‏‎ الخُطَّاف⁩ || عريان السيد خلف وهمايون شجريان

حسن بريسم | نار بوجنتك لو نور

‎⁨كريم منصور | مالمتني⁩

ارتجالات الربّ.

محمد جواد اموري ~ أفزّ باليل

كوكب حمزة - بساتين البنفسج

مَقام الدَّشت - الحاج مُحَمَّد رَحيم الصَباغ.

فؤاد سالم | يا الغربت وياك

*واحدة من أجمل قصائد الشاعر عريان السيد خلف
النص:

«كاسَرت عُمري إِعْلَه عُمرك
گطّعِت ليش؟
وحرِگتك
چويه مني وچويه منّك
وإنتِشيت أستاهلك شَهگة عَوافي! 
وخيّبت ظني وصِدَگ ويّاي ظنك
ماگِلت عنك عرگ چفّك بچفّي
ولا گِلت جاسك زَعل
وإشتعل دمي إِبّنار دمّك! 
أصْعر وتِستسهل إتشاغل خَيالي
وياخذك غيّك خَرَز خِلْخال تِتطّشر وألمّك
ومدري ليش أتمايزك وردة إگرُنفل
إِتّيه روحي إبْريحتك! 
وأحتار من يا صفحة أشمّك! 
من جِمعني وياك؟ 
من شَدني ويه طولك؟ 
طَعّمك بيّه
وصِرت حلوّك ومرّك
لَنها ما بالغُبشه غُبشه بغير عينك
خاف أترّز بيك حد گطع إلنفس! 
وأزهگ وأضرك
خاف تِتطشّر ولك 
وشلون ألِمّك؟ 
گالو إيحبك! 
گِلت من شاف گلبه؟ 
وچبّست دَمْعي
وسِكن نَبض الگلُب عن لا يذمّك
تَرِسْ چفّي إِسوالفك وحده إعْلَه وحده
وعرگ جيدك زَمّزمي
وخجلان تتعذّر
وأگِلك لايهمّك
من تجِسني إشْفايفك
تاخذني غيبة!
ومن تِرِشْني إِبمزنِتَك ولهان أفَز
لَنْ روحي يمّك
أختلي إبحسنك وأفج گلبي وأطلعك تِلعب إبْعمري! 
وخاف الغير يندلّك وأضمّك
إِشچان ضرّك؟ 
تختصر بعدك عليّه
وكُلّي شكران وحَمَد
للمِخْتِصر حُسنك إِبْخصرك! 
تِشرب معافى حناني ولَهْفتي
وتسكر إبدمي
وتِنتشي إبغيّ الشذى
وتتعزّل إعزال إِمْن أجرّك
ومن گبُل
كُل شوگ عمري إمن الطِوارف
حَسبِت مِثل الوداد إِلراح وِدَك
هسّه الورع كَحل إجْفوني
وچنت أَظن
وگت إلتِهد بي روحي أهِدَك
لنّي كِلما فززن صبري الليالي وفات وگْتي! 
أتوسلك هَدوه وَگِت خليّني عِنْدك
آنه عاذِرك لو هِدل عودك
من گِدر يحْمل حِسن مثلك وگدّك
عاذِرك تِغْتاض
بَس من غير شاره وشارتك هالبينت
ودخيل جدك
عاذرك عن لايهم گلبك إِبْهمي
وتِنترس عينك دَمع
وتسيل كِحلتها إعْلَه خدك!»

عاذِرَك

عريان السيد خلف – عَاذِرَك

حيدر النوري|تراتيل الشمع

حسبالي سهلة - محمد جواد اموري

صحراءُ من كل الجهات
صحراءُ تأتينا لتلتهم الاغاني والحُسام!

ارتجالات الربّ.

،،،