touffar

ناصردين الطفّار - ناي 
انتاج موسيقي : جواد نوفل "مونما
مشاركة صوتية "مقدمّة الأخبار" دانا مهاجر
تصميم الصورة : محمد السعودي



حققت قواتنا الباسلة انجازاً نوعياً جديداً في مستعمرة حمص ، حيث تمّ القضاء على الطفلة ناي ، بعد معركة شرسة امتدّت حتّى صباح اليوم الجمعة .. مزيد من التفاصيل من ساحة المعركة مع مراسلنا المأجور تضليل اعلامي ، تضليل ... تضليل

بحمص خلقت ناي من الطفولة ارهابية
منّا طفلة زغيرة هاي مندسّة قطريّة
مش عم تبكي لأ بدها قوّة دولية لتعلّما الحكي يعني الكذب
- بالمختصر -
مش سوريّة ناي هويّتها مزوّرة
بوها اسرائيلي مسقط راسا انقرة
اللهاية اللي بتمها مغطّسة ببترول
يوم الخلقت ورتّوها بالعراق حقول
صح شكلا بنت لكن هيي مخرّب
هيي و عم تدبدب للقاعدة بتقرّب
زغيرة بعدا يعني الله مدري شوّي
و مع هيك يخي تأكّد انّو ناي طائفيّة ..

اعزائنا المستمعين نعتذر عن عدم الدقّة في ما ورد في المقطع الأوّل فهو يندرج في اطار غسيل الدماغ الذي يمارسه اعلامنا العربيّ دوماً لتحويل الضحيّة الى وحش كاسر .. ناصردين ، الهواء لك .

بحمص خلقت ناي من الطفولة يتّموها
قتلو أبوها جنود شكّوا انّو حرّ
اني حرّة اوّل كلمة ناي نطقتها
كتبتها عكرتونة هيلكوبتر حرقتها
لعبتها سمّتها حطّين
و فستانا بعلم فلسطين
قتل خوها الأسد قتل اختا التكفير
و راحت ناي بين جرين حريّة و تحرير
حلمت تكبر و تصير محامية لامعة
طحن حلما جنازير دبابة ممانعة
كل الدني يخي اتفقّت عناي
كلّو نهش لحما دمّا ارخص من الماي
توحّد سيف الحاكم و الكافر عرقبتها
خبّت ثورتها بالقصير دفنتها

كان هذا كلّ شيء حتّى الساعة..نشكر لكم حسن المتابعة و الى اللقاء

Naserdayn L Touffar - Nay (PROD. MUNMA)

الراس:
هوية مكسورة قبل العرعور بكتير
خلايا بتنقسم تكاثر بكتيري
وينك يا عروبتي بالصحرا صرتي سراب كل ما قرب بتطيري؟
بمصر صرتي عقاب عزند سلاح ميري
جاري بالبناية عم يسألني وين أميري؟ بالضاحية أو بالبيرة؟
انتماءك للبلد أصلا عأي أساس؟ 
المدينة ولا الطائفة ولا الطبقة ولا الكاس؟
سلاحك من بندر سلطان أو بندر عباس؟
دولة مين؟ شاطرة عصواريخ الحشاشين؟ 
وعلوكي وعيد عم يوزعوا نياشين؟
لبنان اثنين معلومات ومخابرات
وزيد اثنين دعارة ومخدرات
في عيادات للتجميل بس لترقيع البلد خلصوا المستحضرات
موت سريري بالذاكرة عم نهلوس
في عتمة بخنق واضواء بتفونس
مهر بكرا غالي والحرية عم تعنس
غمض غمس بدم أخوك لقمة
يا بتلبس من الوانهم يا بلبسوك تهمة
عائشة وزينب، حرب حقوق المرأة شكلها
خارج الكوكب، حروف لغات الماضي حقلها
بآمن بالثورة حربك ما بتعنيني
لا حرية بتجيب ولا بترجع بصواريخك فلسطيني
فهمت ليش عمرت السفينة؟

الردة:
الأرزة بلها اشرب ميتها دم
قلي مين نحنا بجملة كلنا للعلم؟
اجمعوا نجوم العلمين اقعدوا بفندق بخمسة
وضوءي فكري والعلم نجس لمسة

ناصر دين الطفار:

غراضي من اليمونة و دفتري من الشام و ركبت معي السردة عالعلم بلبنان
ابيض مفهومة هاي بتعني كوكايين، اخضر خلط الدولار بالبنزين
احمر الفوق يعني نبيد عموايد مشايخ واللي تحت دم مؤمنين
كلنا للوطن بس الوطن للبطون عم نتعايش ارز و افيون قطعة من السما بس مفخوت الاوزون متل فخت الاصلاح بدولاب ميشال عون
ركز، الفرق بين تماني و اربعطعش متل الفرق بين العهر و بين الفحش
الارزة بلا و شراب ميّتا دم قبل الخمسة مولانا بعد السبعة بيشمّ
بي بيأمّو بيسمّ ناس بتزحف من هم و بيسب الكفار
يخي يا بو الطقم و سيجار ياللي بتتقروص من كلمة طفار لما بعت انتصار الثوار ببازار اليسار انقسم بين البار و بشار
علبونا بعلب ربطونا بعقد بنجونا بخرافة
باسم الدين او باسم الحداثة باسم فلسطين او باسم النجاسة
بين الجزمة و الافعى ربطت الخبز مع الذل شو نفعا ؟
بدي قلك قراري
بلدنا عبارة عن شبكة مجاري، لحافظ، عوجّو الحضاري بشخ بسوليدير بنص الوسخ التجاري.. و الارزة بلّا


الراس وناصر دين الطفار (انتاج مونما) - لبنان 2

كلمات و أداء ناصردين الطفّار
انتاج موسيقي : مونما

الكلمات

انت مغلط اذا مفكر انو جهنم بعد الموت ، اني عرفت جهنم اول يوم خدت نفس
اول كلمة قلتا "بدي" تاني كلمة "البدكن ياه" يمّا غمّة بالقطيع يا أمّا بتندعس
الجنة يبن عمي ما بتجي من رياضة قوم و قعدة الجنة بسمة بوج فقير بإيدو تنكة ايفيس
جهنم للي جاعت بنتو ركع و صلى
 الجنة للي سرق اكل حاكم و طعما
كل ما اجو الشحادين عالسيارة علي الصوت علي قزازك و اكتب عالفيسبوك الله للفقير
الله يبن عمي محاصر باليرموك ، قلي ضب لسانك لا كلاب الملك يرموك
الله ولد يبن عمي مع ولاد درعا ، بزواريب جبل محسن عم يتوقى القناص
شوفو صوب بعلبك موجود بكل ضيعة ، عالرصيف مع شغيلة الفاعل عالبحصاص
طافر بسهول ما بتتسعر بالمال مبدل اهله بسلاح و جاره باحتلال
شاف بعينو النبي شيت خاوى نبي بقانا مات، بعدا ببالو دولة سمت اشرف حرب مغامرة، عادت عملت ثورة اشرف شعب مؤامرة
الله منو بجامع فخم الله بالمخيم، فلاح بسهل القاع و بحلب عايش بالرعب
طفل بعرسال استشهد طلعت روحه بعيتا الشعب
الله عنده حقوق ولو ما عنده صواريخ صوته من صوات صريخ اسرى التعذيب
دم الحق ما بينجمع مع الجامع معه مصالح مع القلك قوس معك يوم القبض قلك صالح ، الله ما في عنده حزب ولا تيار سلفي
الله بري من كل دين حق المرا منو في
لما تصلي للرب لا تتوجه صوب الكعبة الله عاف آل سعود بوجهن لبس جعبة
الله ناس بلحما الحي صوب القدس مجمعة عم ترعب لدورية ملالات مدرعة 
بالبحرين بدوار اللؤلؤة
و بمصر ضد الكل بميدان التحرير
بسورية عم ينقصف منو بقصر الامير آمن ، آمن ..

ما بدي موت بانفجار صدفة للاقيك
ولا بدي ذلي بهالدني يعطيني عندك جنة
يا رب
لو بجهنم صفيت .. جهنم للي جاهر باللي بقلبه ، جنّة .



براءة - ناصردين الطفّار (موسيقى مونما)

جعفر الطفار 
مقدسي 
ساطي
احمد رفعت :دف
ايقاعات :حسين قمح 
انتاج اسلوب
كلمات الاغنية 
مقدسي
اخر الليل ومش نايم عبيت شنتي وراق بس لسا خايف ابصر يمرقوني يا ربي تسهل بدي الحق الطابور من اولو خليني اشهل مبارح دورية مسكت جاري عالجدار هيو صار بنفحة وصار جداري بلا جار داري اتعبت بغبار فجأة قام هدولو دارو قالو امني بالسجن بتلت سنين محدا زارو بتوصلني اخبارو , بديش افوت تهريب هيني اخدت تصريح غصبن عني سيب !! ايدي بعرف الطريق مهوني كانت مزرعة واقف بطابور قدامي جندي ورا اسلاك مربعة حاسس بصربعة مش يمكن ناسي وراق ؟؟ مهي فوبيا صارت عندي ولك فوء يا ! لاء هي صار الفحص دوري خد كومة وراق لتشبع فتحلي باب صغير من وراي وقلي إرجع !
جعفر 

بين أرضنا و أرضكن حدود عليها دورية
و نحن بين الموت و بين حواجز عسكرية

تنين درك حطّو مرا هندية بسيارة
طاروا فيها صوب بعبدا ع مبنى الوزارة
زمور الخطر بتقول كمّشو الأسير
مدري اللي مارق مستعجل موكب شي وزير
مدري نكد دهر الله ما بيرمي الا فقير
مدري الحرية ما لبقت إلا لأمير
و حمامات الأمن العام صارت حبوسات
ل اللي جايي من سوريي ,سودانيي ,فلسطينني
فندق خمس نجوم حبس الروسيات
بس ل اللي معو مصاري وزّع جنسيات
فضلات الناس البطراني عالأطفال مساعدات
غيفارا ما مات
بس البشر ماتوا
لما عالحواجز يخي مرقّوا سيارة
فجروّها بالضواحي روّحوا ختيارة
و الفقير بعدو ناطر يقطع حاجز...

بين أرضنا و أرضكن حدود عليها دورية
و نحن بين الموت و بين حواجز عسكرية
ساطي
صحيت عالخمسة جهزت ودعت أخوي والحجة
دعواتك اللي زمان مش رايح قلبي صابته الرجة
بس من هم الرحلة راحت وبلشت أحسب الغلبة
عقلي بودي وبجيب شكلو بالشمال دعست عالعتبة
ضايع الطريق طويل والنخزة عالجسر إختفت
مريت بسرعة المعاملة بكل سلاسة عطول إنتهت
المرحلة الثانية بين دارين روحي هون وهناك بين نارين
نظام وإحتلال المشاعر إختلطت صفيت بين جارين
باص باصين طلعو خمس باصات بس ملطوعين
بالنص خمس ساعات قاعدين بالشمس متروكين
طلعات ونزلات بوزعو إبتسامات بدون أختام
تقول جاي عدارهم بشيك عالجواز بعطيك لزقات وأرقام
أجهزة ورنات نظرات وشاشات بعدها بتروح عالثالث
عد للثلاث من الجهتين نفس الحاصل خذ عالساكت
بسال عالمارق عشان تحس بوجود السلطة
معاي مش فارق بما إنك بتفتش حتضلك نقطة
https://soundcloud.com/ay-satti 
https://www.facebook.com/GaafarTouffar?ref=br_rs
https://soundcloud.com/maqdesi

مقدسي .جعفر الطفار. ساطى :بين الحاجز والموت انتاج: اسلوب

أنباء هامّة - موسيقى جواد نوفل(مونما)
كلمات و أداء : بو ناصر الطفّار و مازن السيّد "الراس"
من ألبوم الرأس و مونما : "آدم داروين و البطريق" 
الالبوم الكامل على : http://elrass-munma.bandcamp.com/releases

الثورة مو عالشاشة / الثورة عالطريق
الصورة من أعمال بانكسي

أنباء هامّة- ناصردين الطفّار و الرّاس

بو ناصر في : تتليت 
موسيقى : مونما
تصميم الصورة :محمد سعودي

مين ضلّ حدّك لمّا عزت قلّي قلّي عقلي لما شفت قلّة مين عليك دق باب ؟ (4)

إيقاع المونما يبن عمّي الصوت علّي
 خلّي يشفى هالقلب من كل علّة
 ضل دلّ سبّ كبّ حجار علّي
 عيشتي و عيشتك لجهنم قلبها
 بكّى عيون العالم و حرق قلبها
 كل هالتماثيل واجب قلبها
 و واجب يبكي البكّاك الدمعة دم
 و خلّى العمر كلّه يمشي زود دم ع دم
 من تحت الارض يخي طلع دم عدم
 كل أفعى ببطن الشعب كبّت سمّا
 و كل من نزع سهرة عيلة طيبة سمّا
 ناصردين الإشيا بأسمائها سمّا
 و ما بعمره حب الشهرة للكلام فضّى
 و لا بعمرا الروح انباعت كرامة حشيش و فضّة
 سيرة انّي اخلص خلص فضّا
 و تسمّع راب و عتاب
 و زتّ عالظلمنا يوم لوم و عتاب
 ما بدّي قصور صدور بيوت و عتاب
 بدي كون حرّ عرصيف شارع فرعي
 بغنّي عن الجيرة و العشرة بكلام فرعي
 بكون حرّ عرصيف شارع خالي
 لا تقلّي الحزب أمك هاك الكلب منّو خالي .

مين ضلّ حدّك لمّا عزت قلّي قلّي عقلي لما شفت قلّة مين عليك دق باب ؟ (4)

مين ضلّو حدّك ؟
 و مين طرّى حدّك ؟
 و مين لمّا وقعت قال خلصت هون حدّك ؟
 مين ضلّو ماضي ؟
 و مين نسي ماضي ؟
 و مين عرفت مأخّر إنو لعدوّك ماضي ؟
 مين مالو مال ؟
 و مين عنده عزّة نفس لكن ما لو مال ؟
 و مين استقرش حتّى حكيه صار مال و مال و مال و مال ؟
 مين إبن طايفة ؟
 و مين لمّا بتبزق بوجهو بيقول طايفة ؟
 مين باع دين؟
 بالهرمل إلي أخوة مهما كانو باعدين
 مرّة العيشة بين حيطان زرقا مرّة
 مرّة بس طلاع و شوف الدني برّا مرّة
 و شوف كيف الافتراضي فيه يكون جدّي
 و خلّي الثورة تضرب من وسط طهران و جدّة
 و هدّي خوك ان وقع قدّام العدوّ نهار
 و انهر كلّ من ركع قدّام العدوّ و انهار
 نحنا كتاب الكذب ما روانا
 و نهر الخمر اللي بالجنة ما روانا
 بالقانون ممنوع تتليت ماروانا
 و اللي تلّى الدم ديه عالرئاسة متلّت .

مين ضلّ حدّك لمّا عزت قلّي قلّي عقلي لما شفت قلّة مين عليك دق باب ؟ (4)


ناصردين الطفّار - تتليت - موسيقى مونما

بالتفصيل المذل - بعدني قاش - العتيق و مزاج Beat Prod By Dj Sam

مغفرة - بعدني قاش - مزاج - إنتاج مولانا

انتاج: ذو الفقار و الأصلي
صورة: انتصار محناية

كلمات:
لا تسأل شو سلاحك بسلاحي حقي ضاع
ضعف ايماني خلاني ابتهل بالدعاء
فالفكرة مش بالسمعة الفكرة هي بالسماع
مثل اطرش جوع قلبه بقلب غزة القطاع
اختراع منهم لدين يوحد الشعاع
باثق من قلوب رعاع و مقاوم حقه باع
برائة ثائر الحق داخل اعماق القاع
تفرد يسارك و يمينك حتى تلاقي بينهم باع
قياس اتساع الهوة
بين القلب و العقل
بين اليأس و الامل
بين القول و الفعل
تأليه الحاكم هو اكبر دليل على فشل
نظام اشتراكي واهن  حتى البعص قد خذل
طياز مدارس قومجية
ببدلة الفتوة بحصة عسكرية
اعلان الجولان ارض للاسرائيلية
و الغوطة هي اولى بالصواريخ الكيماوية
قتل الارهاب و ين ما كان و الاعمال بالنية
بلونها البني صواريخي بلا ما لفها طير
?مستني مني دعم فكر شعب مسير
و النازية مش انك متبع لهتلر
و جهادي كبر فعله برر
بحماية دين الله نزله
الله مش قادر يحميه لهيك حمله
مسؤولية حماية الدين
و تفاحة آدم هي رجس شيطان رجيم
 مو اختبار رحمنٌ رحيم
رتل سورة التين
تسائل كيف احتلوا هل بلد الأمين
تجاهل حج ملاين بمكة
ارجم حجار لك صوب الضفة
لترجم الشيطان روح رجمه بفلسطين

انا الثورة و الشارع و الغضب انا الشعب
انا الي ما ذاق حليب امه و صدرها للغريب خصب
ما اريد الغرب و ما رضيت اكون كلب عند الكلب
انا حيطان جامع انهدت فوق راس الرب


فراغ مقرف موحش جوا روحي معشش
سكارة فاضية طافية بأصابع ايد محشش
جوات زنزانة مكلبش و كلب من لحمه ينهش
صريخ عذابه بيصحي آذان اطرش
ابراء أكمه و ابرص ابراء اخرس
برائة ناصردين من احفاد اوس و خزرج
دوران روح درويش بين اشواك عوسج
و من بين الروس كلها مافي غير هل راس عرج
ذو الفقار من غمده اخرج 
ع رقبة معزة عرجا
صارت الطفلة تموت بفلسطين و يقولو خرجا
هم الملك كرشه و هم الملكة فرجها
الشعوب عبارة عن كبابيت مزتوتين بدرجا 
رحنا اربع سنين بس لا لساتنا ما نسينا
سفينة نوح رسيت و احنا لساتنا ما ارسينا
تنافس عدنان و عبسي ع حماية مرقد لينا
لا تقلي بس يلعن اخت البس شو عملت فينا
متطرف بس منيح 
منيح بس الي حولو عرصات
ع سراط متل الريح
و ريح تنقض حكم سقراط
لأنه قال عبقرية المرأة بقلبها
فبعقلها كبلها
بقول الاعلى انها من ضلعك
فالعقلها عقلها
من اليمبوس صريخ
ناي و حمزة ما لقينا قصر يلمنا  
طولنا ولا قصرنا لك بيسعنا حضن امنا
إمناء نحن لكن قومو متل ما نحن قمنا
قَمِنّا الارض ب سلاح الحر و الحر منا
اسد حرمنا بعنجهيته 
بنعجة جيته
قربان افكار من جوع حصار دفعت ديته 
ليكه مناضل بالغار تحت دثار عم يشرب نخب فيتو
و العربي احتلوا ارضه ما صدّق فباع قضيته

Silni | صلني

"رسالة من الحبس"
جعفر الطفّار 
إنتاج اسلوب.

لو إنك تسمع القصة يا قاضي  
لكنت كسرت مطرقة الخشب*

خالي ما إنكمش ما اتداهم سَلًّم للعدالي
تهمة مشكل فردي كانت ما كانت عمالي 
مبارح من رقمو بالحبس باعتلي رسالي:
بالسحسوح استقبالي مطمّش و عالهمس 
شرطة عسكرية هروّ تلات سنان ببوكس
رعب / إهاني / مذلي و الاذى عن عمد
لئمني ع جوع الليل و النومي كبيس
إنو إنت اللي تتعذب أهون من صوت محابيس 
غبت عن الوعي كتر القتل

برا الحبس و جوا الحبس الكلبشة  بالايادي 
حاكم ظالم مية نفس و عايش عمرو بسعادي (2)

زتّونا عشرة يا خالي بغرفة ما بتساع اتنين 
واحد معو الربو التاني سرطان
حلمو بين ولادو يموت آخرة الزمان 
اسلاميي هون ملوك مو ناقصا قصور 
زحلة متل حلبا متل رومية متل صور
لا تجي و تزور
لا توقف بالدور 
الوقت ربىّ الحقد حد الحزن عالاصول 
جنزير الفقر رابطنا بحديقة حاكم خنزير و القانون عنا اصلاً مو حاسبنا بشر
مبارح بالتمرد قالوا واحد منا انتحر 
هني اللي صفّو 
 الحرامي اللي عندو ضهر احلى عيشي عيشوه 
و العميل كرّمو قاضي وظفو
دولتنا بدا بالذل يا خالي تربينا 
المحامي ما بسمع منو غير كلمة بدل اتعاب 
قلي بدنا نحلا صلح بس طلع كذاب 

برا الحبس و جوا الحبس الكلبشة  بالايادي 
حاكم ظالم مية نفس و عايش عمرو بسعادي (2)

بالسجن عرفنا طبيب أهم من النايب 
كل المرضى عندو الله بنفس المرض صايب
هيدا الحبس زريبة تاني متل الانتو فيها بس ناقصة حرية
الحبس مو للزلم 
الحبس للكلاب
الحبس للارهاب 
الحبس ل اللي سارق شعبو و معبّي الجياب 
الحبس مو ل الزلم و الجنة حرية
الحبس مو ل الزلم و الجنة حرية 
الحبس مو ل الزلم و الجنة حرية 
الحبس مو ل الزلم و الجنة حرية 



لو إنك تسمع القصة يا قاضي  
لكنت كسرت مطرقة الخشب*


رسالة من الحبس

خير الشغب . ناصردين الطفّار و السيّدر درويش
إنتاج : Hello Psychaleppo
تسجيل  الرّاس - 2015
Artwork :Hello Psychaleppo

كلمات "خير الشغب" :

لا تنوشل أو تفتكر خبرية موت الملك كذب
مشّي الزجل لنحتفل نترقوَص عنشيد الحزب
بكي من فرح، كلبك سرح، نام بفلا مات الذئب
صار فيك تقول مات أخي، الناضل عالدرب و ما ضلّ
فيك تبادر تنتخي، الضالل للأبد ما ضلّ
فيك تلبّق ألوانك صار فيك تفرجينا سنانك
فيك تقول أني إلى أني معي أني مني فدا صرماية حدا
بطّلت الكلمة تربطا، فيك الجزمة ترفضا
فيك تقول أني مع أني ضدّ و يلعن كلّ شي و كل حدا
ناطر هالتراك من سنين، دروبش و ناصر دين، عموسيقى مريضة نزفّ الخبر لحلب و حمص و العين

ثورة على النفس
بس الذليل إذا أكل الشمس بيضلّ تايه
حيّ على الشعب
حيّ على خير الشغب
بآية عالغضب
الحق شرق على شعر البلد اللي فرد
على صرخة ما في للأبد
حيّ على النّاس
مدد
ثورة على النفس
بس الذليل إذا أكل الشمس بيضلّ تايه
حيّ على الشعب
حيّ على خير الشغب
بآية عالغضب
الحق شرق على شعر البلد اللي فرد
على صرخة ما في للأبد
حيّ على النّاس
مدد مدد مدد مدد.

خير الشغب - بو ناصر الطفّار و الدرويش Prod. Hello Psychaleppo

بو ناصر الطفّار: ربّ القلق
2017
إنتاج موسيقي: بو كلثوم
تسجيل: الراس
الكلمات:

"يا بو ناصر واعذاب العين من شي تشوفه"
لا تنتظر من البو والبوبو إلّا القلق
ولا تتوقّع صفّ حكي بل جواز حلق
وين يو؟ 
هيدا حرص ولّا حسد؟
محتار شوف فيك معارض عرص ولّا أسد؟
وين يو؟
ولك يا بوبو بس بقا
عشرين سنة شغل جحاش شبع ربك شقا
صرت من خيالي مشخشخب
مسرسب بين اربع حيطان مكركب
عمّ الحبّ لما الفيسبوك زاد القلب
بكرا بتقتل بعدا بتفقس فقسة حسّ بالذنب
منيح؟
بالحراك كم شبّيح
لبس توب الدرك لما الدرك يستريح
منيح؟
هالتراك مش ربيح
إذا عندك زيح أحمر باجري بمجي مية زيح
وين يو؟
نقلق راحتك يا رايق
الما ربّته الدني رح يتربّى بالحرايق

بيروت ما بتخنقنا، نحنا منخنق بعض / مشنوق ما بيشنقنا، نحنا منشنق بعض

طير كان طاير كلّ فكره منّو وحيد
إذا امه بعيدة تلمّه هون بتلمّه مية أيد
بس هوى
ما لاقى حوله الا هوا
والهوا هون وسخ مهما غش غريب وغوا
الصاب الطير بينسى الطير بس الطير لا
نحنا بدل أخد العبرة منحيي الذكرى
تاره بيتاخد عمهل
حررنا الارض من الصهيوني ليحتلّا الجهل
هلا ومرحب بالعمامة
يا رايح صوب القدس عالغوطة وصل سلامي
طير حلّق، بلا جوانخ خنّق، والصيّاد المخّ كلنا الطير علّق
العجز شلّك الوعي، وضاع حلّك، غطّ كلّ الطير لَ صار الطير كلّك
منيح؟
هالتراك مش ربّيح
الثورة صارت دولة حتّى الدولة تستريح

بيروت ما بتخنقنا، نحنا منخنق بعض / مشنوق ما بيشنقنا، نحنا منشنق بعض
" ويش أسوي يا بو ناصر عيني اللي غربلتني"

بو ناصر الطافر - ربّ القلق Prod. By Bu kolthoum

"الأعرج" 
جعفر الطفّار إنتاج أسلوب.
فلوت: نيسم جلال 
شكر خاص :استوديو المخيمات  
صورة الغلاف: عبد الرحمن منصور 
الكلمات :
إذا إنت الأعرج يعني نحن مكرسحين 
إذا الثقافة مش إنت طزّ ب طُن مثقفين 
صوتك عالي صوتك واضح نحن طرشانين
حافظ معارك ما حضرتا اللي حضروها نسيانين 
و الصيدلية دشّرتا فيها غرقانين
نبرم ع دوانا و إنت عارف دواك من سنين 
بعت الدني و اشتريت 
***رشاشين كتابك و الكوفية 
بس إنقطعت من الذخيرة الحية 
معارك خضتا بالمعدة الخاوية 
بالملح بالمايي***
وينوي الإمام يغني عالمناضل المتال  و حيف عالقلال
إنت مين و هني مين؟
سلطة كذابين منافقين و حاقدين
مصافحين مسامحين و معترفين
ساكتين و حاكمين قصور من كراتين
بيقبضوا ملايين
بدل ما يحموك سلّموك أعدموك
فكرن بالشظايا شوهّوك و جابو بوك ليفرجوك إلك إنت دمعو هوي و يذلّوك
نسو إنو انت ابن بوك
كان بينزل دمعو لو شدّوك 
كل الما عرفوك هلق صاروا بيعرفوك و اللي كان لازم يحموك
بدل ما يحموك سلمّوك اعدموك
خلّو الجثة عندن لينسوك 
يبرد دم البيحبوك 
بس العاهدوك كرمّوك دفنوك
اللي سبّوك بيخافوك 
بالعصاية الفضغوك فيها انفضغ بوك
حاكموك اللي خانوك
بدل ما يحموك سلمّوك أعدموك
بدل ما يحموك سلمّوك أعدموك...
***يبني ما شفتك أجمل من اليوم 
بالدم متحنّي يا عزيز القوم
نلت الشهادة متل ما إتمنيت 
لكن يا غالي مو  إلك هالنوم
***لو حنّا عندنا شو فيك همة 
لكنت الحي  و الاموات هما
بقلبك شلت لفلسطين هما 
بإيد سلاح بالتاني كتاب.

AL A'araj - الأعرج

"El-Mahatta L'oula" Album By Jundi Majhul .

Wlla La'a Feat Bu Nasser Prod By Jundi Majhul 

Mixing : Hello Psychaleppo 
Mastered : Yahia Tello 
Artwork : Mohammad Saudi
Translated : Dana Muhajer

Lyrics English : 
Jundi Majhul :

You think it’s right to forget how to laugh and be the saddest  I am the blood when the hood becomes a body  
You’re the wound  in its skin
No matter how much you tighten up the world on us 
The stage will always accommodate us with a wedding 
If my tooth was made of  gold, I wouldn’t keep on biting on the molar How many times have I heard it !!!  Music won’t feed you bread 
The sons of the hood and the sons of the barren mountains  are the same We both forgot the fear 
You think I’lll be sad if you became better than me?
I carry the burden of my country  Don’t blame the outlaw 
Blame the ones who sold us bullets 
I’m holding on till there is justice
The guardian of the people’s money is a thief 
So let’s punish the one who burned the harvest season 
You think anyone prefers to build himself in the bottom 
How many poor people have sold themselves to drown in the prince’s oil 
The darkness on the long term called me tight-fisted 
The tent thrives with every new disappointment 
Let’s make the martyr dance 
You think the fund stealer is a solution ? The government employee is dragging a helpless man sleeping on the justice department doors 
You think it’s cool that their stomachs are full while we have empty plates ? 
If « the few »  is a surrender to death I would’ve read « Al-Fatiha » long time ago


Bo Nasser :  Look,  We stopped praising urine 
We will make a noise party instead of the Henna
We will slaughter a bank owner in the weeding instead of a sheep Our contentment is their treasure.. or not ? When you tell me that money is garbage while you’re filling your mouth with it  I will pull it out from your throat 
Those who advise you to be patient are either rich or poor cowards, and both are afraid of losing.. or not ? Do you think that my dream was to be the tongue of the deprived, 
To hate and be hated, 
Have I signed a contract with my poverty ?
And if someday I got greedy and wanted to have a good sleep 
Does it mean that I betrayed my people if I got my mom a necklace ?
Am I happy to get beaten up in the streets by bastards ?
Is it a fashion to have 3 fingers appearing from my socks ?
Is it a hobby to buy half loaf of bread and 3 eggs ?
Is it a value to apply justice with the hunger of the children?
Is it a prestige to wear black in weddings and funerals ? Is it from happiness that we exchange children clothes? new clothes ??
Is it a decoration to have a bed and a fridge in the living room?

Look ,  Once again because I’m boiling inside and it’s been a year that I’m waiting to sing this verse
Who has a country but prefers the camp?
Who has a bed but loves the stones of the sidewalk?
Who??
Who can love the jailor? 
Who loves the cuffs and the walls ? 
Who prefers a shit plate from the government instead of his mom’s food plate.. or not ?
Who told you that we love misery ?
Does the one who get tired from work, hates to get tired from dancing?
Happy with my suffering ? Am I stupid ?!
Do the outlaws hate their homes and prefer to be in the barren mountains ??
It’s like I love to count the money I have left each time I pay a penny !
Suddenly I stop eating, anyway having a full stomach does not suit me 
We hate to be happy?
We feel hurt if we laugh?
If we fight the ones on top, does it mean that we want to stay in the bottom?
It’s warm in the bottom but we should be kept in a cold place 
Your brother Nasser is still going on this verse 
But the pen is finished
I need to end it
But before that, I have to remind you
 When you tell me that money is garbage while you’re filling your mouth with it  I will pull it out from your throat 
Those who advise you to be patient are either rich or poor cowards, and both are afraid of losing.. or not ?

Wlla La'a !! Feat Bu Nasser | ولّا لاء!! - مع بو ناصر

شو عمي مطولين لنمشي
يلا عمي عمهلك لنطلعلنا راكبين بعد
..شو بطلع فاضيي
طب عليلنا هالصوت من عندك الله
آه
الصوت الصوت..
من مدينة الشهدا مبلش طريق القدس ، خزان المقاومة بدمنا اللي تحول ثورة جياع و مستضغفين بوج الدولة حرمتنا منعتنا نزرع لنحصد تحرير و حرية قتلتنا ما سكتنا ردينا التار تهمونا تهمة شرف سمونا تجار تعاطي بحليب ولادنا الصغار نزلوا من بطن امهم حاملين الرشاشات ازرع احصد كسّر لفّ رانج كلاشين و فيميه و مطرح ما بيحلالك صف
تحضر لبلشلك من اول الطريق بعرفك على بقاعنا و تاريخنا العريق عندك لحدود شتورة كله مش محسوب بتضلك ماشي دغري بتوصل لنص السهل
طريق جديد مزفت عجنابه بيوت الاهل و اشجار بتنقي حتى الهو ا جُبنا و جدعان ما بيعيشوا سو انصيحة مني لكل الما بيتحمل يدور من هون و يرجع احسن ما يفل محمل لانو نحن قطعنا زحلة صارت خطيرة الرحلة حواجز عسكرية نقاط تفتيش مراكز فاضية ما فيها جيش اسباب معروفة من هيديك المرة علقتهم مع بيت جعفر اكيدة كانت مرة او قبلها بيت زعيتر حمية و المقداد علوه ناصرالدين المصري و مش رح زيد طبيعة صخرية و الاصل فلاح تحية للبيحترموا المزارع الفلاح من اهل اللبوة العين بعلبِك و بريتال حربتا حرتعلا الهرمل كلها رجال معروفين بالكرم النخوة و الرجولة رانجاتهم المفيمة بتمشي بلا نمر الاخمس المواعين معليلي نعيم صفات طريق العودة بتختصر
ازرع احصد كسّر لفّ رانج كلاشين و فيميه و مطرح ما بيحلالك صف
يا ابن عمي يا ابن عمي
انت بس انتظر لننتقم لتنعدم انت بس انتظر لف بكفن في رجال عم بتضوي الدنيا و تعيش بعتم احلام بسيطة بقبر الفقر عم تندفن حكم مستغني عن ناس استغنت عن حكم عفن حكم عبقاع يعيش بعدم بعلبك بقلبك طفّار تقاتل طفر
ببلد منتظر مرض مُعدي مُنتظَر و التاريخ مليان شواهد عشيرة شعب جبار
قارن كم في جندي و كم بقاعي بخط النار تذكر نهر البارد شو بيشبه جسر المطار
حي السلم مار مخايل و تذكر بجرود عكارتذكر حملة عالطفار قوّادا عميل ركن
بلا جامعة احتلينا الجامعات نحن الما في عنا سوليدير ولا بارات
عنا رغم الفقر بيضل الكرم منصان والفان معيش بيتين و للتالت جايب ضمان
و دمار حامي عمالة نظام انتبه لحد هلق كم في عسكري عميل
انتبه لحد هلق جيشك كم روّح قتيل منموت بعيون مفتوحة منتظرة وطن شوف الفرد حتى بجنب جثة مخوفن كلاب بوليسية كلاب بيكتب التاريخ كتاب اخمس دستور bkc
ناس بتزرع وفا ضد وفا انعرض انطلب ناس بتزرع شرف ضد شرف بالمال انضرب و ضد دستور حول بلد لماخور حول سهل ارض بور والاديان و طوائف جور
جرّب زور مدينة محاطة بسور و بيوت ما بتشوف نور ما بيقطع حيطان قصور جيل عم يكبر بين جثث بيلعب بكلاشين رجال عم تضوي الدنيا تعيش بعتم نظام عميل عم بيموت و ببعلبك الدفن شتلة من البقاع بتسوى الف جنة عدن ابن بعلبك ما قتل و ما سرق الا اللازم ينقتل و ينسرق و ابنك ما حرق الا اللازم بنحرق
هو الوحيد اخترق نظام بيسرق تعب بيسرق عرق
ولك صف
ازرع احصد كسّر لفّ رانج كلاشين و فيميه و مطرح ما بيحلالك صف

3 مدينة الشهدا

touffar - ya hayf - Remix
produced and mixed by the Dub snakkr 
New track to be released on an upcoming compilation by Stronghold Sound.

مينوّي اللي بيعمل تاجر عن هواية قلّي ؟ ومين الما بيحلم يغتني بعد فقر و قلّة ؟و إذا ما عنّا تجّار كيف مكافحة التجّار بدّا تعبّي السلّة ؟
هيّي لعبة اللذة فيها فيها غالب و مغلوب، عوّدونا بالنهاية يقتل المطلوب، واللي بيقتل ابن دولة مغطّى بالقانون، هوّي كان مغطّي التاجر عنّو يعمي عيون..
يقبض منّو يفرج عنّو ينصبلو كمين ، يغتالو هوّي و العيلة بمطرح واحد مجتمعين .
//////////////////////////////////////////////////////////////////////
كلّ كف اسرائيلي الدولة تردّو بكمين عصحاب الأرض لا مو عإسرائيل.
تاجر حشيش ليعيش ينعدم،إخلاء سبيل فايز كرم
لحد و حداد و غسان الجد،دياب و العلم و أسامي كتير بعد تشبّعوا العمالة من نفس العلم
لو في مدارس قد ما في حواجز، لو في شغل قدّ الحبوسات، لو في دين قد ما في طوايف لو في شرف قدّ البدلات، لو في عدل ما دعسنا العدالة اللي رقّت عدنان بنجمة داوود
دولة بوجهك حملت سيف و بتمّوز الأولمرت ضيف، ماي ما بيصير الدم بالعروق لمّا يكون بالعروق دمّ نضيف
سياحة رئيس ابدى من البلد، منفخ ما بيموت ليورّت ولد، شحّادين من الطريق عالمخافر و فيزا لفتح الاسلام حتّى تسافر، لا ، مو هجنة الطفر، واجب عكل شريف يكون طافر..

touffar - ya hayf - Remix

طفّار - من الأوّل
الإنتاج الموسيقي : جعفر طفّار
ميكس : رائد خازن

2012

Touffar - Min Al Awwal
Produced by: Ga'far (Touffar)
Mixed by: Raed Khazen

New track to be released on an upcoming Khat Thaleth compilation.

Min El Awal - touffar من الأول - طفّار

مكس تيب : أسلوب مقدسي
انتاج اسلوب ..بلاشتراك مع مولوتوف, جعفر الطفار, عبدالرحمن جاسم, خالد المحتسب
فلوت: نيسم جلال ,جيتار: حسام وهبى ,بيز: زياد صادر\اسلوب ,درامز: حسين قمح ,ناى: ناصر ,ايقاع دف: سعد الكردى ,هشام صادر: عود ,سمينوف : قربة

تصميم الغلاف :زياد صادر

(Lyrics)

حب الوطن بقلبك مقدسة
وصرتي راهبة بديرو مقدسي
معك اسلوب والطافر مقدسي 
سيوفن جاهزة بيوم الحراب

عهالتراب وجودي مالو أساس بالصحة
كيف واسمي اصبح ملغي من أرشيف ولادة ؟
كاني بنفخ قربة ما بتتعبى بـ100 بمضخة
عايش على الاغاثة منتمي لحزب الانروا
طوبى للثمالة ان كانت تجعلني انسى
طوبى للعمالة ان صارت تقلبني أعمى
طوبة تفشخك ان تنصر اسحاق رابين 
تمثل جهاد للدين وتكتب تحيى فلسطين
مع مين انتا حدد ولا واقف ع الحبلين
راكب الموج لتوصل متخفي بوجهين
ما بين العين الكبرى والهرم فراغ دنيوي 
أفكار تشد تغير الناشط لمنزوي
طريقك ملتوي ما بتمشي اذا كنت دغري 
أعلان الدولة صادر مع كفر بلون مغري
موجود كآلة للعمل عايش بنظام طبقي
انا مش زيادة عدد بمشروع تطهير عرقي

--------------

بالعاصي و براس المان ميتنا أسقع بكتير / بس القصة يا بن عمي لما عالوزاني تصير /إنو مكفي ع فلسطين نفسك ترمي حالك فيه / إنو النص التاني منو تابع للجولان/ التلة اللي فيها يهود محتلينا من زمان و النظام بتاني ميلي يمكن باعا أو نسيان/ و بضهرو سهل الخيام الميركافا ما بق تسترجي بعد تفوت عليه / و شريط الحدودي مكهرب و الدورية اللي عم تهرب و اللي بيحلم بعد يشرب مرة بمرج عيون الشاي / باب المعتقل مفتوح من حالو خجلان / بدو يستقبل زوار يتذكر سجان / بدو يفرح إنو تحرر إنو بتموز تتدمر و المشاهد اللي بذاكرتو يمحيها النسيان / السهل تحت ضهر البيدر شوفو من كفركلا و طاقية زرقا سانيتا باقي عنا الحلا ؟؟

5. Ebin 3ammi .ft (Ja'far Touffar) -  إبن عمي

كلمات و أداء : ناصردين الطفار (العين/بعلبك( و الرأس (طرابلس)
موسيقى و انتاج : وَتَر "من لتلتة" ( دمشق)

هيد الحكي عن العودة ما بيمشي الا مع مازة و يافا ما بتحرر الا اذا السوشي طازة والثوار يسارية مع حرية ما بيحكو عن قضية الا بوجود الالمازة والصبية شو بتحب ناجي العلي بالعلامة حنظلة بارم ضهرو صوب بزازا
منجل وشاكوش صارو شمسية وحمامة بيضا علمانية لكن بأمر العمامة والتاريخ أحمر بالدم والدوشكا صار لونو زهر مع الهبر بالاونيسكو
قلّي كيف اليسار صار ديمقراطي مموّل من اوروبا حتى يضل صوتو واطي
يخي رد اليسار من اللي سرقو هاللي بعرق من جبينك عم يكسر كاس عرقو..طريق الثورة ما بيوصل اذا كان المشي على عضام اللي مرقو
هيبة الوطن حقا خمسين للدرك مشحّر بينحبس مجرم يحكم و ينترك
هيد البلد اللي بيقولو عنو جنة الله كيس زبالة تحت صورة فهد بساحة الله
بطرابلس، الكانت الناهي بالدولة انأمرت انهبت من ناهب الدولة
بعلبك الشهامة والزلم عم تغطي بشادور المجاعة والظلم
و صيدا ام و أب التحرير شوهت صورتها لحية الاسير
و بيروت سقى الله عزمانا صارت صورة دكرة عالغلاف بروتانا
يخي، هيد المخ اللبناني خود عنو فكرة صوب الجبل والتبانة وتذكر
ضعيف النفس كيف فكر
لما بوس دين دعا عليها تتكسر يخي
ناصر دين ما بيبوس ، أيد وحدة ما بتزقف لكن فيها تقوّس
كل زعيم كل خوان كل نصاب لص
من العين الببعلبك للقلب البطرابلس

من العين الببعلبك للقلب البطرابلس
جينا بوج كل زعيم كل نصاب لص
بيروت خيمتنا قالوا الموهومين
بيروت خيبتنا الراس و ناصردين

من بعلبك لطرابلس شمال واحد جرد واحد وجع صامت عالجرح عاضد
يا خال اللي قسمنا حفيد سايكس وبيكو هني قسموا الحدود هو بالداخل شريكهم
مجرم عتمه دم هو الوحش براسين لفته باسم الدين وبدلته باسم الأمان بس تنيناتن وين؟
مش صيغة مثنى لبنان كل شي تقسموه اثنين
فكرك فقر الشيعي بيجير غير فقر السني؟ المعدة الفاضية ما بتسأل عن الطائفة قبل ما تغني
بطرابلس حدائق السعودية باطون وبالهرمل دعم ايران ما بيعبي بطون
بالضنية فتافيت اقطاع وحق الفلاح انباع وبالبقاع الحق ضاع تحت عباية مقاوم
ثابت على الأرض بس عكل الباقي بيساوم الله ومستقبلنا والأمل ما الهم احزاب وشرف الشهادة ما بينتقل بالأنساب
والعلماني سقط منه العلم صار آني
غنوا لفلسطين لبسوا كوفيات زهرية شغل الصين
وعاظ سلاطين اسألوا علي الوردي كل عمامة شغل برا ما بتداريلي بردي
كل رصاصة من فقير عفقير برقبة غني واللي صاروا احرار وجباهم ما بتنحني
هني كانوا مخبرين حزب البعث بالمدينة يوقفوا ملثمين عالحواجز الحزينة
تاريخنا مزور بانصاف رجال الدين مسور
بخاف انسى حد آثار افكاري بتصور الراس دور، عمنحاول نتطور
أنا مع ثورة سوريا ومش بصفة محسن بس ولاد الحولة عميلعبوا مع ولاد جبل محسن والتبانة والهرمل غزة اسيوط
اكاد اقسم سلفية المذهبين وسلفية بني علمان شاي وقهوة بالديوان بدهم يانا عندهم غلمان
جذر الكلمة اصلي يعني الأصولي وصولي واللي بده يقطف الخير ما بيزرع الخصومة
علي شعيب يا خال كان يداوم بالتبانة واستشهد ببيروت برصاص الامن اللبناني اللي خانك يا علي صار وزير فتح طرقات بحكومة اخدت من المقاومة بركات
واللي جوع أسير محرر عمل الأسير محرر
كل محتكر صهيوني لديني أو لديوني لحياتي او للموت كل محتكر صهيوني

بيروت خيبتنا - ناصردين الطفّار و الرّاس، انتاج وتر

جعفر الطفار و عبد الرحمن جاسم بلاشتراك مع خضر سلامه 
باص:زياد صادر
انتاج اسلوب 
البرستيج الكليشيه و العالم الكلاس
الدعارة بالفن الراقي ما بتعبي الراس
فنان اللحظة السعيدي 
قهوة سيجارة جريدي و قعدة عالتراس
مش كوفية بالالوان شرشف طاولة
شلكة حلقة بمناخيرا و ايدا طايلي
لبنان الوادي الاخضر بالعلب المعفّنة
إقتصادو من السياحة و النسا المزينة
تيبس أرض السهل
نربى نحن بعل
تقتلني و بدك تقنعني انو نحن أهل؟
الحكي عالمنجعي سهل و الفلاح بأرض السهل عايش بأرضو غريب ابنو بزواريب
متل ما بتطل الشمس متل ما بتغيب 
عندو أضعف الايمان يكره شي اسمو لبنان
عندي اضعف الايمان اكره شي اسمو لبنان

يا بحر خدني معك
يا موج بيعدني
مقطوع هون الامل
 عيشة جهنمية

قالوا لي أن حسّان ذهب إلى السويد؛ هناك يلتقي الفلسطينييون ببعضهم .
ضيقةٌ هي بلادنا؛
واسعةٌ لأوروبي يتحدث العبرية، 
وموظف جمعية يصرف أمواله يساراً في الحمرا
في المخيم، الوقت أقل ضيقاً، 
الناس أوسع صدراً أمر بين الأسلاك، 
ودعنا ابن خالةٍ قبل أسبوع، لمسته الكهرباء،
فما أطال البقاء؛
مجرور مياه لا حل له، يحدثك كلما اقتربت
حسّان ذهب إلى السويد لا يأخذك معه،
لأنك لست بهياً ولا أوروبي! حسّان تعرّف بديفيد، 
وديفيد جميلٌ بهي الطلعة أشقر
ديفيد رأى حسان مخبرا، 
وحسان رسمه جسرا بسم ديفيد، فرح حسّان 
حسّان ركب الطائرة دون دموع، 
فليس في لبنان ما يودعه غير الألم، 
هو ترك رسالةً واحدةً على هواتف أصدقائه: 
الفلسطيني لا يحب لبنان، يكره لبنان ويكره أهله
يريدوننا إما ببندقيةٍ نخضب كلامنا بفلسطين دون عمل، 
دون هوية، 
وباهانة لاجئين
نشحذ منهم سقف يومنا،
يا أخوتي: أنتم بلا غدٍ هنا!
الحقوني إلى السويد! الفلسطيني لا يحب لبنان،
يكره لبنان ويكره أهله
الفلسطيني لا يحب لبنان، 
يكره لبنان ويكره أهله

على باب المخيم يوقفني كلب الحراسة 
يشتهي لحمي وحلمي وعلمي 
الأرز وقود جهنم أقول
وهذه البلاد بطولها وعرضها، بشعبها وأرضها للأفول 
على باب المخيم كلب الحراسة 
ورجال السياسة
ومنظمات النخاسة 
يمنعون فلسطين من الدخول



touffar

saad