard' mistera,
en kiu estas tiom da parolo.

Bezono tre natura estas enamiĝo,
ja ofte eĉ kun tiom da kunpuŝiĝo,
pro tio, ke stultmaniere ĉio komplika aperas,
ne simpla la amo.

Tiu brakumo unika,
ja nepriskribebla,
tiu rigard' mistera,
en kiu estas tiom da parolo.

Longa nokto, helpu min,
komprenigu al mi
ĉi nehaltigeblan
bezonon de amo en mia kor'.

Ho ho ho…

Longa nokto, helpu min,
komprenigu al mi
ĉi nehaltigeblan
bezonon de amo…

Neklarigeblas tamen nia em' vojaĝi.
la nebremsebla homa em' vagadi, vagadi, vagadi,
pro tio, ke stultmaniere ĉio komplika aperas,
ne simpla la amo.

*
Roberto Pigro: pianisto, adaptisto
Lucio Avitabile: kantisto
Muziko kaj originala itallingva teksto: Rosalino Cellamare ("Un abbraccio unico", T-913.725.920-2)Adapto kaj esperantigo de la teksto (kun la konsento de Rosalino Cellamare): Roberto Pigro
*

Roberto Pigro (19-06-1979) estas itala instruisto, lingvisto, muzikisto. 
Li estas fondinto kaj nuna prezidanto de Kipra Esperanto-Unio kaj fondinto kaj 
direktoro de la reta lingvoscienca revuo "Lingvistik'". Li longe kunlaboras
ankaŭ kun la revuo "Monato".
Li komponas kantojn ekde la jaro 2000. Lia muzika agado ene de Esperantujo 
komenciĝis tamen en 2012, kiam la verkado kaj la posta disvastigo de la
kanto "Kredu Kristnaskon" (unua originala kristnaska kanto esperant-lingva) 
ebligis donacon de rimarkinda monsumo al la bonfara organizo "Save the children". 
Li verkas tekstojn kaj muzikojn de originalaj kantoj en pluraj lingvoj (itala, 
novgreka, angla, franca, hispana, Esperanta...). La temoj havas ofte rilaton kun amo, amikeco, kredo, 
idealoj je kiuj li plu kredas, aŭ aliaj temoj de la moderna vivo:
perforto kontraŭ virinoj kaj infanoj, paco kaj milito en la mondo k.s. Li komponis interalie
multajn originalajn kantojn por infanoj.
Li gajnis kiel aŭtoro plurajn gravajn konkursojn en Italio kaj 
Kipro kaj kunlaboris kun famaj artistoj, kiel Franco Fasano (itala komponisto kaj kantisto). 
Foje li plenumas kovraĵojn de (siaopinie notindaj) italaj aŭ grekaj kantoj. 
Li mem ne kantas, sed ludas gitaron aŭ pianon en plej multaj el siaj kantoj.
*
Lucio Avitabile (12-1-1983) estas ŝatata itala aŭtoro, muzikisto kaj kantisto. Li plurfoje en la lastaj jaroj partoprenis al gravaj televidaj elsendoj ("Domenica in", "I raccomandati") sur la ŝtataj kanaloj RAI kaj gajnis kant-konkursojn okazintajn en tuta Italio danke al malofta voĉo. Liaj kanzonoj estis interpretitaj kaj publikigitaj de famaj artistoj, kiel Valerio Scanu (kiu gajnis ankaŭ lastatempe la festivalon de Sanremo) kaj Loredana Errore. Li mem eldonis kvinon da kodiskoj (la lasta havas la titolon "Cannibale d'amore"), kiuj estas elŝuteblaj el ajna lando de la mondo pere de iTunes, Spotify, Amazon kaj aliaj digitalaj vendejoj. Li interesiĝas ekde 2012 pri la internacia lingvo kaj aperigis plurajn Esperantajn kantojn  verkitajn aŭ adaptitajn de lia amiko kaj kunlaboranto Roberto Pigro. 
Oni vizitu lian oficialan retpaĝon:
https://www.facebook.com/pages/Lucio-Avitabile-pagina-ufficiale/251871868184939?fref=ts.


Tiu Brakumo Unika - Lucio Avitabile kaj Roberto Pigro

VERDA BRILA STELO 

(Aŭtoro: Mikel Klav)

Iam mi estis vespere
Subite mi rigardis ĉielon
Surprize miris mi belan stelon
Sed estis ĝi brila verda stelo

Bela verda brila stelo
Rigardas mi grandan ĉielon
Tre mirinda en firmamento
Ĝojas mi, verdan esperon

Rimarkis mi ĝian brilon
Ĉu siginifas ian signon?
Por mi estas pli ol tio
Ĝi brilas por plibona vivo

Bela verda brila stelo
Rigardas mi grandan ĉielon
Tre mirinda en firmamento
Ĝojas mi, verdan esperon

Pensoj, spiroj pro verda stelo
Revu ni, plibonan mondon
Nokte mi sonĝos, verdan esperon

Bela verda brila stelo
Bela verda brila stelo
Tre mirinda en firmamento
Rigardas mi grandan ĉielon
Ĝojas mi, verdan esperon

*
Mikel Klav (Miguel Klav)
aŭtoro
*

Mi komencis kanti en Esperanto iom poste ekde kiam mi lernis la lingvon en 1990-a jaro. En 1992 jaro mi kantis en Eko 92 en Rio la muziko Reklamo Al Silento de Grupo Team. En la sama jaro mi komponis mian unuan muzikon en Esperanto nomita Diferencoj kiu mi registris lastempe kaj partoprenigis ĝin en la unua muzikkonkurso de ĉi Revuo Kontakto. Dum longaj jaroj mi faris aliajn komponojn, lernis klavaron ĉar mia amas elektronikan muzikon. Mi deziras baldaŭ publikigi KD-albumon por helpi kelkajn Esperanto-Organizojn en Rio kaj brazilo kaj ebele tutmonde! 


Verda Brila Stelo - Mikel Klav

Ĉio Estus Vana

Veku min matene en via ridet'
Kaj mi sentas min feliĉa kun via milda tuŝet'
La suno brilas, tio iom ĝenas min
Sed mi sentas min feliĉa, ĉar mi povas senti vin

Jam ne volas serĉi vin mi en koŝmaro
Mi ne volas perdi vin en tiu ĉi mond'
Ni bezonas esti kune kiel paro
Mia amo certe daŭros ĝis la fin'
Ĉar mi amas vin

Voku min kiam vi bezonas min
Kaj mi estas ĉiam preta, ke mi feliĉigu vin
Tempo pasas tre rapide kun vi
Mi ne scias kion diri por esprimi ĝuste min

Ĉio estus vana sen vi, mia kara
Mi ne povus vivi, estus tro amara
Ĉio estus vana sen vi, mia kara
Mia amo certe daŭros ĝis la fin'
Ĉar mi amas vin

Estis nigra nokt'
Venas nun tagiĝ'
En la senco, ke vi savas min
En la senco, ke mi dankas vin
Ni komencu nian vivon
Ni ne perdu nian amon
Ĝis la fin'

Ĉio estus vana sen vi, mia kara
Mi ne povus vivi, estus tro amara
Ĉio estus vana sen vi, mia kara
Mia amo certe daŭros ĝis la fin'
Ĉar mi amas vin

Jam ne volas serĉi vin mi en koŝmaro
Mi ne volas perdi vin en tiu ĉi mond'
Ni bezonas esti kune kiel paro
Mia amo certe daŭros ĝis la fin'
Ĉar mi amas vin

*
SAITO Yoshinori
aperigita sur YouTube

Mi komencis ludi gitaron jam antaŭ multaj jaroj kaj poste interesiĝis pri rokmuziko kaj iom aktivis grupe. Post renkontiĝo kun Esperanto estis iom malfacile trovi amikojn, kiuj kune faras muzikon. Do, mi nun sola faras muzikon kun la helpo de komputilo, 

Ĉio estus vana - SoNori

Tie eble

De sur la rubostako de l'kvartal'
pulsas sube urbego
rumore al sunleviĝo.
Tie eble, mi havas patron
kaj belan domon, 
vokas panjo el la kaban'.

Iam, revenos li, 
kaj prenos nin. 
Havos ŝi juvelojn, 
fieros ĉe lia brako. 
Iros mi al lernejo
en blanka ĉemizo. 
mi prenos nenies lokon, 
nur mian kukoparton;
Mi ludos ĝis la nokto, 
kaj lernos gitaron. 

(solo)

De sur la rubostako de l'kvartal'
pulsas sube urbego
rumore al sunleviĝo.
Tie eble, mi havas patron
kaj belan domon, 
vokas panjo el la kaban'.

Iam, revenos li, 
kaj prenos nin. 
Havos ŝi juvelojn, 
fieros ĉe lia brako. 
Iros mi al lernejo
en blanka ĉemizo. 
mi prenos nenies lokon, 
nur mian kukoparton;
Mi ludos ĝis la nokto, 
kaj lernos ...

*
Muziko de Dominique Delrieu;
Teksto de Mari-Elen Dezer'

Jean Bourlier (akordiono, perkutiloj)
Mary Pidoux (violono)
Dominique Delrieu (kontrabaso, gitaro)
Mari-Elen Dezer' (kantado)

registrita dum trejnado, ne ankoraŭ eldonita. Vera registrado okazos post la somero. 
*
La grupo Maragan' ordinare muzikas por baloj, per tradiciaj muzikoj el diversaj regionoj. La kantoj estas ĉefe en la franca kaj la okcitana, sed ne nur. En 2014, ni ekkantis en Esperanto, flue parolata de la kantisto. Cetere la unua KD de Maragan' aperis en Esperanto, en 2014. 

Tie Eble - Maragan'

Paĉakuteko:

NIAJ FORTOJ 
REVENI TERON 
MALVERA EMOCIO 
MALJUNA MONERO 

PAPERA REVOLUCIO 
DIVANA ĤOMARO 
MALUTILA BATALO EKSTERLANDA KAJ ORITA 

MALVENKI DEVE 
PROMESI LA GORĜON
SENTEMON AL DOLORO 
KREDI AL KORO 

PAPERA REVOLUCIO 
DIVANA ĤOMARO 
MALUTILA BATALO 
EKSTERLANDA KAJ ORITA 

REVOLUCIO 
REVOLUCIO 
ĤOMARO 
ĤOMARO 
MALUTILA BATALO 
EKSTERLANDA KAJ ORITA 
EKSTERLANDA KAJ ORITA

*
Kanto:
-Kantisto: Leonardo Visaguirre
-Gitaristo: Enzo Caleri
-Basgitaristo: Santiago Fernandez
-Drumisto: Lautaro Croce
Teksto:
-Leonardo Visaguirre
-Lautaro Croce
Memeldonita
*
"Tiu Ne Gravas" naskiĝis je la januao de tiu ĉi jaro (2015). Ĝi formiĝis kiel hispana muzikgrupo, sed en marto la memboj decidis komvertigi ĉiujn sian tekston esperante. En tiu momento, Lautaro Croce, tradukis siajn kantojn kaj poste, en junio, ili rekordis tiujn novajn esperantajn kantojn. 
Ĝi jam havas kvar kantojn, "Paĉakuteko", "Naturo 6", "Milito estas origino" kaj "Vertikala flugo"

Paĉakuteko - Tiu ne gravas

nova paŝ' kiun vi povas fari,
el pas' neniu vin povas taksi.
nimbus' ŝiras sin kaj nun
verŝiĝas la plena lum' - jen ŝut!

oras temp' por ni; kaj vi
nun provas la plej modan en la mondo
hararanĝon.

oras temp' por ni; kaj vi
nun provas la pleje novan
kaj la pleje vian paŝon.

hej amiko kion vi faras nun
en impona ŝtona propra lit' ?
prognozo nun oportunas,
vi ne povas rideton premi - jen ŝut!

***
Nitta Takamichi
ankoraŭ ne eldonita

**

didi dididdi estas muzika projekto de unuopa japano en esperanto. ĝis nun en la projekto oni esperantigis plurajn kantojn el la angla lingvo kaj montris ilin en malgrandaj eventoj. originalojn oni komencas malkaŝi nur de 2015. por la konkursaĵo oni elektis la stilon "sinteza popo" kiu kreskis kaj furoris en la tri landoj: japanio, britio, kaj germanio.

Nova Paŝo - didi dididdi

MI VIDIS
Mi vidis birdojn en ĉielo blua, 
Mi vidis marojn kun supraĵ’ ondanta, 
Mi vidis homojn en vivado ĝua, 
Mi vidis mondon kun fiero vanta. 
Mi vidis semon, kiu estos arbo, 
Mi vidis vermon en malluma tero, 
Mi vidis fulgon el la nigra karbo, 
Mi vidis Spacon kun ĝia mistero. 
Mi vidis korojn kun tremanta bato, 
Mi vidis ridon kaj mi vidis larmon, 
Mi vidis ĝojon de amanta frato, 
Mi vidis pezan, plej kruelan karmon. 
Mi vidis kaj komprenis homan sorton, 
Mi vidis ĉion kaj pensis en mi: 
Mi vidis Vivon kaj mi vidis morton, 
Mi vidis fine, ĉie estas Di’! 

**
Kanto: Euzébio Sumedha
Teksto: João da Cruz e Sousa 
Fama poeto brazila jam de longe forpasinta en 1898 
Memeldonita

**

Mi estas amatora amanto de la muziko kaj esperanto, kaj provis unuigi ambaux por ĉefe plibonigi mian prononcon kaj scipovon! Mi elektas e-originalajn poemojn kaj muzikigas ilin por pli bele disvastigi la lingvon internacian kaj ankaŭ mian starpunkton! Mi jam prezentis cxe brazilaj kongresoj!

Mi Vidis - Sumedha


Mi jam demandis vin
Ĉu vi ankoraŭ pretas
por esti mia
kara amantino

Memoru la unuan fojon
kiam mi rigardis vin
mi sentis vin
kaj mi tre ŝatis vin

Mi amas vin tre multe
aŭskultu miajn vortojn 
ĉar mi pensas
ke vi ankaŭ amas min (Du fojoj)

Mi ne forgesas vin
ekde la unua fojo
ĉar tiu ama sento
estis nekredebla

Mi amas vin tre multe
aŭskultu miajn vortojn 
ĉar mi pensas
ke vi ankaŭ amas min (Du fojoj)

**
Jefferson Rubio (Ĝefo Rubjo)
aŭtoro
ne eldonita

**

Mi estas kolombiano kiu loĝas en la kolombia ĉefurbo, Bogotá. (Esperante Bogoto). Mi estas amatora muzikisto kaj mi tre ŝatas kaj ludi gitaron kaj fari muzikon kaj aŭtori tekstojn. Nu, mi estas nova esperanta muzikisto.

Mia muzika agado rilatas al la hispana lingvo. Mi havis rokan bandon antaŭ kelkaj jaroj sed mi tute ne sciis pri Esperanto. 

Post preskaŭ unu jaro kaj duono de mia lernado de la lingvo, mi pripensis komenci la kreadon  de muziko en esperanto. Do, jen La Unua Fojo. Mia unua kanto en Esperanto.

La Unua Fojo - Ĝefo Rubjo

Ŝi naskiĝis en trankvila urbeto 
Sed fuĝis al metropol' 
Dum la serĉado de pli bonaj eblecoj
 Kariero kaj gaja fol' 
Kaj eble eĉ atendus ŝin 
La fortuno de am'

Kaj la princino la princon gajnas 
Finiĝas bone, jes tiel ŝajnas 
Sub la lumo de gvidanta stelo
 Eterne feliĉaj 
En la fabelo

Kaj ŝiaj revoj fariĝis la vero
 Nova vivo kaj nova nom'
 Ŝi staras pinte de la kariero
 Kun bona edzo kaj bela dom'
 Kaj du infanoj ĉarmaj 
Ludas en la ĝarden'

Kaj la princino la princon gajnas
 Finiĝas bone, jes tiel ŝajnas
 En la lando de lakto 
Kaj mielo
 Eterne feliĉaj 
En la fabelo

Jam la miraklo estas olda refreno
 Kaj ĉiu tago estas la sam' 
Nun ili urĝe bezonas naĝbasenon
 Ĉar la najbaro ja havas jam
 Kaj pli moderna aŭto
 Estus agrable, ĉu ne?

Kaj la princino la princon gajnas
 Finiĝas bone, jes tiel ŝajnas 
Ĉe la adreso
 Sepa ĉielo
 Eterne feliĉaj 
En la fabelo

Nun li laboras tro multe 
Kaj ŝi infanvartas plej
 Li estas mastro de l' garaĝo 
Ŝi de la kuirej'

Kaj la princino la princon gajnas 
Finiĝas bone, jes tiel ŝajnas 
En hejm' perfekta
 Kvazaŭ hotelo 
Eterne feliĉaj 
En la fabelo

Kaj la princino la princon gajnas 
Finiĝas bone, jes tiel ŝajnas 
Kun la skeletoj
 Kaŝitaj en la kelo 
Eterne feliĉaj 
En la fabelo

**
Teksto, muziko, voĉoj kaj gitaroj: Martin Wiese
Drumo: Mattias Levin
Basgitaro: Johan lagerdahl
Vinilkosmo

**
Iama fondinto de la fama rokbando Persone, mi nuntempe daŭrigas mian muzikadon sole aŭ kun "la talpoj". Mi ludas nur propre komponitajn/verkitajn kantojn originale en esperanto. La kanto "La Princino" estas peco de la dua kd-albumo de Martin & la talpoj, Superbazaro.


La Princino - Martin & La Talpoj

la unua fojo certe resonoras
ankaŭ dua fojo daŭras en memor'
se la tria, kvina, deka fojo koras
papilio iĝis or'

nu, se eĉ la centa fojo nun okazos
tutsendube ĝi ne estas sen valor'
ja tavolo post tavolo ĝi emfazos
jen naskiĝas horoflor'

ja survoje aperis flugil'
aperis stela stil', malaperis krokodil'
aperas ke survoje la ventoŝirmil'
iĝis tro, tro eta
aperis glicirizo kaj dolĉa vanil'
estu preta
por momento kiam pluvas klorofil'

ĝis la centa fojo eble kalkuleblas
sed je mil tutsimple multas la amor'
kamaradoj, dum la verda vent' malfeblas
kore kantu kiel ĥor'
//: kamaradoj, ni per agoj mondon meblas
jen naskiĝas horoflor' ://

**
muziko: LPG (Tomio Frejarö, Anna Burenius, Hendjo Lönngren, Karin Frejarö)
teksto: Tomio Frejarö
Memeldonita

**
La 100a fojo verkiĝis kiel omaĝo al Varsovia Vento okaze je ilia centfojiĝo.

La Perdita Generacio unuafoje koncertis dum IJK en Lesjöfors, Svedio 2013. Komence LPG estis muzika komunumo kun vasta kaj varia membraro. Neniu ĉeestis ĉiujn koncertojn de LPG kaj eĉ okazis ke LPG koncertis duloke samtempe.

Ekde 2011 LPG reformigis sin kiel grupo kun kvar fiksajn membrojn. Ekde tiam la grupo pli ofte koncertas ĉe e-o aranĝoj ĉefe en eŭropo, kaj ricevis plurajn premiojn. 

Ĝis nun LPG eldonis tri studioalbumojn: eksenlime (2006), eksplodigos vian domon (2008) & ĉiamen plu (2013). La du postaj estas kuneldonitaj kun Vinilkosmo.

La 100a fojo eldoniĝis kiel unuopa kanto somere 2014. LPG nun laboras pri sia kvara albumo.


La 100a Fojo - La Perdita Generacio

Tempeco

La pasinto, 
netekopie,
ja nur beleco
- ombro ne plu.

La estanto
prezidas nunon,
brilas, pasas
- surondas for.

La futuro,
fajrero en nuboj,
vivas en revo
- avizas (kaj) jen.

**
Flávio Fonseca (muziko kaj traduko) kaj
Aglaia Souza (teksto)
Memeldonita

**
Mi muzikumas ekde infanaĝo, kaj mi eĉ lernis Esperanton pro ĝia belsona muzikeco. Kelkajn albumojn mi eldonis en nia lingvo, krom plurajn nacilingvajn. Nuntempe mi laboras kiel komponisto, muzikproduktisto kaj orkestrodirigento.
Ĉiam kiam eblas mi koncertas en kongresoj kaj aliaj esperantaj eventoj.

Tempeco - Flávio Fonseca

Birdo flugas en la ĉielo
Kaptas flugiloj la venton
Birdo estas forta kaj bela
En la aero kristale hela
Sola kun la elemento

Ĝi ŝvebas subsune en luma maro
En oceano la kvina
Sube restis limoj kaj baroj
Montoj majestaj kaj vastaj arbaroj
Kaj homoj kun siaj maŝinoj

Birdo revenas al sia nesto
Fore de bruaj ŝoseoj
Ĝi estas simpla, ĝi estas modesta
Kaj malsimila al kiaj ni estas
Homoj kun niaj armeoj

Birdo en la ĉielo lazura
Nek estas malica, nek estas heroo
Ĝi simple estas en la naturo
Irante al sia neklara futuro
Kun homo kun sia egoo

**

Teksto - Ĵomart Amzeyev
Muziko - Ĵomart Amzeyev
Memeldonita

**
Nataŝa kaj mi origine devenas de Kazaĥio. Nun estas loĝantaj en Svedio. Muzikumas (kiel dueto) esperantlingve jam de 1987 jaro. Partoprenis kiel artistoj multnombrajn e-aranĝojn en multaj diversaj landoj. Havas plej parte propran muzikan kaj tekstan materialon. Havas ĉirkaŭ 100 proprajn kantojn esperantlingve.  Neniam ĝis nun partoprenis iun muzikan konkurson. Aldone: Havas hundon kiu bojas esperante! 

Birdo - ĵomart kaj Nataŝa

Kokcineloj
Tie, kie kune estas nokto kaj mateno
Tie vi trovos certe nian reĝolandon, de la verda herbejo
Tie la eta kokcinelo
kokcinelo aŭ dibovineto
Skribas leteron al la suno
per malgranda strobila plumo
Letero flugas al la ĉielo
Ĝi odoros kiel strobilo
Kaj estu vespere pluvego de fragoj
aŭ pluvo de mirteloj

Refreno:
Ses paŝoj de printempo
ho,ho, ho,ho
kaj naŭ de la vintro
tri paŝoj de betulo
ho, ho, ho, ho
kvin de avelarbo
ho ho, ho, ho

Tie, kie kune estas nokto kaj mateno
Tie vi trovos certe nian reĝolandon, de la verda herbejo
 Flugis la kokcinela letero
Iu legi ĝin ne havis tempon
En la letero jen vortoj al la mondo:
La plej bela estas arbaro!
 Refreno:
Ses pasxoj de printempo, ho,ho,ho
kaj naux de la vintro, ho,ho, ho,
reĝlando de la verda herbejo, reĝlando de la verda herbejo,  reĝlando de la verda herbejo

*
La kanto estis kantata kun titolo "Biedronki" aŭ "Reĝlando de la Verda Herbejo", kreita de pola kantistino Majka Jeżowska, kiu devenas el nia urbo Nowy Sącz. Nian ensemblon "Juna Voĉo" apartenas 15-jaruloj,  
Esperantigis vortojn Danuta Kowalska kaj Halina Komar.

*
La ensembleto agas en Urba Kulturcentro en Nowy Sącz, gvidata de Irena Górowska muzike.  Esperantlingaj kantoj prilaboras kun ili Halina Komar. Kvankam ili estas tre junaj (15-jaraj), jam havas ricxan kaj diverstipan repertuaron: de romantike-fabela, tra pop-muziko gxis folklora, tre vigle prezentita. En la ligita filmeto, vi ekvidos kelkajn fragmentojn de alia repertuaro, sed en malbona kvalito, cxar estis filmitaj amatore, kun bruoj de cxirkauxajxo.  Nune ili estas invititaj por kanti ecx 3-foje dum UK en Lilo sur M.A.S.
La junuloj estas talentaj kaj diligentaj, mi esperas iliajn sukcesojn en Esperantujo - pro ilia fresxeco, sincereco kaj beleco de kelkvocxa kantado...  

Kokcineloj Sur Verda Herbejo - Junaj Voĉoj

Teo kaj amo-Koloroj del` mondo

Kvazaŭ eta fabelo la mateno kvieta
La tenera ĉielo sendis bluan rideton
La koloroj de l` mondo estas vere mirindaj
Ni konstruis la ponton inter niaj animoj
ref:
Teo varma- bonodora amiko de l` amo
Oro flama tuŝas rememorojn iamajn...
Vortoj, kiel rivero penetras en koro
Trinkaĵo mistera stelumas per oro….
ref:

*
Jelena Piscikiene muziko kaj teksto, 
Edgaras Piscikas aranghado
Edvardas Piscikas registrado

Studio Asorti, Litovio

*
Muzikgrupo "Sepa kaj Asorti" http://sepa.rocks/video/
fondiĝis en la jaro 1992, ĝeneralaj stiloj - country, blues, folk, rock, lingvoj - rusa, litova, angla, esperanto.Prezentiĝis esperante dum Muzo 92, 93,Litovio, Turisma Foiro en Pollando 1993, Internacia konferenco, Belorusio, Eŭropa kongreso Hungario 94, If 94 en Germanio, turneo tra Belgio 1995, If 95 en Germanio, PSI 95 Germanio,UK 95 en Finnlado, PSI 96 Germanio, PSI 98Germanio,Sveda Kongreso 2000,Turneo tra Finnlado 2002, BET 2003, Aŭtunaj tagoj Finnlando 2004,UK Litovio 2005, 100jara Jubileo de esperanto en Germanio 2006,UK en Japanio2007,Jhurnalista Kongreso, Litovio 2008,Turneo en Israelo 2009, UK Pollando 2009,IJK Italio 2010, PSI Germanio 2010,BET 2010 Litovio, SES en Slovakio 2011, Itala Kongreso 2011, JES Pollando 2011, ankau` Svisio, Danio, Au`strio, Francio, Norvegio, Britio, Irlando 2012 kaj Islando, UK en Rejkjavik 2013, ludis koncertojn en Italio, Trieste en novembro 2013, Tuluzo, Francio, februaro 2014, Pollando, Germanio, Hispanio en julio 2014, internacia renkonto en Vercheli, Italio marte 2015, IJK en Brusson, Italio - komenco de aprilo 2015, Filmfestivalo en Chinio, meze de aprilo 2015.
Eldonis kasedojn" Se povus mi "1994," Ni denove renkontiĝos" 1995, " Edgar+Asorti "1995, diskojn "Lernejaj amikoj" 2005," Kantu kune" 2007, "Verda Hejmo" 2009, "Espero" 2013

Teo Kaj Amo - Sepa & Asorti (Gasto: Pablo Diaz)

Ĉi tiu profilo servas al nia Muzika Konkurso!