واااااااااااااااااااااااااو جميله  ^_^

حلوووووووووووووووووووووووو

هو ده الراب اللي يتسمع والله 😍😍

تحفاااااااااه ايه الجمال دا هو دا الفاقوسية

حببببي 💕 وحشتني اوي 🙃 والله 

New Track .. 7aBeTha .. حبيتها 

offical Page For Fa2osia Team 
www.facebook.com/Fa2osiaa.team
offical page For Sadam
www.facebook.com/sadam7ussein
Music .. Free Beat
wRitten By SaDam 
lyrics : 
حبيتها من اول يوم شوفت فيه ضحكتها
 رقتها .. وصفت كل شخصيتها 
لمستها .. بتمحي كل الدنيا بقساوتها 
نظره عنيها .. بتنسيني الدنيا بالي
 فيها همسها ف كلامها .. كلمه بحبك منها 
فاكره حبيبتي اول يوم فيه انا شفتك 
لحظه خطفتي قلبي و خلتيه جمب قلبك
 لما شوفت ضحكه منك خليتني في ثانيه ارق
 دخلتي قلبي ف لحظه و خلتيه بسرعه يدق
 لحظه عنيا شافتك سرحت انا بخيالي
 عشقت انا ضحكتك و اتشلقب ساعتها حالي
 ومن بعدها كلمه ف كلمه 
فضلت المحلها اني بجد عشقتها
 بس ضحكتها ممكن بيها يكمل يومي 
ايوه ضحكتها بتنسيني كل همومي
 هقولهالك بحبك وكمان بأعلى صوت
 بحبك يا احلى واجمل واقع موجود 
بحب اللحظه اللي فيها انا وانتي اتجمعنا 
ربي يخليكي ليا ولا حاجه تفرقنا
 هبقا كل حاجه ليكي 
هبقا صحبك هبقا جوزك هبقا الحضن اللي يدفيكي
 هبقا سندك وقت تعبك هبقا الرمش اللي ف عنيكي 
هبقا كل حته منك هبقا اخوكي اللي بيحميكي 
انا بوعدك حبيبتي م الليلادي انا عمري ليكي
 اتمني اي حاجه ف ثانيه تبقا بين اديكي
 بحلم ببيت صغير يجمعنا فيه ربنا
 يكون مليان سعاده و عشق و كلو هنا
 وكمان حلمنا يكبر لما يجي فيه ابننا 
و يكبر اكتر و اكتر لما نربيه فــ حضننا 
ونفضل طول الليل نكلمو عن حبنا 
ونحكي ازاي كنا بنعشق انا وانتي بعضنا 
.....
 كلامي مش قادر بيه اوصل كامل غرامي بس اكييد انتي حساني وفاهمه كمان كل المعاني من غير حتى ولا كلمه اصلك انتي نصي التاني
 ....
 بكملك وتكمليني 
انتي حياتي انتي مراتي انتي اصلا نور عيني
 ربي 
يخليكي ليا يا اجمل حضن في الوجود ربي يخليكي ليا يا صوت جميل وسط السكوت 
يا قلب كبير و حنين ومفيش زيو موجود 
حبك في قلبي بيكبر عدا كل الحدود
 مهما وصفت بالكلام او حتى قولت في اغاني
 حبي ليكي مفيش كلام
 يوصفو حتى لثواني 
مجنناني مخلياني واحد تاني 
قلبتي حالي في كل دقيقه على بالي
 ربي يخليكي ليا و تبقي ام عيالي

حبيتــها .. تــراك جــديــد >> غنــاء صــدام >> تيــم الفــاقوســيه

ده بيقول وده مجنون ده بيعيد وده بيزيد 
ده قرفان وده حيران والدنيا ماشيه 
واللي يمد الايد في الايد واللي هيفرح بـ التأكيد
ماهو زي ما ربك بيريد راح تبقي اشيه 

ودي حاله عامه والدنيا ضلمه 
والناس في ازمه والخلق نايمه 

واللي يعاتبنا مش هيحاسبنا ده ولا مداينا لا ده مضايقنا

واللي يمد الايد في الايد واللي هيفرح بـ التأكيد
ماهو زي ما ربك بيريد راح تبقي اشيه 


ع القهاوي الف شب فـ اللي من حالو اتخنق 
واللي فـ احلامه يحلم ان حلمه اتحرق 
في العاقل والمجنون .. واللي بيحاول يكون
واللي متقفل طريقو .. واللي مش عارف يقول 
واللي خايف انه يظهر .. واللي مش قادر يفكر
واللي حلمه كان قدامه .. بس مش عارف يسيطر

فـ اللي كان  قدامك صاحبك .. واللي من وراك  في ضهرك 
بيديلك كل ضربه وضربه .. ولو عرفت تهرب
 
اصحابك تتلون .. الفكره بتتحول 
 الحياه اللي انت فيها مبقتش زي الاول 
بتهرب من حياتك بس مش عارف لـ فين 
بتحاول تهرب من مشاكلك مش لاقلها حل 

العالم من قدامك يجري وانت واقف مكانك 
عمال بتفكر صونت مين ومين اللي خانك 

الف لون والف وش بتشوف  
مش عارف تكون معاهم شخص مألوف 
 
---------


العاقل والمجنون \\ احمد جمال - ماجيك راب

Lyrics :

ياما نفسى أهاجر أتوب عن حبك أشوف بـ عنيا النـور
بشقى على مفيش جواكى زى اللى بيزرع أرض بـور
بكتبلك مـ الكبت اللى أنا فيه همّى بلخّصه فى سطـور
محلمتش أكون مـ اللى بينهبوا خيرك وأسكن ف قصـور
ولا عمرى فـ يوم هتمنى أوصل وأبقى النجم المشهـور
"طب ليه بتستغربوا ؟!؟ لما بقول على نفسى بقيت "مقهـور 
بعانى .... أصل الأوجاع بيتى وعنوانى
لو قلت فـ يوم أنساها دى مبتنساش دايماً فاكرانى
ومعذّبانى غمّانى فـ كل دقيقه موريانى
الويل فـ وقت ما بفرح حتى تملى مبكيانى
ساقيانى المر ساده كاسات شاربها أنا من كيعانى
واسأل هفضل لإمتى سكوتى حاكمنى أفضل مكانى ؟!؟
بحن لناس بايعانى وأفارق أكتر ناس شريانى
يظهر كده عمرى إنتهى من يوم ولادتى أنا فات أوانى
غلبت معاك يا نصيب حالف ما تصيب أنا مش أيوب
مبقتش حمل هموم أكتر من كده مـ الصبر هتوب
ملعون أبوكى ظروف لما تخلّى الأصيل ينداس
وتعلّى واطى خسيس يتشال بإيديكى فوق الراس
مليت أحلم بحاجات إيدى بتلمسها ومبطولهاش
نحس ملازمنى بيصتقصدنى تملى فاكرنى ومبينساش
محسود على ضحكه زايفه وراها دموع مببينهاش
مقسوم نصين مقهور وبجد نفسى أنام مصحاش
جدع وامّا إتخدع ضرب الودع منابوش إلا الوجع
متعشّم خير فـ بكره ومن كرابيج ماضيه إتلدع
قلمى اللى فاضللى بيكتب عنى مملش لسه بينزف
مخنتش مره أمانه وعمرى ما بوعد حد وبخلف
بضحك م القهر بكلم نفسى خلاص قرّبت أتجنن
أصلى إكتئبت بسبب الكبت ومين فاضل  هيهون ؟!؟
هم ما يتلم وحرقه دم الصبر إشتكى منى وعذّبته
القلب إتنفى مـ الوجع إكتفى بكتير عانى معايا وغلّبته
أنا لما بعدت زمان نسيونى ومنستهُمش ده ذنبى
ملقتش فـ وقت ضيقتى حد منهم واقف جمبى
حتى الحجر لما إتكسر مقالوش شايل ومعبّى
فـ محدش حس بكسرة نفسى عشان لجراحى بخبّى
هسكت خلاص مش هحكى أنا عن أوجاعى اللى بتتعبنى
.... مبقتش أفرح وأضحك حتى الكلام بقى بيعذّبنى




Recorded , Mastered and Mixed By :
Ahmed Medo aka. The 4th Pyramid

Ma2hor

Ma2hor ll مقهور _ Job

اكيد اهمالي زاد قولي 
وقولي قد ايه تعبتك 
وطلعيني انا الغلطان
لكن متغلطيش نفسك
عارفني !!
كنت انا المهمل 
لكنك برضو اهملتي
بعدتي في وقت محتاجك تكوني كل شئ عندي 
الف حجه للفراق واني غلطان او بغير او اني مهمل مثلا ما انا شايل حمل كبير 
كنت بحلف ميت يَمِين بحبي ومتصدقش 
ليه شيفاني شيطان رجيم وهي ملاك مبتغلطش 
فا شقوقي يزيدها شق 
اصل موتك كان ارق من انك تشوفيني بغرق طب شديني تقولي لا 
كفيف عن حب غيرك عن دين فراقك كافر 
بهرب من هموم الدنيا وع حضنك بهاجر 
بضحك لما القيكي نصيبي في الودع 
بربط نفسي رغم فراقنا بحبل داب من الوجع
عااادي !! لا مش عادي لما بعدتي 
لسه بسقي كل حاجه ما بيننا عشان متموتشي 
طب مين سهر ما نامشي 
طب بعدك ماقدرشي 
طب مين في عز وجعه وقت الفُرقه قال مش همشي
فاكره لما وقعت انتي مكنتيش سند 
كنتي فاكره البنت تقش في الكوتشينه من غير ولد 
كل شارع فيه ذكري بيننا ف مش هتنسي 
هنا ضحكنا وهنا كنا تحت المطره بنجري 
هنا كتبتي اسمي هنا اتنفستي نفسي وهنا قصاد كل الناس كنت ليكي بغني 
هنا عشقتي قلبي هنا اتصورتي جنبي وهنا حلفتي ان محدش حبك اكتر مني 
واجهي كل كلمه وقولي هنسي 
ابكي من جواكي وقدامي قولي مش حاسه 
في وسط الحلم كابوس والضحك مش محسوس 
لايق عليا لبس الوجع وكأنه معمول مخصوص 
رغم دا كله بعافر لبلاد حبك بهاجر 
البعد كان اريحلي بس مريحنيش في الاخر
مش طالب الرجوع ولا بعمل 100 موضوع
انا مهما ذاكرت في عشقك برضو ساقط في المجموع 
انا مهما ذاكرت في عشقك برضو ساقط في المجموع 
انا مهما ذاكرت في عشقك برضو ساقط في المجموع 
الف حجه للفراق واني غلطان او بغير 
او اني مهمل مثلاً ما انا شايل حمل كبير 
كنت بحلف ميت يَمِين بحبي ومتصدقش 
ليه شيفاني شيطان رجيم وهي ملاك مبتغلطش
#ذكري

K2 Studio

mahmoud_fared_ذكري

حقيقتك بانت _ احمد طارق

ها .. لساك سكران في عشقها شفت انت ضهري اللي اتلوي
فكرت في يوم نعيش سوا نسكون نجوم وسط السما  
بقيت عصفور لحمه انكوي زهق م الدنيا وشكلها 
وف وسط الشارع والهوا 

تكتب وتبوح عن حبها ترسم وتلون حزنها 
تشكي وتقول مات قلبها الدنيا تزلك زلها
واقف ف الصورة جنبها وزنوبك ماليه عقلها 
ماليت م الدنيا وعندها لاكن مزهقتش منها

كل سطر شايل زكرة كل حاجة بتحكي عنك
ايوة ماتت فينا الفترة كنتي مني وكنت منك
قلبي عايزك عاقلي رفضك ليه بتقولي ماكنتش جنبك 
كنت عايز ابني ابنك كنت شايفك زي بنتي

صدقيني نفسي نرجع صدقيني لسة بسمع 
دقات قلبك جوه مني ليه بتقولي ماكنش زمبك لما هو مكنش زنبي
بنيت القصر وهدتيه متدمعيش مفيش بعديها 
خلاص زرعتي الجرح فيه 

..

خليتك اميرة بين احلامي بس الوقت خاني
كلامي مكنش كلام اغاني وكله ليه مشي وسابني
كنتي عاندي كل الدنيا لكن الدنيا غدرت بيا
كل زكرة حلوة بنا زارعت اكبر جرح فيا 

خلاص مش هحكي لحد تاني ولا هكتبلك في الاغاني
واحشني صوتك نفسي نرجع صدقيني البعد بيوجع
ايام وتعدي شهور بتمر شفت منكوم ايه غير شر
كنت شايلك جوة قلبي بس الوعد اتقلب غدر

..

عايش بين جروحي اسقي همي واهد طموحي 
كنت جمبك زي خيالك بس البعد مكانش ظروفي 
متقوليش ان احنا حياتنا كانت تشبه اكبر محنة 
لا دول مش احنا حياتنا كانت زي وارده فاتحة 

لسه فاكر لسه سامع لما قولتي هنفضل سوا
لسه بحبك  لسه شايف شربتك سم وقلت ده دوا 
مش هاعتبك ع اللي فات اخر عتاب وصلنا لبعد
انا نفسي ارجع بالزمن انسي الدنيا ونبقا لبعد 

تعبت كتيير ف بعدك بس كلامك جابني هنا 
حكيت كتير للقمر ده احنا كنا عشرة سنة 
حاولت كتير معرفتش اني اصلح الظروف 
امسك اديكي واصلحك كان كلامك كله خوف

مايهمنيش حكاوي ما ياما قالو عني بلاوي
بقيت واحيد بتكلم نفسك يازيفا منتا غاوي
حب وداب اتهد وشاب لكلاب مقدرتش وقلبه اتدفن
دول هيحبوا فيك لما ف يوم يشفوك في الكفن 

 ..

خليتك اميرة بين احلامي بس الوقت خاني
كلامي مكنش كلام اغاني وكله ليه مشي وسابني
كنتي عاندي كل الدنيا لكن الدنيا غدرت بيا
كل زكرة حلوة بنا زارعت اكبر جرح فيا 

خلاص مش هحكي لحد تاني ولا هكتبلك في الاغاني
واحشني صوتك نفسي نرجع صدقيني البعد بيوجع
ايام وتعدي شهور بتمر شفت منكوم ايه غير شر
كنت شايلك جوة قلبي بس الوعد اتقلب غدر
..

كاهن II | priest

Title : Bya3 El 7ob | بياع الحُب

Artist : Omar DiDaa

Master & Mix : Z ! Y A Z A N

تقدر تتابعني من هنا : www.facebook.com/oMar.DiDaa3 ♥
-

  الكدب بان الحب اتهان العشق بينا انتهي ..
 عشان نفوسكم وسخه قلبي منهم بردو اشتكي ..
البعد عنهم سهل .. بس اعرضه زي المرض ..
بتبان ع الوش شاحب عجز او حتي انقرض ..
ازاي هتبرري موقف وعنيا شاهده فيه ..
القلب مات م الحسره وبايدك انك تداويه ..
القطر فات وعدي وانتي لحبه لسه ساجده . رافضه حتي كلمه مني وانتي لعشقي كنتي شاهده ..
الدنيا سهله جدا زي ما قولت في اختياري . واختيارك كان بايدك والبعد دا كان قرارك ..
مهما الدنيا تداري ف ضعفي غصب عني بردو يبان ..
 اصل انتي اول حب  و اول حد خان 
مش زي متخيلتك و الصوره مش نفس رسمي ..
 البعد فعلا اريح يارتك تنسي اسمي .. 
ياشمس غيبي تاني مش عايز اشوف ملامحها ..
نفس القصه هي هي وحباا كونها مع اللي جارحها ..
طب فوقي للحظه واحده واتذكري كل اللي كان ..
هتيجي ليا راقعه ومش هتلاقي ليا مكان ..
ف حياتك.. و قصادق بقولها بعلو صوتي ..
 انا كارهك .. ورافض لحد وقت موتي ..
بياع الحب . لقلوب مش فاهمه الحب  ..
نبع الخيانه كاس هتشرب منه وبردو تصب .. 
مش هتنسي اي زكري لو جار عليها الزمن ..
زي الصخور محفوره وكل زكري ليها تمن  ..
ازاي عايزاني تاني ازاي مش حاسه بكسره قلبي ..
ازاي كنت الاناني بس صح الذنب ذنبي ..
مش فارقه مين اللي بعد  المهم مين اللي خان ..
عشره سنين ولسه .. بشكي  ع الالحان ..
زي مانا  بس حياتي احسن من غيرك ..
لو كان نصيبي فيكي هدعي ربي يكون لغيري ..
مش عايز حتي .. صدفه تجمعنا
بشكي وبقول يارب ومفيش غيرك يسمعنا .. 
الصوت اتكتم العشق باش ف مايه الخيانه ..
وهفضل رافض قربك حتي لو جتيلي ندمانه .. 
زهور حبك دبلت لما لمايه حبي اكتفت ..
مش لاقي ذكري حلوه من عيوني قوام اختفت ..
--
تكامل ف المشاعر لما قولت ف يوم هنبقي ..
كتير حكو وقالو ابعد عنها يبني وسبها ..
كدبت عليك بعد متعلقت ب كل حرف ..
بعدت وقالت مش ذنبي واختلقت مليون ظرف ..
بياع الحب .. منكم اشتكي 
بياع الحب ..منكم اكتفي 
بياع الحب .. ساب الحب ليكو 
بياع الحب .. خلي الحب مش طريقوا

Bya3 El 7ob | بياع الحُب

Title:غربة| .FT: B E R B O)Strange
Artist: H A M O O . FT. Berbo
Vocal: H A M O O .FT. Berbo
Music prod : Mohamed Mahmoud
POSTER By : B E R B O
Rec & Master & Mix : DI-DA_Music2018®   
الكلمات :
V_1  B E R B O  
سيبي شوفي غيري بس محدش حبك قدي 
كنا الناس ديما تحسدنا علي ضحكتنا و انتي جنبي 
بعد مسيبتي بقيت لوحدي انا فعلا تعبان
نيكوتين ببيقل العقل يزن ف انا مش طالب اهتمام 
صووت وجع مكتوم و انا جوايا الف كلمة 
عيشة صعبة .... و الحياه مش سهلة 
يا دنيا عرفينا الجدع و مين فينا بياع 
عشت طول حياتي افكر متبقالي غير صداع 
خلاص تعبت و مش هكمل مش هكون الجدع 
  الدنيا مبتديش الجدع غير شوية وجع 
انا نسيتك... مش هفتكرك تاني 
لو افتكرتك صدقيني هكتبلك حبة اغاني 
امسح دموعك دول فكرينك عايش حياتك 
ميعرفوش انك فاكرهم و لسة فاكر ناسك 
شكلك حبيت بجد و نسيت انك فعلا فاشل
 بس كفاية اني جدع و يقولو في ضهري اني راجل 
 V_2  H A M O O
الدنيا غريبة بس الخلق فيها اغرب 
في ضهري اوسخ واحد قدامي هو الاقرب 
مفيش صحاب بتدوم مفيش حيب  تصون 
كلها خلق بتهون و الصحه خلاص بتروح
شايفني اضعف واحد بس انا اقوي اكيد من الضعف 
قلوب تحب بس الاكتر تخلق كره
نفسي اتعلم النسيان 
و نفسي ابطل الايدمان 
في ناس بتموت من غير اتمان و ناس تتمني كمان و كمان قلوب سودا غطت الوان انا نفسي ارجع زي زمان 
د ياما كان ...شربت الوجع لكن 
 اتعلمت لما حد يمشي اقولوا روح سلام 
انا بتخان..... من اقرب حد ليا 
مبيصنوش العيش و الملح بس بيحبوا القاسية 
و اهي الايام عشتها صعبة 
بتتوه القريب في غربة 
special thank for :- B E R B O

غربة|(FT:B E R B O) Strange

اسلام جوبا _ خاينه من البوم الحضن الاخير غناء بودي اغنيه حزينة ومؤلمه.mp3

New track
Title : ابن سبعة

Released by:
Tribe studio (القبيله)

Release date:
18 September 2018 - 12:00AM

Artist : Crow
Mix & Master By : MANDO
Prod By : MANDO
Poster By : Karim Atef Mgahed 
ـــــــــــــــــــــــــــــــــــــــــــــــــــــــــــ
Lyrics
ـــــــــــــــــــــــــــــ
#V1
لحظه تجلي في قوضه ضلمه يمحلي الاقعده وحدي
اكون متشائم مش فاهم واحب اليل وخبتي 
واخبي همومي لحد متحني ضهري 
واتعود اموت من جوه بالبطيء وشكلي يبكي
بناقصه اكون مرتاح ابركلي اعيش سجين اوجاع
مافيش دموع هاتطيب قلب داب من الاحزان
مش هموت من الدخان
لو فوقت بكون في حاله ونوع من الهزيان
انا جضان الجو ضباب عايشها في حالكه
كدبت نفسي لما قلتلي انها مش جايه
 مستنيها تحت المطره 
اتخبلت لما جت وعرفت انها مش باقيه وماشيه
كل الي باقي مني يادوب
حبه بواقي وصوت مكتوم وزكره في الجنوب
فاليكن ما يكون 
اتاكدت ان هكون لوحدي لحد ماكون مجزوب
ـــــــــــــــــــــــــــــ
Chorus
ابن سابعه ولسه عايش عادي والحياه مش واقفه
اللحظه دي مش دايمه
بكفي مناهده 
كل الصحاب مش سالكه
ابن سابعه ولسه عايش عادي والحياه مش واقفه
اللحظه دي مش دايمه
اخرتها هرسي في خنكه
هيكون علي قبري ورده
ـــــــــــــــــــــــــــــ
#V2
املا الكسات خمور ويلا بينا نسكر
نعيد احياء تراب الماضي والوعد المتكسر
انا كيف المدمن متخدر قلبي اسود متغبر
وشي باهت متعفر 
بكتب علي الحيطان لامتا هصبر ابقا في عنبر
غلبان وربك بيا ادرا
وربنا المعبود ماليا غيرك انتي ياما
لا حبيب ولا صحبه ولا مغنا ولا اخ واخت هتبقا
الدنيا دي وما فيها في كفه وانتي ياما في كفه
بكفي بكا وزعل علي الي ميستهلشي
هشيل وشمك من جسمي 
همحي اي شيء يربطني بيكي
لو جت سرتك بكون ناسيكي
مولد بوش مكشر عضم جسمي اتكسر
دمي فار واتبخر والنصيب لساه متاخر
بيحسدوني علي الي في يدي 
يتيم الروح مستني الارض تتشق وتبلعني
ـــــــــــــــــــــــــــــ
Chorus
ابن سابعه ولسه عايش عادي والحياه مش واقفه
اللحظه دي مش دايمه
بكفي مناهده 
كل الصحاب مش سالكه
ابن سبعه ولسه عايش عادي والحياه مش واقفه
اللحظه دي مش دايمه
اخرتها هرسي في خنكه
هيكون علي قبري ورده

#Like_Share_if_you_lik

Crow || Son of seven || ابن سبعة || (Prod By MANDO)

"بتحبها" زياد محمد | Bt7bha "zeyad mohamed"

Not making songs anymore 
to ask me any questions dm me at my ig : sadam7ussein

حبيتــها .. تــراك جــديــد >> غنــاء صــدام >> تيــم الفــاقوســيه

SaDaM Hussein

Recent comments

عبد السلام

Rody

Mona Shaban

nour

Related tracks