لكل المتورطين فـ حب مصر ...
و ف دم اصحابهم...اللى سدّ عليهم السكّة لورا..
و للعسكر اللى سادّينها لقدّام..
و لضحايا آخر مجزرة.. و اللى بعدها..
وإلى سرب الشهداء القابل لزيادة العدد..
ولمجهولي الأسماء.. والأنبيا الجدد..
للمفطومين ع السخرية والصعب..
واللى حالفين يعدلوا وش الزمن..

أشعار  
وائل فتحي
أحمد عبد الحي
مصطفى ابراهيم

يسقط كل من خان عسكر فلول اخوان

من وحى الانبياء الجدد

جيبتلي صاحب وحبيته
زقنى فى المترو زقيته 
واما مات فيا ومت انا فيه 
روحتله بيته وعزيته

حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز

حبنى الشارع وحبيته 
عض قلبى الليل وعضيته 
خضنى الأنسان وخضيته 
لما بان من وشه عفاريته

عدى فيا القمح سمرنى 
عدى فيا الفجر صبرنى 
عدى فيا الحزن غيرنى 
عدى فيا العمر كبرنى

خدنى م اللفة لمريلتى 
خدنى م التسنين لحصالتى 
خدنى من مدرستى ع الجامعه 
خدنى م الترعة على الاسفلت

خدت م الاتوبيس مراياته 
خدت م السواق حكاياته 
خدت م الركاب تذاكر موت

حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز

ياللى وحشانى متوحشنيش 
ضحكك السكر محلانيش 
خوفت م المطرة قفلت الشيش 
ليه فضل اسمك على الشباك

كنت جايب دبلة وغويشه
كنت شارب حاجه مغشوشه 
شفت شبهك قاعده فى الكوشه 
قلت هى لا مش هى 
فتشتنى الدمعه عن الميه
كنت أنشف من حطب محروق

حزن يا محول خطوط سيرى 
حزن يا عطار فى باب اللوق 
شوفلى تحويجه لتفسيرى 
حط ريحه بُن لضميرى 
شوفلى عود أصلب من المغشوش

ردنى عالباب عطب روحى 
جابلى ناى وزتون مطروحى

مُر انا يا صاحبى لو دوقتنى 
جيت اقول الآه ما صدقتنى 
يطرح ايه الملح غير مالح 
يطلع ايه م الجرح غير مجروح

ليه ما تصفاشى لغير صافى 
ليه فى عز الحوجه بتجافى 
شوفتنى غاطس ولا طافى 
كنت بندهلك حلاوة روح

حزن يا بقال ورا الجامع
هات بنص ريال عسل فى الكوز 
خد سنين الجرى وسنينى 
هاتلى سن غزال دهب عينى 
قطع الاسفلت شرايينى 
هات بياض القطن شاش اللوز

كلمات : خالد عبد القادر
الحان: يحى نديم
غناء: فرقة عمدان النور

Gazaga _ سيرة الأراجوز _ فرقة عمدان النور

مصطفى إبراهيم - البنكنوت

الشباب في مصر - من مسرحية 1980 وإنت طالع

كلمات : محمد توفيق و ندا ناجى


Ta3alo Beena - تعالوا بينا

السيد فخامة الرئيس - هانى عادل

مأساة الحلاج_للكاتب صلاح عبد الصبور

سؤال واحد_وسط البلد

mazg sofi

صحي من النوم _ مشروع كورال

جزء من قصيدة تفرانيل 100 للشاعر مصطفى ابراهيم 
موسيقى : الثلاثي جبران 
Edit by : Amira Twfik
"مفيش احساس
لحسن الحظ و لسوئه
ما بيعديش
مفيش ولا طعم حاجة من اللى بتدوقه
مسيره يعيش
بحلوه و بمره كله بيتسخط لمفيش
يا سبحان اللى بيعودنا ع الحاجة
فننساها
و بيخفف كاسات الناس
بميه بدال ما يملاها
عشان طعم اللى فيها يروح
عشان طعم اللى فيها يخف
يقولوا مجازا المجروح
اذا خد ع الوجع .. بيخف
تلف عليه سواقى الكون
تدوب اللى فات
ف الجاى
ف سبحانه اما قال
منها جعلنا
( كل شئ حى )
"

صحي من النوم _ مشروع كورال

OUFA ®