lyrics /
بيجري ويجري والعمر وبيسال مين كسبان
شاف اللي جاي رايح .. فـتأكد كونه خسران 
حلمه بيموت ومكمل يغلط بعديها يتألم
مستني ايد ممدوده ومستني حد يطمن
ومجتش الايد معش وحيد من غير الناس هيموت 
ده فكر كده .. ف بقي موجود لكن من غير صوت 
شاف نفسه مغيب مش فاهم ممكن يرد بايه
كل الطرق سواد فشكي لـ صاحبه وقاله ليه ؟؟ 
لما مشينا وقلنا نسينا ناس مكنتش جنبنا يوم
ولما بعدنا وجت سيرتنا بردو جابو علينا اللوم 
قاله انا تايه فـ الدنيا دي مفيش طريق مؤدي لحلم 
انا ميت كل مشهد .. لسه صاحي فـ اخر الفيلم 
قاله تعبت كوني مرحله ف حياه شخص مكمل 
فـ امانه لما تبعد انت ابقي افتكر واطمن 
ده اللي مشي فوق الوجع .. سايب خوف من اللي هيجي
مبتوهمش انا بالمساعده طالما الايد مابتلمس ايدي 
_
رد وقاله رغم الوجع . سيب البعد للي حبه 
مانتش مصاب بمرض الكل لازم يبعد عنه 
لما شفت انك  لا شي بان عليك فهما شافو
خافو يفضلو ماسكين يتسحبوا ف سابو
وغابو .. وسابوك ترتتب انت ف المشاهد 
مشهد لناس بتبعد ,. مشهد تاني لناس بتحاول 
وعشان انت بتتاثر وعشان بتحس زياده 
كان لازم وقت الغرق ترفض تطلب استغاثه 
_
قاله مفيش مجال لطلب .. زي ماقلت محناش مرض
ولو بعدهم ده خوف م الغرق ., ع الاقل كانو قالو السبب
 او يتظاهرو  بالانقاذ .. عشان منحسش  انه خلاص 
وصل بينا غلطنا انه مينفعش نعيش مع ناس 
قاله الناس دي بترسم وتلون صور فـ خيالها هي 
حتي لو شافو مش سمعو .. مفيش حق لتقيمهم ليا 
كتر وشوشهم بتسطر خانات جوه التفاصيل 
فـ بشوف الوش الشر حتي لو ف النيه خير
اصل مش فكرة ناس غابت . دي فكرة ناس ارتاحت
دايماً بسال ازاي بينسو  ؟؟  وانا اللي لسه فاكر 
لا . مش هقبل اكون مرحله هما يكملو ويتقدمو 
وانا لسه بفكر وارجع وراه  انا هفضل انا ومهما جري 
شكراً ع الضحكة و ع اللمة المليانه دفاء 
انا هقدر اعيش فـ البرد ومش مهم مين اختفي 
مش مهم مين مشي . ومش مهم مين نسي 
ان احنا بنا سنين مستحيل انها تتنسي 
_ 
ولما هيجري العمر شويه .. هناكد للي جالنا
اننا فعلاً ملينا  ..  مشهد متعاد كذا مره
ممكن نحكيله بالمره .. اننا قفلنا الباب 
واننا بقينا بنسيب قبل مانرجع نتساب 
وانك عشان تكمل لازم انك تتألم
 لازم انك تتفرج من غير حتي متتكلم
بعدها ممكن تقرر انك تقفل الباب !
وانك تبداء تسيب قبل ماترجع تتساب !

Shokran - شكراً

يوسف جوكر   تغريب 2016


متحسدوناش ع شويه صور بنتصورها دي قلوب الناس الله اعلم بيها 


يوسف جوكر تغريب 2016

Ťâlå ʚɞ'x ✪

Related tracks