أنا هويت و انتهيت - سيد درويش

HQS عبدالحليم حافظ.. أنا كل ما أقول التوبة.. ستديو

كلمات : مولانا فؤاد حداد 
:)


عيوني من العطش قايمة
تنادي الليل ع سلمي
وقلبي يدق فِ الضلمة
ينورلي
ينورلي عشان يرجع
زمان بيرد أفراحي
وأشيل الدنيا بجناحي 
أنا وهيا
هنا زي اللى مش صاحي
هناك زي اللى مش نايمة
عيونى من العطش قايمة
تنادي الليل ع سلمي
وقلبي يدق فِ الضلمة
ينورلي
ينورلي وأنا زارع
أنا سارح
جناين بكرة فِ امبارح
ريحان الشوق بيتنهد
قديم وجديد وبيقلد
طريقة حسك الهادي
أشوفك ساكتة بتنادي
حياتى يومين
وحسك بينهم النسمة
عيونى من العطش قايمة
تناجي الليل ع سلمي
وقلبي يدق فِ الضلمة
ينورلي
ينورلي كأني صغير
ولسه هخاف واتطمن
ولسه هطير
وأجيلك من ليالي كتير
أبين ولا أتبين
تبين زين ولا أتبين
بحبك والندي بيغير
وضحك لسه بيجنن
وقلبك يعرف الرحمة
عيونى من العطش قايمة
تنادي الليل ع سلمي
وقلبي يدق فِ الضلمة
ينورلي
ينورلي عشان يرجع
زمان بيرد أفراحي
وأشيل الدنيا بجناحى
أنا وهيا
هنا زي اللى مش صاحي
هناك زي اللى مش نايمة
عيونى من العطش قايمة
تنادي الليل ع سلمي
وقلبي يدق فِ الضلمة ينورلي 



سلمى _ احمد منيب

أنا هَويته وانتهيتْ - الشيخ سيد درويش

الشيخ امام عيسى - دولا مين ودولا مين

من حفل محمد محسن في مهرجان الصيف الدولي بمكتبة الإسكندرية 2018

موال شوفتك
(من ديوان من نور الخيال وصُنع الأجيال في تاريخ القاهرة)
كلمات: فؤاد حداد
ألحان: سيد مكاوي

يا سامعين أبناء بلد واحدة
تحت السما الواحدة وجيل بعد جيل
القاهرة قالت وقولها الحق
أشهد بإنك يا ابن آدم جميل
باني البيوت على بعضها بتميل
في الجو ريق الإنسانية يسيل
شوفتك بتمشي ونظرتك على فوق
ودايرها زغروطة وحطب وغسيل
شوفتك يا سقا مالي ماء النيل
شوفتك منادي وشفت خطافك
من سوق لتاني لألف ليلة يشيل
شوفتك بطبلة وناي وزمارة
حتى بأمارة زادت الشخاليل
شوفتك تقلد ضحكة الهاتمة
أيام تبيع العطر والمناديل
شوفتك يا جٍندي بسن رمح طويل
شوفتك يا شيخ الفضل يا عبد ربه
فرحان بالأخضر والنسيم العليل
شوفتك يا حاج وانت راكب جمل
زي الهلالي وحَبّة طولت النخيل
شوفتك يا فارس يا غني يا أصيل
شوفتك يا سهار النهار بالليالي
يا منحني وماسك دولاب الفنون
بقانون تقسمني .. والبسط ترسمني
وأكبر تسمسمني .. وأتوه تجيب لي دليل
ولمّا عرب الصحارى عمروا الحارة
وأصبحوا في الغرام ع السطح بحارة
شوفتك يا شاعر تنشد المواويل

محمد محسن - موال شوفتك *من ديوان من نور الخيال وصُنع الأجيال*

رباعيات صلاح جاهين -سيد مكاوي

أول كــلامـى بــذكـر الله بــعـديـن بــمـدح نــبـيـنـا
الله مـوجـود ولا غيرة سواه هوا خلقنا متكفى بينا
يابا أه ياعـينى على أه سيـدى أه ياعينى على أه
يابا أه ياعـينـى على أه هوا خـلـقـنـا متكـفى بـينا

تــاريـهـا الـدراهـم بـتـنـفع بتجـيب مِلّ ويـا غـنيمة 
والــصـاحـب اللـي مـايـنـفـع البُــعد عـنه غـنـيـمـة
يابا أه ياعـينى على أه سـيـدى أه ياعينى على أه
يـابـا أه يـاعـينـى عـلـى أه البُـعـد عــنـه غــنـيـمـة

ويــا دنـيـا يا بــعــوه راحــو فـيــن اللــى فاتــوكــى
راح فــيــن أدم وحــوا ســكـنــوا الـتـراب هـمـلوكى
يابا أه ياعـينى علـى أه سيـدى أه ياعينى على أه
يابا أه ياعـينـى عـلـى أه سـكنوا الـتراب هـملوكى

ولا حــد خــالـى من الـهـم حـتـى ضـلـوع المراكب
متقـولـش للـندل يا عـم لو كان على السـرج راكب
يـابـا أه ياعينـى على أه سيدى أه ياعينى على أه
يابا أه ياعـينى عـلى أه لو كان علـى السـرج راكـب

واللـي يـداديـك داديـه واجـعـل عـيـالك فى ايـده
واللي يـعاديك عـاديـه روحــك ماهياش فى ايده
يابا أه ياعينى على أه سيـدى أه ياعينى على أه
يابا أه ياعــينى على أه روحك ماهياش فى ايده


محمد محسن - موال شوفتك من ديوان من نور الخيال وصُنع الأجيال

Samah Samir ♠ ||

Recent comments

Wael Koubeissy

Related tracks