
يا حُــب .. من زمن تانى
يا مخلوق بس علشانى 
هستنــاك .. 
و هكون لك آحلى هدية
و هخدك من دنيتك ليا 
و هتمنى اكون زى م تتمنى
و نعيش سوا ف دنيتنا 
حتة من الجنة :$
و رب الكون يكون شاهد
و هلبسلك الآبيض 
بحشمة و زوق و لون هادى
و هبقى ليك بطول لياليك
و هفرح
لو تكون راضى ..
و هنربى انا و انت احلى عيال
ولد فيه شقاوتك
و بنت تاخد منى كسوفى
و اشوفك ف عيونهم
و اشيلهم عل كفوفى
و هحبهم 
و اخبى فيهم خوفى
و ارمى نفسى جواك
و تكون معاك روحى
و ادعيلك ينصرك ربــى
و يحميك و افضل دآيما اطمن عليك
و اقول يا رب قويــه عل الدنيا
عشان هو دنتيى 
و اخر صبرى و كل فرحتى 


#ساره_عماد
موسيقى : حسن الشافعى

حب .. من زمن تانى / سـاره عمـاد

جامده جدااااااااااااا

طاير يا هوا_ محمد رشاد

وائل جسار | معارف تتر مسلسل أريد رجلا.mp3

في قلبي صورتك _ وائل جسار

الموسيقى التصويرية مسلسل خطوط حمراء.MP3.mp3

ريهام عبد الحكيم - حاسة معاك
كلمات الشاعر والسيناريست - حسين مصطفي محرم

Official Facebook page - www.facebook.com/husseinmoharramofficial
Official soundcloud - @husseinmoharram
Official youtube - www.youtube.com/user/husseinmoharram

ريهام عبد الحكيم - حاسة معاك

أصالة وأحمد فهمي - عيش - سكر - وطن  - Assala w Ahmed Fahmy - Eish - Sokkar - Watan

خلينا صحاب - كلمات الشاعر عمرو حسن 
أداء صوتي / أحمد سمري 
شايفاك انسان طيب حسّاس 
راجل ورقيق 
تنفع كصديق ، لكن كحبيب ؟ عمري مافكرت 
تستاهل أحسن مني كتير 
والله ياواد لاهجيبهالك 
عاوزين بقا نفرح بعيالك 
وبحبك جداً صدقني وجوايا حاجات 
بس احنا اخوات 
سِكتِتْ وسكِتت
مشيّت ووقِفتْ 
وكإن الدنيا بتتحول اسود بهتان 
لون أنا مش عارفه لحد الآن
وكإن فيه خيط مزيكا حزين 
طالع من مطرح وقفِتْها 
هل حبيتها ؟ أم ان الأمر بحاله سراب 
قولتلها : انا رافض نبقى صحاب 
ياتكوني معايا يامتكونيليش 
سِكتِتْ لحظة .. علشان كانت هي ملاحظة 
ان انا مكسور وبهددها 
مدت إيدها مسكت ايدي 
وقالتلي خلاص فُك ياسيدي عازماك على قهوة ماتكسفنيش
كانت فاهمة ان الموقف صعب 
والصعب حبيبتك تتعاطف علشان تواسيك
فأخدت قرار اني انساها 
من يومها وانا بدونها معاها 
براقبها بعين عيّل محروم 
وباقول ما اطلبش باكلمها 
وبفكّر هي بتعرف مين 
ضحكتها لمين 
وباموت لو كانت بصاله 
أصبحنا لاننفع متصاحبين ولا عُدنا صحاب 
وبقينا برغم اللي مابيننا 
شخصين أغراب
تسعين في المية من الأشخاص المكتئبين 
بيحسّوا حنين لقلوب بتحِّن لناس غيرهم 
الواحد ضيّع وقت كبير مع ناس مش شاغل تفكيرهم 
هذا التفكير الغير صحيّ
هو المتسبب في القهوة 
ف عمر خيرت وtrio goubran 
وف قلب نظام النوم للعكس 
وصداع القولون العصبي
تضييع ستاشر ساعة ف شات
ودخولك ف مشاكل وحاجات 
وخروجك منك آخر الليل 
هتروح لطبيب هيبص عليك 
وهيكتبلك أدوية للنوم 
ومهدأ ويسيبك تمشي 
وهتفضل برضه مابتنامشي 
وهيفضل جسمك بيعاندك 
كل الموضوع انك عندك 
" متلازمة حُب اللي ماحبكش "
انت معندكش سبب عضوي 
يمنع عينك تقفل لساعات
السبب الأصلي ف عدم النوم 
انها شايفاكوا اتنين اخوات 
بالنسبالها .. هي بتعشق في اللي قَتَلها 
واللي ماقدّرش ودخلها ف مساحه كبيرة من الإهمال 
بتحب جنونه وعصبيته 
وتحب تشوفه بيجرحها
وتحب انه مابيكلمهاش 
مع انه مكلم ناس تانيين 
وتحب عدم غيرته عليها 
وتحب قساوته وهي تلين 
بالنسبالها .. عمرك ماهتبقى اللي ف بالها 
فافهم ياحزين 
واعرف دستور البني آدمين
عمرك بيضيع والوضع وضيع 
والعالم أجمل من غيرها 
عمرك ماهتيجي ف تفكيرها 
مع انك شاغل ناس تانيين 
وحاططهم ف القايمة اياها ( خلينا صحاب ) 
داين تتدان 
ومافيش مجروح مابقاش جارح
كله بيبحث على ألمه الخاص 
وكإن الحب بدون راحه 
وكإن الشوق لازمُه جراحه 
علشان مايروحش لناس ببلاش
اعتبره ماجاش 
ونصيحة ياريت لو كنتوا صحاب ، خليكوا صحاب 
علشان لو قولت على مشاعرك 
هتكون بتضحّي بصداقتها 
وان فعلاً فعلاً حبيتها 
استنى عنيها تقول قبلك 
واستنى الشوق فيها يقابلك 
وساعتها يجوز تنسى المسافات 
فيما عدا ذلك ف انت هتسمع 
انا آه حباك بس احنا اخوات .

خلينا اصحاب كلمات الشاعر / عمرو حسن .. أداء صوتي / أحمد سمري

محصلش حاجة

مكنتش هبقا طول ولا عرض
بدون امي اللي حبها فرض
مفيش ولا واحدة جت ع الارض
تنافس امي في جمالها

حب .. من زمن تانى / سـاره عمـاد

Sara Emad