سلام بقى

إبراهيم : لأ! مش محتاج حد يترافع عنى .. ومتشكر قوى للمحكمة اللى إنتدبتك عشان تكمل الصورة المزيفة للعدل وللقانون .. إتفضل يا أستاذ أنا مش لازمنى محامي .. أنا أعرف أدافع عن نفسي كويس .
شكري : خلصت اللى عندك ؟ ، قسمتك بقى إن أنا أترافع عنك .. عجبك مش عجبك حترافع عنك .
إبراهيم : الله !، قلتلك مش محتاج محامي ..إتفضل ! .. ياشاويش حنفى!!.
شكري : أنت يابنى خايف لأكسب القضية؟ من الناحية دي إتطمن حخسرها .. تسعة وتسعين فالمية حخسرها.. وحيحكموا عليك وحيكون حكم قاسي قوي..وللمرة المليون حيقولوا عليا محامي حمار.. نعمل ايه ! قسمتنا كده.. حمار بيترافع عن حمار .
إبراهيم : طب أااا .. لما أنت عارف أنك حتخسرها جاي ليه ؟
شكري : تنفيسه ..تنفيسه ليا ولك .. كلمه حلوه نقولها.. صحافى يلقط مننا لمحه نضيفه.. قاضى تفلت منه كلمة شجاعة .. أهى تنفيسه للكل .. زمن! ..زمن يبرروا فيه إنهم يرموا البمب على دماغ ناس ملهمش دعوة بالحرب خالص وعايزنى أكسبها!؟ .. زمن بتتشوي فيه الناس فالأفران عشان لون جلدها أحمر ولا أصفر ولا عنيها مسبسبه وعايزنى أكسبها!؟ .. زمن بيلموا فيه ولاد الناس سن ستاشر وسبعتاشر سنه ويدفنوهم فالرمل بإسم الحريات الأربعة ! وعايزنى أكسبها!؟.. زمن بيكسبوا فيه خمس تلاف جنية فدقيقة ويغلو على التاني أجرة التروماي وعايزنى أكسبها!؟ .. كل اللى أتمناه أنهم يخففوا عنك الحكم ولو شويه .
أبراهيم : ( على وجه علامة التعجب والذهول )

حكمت المحكمة حضورياً على المتهم إبراهيم عبدالعزيز الشرقاوي فالسجن خمسة عشر عاماً مع الشغل والنفاذ
>>>
سيناريو وحوار : محسن زايد و يوسف شاهين
إخراج: يوسف شاهين 
إنتاج :1979
--------------


وعايزنى أكسبها ؟!! - محمود المليجى و أحمد زكى - من فيلم إسكندرية ليه؟ لـ يوسف شاهين

"رباعيات علي غير العادة"

أنا اللي عمري اشتياق في اشتياق
وقطر داخل في محطة فراق
قصدت نبع السم .. وشربت سم
من كتر شوقي وعشمي ف الترياق

عجبي

على رجلي دم نظرت له ما احتملت
على إيدي دم سألت ليه ؟ لم وصلت
على كتفي دم وحتى على راسي دم
أنا كُلي دم... قتلت ؟ولا انقتلت؟

عجبي

غسل المسيح قدمك يا حافي القدم
طوبى لمن كانوا عشانك خدم
صنعت لك نعليك أنا يا أخي
مستني إيه .. ما تقوم تدوس العدم

عجبي



رباعيات "صلاح جاهين" بصوته

الحُب هو الحُب ــ عمّار الشريعى

من ألبوم تعالى يا هوى 1997

الحلم في الليل الطويل _ علي الحجار

عبده الأسكندرانى - كلام ومطلوب

كلمات مصطفي الجارحي
لحن مصطفي رزق 
توزيع موسيقي احمد الصاوي 
ميكساج و ماستر عصام السحرتي
فوتوغرافيا حسن امين
ارت ورك ادم عبد الغفار 

بفتح عنيه ب شفطه بن
واقفلها ع الشفطه التانيه
مين اللي عدت من ثانيه 
علي رجلي داست ماعتزرتش 
مديت لها الرجل التانيه 

الاقيش معاك فكه اوجاع
قال في ورق و كمان فضه
طب هاتلي قهوه بدون نعناع
راح جابلي سحلب بالخضه

الواني نقصاها بلته
دور حصاني علي كرته
و عنيا لا صبحت سته
علي سته ولا بتشوف احلام

الاقيش معاك فكه اوجاع
قال في ورق و كمان فضه
طب هاتلي قهوه بدون نعناع
راح جابلي سحلب بالخضه

الواني بهتت م الركنه
بعد الشقاوه بقت ساكنه
نص اللسان بقي فيه لكنه
و النص مابينطقش كلام 

الاقيش معاك فكه اوجاع
قال في ورق و كمان فضه
طب هاتلي قهوه بدون نعناع
راح جابلي سحلب بالخضه

الواني مش لاقيه اللوحه
ريحه ريحان ولا ملوحه
مؤنث البوح مش بوحه
و لا الشجر بيفر يمام 

الاقيش معاك فكه اوجاع
قال في ورق و كمان فضه
طب هاتلي قهوه بدون نعناع
راح جابلي سحلب بالخضه

بفتح عنيه ب شفطه بن
واقفلها ع الشفطه التانيه
مين اللي عدت من ثانيه 
داست علي الرجل التانيه

Shaftet - Bon - مصطفى رزق شفطة بن

جوابي ده الأخير ليكي 
يامعاليكي 
ياست الحسن 
ياسبب الحزن والعلة 
ياشجرة حسبتها ضله وطلعت نار 
بداية القول : مساء الفل ع الأزهار على خدودك 
مابنجرّحش 
ومابنسمحش حد يقول كلام عنك 
لذلك ثم أما بعد ،
أنا الطفل اللي كان ف عنيكي متشعبط 
يشوفك روحه تتلخبط 
وقلبه ابن الحرام يضعف ويستعبط 
كإنك زار وانا الدرويش
كإنك غار وانا الحرافيش 
كإنك كنتي قرش حشيش 
دخل رئتيني وملاني 
كإنك دار وانا اللي ماليش 
سوا الدار اللي لمّاني 
بغض الجرح مين خان مين 
ومين قصّر مع التاني 
وغض الطرفْ عن اسمك 
وطعم خروجه ف لساني 
أنا مليّت من القصة ومن لعبة خلاص لسه 
لقيتك غيمة ف حياتي حسبتك مطره قمت جريت 
وفجأة لقيت مفيش غير ليل 
سحابة ضلمة كنتي انتي
اشوفك ف الوجع بنتي 
واحسك ارضي وسفينتي 
وشمس بتملا ليلي شروق 
مافيش كام يوم لقيتني بافوق 
واشوف القاتل الفعلي 
لقيتك أرض ماتضمش سوى المطاريد 
وانا عيل بيفتح إيد يشوفك خط على كفه 
عنيا عيال اذا بصيتي يتدّفوا 
حسبتك أم بتدوّر رحى الأحضان على عيالها
لقيتك ماسكة كاتم صوت 
رصاصك فات وجع جواي
وهو ياحلوة يعني الموت
بيفرق شكله كان ازاي 
وهو الجرح للستات ومش لينا ؟ 
ما فيه رجالة بتعيّط 
وفيه رجالة بتفكّر ف عز الليل ف ناس باعوا 
وفيه راجل اذا فات ف المحيط وجعه مابيساعه
وفيه عناوين بتتلخبط 
وفيه بكره بيتشخبط 
وفيه أطفال مايتولدوش ف مستقبل ماجاش قدام 
وفيه زفة مابتقومشي 
وفيه فرحة مابتدومشي
وفيه نغزة ف صميم الروح 
ما دام ف القصة فيه دابح 
أكيد ف القصة فيه مدبوح 
ولو كان القتيل راجل 
ف دمه بيبقي مش بالسهل 
خسرتي معاه وجود الأهل 
خسرتي الضهر والضمه 
خسرتي الجمع واللمة 
وبكره هتندمي لما 
تحسي البرد من دونه 
ياريتك شوفتي ف عيونه دموع الأب 
أنا الشخص اللي كله ذنوب
لكن مليان حاجات تتحب 
ــــــــــــــــــــــــــــــــــ
عملت حاجات لأول مرة بعملها 
وكِملِت أغنيات بيكي 
لأول مرة اكملها
اشِمِّك ريحه وانا ماشي وأقول ماشي
واكلّم ربنا عنك وجع وغروب 
عكستي المشهد المكتوب
ماكانش الفيلم دي نهايته 
كده الكاتب لعب ف النص
وفيه لزق ف حياتي وقص 
وفيه تركيب لناس تانية 
فيه مشهد خارجي مش محطوط 
أنا وانتي 
ومطرة بتغسل الشارع من الاحزان 
حضنتيني زمان ومكان 
وقولتيلي مافيش غيرك 
نزلت ف لحظة على ركبي وانا ف ايديا كام وردة 
ضحكتيلي 
وطبطبتيلي علي خدي 
كانك كنتي بتعدي على قلبي بروح حافية 
مسكت الدمعه بالعافيه وضميتك ف عز البرد 
لقيتني الفيلم بالكامل مافيش ولا لقطة ماسك ورد 
طلع فيه حاجات بتتصور 
بتتقصقص من المونتاج
وأول ما المطر لمسك 
لقيتك دوبتي ف المكياج 
عروسة حلاوة أو صورة 
ملامح فازة مكسورة ف اخر جزء ف الذكرى 
خسارة تكمّلي بكره 
يا نور ساطع بيعمي العين ما بينوّرش
انا هافضل كده عيّل ومابيكبرش 
وبكره يجوز تقابليني ف أي مكان 
هاشوفك وقتها دخان 
بقوة ست هاعشقها ف زمان تاني 
ولمسة طفل يشبهني مايشبهكيش 
انا جوايا كام ميّت وحابب اعيش
لا هاتحوّل 
ولا هارجع من الأول 
ولا هاكتب عشانك شعر 
هبيعك دون نظر للسعر 
مكانك وردة ماسقيتهاش ف دبلت من خريف موجوع 
دموعي رصيد باحوش فيه لناس مستاهلة مني دموع 
وحلمي معاكي م الأول 
خطيئة لابد اكفّرها 
رميتك طفل ببراءته 
ندم على حاجة وكسرها 
يا أسوأ حلو كان فيّا
يا أطيب شر ف النية 
كسبت حاجات تسيء ليا 
وجه الوقت اللي انا اخسرها . 

كمان : بدر مصطفى
ناي : محمد مصطفي
ايقاعات : كريم صلاح 
كيبورد : صهيب النجار
تسجيل : من حفل الساقية اكتوبر 
رؤية موسيقية الفنان محمد مصطفي 

جوابي الأخير - من حفلة الساقية 2015

قل للمليحة في الخمار الأسود ماذا فعلت بناسك متعبدقد كان شمر للصلاة ثيابه حتى وقفت له بباب المسجدالله أكبر الله أكبريا داعيا لله مرفوع اليد متوسلا.

قل للمليحة في الخمار الأسود الشيخ أحمدبرين

كلمات : صلاح جاهين

وقف الشريط فى وضع ثابت
دلوقتى نقدر نفحص المنظر
مفيش ولا تفصيلة غابت وكل شىء بيقول وبيعبر
من غير كلام ولا صوت اول ما ضغط الموت على زر فى الملكوت
بخفة وبجبروت فى يوم اخبر
وقف الشريط فى وضع ثابت
دلوقتى نقدر نفحص الصورة
انظر تلاقى الراية منشورة
متمزعة لكن مازالت فوق بتصارع الريح المسعورة
انظر تلاقى البلاد اجيال ورا اجيال رافعاها باستبسال
ونزيف دماء سيال على الجبهة
وفى عنفوان النضال
وقف الشريط فى وضع ثابت
خللى المكانجى يرجع المشهد
عايز اشوف نفسى زمان وانا شاب داخل فى رهج الثورة وانا غضبان
ومش عاجبنى جن او انسان
قاللى المكانجى رجوع مفيش عيش طول ما فيك انفاس تعيش
بص شوف ركن الشباب فيه الف مليون شاب
ومش عاجبهم لا وصى ولا اب
انظر اليهم وانت تتذكر
ليه ضربة صابت وضربة خابت وضربة وقفت بالشريط فى وضع ثابت
انظر وشوف ع المهل براحة
الشمس وسط القبة قداحة
والقدس واقعة والحرم منداس
صوت الجرس والاذان على قلبها حراس
وادى بطلها هل فى الساحة
قلب الحجر فى الايد بيغلى حماس
قال المكانجى بنوم وانا مكلوم
قال المكانجى والشريط شغال
مالكش تسأل سؤال
انظر وشوف الحق لما انهان
انظر وشوف الآن
بكرة بقى امبارح فى حضن زمان
وبعد بكرة فوق همومك فات
مفيش شريط مأجور ولا خوان 

وَقْف الشِريط فى وضع ثَابت - كلمات صلاح جاهين - ألقاء سعاد حسني

أديب الدايخ
جس الطبيب مفاصلى ليداونى ...فبكى الطبيب على رحمة حين جس
أنا يا سعاد بحبل ودك واثق ...لم أنس ذكرك فى الصباح وفى الغلس
أنيت، فقالت : كم تأن ؟ ! ....فأجبتها ... هذا أنين مفارق للموت حس 
قالت : وما يشفيك ؟ قلت لها اللقا ...قالت : أزيدك بالوصال ؟ .. فقلت بس
فتبسمت عجباً ! وقالت ... لن ترى وصلى...فذاك أنر من أخذ النفس
قرأت سعاد بضد ما أقرأ أنا ...أقرأ ألم نشرح ، فتقرأ لى عبس


So3ad

خف على الأرض دوسك - على الحجار

يوم الوداع 
أديب الدايخ 
طرب من موقع مصر الحرة
www.egfree.com
مع تحياتى مصرى حر

يوم الوداع - أديب الدايخ

لولا غرامى
أديب الدايخ
طرب أصيل من موقع مصر الحرة
www.egfree.com
مع تحياتى مصرى حر

Lola Gharamy

بليت بالعشق - أديب الدايخ
موقع مصر الحرة
http://egfree.com

بليت بالعشق - أديب الدايخ

يا زارع الريحلن - أديب الدايخ
موقع مصر الحرة
http://egfree.com

يا زارع الريحان - أديب الدايخ

جاءت معذبتي - أديب الدايخ
موقع مصر الحرة
http://egfree.com

جاءت معذبتي - أديب الدايخ

بروحي فتاة - أديب الدايخ 
مع خالص تحياتي مصري حر
موقع مصر الحرة 
http://egfree.com/

بروحي فتاة - أديب الدايخ

ليست السعادة كائناً مادياً....ليست لذةً حيوانيه....ليست شهوةً بهيميه....
ليست السعاده في  جمال النساء....ولا الملابس البراقه....

أي والله ده كلام حلو 

سلام بقى

Salah Abdelshafey