محمد محسن

play list

my music

محمد محسن - مهرجان الموسيقى العربية

تجميعة مزاج

محمد م خايف اقول اللي في قلبي

اغاني جديدةّ

يا واش يا واش - فرقة الموسيقى العربيه

انا اتوب عن حبك - غناء: محمد محسن

كلمات: احمد فؤاد نجم 
ألحان: الشيخ امام 
تاريخ: 1962




انا اتوب عن حبك – الشيخ امام


أنا اتوب عن حبك أنا ؟

أنا لي ف بعدك هنا ؟

دنا بترجاك

الله يجازيك

يا شاغلني معاك

وشاغلني عليك

وان غبت سنه

أنا برضه أنا

لا اقدر أنساك

ولا لي غنا

ولا اتوب

عن حبك أنا

زي ما يحلالك

زي هواك

سهرني عليك

سهرني معاك

دنا عمري ما اخاف من هجرك يوم

ولا قلبي بيفرح ونا وياك

وان كان أمل العشاق القرب

وأنا أملي ف حبك

هو الحب

وان غبت سنه

أنا برضه أنا

لا اقدر أنساك

ولا لي غنا

ولا اتوب عن حبك انا

أنا لا اتمنيت

ولا قلت يا ريت

ولا بعدك عني

جعلني سليت

دنا كل منايا أدوق اللوم

ويقولوا علي الناس

حبيت

وان كان أمل العشاق القرب

وأنا أملي ف حبك

هو الحب

وان غبت سنه

أنا برضه أنا

لا أقدر أنساك

ولا لي غنا

ولا اتوب عن حبك أنا

تخاصمني كتير

نصالحني كتير

كل دا يا حبيبي ما لوش تأثير

توصلني سنين

تهجرني سنين

ما تغيرنيش

دنا حبي كبير

وان كان أمل العشاق القرب

أنا أملي في حبك

هو الحب

وان غبت سنه

أنا برضه أنا

لا اقدر انساك

ولا لي غنا

ولا اتوب

عن حبك أنا




كلمات: احمد فؤاد نجم

ألحان: الشيخ امام

1962

انا اتوب عن حبك - محمد محسن Ana Atob an hobak - Mohamed Mohsen

بحبك .. قد عيدان قصب غيطنا

دقيقنا و بيضنا أو قيضنا

بحبك .. قد خف جملنا ما يحمل

وعرق انفار عتتغدى وترجع تاني وتكمل

قد الزرعه

قد اللسعه وانا قاعد في ليلة برد عدفا

بحبك وانتي حبيني لاجل نسير الدفه

 

قالولك عنى ده أسمر

قوليلهم لونه من طينه

قالولك شعره كركوتى

قوليلهم وارثه عن طينه

قالولك عنى مستعجل

قوليلهم ناسه وارطينه

قالولك لخمه و بتهته

قوليلهم عله و لا حدش

هيخلى م العلل طينه

 

قالولك ابوه ياما اتجوز

قوليلهم ماله مش مالى

و انا مالى

مدام مالى عيون الناس

و مالى عيون نساوينه

 

قالولك ياما عيسافر

و لا يسيبلك عناوينه

قوليلهم صورتى منحوته

فى قلبه و عينه و جبينه

 

قالولك ايه دليل حبه

قوليلهم اقروا دواوينه

قالولك ياما ساب قبلك

قوليلهم ده انتوا ظالمينه

ياريتكم زيى عارفينه

ده ساب الدنيا فوق رمشى

سيبونى اعوضه سنينه

هشام الجخ - قالولك

نفسي أنام فينك؟

يا ام الرموش عنقريب

(العنقريب سرير يصنعه اهل النوبة من الجريد)

ماتدمّعيش عينك

الفرح جاي عن قريب

 

إزاي بتتحمّل؟؟

أنساها .. وتجيني

أسقي بنات الدنيا إلاّها

ولما العطش يكويني ألقاها

هي اللي تسقيني

 

تهديني يوم وردة

أدِّيها لفلانة

تجري على حضني

احكيلها عن نانا

 

إزاي بتتحمّل؟

غمز البنات

واوعر من غمزهم ردِّي

جاياني ملهوفة ما تلاقي غير صدِّي

أحزن في أحضانها وافرح هناك وحدي

يا ام القليب اتخلق معرفش غير يِدِّي

 

يا ام الفؤاد ولاّد معرفش غير يعشق

الصبر عدّى وزاد يا قلبها المتقاد

ما عرِفت يوم تزهق

كانت بتلبس لي اجمل فساتينها

ترمي ف صحاريا أفتن بساتينها

تِدْمع رياحينها

ولا قلبي يوم يشفق

 

وإزاي بتتحمل ؟؟

كُتر الكلام عني بحكاوي وانا غايب

الليلة كان سهران

الليلة كان سكران

الليلة كان عاشق والليلة كان دايب

 

يا ام الرموش طايشة

وام العيون لامّة

حضنك ما حيسعنيش

انا بَلْوِتي طامّة

أربع سنين يا هوا مِلْكِيّتي عامّة

 

كل البنات اتلبنوا بيا وتفُّوني

ورسموني خروف معلوف

وسمعوا قصايدى وابتسموا

وصحيم بدري يوم العيد ودبحوني

 

بقالي ييجي اربع سنين مسمار في غيط شواكيش

دَقُّوا على راسي لكن مثبتونيش

يوم التقي مرسى وسنين ياخدني الطيش

كل الالم فيّا ولا قادر اتألم

وبتصعبي عليا ومش بقدر اتكلم

انا نفسي بس افهم

كل البلاوي ديا ازاي مابعّدوكيش

 

سامحيني لما اغلط

وانا تاني رايح اغلط لجلٍ تسامحيني

احلى ما في التوهان اول ما باجي اوصل

واحلى ما في الاحزان انك تضميني

 

يا مسكناني ضلوع

جواكي راح وبراح

ما بينلهاشي رجوع

شكلي حاموت سواح

 

كان نفسي فيكي زمان أياميها كان لي قلب

كانت الحياة خضرا النخلة والبقرة

والقلب طين ابيض بينام على القرآن

وبيصحى وقت الحَلْب

أياميها كان لي قلب

ايه اللي قلب النور ضلمة وليل راسي؟

واشمعنى فوق راسي يحلا العذاب والقلب؟

واشمعنى سابوا الناس بقلوب خضار وعمار ؟

وف قلبي نِزْلوا سَلْب؟

انا اول اللي اتصلب بس التاريخ كداب

مفهمش معنى الصلب

ركعوا البنات ليا واتّنوا قدامي

وفي حفل اعدامي ضحكوا وقالوا كلب

 

انتي اللي دمّعتي

جمّعتي جسماني من مملكة ايزوريس

ويا ريت ما جمّعتي

طب كنتي سبتيني ادخل هنا غزوة

واعمل هنا هُدْنة

وما دمت انا ميت ايه تِفْرِق الدفنة؟

ما البحر راح يسبق لو مهما جدّفنا

 

انتي اللي بتعاندي

عشمانة في الجنة والجنة مش ليا

إزاي بتتحمل لوم الصحاب فيا؟؟

على ايه غرامك بيه؟

ده التبن من تحتيه باقي الماعون ميه

 

تضحك على قولهم وتبص في الساعة

وتقول زمانه صِحِي

زيدي كمان نورك يا ام الجبين الضَّحِي

جَنّنِي صوت حزنك إياكي يوم تفرحي

لا الفرحة تسرقنا

 

لا انا حِمل مهرك ودهبك

ولا جاي معاي عاجِك

ولا حمل توب من حريرك

ولا ماسة من تاجك

ده انا بالكتير حاجج

من وسط حجاجك

 

جيت لك في شهر حرام فمتهدريش دمي

ماتقربيش مني مانتيش كِفَا همي

وَلِّي لحجاجك يا ام الجبين عرفات

حبك كما الصلوات والقِبلة مش يَمِّي

 

يا معلماني الهوا ومسَكِّنة التباريح

حبك نخيل طارح ميهزهوش الريح

أرمي الحجر جارح تنزِل رطب مجاريح

إزاي بتتكسر اشواكي جواكي

ابكي على صدرك القى البكا تفاريح

 

إزاي بتتغير دنيايا جوايا

اول ما اكون جنبك

وإزاي يجيلك صبر تنشفي بكايا

والذنب مش ذنبك

 وهي ازاي بتتحمل؟؟

هشام الجخ - إيزيس

منطقى لما يبقى يتيم و أمى ويبقى سيد العالمين

منطقى الحُسَّاد هتكتر و العدا و الكارهين

و اللى هيقولك ده شاعر

و اللى هيقولك دا ساحر

و اللى هيقولك دا كافر

واللى يكتب و اللى يرسم

و اللى يكدب و اللى يشتم

منطقى

 

هى غيره

زى غيرة الوليد بن المغيره

مش كان هيسلم؟!

بس حاجه فى نفسه حَكِّتْ

كبره خلَّى نفسه شَكِّتْ

أصل داء الكبر ده أكبر خطر

بس يعنى الجَنَّه تِعْمَرْ وحدها؟!

حَبَّه فى الجنه و نعيمها وحَبَّه فى سقر

منطقى

 

و منطقى لما يبقوا المسلمين حالهم كدا

تطلع ضوافر للعِدا

مادمت مش زارع بإيدك غلتك

و الجوع قرص على معدتك

فا ذَلِّتَك

مادمت متشتت و تايه فى الكلام

فين الودان اللى هتسمع شكوتك؟!

و منين يجيلك و ش تحمق ولَّا تغضب

ولَّا ترفع كلمتك؟!

 

هما مش قاصدين يهينوا المصطفى بحبة صور

هما عارفين إن سَيِّدنا النبى سيد البشر

هما قاصدينك و قاصدينِّى و قاصدين كل جيلنا

و طول ما بِنْكَسِّلْ و نتفرَّق و بندارى الحقايق

لسه ياما راح يجيلنا

أما سيدنا النبى ربه كافيه

يستهزقوا مِنِّينا إحنا

أما هو رَبُّه صاينه و مصطفيه

 

لو كانوا حضروه كانوا عرفوا يرسموه

كانوا هيسموه بعدله و بسماحته و بهدوءه

كانوا شافوا إن الصحابه بتلحق الميه اللى نازله من وضوه

لو كانوا لحقوه كانوا عرفوا يرسموه

 

إحنا ما رسمناش نبينا فى العيون

إحنا فهمناهم إن الدين بتاعنا لا فيه علوم ولا فيه عمل

ولا فيه أدب ولا فيه فنون

اتلهينا باحنا كنا و احنا كنا

و نمنا فى اللى راح يكون

 

بس احنا فقنا

بجد أسفينلك و راجعينلك

شعبك نشيط عامل و صافى و تقى

زيك يا سيدنا النبى يابو قلب طاهر نقى

أما اللى واكلاهم غيرتهم فا ده منطقى

هشام الجخ - منطقي

مدحت صالح - مهرجان الموسيقى العربية ال22

كلمات : أحمد فؤاد نجم
ألحان : شادي مؤنس

كل عين تعشق حليوة وانتي حلوة في كل عين
يا حبيبتي قلبي عاشق واسمحيلي بكلمتين
كلمتين يا مصر يمكن هما آخر كلمتين
حد ضامن يمشي آمن ، أو مآمن يمشي فين 

سمرة يا أم الشعر ليلي والجبين شق النهار
والعيون بحرين أماني والخدود عسل ونار 
واللوالي في ابتسامتك يحكوا أسرار المحار
ياللي ساكنه القصر عالي ، امتى يهنى لي المزار
كلميني يا صبية طال عليا الانتظار

كلمتين يا مصر يمكن هما آخر كلمتين
حد ضامن يمشي آمن ، أو مآمن يمشي فين 

محمد محسن - كلمتين يا مصر

الحشاشين - التحفجية
من حفل مكتبة الإسكندرية

كلمات:  بديع خيري
ألحان: سيد درويش

محمد محسن - الحشاشين

Add Me on Facebook : فيسوك بتاعي
https://www.facebook.com/diab.live


. بيدج مزيكاتي  .. شرفونا هتنبسطوا

www.facebook.com/Mazzikaty2




. بيدج مزيكاتي ع الفيس بوك .. شرفونا هتنبسطوا 

https://www.facebook.com/Mazzikaty2

 
***


بِرُوْحِي فَتَاة بِالْعَفْاف تَجَمَّلَت وَفِي خَدِّهَا حَب مِن الْمِسْك قَد نَبَت

وَقَد ضَاع عَقْلِي وَقَد ضَاع رُشْدِي مذ أَقْبَلَت
وَلَمَّا طُلِبَت الْوَصْل مِنْهَا تَمَنَّعْت 




***

بَلِّغُوْهَا إِذَا أَتَيْتُم حِمَاهَا أَنَّنِي مُت فِي الْغَرَام فِدَاهَا
وَأُذَكُرُوْنِي لَهَا بِكُل جَمِيْل فَعَسَاهَا تَحِن عَلَي عَسَاهَا
وَإصحبوْهَا لِتُرْبَتِي فَعِظَامِي تَشْتَهِي أَن تَدُوْسَهَا قَدَمَاهَا
إِن رُوْحِي  تُنَاجِيْهَا وَعَيْنِي تَسِيْر إِثْر خُطَاهَا
لَم يَشُقْنَي سوى أَمَلِي أَنَّنِي يوما أَرَاهَا 

..

ميكس لكل اغاني عبد الرحمن محمد 

https://soundcloud.com/mohamadhasan/mnzv9pj2yqdb

Abdulrahman Mohammed l  Berohy Fatah_عبد الرحمن محمد ومهاب عمر _بروحي فتاه

مفيش امل

Written by: Ninja
Music: ( Free Beat )
Vocals: Ninja
Master and mix by: Ninja
© 2014 Ninja



وضحت فكره فـ وسط ناس يا دوب للحق فاكره
حاربت نظام فلول أخوان وعسكر لسه باقيه
أنفصامك عـ الميك زودلنا معادله عشقك
مفيش واحد بيغنى ولا بيكتب بقوه فكرك

قلتهالنا قبل كده الكبت فيك وصل لآخره
رسمت 100 موناليزا وبصلتنا من كل ناحيه
أنتقدوك أكتر من مره بشكل سلبى وبرده مكمل
وجه الشبه ما بين زمان وزمن فيك معلم
كنت سهل منجرف بعيد عن فكر سطحى فينا
شدتنا لما لقيتنا بنغرق أيدك سبقت أيدينا
وصلتنا لمستوى فـ الفكر محدش غيرك عارفه
محدش غيرك يقدر يكون الآنا بـ قلمه وحرفه
سمعنا ليك أغانى لكن نفسنا فـ كتبك نقرا
مهو أى حد فكر يجى علينا عملته فقره
مفيش جمهور عمل أغنيه لحد قلتها بلسانك
جوكريانك فوق العاده احنا أمنا بـ كتاباتك
الضغط عليك كتير من بعد أنا ولكن كتبت
وصلت بينا لتانى موناليزا وجيت بعدها بـ الكبت
تفاحه حوا فـ أيد أدمى كلامه فـ نفس الحاجه
مفيش غيرك يدينا نفس هرمون السعاده

هشتاج وكلام فـ أغانى سيب كوكبهم أرجع تانى
كوكبنا بغير سفنتك يرجع تانى فكره نائى
عمر ما قبطان بيسيب سفيتنه بـ طاقمه تفضل ماشيه
يوتوبيا عشنا فيها فـ أعتزالك طوفان الكارثه


دافنشى رسم موناليزا لينا قبل ما يمشى
استنا بلاش تروح الروح هتروح معاك معلشى
اصل انتا وضحت لينا كل حاجه مخفيه
بـ فلسفتك عدلت كل حاجه فينا محنيه
الواقع كان عشان الناس يدوب تفهم الرادع
الى جوانا بس عشان نشوف الحق باطل
متماطل وسط بأيدك انتا بس فاضل
أديته كتير من فكرك فحنا الفكر لينا واصل
هشتاج كمل يا جوكر وسط بوستك أنا هعتزل
تعتزل أزاى بعد ما وصلت بينا لحافه جبل
دافنشى رسم موناليزتك وانتا أسست اليوتوبيا
سكانها عملوا أغانى ليك وكلام عشان ما تسيبها
متاخدش بذنب غيرنا احنا فهمنا وهما لسه
نزفت كتير زمان عشان توصلنا المغزى
مـ الجوكريان الحقيقى شمس مستقبل كوكبك
بغير نجومنا متهتديش معقول هتسيب بنتك تتصلب

هشتاج وكلام فـ أغانى سيب كوكبهم أرجع تانى
كوكبنا بغير سفنتك يرجع تانى فكره نائى
عمر ما قبطان بيسيب سفيتنه بـ طاقمه تفضل ماشيه
يوتوبيا عشنا فيها فـ أعتزالك طوفان الكارثه

Kamel Ya Joker - Eslam Ninja

مهرجان الموسيقى العربية 23
نوفمبر 2014

كلمات : بديع خيري 
ألحان : سيد درويش

الحلوة دي قامت تعجن في البدرية
و الديك بيدن كوكو كوكو في الفجرية
ياللا بنا على باب الله يا صنايعية
يجعل صباحك صباح الخير يا اسطى عطية
طلع النهار فتاح يا عليم
و الجيب مافيهشي ولا مليم
مين في اليومين دول شاف تلطيم
زي الصنايعية المظاليم
ده الصبر أمره طال
و ايش بعد وقف الحال
ياللي معاك المال
برضه الفقير له رب كريم

ماتشد حيلك يابو صلاح
اضربها صرمة تعيش مرتاح
خلي توكالك ع الفتاح
ياللا بنا ياللا الوقت أهو راح
الشمس طلعت و الملك لـ الله
اجري لرزقك خليها على الله
ما تشيل قادومك و العدة و ياللا


محمد محسن - الحلوة دي - دار الأوبرا 2014

مهرجان الموسيقى العربية 23
نوفمبر 2014

كلمات : مصطفى إبراهيم
ألحان : محمد محسن

محمد محسن - اللف في شوارعك - دار الأوبرا 2014

البحر بيضحك ليه.
كلمات: نجيب سرور.
ألحان: محمد محسن.
توزيع: رفيق عدلي.
من ألبوم "اللف فـ شوارعك" لمحمد محسن.

محمد محسن - البحر بيضحك ليه

لو غبت سنة ... انا برضه انا

رائعة الشيخ امام ( اتوب عن حبك أنا ) بصوت محمد محسن

محمد محسن - اتوب عن حبك انا

كلمات: مصطفى إبراهيم
ألحان: تامر كروان
من مسلسل زي الورد

Mohamed Mohsen برغم إن الكلام عالحب (من زمان جدًا)

غنوة ما بتكملش - محمد محسن

كلمات : خالد عبد القادر
 لحن: يحى نديم


جيبت لي صاحب وحبيته
زقنى فى المترو زقيته 
واما مات فيا ومت انا فيه 
روحتله بيته وعزيته !!

حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز 

حبنى الشارع وحبيته 
عض قلبى الليل وعضيته 
خضنى الأنسان وخضيته 
لما بان من وشه عفاريته 

عدى فيا القمح سمرنى 
عدى فيا الفجر صبرنى 
عدى فيا الحزن غيرنى 
عدى فيا العمر كبرنى 

خدنى م اللفة لمريلتى 
خدنى م التسنين لحصالتى 
خدنى من مدرستى ع الجامعه 
خدنى م الترعة على الاسفلت

خدت م الاتوبيس مراياته 
خدت م السواق حكاياته 
خدت م الركاب تذاكر موت 



حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز


ياللى وحشانى متوحشنيش 
ضحكك السكر محلانيش 
خوفت م المطرة قفلت الشيش 
ليه فضل اسمك على الشباك 

كنت جايب دبلة وغويشه
كنت شارب حاجه مغشوشه 
شفت شبهك قاعده فى الكوشه 

قلت هى لا مش هى 
فتشتنى الدمعه عن الميه
كنت أنشف من حطب محروق 

حزن يا محول خطوط سيرى 
حزن يا عطار فى باب اللوق 
شوفلى تحويجه لتفسيرى 
حط ريحه بُن لضميرى 
شوفلى عود أصلب من المغشوش

حزن يا بقال ورا الجامع 
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز


ردنى عالباب عطب روحى 
جابلى ناى وزتونه مطروحى 

جيبت لي صاحب وحبيته
زقنى فى المنرو زقيته 
واما مات فيا ومت انا فيه 
روحتله بيته وعزيته

ردنى عالباب عطب روحى 
جابلى ناى وزتون مطروحى 

مُر انا يا صاحبى لو دوقتنى 
جيت اقول الآه ما صدقتنى 
يطرح ايه الملح غير مالح 
يطلع ايه م الجرح غير مجروح 

ليه ما تصفاشى لغير صافى 
ليه فى عز الحوجه بتجافى 
شوفتنى غاطس ولا طافى 
كنت بندهلك حلاوة روح 

حزن يا بقال ورا الجامع
هات بنص ريال عسل فى الكوز 

خد سنين الجرى وسنينى 
هاتلى سن غزال دهب عينى 
قطع الاسفلت شرايينى 
هات بياض القطن شاش اللوز 

حزن يا بقال ورا الجامع 
هات بنص ريال عسل فى الكوز 
دة اللى كان عيل بقى شاعر 
واللى كان ضاحك بقى أراجوز

عمدان النور - سيرة الأراجوز

بلدك بعيدة يا عنب والغربه خطفت لونك ..هوا الفراق انكتب ولا الزمن بيخونك

Mohamed Mohsen - بـلـدك بعيـدة

أنغام - مضناك جفاه مرقده - مهرجان الموسيقى العربية

Mohamed Mohsen- A Small Laugh - ضحكة صغيرة محمد محسن

الكوتشى اللى باش - كلمات مصطفى إبراهيم - غناء محمد محسن 
http://www.youtube.com/watch?v=sikRkD4nrJQ

الكوتشى اللى باش -  محمد محسن


أيوه بغير
لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير
 
واللي قالولك غيرة الراجل
قِلّة ثقة او قلة فَهم
خَلْق حمير
 
غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها يبقى يا غُلْبها
 
اصلنا ناس على قد الطيبة كلنا هيبة
والنسوان في بلادنا جواهر
 
طب لو عندك حتة ماس
حتخلّيها مداس للناس؟
ولا حتقفلي اوضة عليها بميت ترباس
يمكن حتى تأجري ليها جوزين حراس
 
يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل اللي لا ليه اخر ولا أول
اللي طلعت لقيتني صعيدي
 
لو كان بايدي كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟ هو انا كلب ؟
 
ثم العبرة ماهيش في اللبس
أصل المشكلة مش فى اللبس
أصل المشكلة عندك .. عندك
قلت حاسيبها وبكرة تحس
بعده تحس.. بعده تحس
ده انا لو جبس كنت زعقت
 
ماشي صداقة وماشي زمالة
بس ماجَتْش على الرجالة
ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك  واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير
 

محمد محسن - الحلوة دي - دار الأوبرا 2014

Samah Samir ♠ ||