احسنتي يا أختي الغالية.... ولا أروع ....برافو برافو برافو 💪

جميل يا ماندو... عاش يا صفاء 💚🌻

النص والالقاء عاليين🖤

طلعت جامد يا مندو  موفق بأذن الله

تعرف كنز ياهربرت 
- شنو كنز شيخ 
-كنز ياسيدي هو لحظات العمر اللي باقي 
-انت يقول كلام زي ( هلم )
ومنو قالك انو ما حلم-
- عشان اهنا في حقيقه 
-ومنو قالك ان احنا في حقيقه
_ شنو رايك في بنت شابه جميله يتعلق قلبها بهيربرت اليائس المريض وعايزه تقابلك ... ترفض اللقاء !! 
ولا ما تحرجها ؟!
-ما بنت شيخ 
-اجمل بنت ... وفي ساعه اللقاء
كيف تعرف ان عيونها جميله ؟؟
ومن وين تعرف ان صوتها رقيق ؟؟؟
بذكرياتك الاليمه ... ولا بعيونك واذانك
-بعيونك واذانك شيخ
-اللي جواه وجع ما بيقدر يشوف الجمال 
وإذا كانت بتحبك ... كيف تعرف انها تحبك ؟؟؟
القلب الحزين ما بيستطعم طعم الحب ياهيربرت
-وهيربرت قلبو حزين ...وين انا يوديه شيخ ؟؟
- تاجي نرمي هيربرت الحزين في البير ونغرقه .. ونستقبل هيربرت الحي ...
- كيف شيخ ؟
- الوضوء ياهيربرت ...
- شنو وضوء دي 
-اغتسل من ذكرياتك ياهيربرت
الوضوء ياهيربرت يمسح الماضي ...
يخليك تستعد للقاء المطلق ...
حيث لا ماضي ولا حاضر ولا مستقبل...
يتلاشي الأين والبين...
-من وين انت يعرف هيربرت شيخ عبد القادر؟؟
- كان في بنت تحب ولد فران ...خباز كل الحي يحب عيشه
واتزوجوا بعض عن حب...
انا كنت بحبك قبل ما ولدهم يتولد في المخبز... وقبل ما هي تحب زوجها ... 
انا بحبك من زمان.. من قبل اي حاجه
حتي لما صاج الفرن لسع دراع ولدهم وبكت ... انا كنت بحبك
- انا يقول اشنو عشان يحب زيك شيخ عبد القادر
- انا بقول اشهد ان لا إله إلا الله واشهد أن محمد رسول الله
- وانا يقول اش ..اشه ...
- اشهد ان لا إله إلا الله 
- اشهد ان لا إله إلا الله
-واشهد ا 
-  اشهد 
-ان محمدا رسول الله 
- ان مهمدا رسول الله
- صلي معانا هيربرت 
-بس انا ما يعرف يصلي شيخ 
-ما مهم ... شوفني واعمل زيي واتعلم
المهم ... القلب يكون سليم.

سر القلب  -  الخواجه عبد القادر

عبد الرحمن الأبنودى - الأحزان العاديه كامله

تفرانيل 100 مصطفى ابراهيم

"الله نور السماوات والأرض مثل نوره كمشكاة فيها مصباح المصباح في زجاجة الزجاجة كأنها كوكب دري يوقد من شجرة مباركة زيتونة لا شرقية ولا غربية يكاد زيتها يضيء ولو لم تمسسه نار نور على نور يهدي الله لنوره من يشاء ويضرب الله الأمثال للناس والله بكل شيء عليم"
النور - 35


تعرف اني شوفتك زمان يا خواجة؟ - الخواجة عبدالقادر - زينب

حبيبتي كل ما بنسى تفكرني الحاجات بيكي
أئنك تدمعك عيني كأني مش هغنيكي
دمايا ماتستاهلش تكون كحلة ليله لعينيكي
وأنا الدرويش
أنا السابح بمسبحتي ومبخرتي وتوب الخيش
أغنيلك وامولك مواويلك ماتسمعينيش ولا تشوفينيش
ومش لازم ما دام عايشه ما دمت بعيش
وياما بيكي عقلي إتجن
وياما بيكي عقلي اتجن
وانتي الان وانتي الظن
وانتي قلمي لحظة فن
يا غنيوتي انا احزن اغانيكي
وانتي الحلم اه مـ الحلم لا نسيني ولا نسيكي
يبيعوا اللون يغشوا الدم يهزوا الكون يشيلوا الكيف في عِب الكم
أنا أنفساسك الخضرا وأنا الجرح اللي في جبينك
أنا اللقمة في إغغيد طفلك وأنا قبرك وأكفانك
وأنا الشمعاية في حفلك
أنا الجاهل لكين بقرا
وبفهم غاية النظرة
أنا دارك ونا أهلك
وأنا والدك وأنا نسلك
أنا رغيفك وفرانه وحطب النار
وزيتوك وزتانه أنا القاطف و أنا العصار
و إسلامك وقرآنه وقلبي منشد الأذكار
انا العابد انا الزاهد انا اللي يحب مايلومينيش انا الزاهد انا الدرويش
صلاة الثورة ما تفوتنيش
و دم شهيدي وضاني بماء تاني..بماء من نبع نوراني
في قلبي مفيش في أسراري ولا حكايتي إلا انتي
يا خيط النور يا كوة ف سور
يانور منظور يا خير محظور
أنا الإيد اللي مانعاني
أنا الآسر وأنا المأسور
أنا الغايب أنا الدايب صبابه والجناح مكسور
وأنا التايب عن الماء الحرام والعيش
أنا الدرويش أبو الدراويش
جناحات قلبي من غير ريش
وحاوريني صعيدي بس قولي إيه فلسطيني
ومصري بس قلبي إيه ؟
فلسطيني وعربي
بس جرحي إيه ؟
فلسطيني فلسطيني فلسطيني
وأنا الدرويش
أنا الماشي و إنتي الفكر
وأنا المجنون في قلب الذكر
ومحتكر المحبه البكر
سكنتي إزاي كده في عيشي ونخششتي في نخاشيشي
كأنك فيا مولودة و موجوده ومفقود حب مفقوده
و أغانيكي أنا هي
على صدري غيطان زعتر و مراميه
مراميه على صدري
ويوم ما أموت تحشيها وترميها على قبري
أنا المنقوش في كفينك يا موشومة على صدري
يا كُبشة عطر ريحاني يا صوت دمي إذا يِسري
ولا يفصلنا يوم فاصل ودا الحاصل
فـ ما تلومينيش
دا أنا الدرويش
أنا الدرويش

حبيبتي الابنودي

تجميع مشاهد الفيديو الاساسي ... للأستاذ محمد سعيد
برجاء الدعاء لوالدته رحمها الله 

الخواجة عبد القادر ... مُجمّع Exclusive ♥

غناء و الحان شيخ الموسيقيين امام عيسى
كلمات الشاعر الكبير بيرم التونسى 

كلمات الاغنية 

يا حبايبنا
فين وحشتونا
لسه فاكرينا
ولا نسيتونا
دا احنا فى الغربه
م الهوى دبنا
و أنتو فى الغربه
جوه فى قلوبنا
اوعوا تفتكروا
إننا تبنا
مهما فرقونا
ولا بعدونا
يا حبايبنا

يا حبايبنا _الشيخ امام

والله وشبت يا عبد الرُّحمان ..

عجّزت يا واد ؟

مُسْرَعْ؟

ميتى وكيف؟

عاد اللي يعجّز في بلاده

غير اللي يعجز ضيف !!

هلكوك النسوان؟

شفتك مرة في التلفزيون

ومرة .. وروني صورتك في الجورنان

قلت : كبر عبد الرحمان!!

أمال انا على كده مت بقى لي ميت حول!!

والله خايفة يا وليدي القعدة لتطول

مات الشيخ محمود

وماتت فاطنة ابْ قنديل

واتباع كرم ابْ غبّان

وانا لسة حية..

وباين حاحيا كمان وكمان

عشت كتير

عشت لحد ماشفتك عجّزت يا عبد الرحمان

وقالولي قال خَلَّفت

وانت عجوز خلَّفت يا اخوي؟

وبنات..!!؟

أمال كنت بتعمل إيه

طيلة العمر اللي فات؟

دلوقت مافقت؟

وجايبهم دِلْوكْ تعمل بيهم إيه؟

على كلٍّ..

أهي ريحة من ريحتك ع الأرض

يونسُّوا بعض

ماشي يا عبد الرحمان

أهو عشنا وطلنا منك بصة وشمة

دلوك بس ما فكرت ف يامنة وقلت: يا عمة؟

حبيبي انت يا عبد الرحمان

والله حبيبي .. وتتحب

على قد ماسارقاك الغربة

لكن ليك قلب

مش زي ولاد الكلب

اللي نسيونا زمان

حلوة مرتك وعويْلاتك

والاّ شبهنا..؟

سميتهم إيه؟

قالولي : آية ونور

ماعارفشي تجيب لك حتة واد؟

والاّ أقولك :

يعني اللي جبناهم..

نفعونا في الدنيا بإيه؟

غيرشي الانسان مغرور !!

ولسه يامنة حاتعيش وحاتلبس

لمّا جايب لي قطيفة وكستور؟

كنت اديتهمني فلوس

اشتري للركبه دهان

آ..با..ي ما مجلّع قوي يا عبد الرحمان..

طب ده انا ليّا ستّ سنين

مزروعة في ظهر الباب

لم طلّوا علينا أحبة ولا أغراب..

خليهم..

ينفعوا

أعملهم أكفان..!!

كرمش وشي

فاكر يامنة وفاكر الوش؟

إوعى تصدقها الدنيا..

غش ف غش..!!

إذا جاك الموت يا وليدي

موت على طول..

اللي اتخطفوا فضلوا أحباب

صاحيين في القلب

كإن ماحدش غاب..

واللي ماتوا حتة حتة

ونشفوا وهم حيين..

حتى سلامو عليكم مش بتعدي

من بره الأعتاب

أول مايجيك الموت .. افتح..

أو ماينادي عليك .. إجلح..

إنت الكسبان..

إوعى تحسبها حساب..!!

بلا واد .. بلا بت..

ده زمن يوم مايصدق .. كداب..!!

سيبها لهم بالحال والمال وانفد

إوعى تبص وراك..

الورث تراب

وحيطان الأيام طين

وعيالك بيك مش بيك عايشين..!!

يو.....ه يا رمان..

مشوار طولان

واللي يطوِّله يوم عن يومه يا حبيبي .. حمار

الدوا عاوزاه لوجيعة الركبة

مش لطوالة العمر.

إوعى تصدق ألوانها صفر وحمر.

مش كنت جميلة يا واد؟

مش كنت وكنت

وجَدَعَة تخاف مني الرجال ..؟

لكن فين شفتوني ..؟

كنتوا عيال.!!

بناتي رضية ونجية ماتوا وراحوا

وأنا اللي قعدت..

طيِّب يا زمان..!!

إ

إوعى تعيش يوم واحد بعد عيالك

إوعى يا عبد الرحمان..

في الدنيا أوجاع وهموم أشكال والوان..

الناس مابتعرفهاش..

أوعرهم لو حتعيش

بعد عيالك ماتموت..

ساعتها بس ..

حاتعرف إيه هوّه الموت..!!

أول مايجي لك .. نط

لسه بتحكي لهم بحرى حكاية

فاطنة وحراجي القط..؟

آ.. باي ماكنت شقي وعفريت

من دون كل الولدات..

كنت مخالف..

برّاوي..

وكنت مخبي في عينيك السحراوي

تمللي حاجات..

زي الحداية ..

تخوي ع الحاجة .. وتطير ..

من صغرك بضوافر واعرة .. ومناقير..

بس ماكنتش كداب..

وآديني استنيت في الدنيا

لما شعرك شاب..!!

قِدِم البيت..

اتهدت قبله بيوت وبيوت..

وأصيل هوه..

مستنيني لما أموت..!!

حاتيجي العيد الجاي؟

واذا جيت

حاتجيني لجاي؟

وحتشرب مع يامنة الشاي ..؟

حاجي ياعمة وجيت..

لالقيت يامنة ولا البيت

"يامنه - عبدالرحمن الأبنودي "موسيقي راجح داود

زي العيال - صباحية العيد الصغير
متبعترين زي الندى
ومعلقين الفرحة في البلالين
وميقصدوش رش الغنا في الجو 
ولا دبروش للضحكة
كل اللي واخدهم.. حنين للضي

زي العيال دي
 انا كنت عيل مبتدي بالنور
كاشف ضباب الزحمة.. والمرايات 
ومظبّط العالم على قدي 
ومبحبحه حبة
.. علشان يساعيهم

ريحة تراب الفرن مالية لي نخاشيشي 
فملكت حقي في لحظة التخليق 
ومابنكسرش.. لأني مش ممسوك 
ومابتمسكش.. لأني مش محدود
واسع يا حوش المدرسة.. يا وسط دارنا
مطلوقه مُهر الخُضرة قدامي 
ملها لجام.. غير النسيم.. والعين 

ماسك مدار الشمس بصباعي الصغير
لافف خيوط البدر ع التاني
طبّقتش ايدي؟.. لسه مفرودة
لسه الغنا عارف يناغشني
قادر ألمّ الليل في سيالتي
 وأقزقزه حبة ورا حبة

وولاد حارتنا مسهرين الليل
 ومفتحين جفني على الآخر
نقدرش نصبر ع القمر مخنوق
صوت الصفايح تاخر العتمة
وصراخنا جاب بنت النبي.. فاطمة 
لعبت معانا لحد ما شبعنا

وأمي ابتدت تتهجّى في عيوني
 إن البكا مش ضعف.. ده استغفار
وإن المسافة ما بيني وبينهم.. الدهشة
وإنّي ابتديت بالحلم م البيضة 
مابقولشي عارفه.. بس حاسة بشئ
يمكن متفهمهوشي دلوقتي

والشمس حامية.. بس مبتقتلش
والنخل عالي.. بس طوبة تجيب

محفظتش الخطبة.. عشان وحشة
درس الحساب بايخ.. علشان بيحسب حسبته بالظبط
والشيخ مخوّفني من الآخرة
ما بقيتش أروح الجامع إلا عشان: 
أقدر أشوف الغيط من المادنة
وأضحك على اللي بغلته سفّة

بنت أختي قارعة.. والمطر بيرخّ
والسقف يِنْقَع.. عفشنا يِكمَش
والبرد حاسس بينا.. ومقدّر
مش زي برد القاهرة الماسخ.. حسسني إنّي غريب

وقعدت أدور ع الونيس.. ولقيت
لكن أخدني البنك من نفسي
ما أقبلش أكِل.. وقلت: ح القاني
ولقيتني تايه في النيون
مركون لحد الناس ما تتوضى 
ويرتلوني في لحظة ويعدوا
ما بيلحقوش ولا حتتين سكر
ولا داقوا ملمس ضحقتين بُكَّر

قلبي اللي كان قلبي صبح خُردة
صعبة الملامح ع اللي ما بيشوفش
مقدرش أجِيلك كل يوم مهدود
 شايل جفون الخلق وذنوبهم..

يا لون حبيبتي اللي ملوهش مثيل
اوعي النيُون يبهَت عليك
كسر براويزك وطلعني
دور المسيح.. ما عادش ينفعني
رجعني عيل
 او منيش لاعب.. 


كلمات الفنان والمؤلف والمخرج المسرحي: صبري فواز
وموسيقى فيلم الكبار لخالد حماد.

المدينة| شعر محمد ماندو| إلقاء صفاء أبو صبيحة

صفاء أبو صبيحة

Recent comments

User 880929320

mahmouedhashish

بسمـلة عصـام⚡

Roöõøňý Ouda

Related tracks