هو دة طبع الحياة ناس بتبعد ...ناس تفارق يترسم بالخط الاسود المفارق جوة كشكول الحياة واما تغرق...تلقائيا يترسم بالخط الابيض طوق نجاة

هو ده طبع الحياة ناس بتبعد

طاقة أمل

فيلم الجزيره -احمد السقا ومحمود ياسين

صوت سما نوار _ نص مي رضوان
الكل مش عارف يكون
موجود اذا غيابك حضر
واتاري احلا مافي الحاجات
انت..
وغيرك كان صور
ارجوك خصوصا
ف السفر
خليك دليل
البنت بتفصّل خطاها بخطوتك لسه
ومربّطة شريط الضفيرة
بطرف سجادة صلاتك جمبها
بتقلدك
البنت دي
ضهرك ف ايام الاحتياج
للعطف او للراحه من طول السكك
بتسندك
مع انها
متسنده بيك ف الحقيقه
ولو بشوفتك كل يوم!!
او لما بتجر ف شكلها
فتتقمص منك شويه-كدا وكدا
وبعدها
وكإن محصلش اختلاف
تلاقيها جايه تكلمك
هي اللي قالو
قلبها
زي السحابة
بيشبهك
تسقي اللي حواليك كلهم
تعطش
لكن تبات شبعان رضا
انت اللي وسط الضعف صوت
بيقوللها إن
"انتي غير"
فماتزعليش
انا عارفِك اكبر من كدا
فتصدقك
وهو غيرك كان صدق وياها مين ؟ 
ماتسيبش ايدها
مين اللي قاللك انها
كبرت علي مسك الايدين؟
والشعلقة ف رقبتك اما بتيجي من بره
وبتسألك جبتلها ايه 
هو انت فاكر شبر زاد ف الطول 
يقلل الاحتياج؟؟
بالعكس جدا
حتي اما بتبان
عارفه تمشي لوحدها
اعرف بإن البنت دي
متسنده بيك ف الحقيقة
ولو بشوفتك كل يوم
بتقول لها
بعنيك "يابت ماتقلقيش
اطمني..
وانا روحت فين ؟ "

حرف / مي رضوان
اداء صوتي / سما نوار

متسندة بيك في الحقيقة_سما نوار_مي رضوان

موال برضاك - مروة ناجي - The Voice

الحشاشين - التحفجية
من حفل مكتبة الإسكندرية

كلمات:  بديع خيري
ألحان: سيد درويش

محمد محسن - الحشاشين

مروة ناجي ناجي - حياة الخلق محسوبة - مسلسل تفاحة ادم

مروة ناجي - حياة الخلق محسوبة - مسلسل تفاحة ادم

بيتنا القديم
ــــــــــــــــــ
كلمات: عمرو الأديب
غناء: شريف أبوشامية - خالد جمال - عمر أبو حشيش
ألحان: شريف أبوشامية
توزيع و مكساج : ميدو راشد
صولو الكمانجا: أ/ مجدى حكيم
ـــــــــــــــــــــــــــــــــــــــــــــــــــــــــــــــــــــــــــــــــــــ
نايمة الحارات
نايمة البيوت
والهمسة يطلع ليها صوت
وفى الوحدة بحن لحب تاه
بيطل من بيتنا القديم
ذكريات صور قديمة
معدش ليها أى قيمة
وبردوا عشناها بإيدينا طول السنين
ذكريات أيام و فاته
وحب ناس فى قلوبنا ماته
قلب يصرخ من سكاته يزيد حنين
و لسه إسمك ع الشباك
بيرسم صورة للماضى
بغنى كلام مصدقتوش
 وبردوا بحالى مش راضى
ـــــــــــــــــــــــــــــــــــــــــــــــــــــــــــــــ
Follow Amr el adeeb On :https://www.facebook.com/AmrElAdeeeb?ref=br_tf
Follow 4G Band On :https://www.facebook.com/pages/Sodfa-Band/1519502864954910
Follow Us on soundcloud : https://soundcloud.com/sherif-aboshamia

بيتنا القديم | Betnaa El2adeem - 4G BanD

Ghanni ya semsemya

فقدتك - عبد المجيد ابراهيم  #MBCTheVoice

ارزقنا راحة البال ..
والضحك من جوه
وادينا قلب عيال ..
نقدر نكمل بيه ..
ماتقلش المتشال ..
زودلنا القوه ..
وارحمنا م اللى اتقال
و سكتنا رد عليه ..
قوينا ماتسيبناش ..
واكفينا بقليلنا ..
واحمينا من بصه ..
على شئ ف إيد غيرنا
وصلنا ل بدايه ..
او خيط من اللى بجد 
علمنا نحتاجلك ..
من غير ما نحتاج شئ 
من غير ما نحتاج حد :)

أداء صوتى : معز ..
كلمات : نوره واصف 

قلب عيال ♥

الخُطب ماعدتش نافعة
الكلام سيف اللي مش قادر يهاجم
كل حرف فـ حضنه شايل ألف أفعى
كل أفعى فـ بطنها عضم وجماجم

الأفاعي اجمعوها
فـ اللهيب ياللا احدفوها
ناركو اوعوا تزعَّلوها
لو تجوع ادوها دفعة
زغَّطوها نعنشوها 
فرفشوها بأيّ أفعى
بس تبقى الأفعى نيَّة
نيَّة طازة لسَّه حيَّة
حيَّة صابحة دوغري جايَّة
جايَّة مِن وكر الحناجر

جايَّة مِن وكر الحناجر
اللي طافحة بكدب فاجر
كدب متغذِّي بألمنا
باعنا وبأوجاعنا تاجر
وانتصر لمَّا انهزمنا
جينا نصرخ قام مهاجر
هوب عشِّش فـ الكلام
لجل يصبح مادة خام
للبيانات الخسيسة
للهتافات البئيسة
للخُطب وسط الزحام

المُلخص: أفعى جنب الأفعى ماشية
والزحام عمَّال يصقَّف فوق دماغنا
الزحام قرَّر يكون للكدب حاشية
يعني لازم نبتسملُه لو لدغنا

يعني تلخيص الحكاية
إنكم راسمين قدركم
إنكم عايشين ضحايا
يا أساتذة باختياركم

كل كلمة بتقولوها
فيها أفعى هـ تلاقوها
غارزة نابها جوَّه روحكم
ريقها بيسمِّم جروحكم
بس خايفين تحرقوها

تحت كل كلمة نايمة
ع الورق قدام عينيكم
فيه أفاعي سارحة هايمة
قايمة بتدوَّر عليكم
حتَّى جوَّه الغنوة ديَّا
فيه أفاعي متداريَّة
اوعوا اوعوا تسمعوها
الفحيح دا مش بتاعي
ياللا حالًا سكِّتوها
فـ اللهيب ويَّا الأفاعي
غنوتي ياللا احدفوها

دي الأفاعي فـ كل ساحة
قاعدة تتلوى ببجاحة
دي الأفاعي فـ كل شاشة
قاعدة تتلوى ببشاشة
أقوى من كل المصايد
فـ الدراما فـ الجرايد
أقوى من كل المصايد
فـ الأغاني فـ القصايد
فـ الدعاية فـ المراية
جوَّه صوتكم انتي وانتا
الأفاعي فـ كل حتَّة
حتَّى فـ بطون المعاجم

........................
كلمات وألحان: أنطونيوس نبيل
توزيع: محمد يسري

إيقاع: أحمد بدير
كولا: عبد الله حلمي
قانون: عمرو الصواف
أكورديون: وائل النجار
جيتار: أحمد حسين

كورال:
خالد عبد الغفار
أحمد عبد السلام
مصطفى النجدي
مي حسن
هندسة صوت وماستر:
ميشيل عبد الملك

رؤية فنية: أنطونيوس نبيل
تصوير: محمود عفيفي
موديل: نيفين عبد الحميد
تصميم أزياء: مريم مسعد
ميكاب أرتيست: ميران وجدي
تصميم لوجو: أحمد أبو الحسن

مونتاج: هيثم عزت

عصر الأفاعي - جوني

أداء صوتــي /  سما نوار
https://www.facebook.com/samanawar2 
حـــرف / اميرة عبد العزيز
https://www.facebook.com/amera.abdelaziz.7?fref=ts

جربت قبل كدااا #تطمن لربنا ؟؟ ،، جربت تطمن لاختياراته وتدبيره فى كل أمور حياتك ؟؟ ،، جربت تطمن لما #الإبتلاءااات تكتر عليك أوى .. وتضيق بيك نفسك وتبقى واثق إن الفرحة #قريبة ؟؟ ،، جربت تعيش إحساس إن #الأحزان مابقتش فارقة معاااك ؟؟ لأن كدا كدا ربنا هيفرح #قلبك فى الأخر ،، جربت تطمن إن ربنا أرحم بيك من نفسك ولما بيبتليك ويرزقك بشوية حزن فــ دا لأنه #بيحبك ،، يعنى ساعااات الواحد لازم ينكسر أوى علشان يقدر يكمل مشواره فــ #الحيااااة .. لازم ينكسر علشان #قلبه يحس إنه مالوش حد فى الكون داا كله غير #ربناااا ،، لازم ينكسر علشان يقوى ويفهم الدنيا >> #أطمن ووشوش قلبك وأكدله إن الفرحة كدااا كدااا جاية ،، يمكن #دلوقتى أو متأخر #شوية ،، بس أكيد هتيجى ،، و اشكر #حزنك اللي فهمك الدنيا أكثر و قربك من ربنا أكثر ،، وخلاك تحس باللي حواليك ..
ومتنساش إن بعد #العسر #يسرا 

بس أنت أصبر واطمن

إطمن_سما نوار_أميرة عبد العزيز

اداء صوتي / سما نوار 
https://www.facebook.com/samanawar2
كلمات / اسراء مقدم 
https://www.facebook.com/esraa.mokaidam?fref=ts


الصراحة
الحياة لما كانت
جوة فصلى فتالتة تالت
كانت الحسبة بسيطة
قلب ابيض ...صفحة بيضة
حبة حبة لما تكبر
حبة الالوان بتكتر
جوة قلبك كان بيظهر
خط ازرق 
وللا اسود
وللا اخضر
وللا اصفر
لما تكره
وللا تحقد
وللا تعند
وللا تكسر
كل حاجة كات كبيرة وانت عيل
جوة عينك كات بتصغر لما تكبر
لما تكبر
كل حاجة عليك تهون
كل مرة تحط لون
واما تغرق مش هيفرق
لو تكون او لا تكون
مش هيفرق لو تحاول
او تداول
او تقاول
صفحتك مابقتش بيضة
بِركتك صبحت غويطة
هو ينفع لو تغمض وسط زيطة....ييجى نوم؟
هو ينفع لو لقيت نفسك بتغرق
تبتسم وتقول دة عوم؟
مش هينفع لو تصرّخ او تزوم
~~
لحظة واحدة
ايه اللى قالك مش هينفع
ايه اللى قال مالهوش لزوم
طول ما شمس عليك بتطلع
يبقى لسة علينا لوم
ليه بتحكم بالنهاية
ليه تقفّل ليه تشّطب
وانت لسة فمبتداه
لو تشخبط وللا تشطب جوة صفحة
لسة باقى دفتر ابيض....ايه ملاه؟
طول ما لسة كتابك ابيض
يبقى تكتب
اكتب اكتب
محنا فيها زى عيل
لف دار..قام معبّط
قام مخبّط
واما تاه ...راح معيّط
واما عيط
...
كف حانى عليه وطبطب
فاكتَشَف معنى الحياة
~~
هو دة طبع الحياة
ناس بتبعد ...ناس تفارق
يترسم بالخط الاسود
المفارق
جوة كشكول الحياة
واما تغرق...تلقائيا
يترسم بالخط الابيض
طوق نجاة


طوق نجاة_سما نوار_اسراء مقدم

حرفـ : عبد العزيز عبد الله
أداء : سما نوار
https://www.facebook.com/samanawar2

لما تحس بأن الدنيا معاندة معاك
وانها ولا بتحس وجودك ولا شايفاك
وانك مهما تحب وتخلِص 
تلقى حبايبك مش حاسّاك
وانك لما بتفرح حبّة
تلقى دموعك تستناك
لازم تعرف حاجة مهمة
ان الدنيا مهيش قصداك
وانك لاجل ما تمشى حياتك
لازم ترمى الهم وراك
أتشعبط ف الحلم وعافر
هتلاقى الأحلام ويّاك
كل الكون راح يبقى ف صفك
لو حسّك صادق ف غُناك



إتشعبط في الحلمـ_عبد العزيز عبد الله_سما نوار

كلمات : ابتسام مختار 
https://www.facebook.com/ebtesam.ahmed.mokhtar
هندسة صوت / يُوسف الدالي
https://www.facebook.com/daly.yusuf?fref=ts
أداء / سما نوار
https://www.facebook.com/samanawar2

ياما قُلت
ومحدِّش صدَّقنى
إنى بحبها.. وبتكرهنى
وبتخنقنى
وبتزعجنى
وتشعلقنى
وتمرمطنى..
وافضل احبها رغم الزحمة
رغم البيه السيد حِشَرى
واخته الرغَّاية.. واخوه الكِشَرى
وبرغم الأمورة.. الرِخمة!
وبرغم الكُرسى المِتكسَّر
وبرغم التنطيط ع الكوبرى
ما هو كله يهون علشان خاطر
خَط من الأول للآخر..
قادر.. بالصُدفه يعلٍّمنى
قادر إنه يخرَّج منى..
ضحكة بتخُض اللى يشوفها
فِكرة.. بتخلينى اعرفنى!
شوف رغم دى حاجه بترْكَبها
مع ذلك بتعلِّمك المشى!
وشوارع مصر المحروسـة
الواقفة.. الزحمة.. المنحوسة
تدِّيك الصبر ده مجَّانى
فوق إن سماعك للرغى
بيضيفلك عُمر واحد تانى
بالذمة ده عرض ده يتفوِّت؟
هتقولى الزحمة دى بتموِّت!!
طب مش حلوة الموتَة جماعة؟
أرحم من كام واحد حى
يومياً بيموت م الوحده..
فِعلياً عُمره ما جرب سَعى
عُمره ما جرب رِزق الكرسى الفاضى الْمِستَّنيه
الكرسى الفاضِل.. مَخصوص لْيه!
عُمره ما جرَّب بسمِة جِدة..
لْواحد فاضِل..
فضَّل راحِة سِت كبيرة عليه
مع إنه فعلاً مش قادر..
يفضَل واقف على رجليه
يعنى بالعربى من الآخِر..
إن كان أتوبيس, ولَّا سيرفيس, ولَّا مشروع!
إن كنت جعان ولا تعبان ولا موجوع
وسواء بردان.. هتموت م الحَر
صايم.. فاطِر ..
فى الزحمة هتتعلم تِدى
تِكسب وِدى
هتدوس على رجله يبرَّقلك
تتأسفله, هيروح زاقَّك!
وفاجأة يضحكلك من قلبه
ويقولك: يا عم وَلْا يهمك!
ويبُصِلها: يا آنسة فى مكان
آه.. هناك جنبُه!
ويوسَّع ويسيبها تعدِّى
فى الزحمة انا باخد شنطتها
وبشيل عنها..
وبتشيل عنى
وبفكَّرها بمحطتها
بيفرمِل, هى بتستندنى!
فى الزحمة هتقرا الجرنان
تسمع قرآن.. أو هتغنِّى
هتلاقى حلاوة فـ وسط المُر
وفـ عز الخنقة هتكون حُـــر!
وفـ عز الدوشة مبتموتشى
أصل محـدِّش..
بيموت م الصبر



في الزحمـــة_إبتسام مختار_سما نوار

حــرفـ : اسراء مجدي
https://www.facebook.com/ess.magdi?fref=ts
أداء : سـما نوار
https://www.facebook.com/samanawar2 


الصبر ..
مش انّك تكون ..
مستنى حاجة و السلام
الصبر .. انك تبقى واثق ..
ان مهما الوقت طال ..
هيجيك نصيبك .. 
حتى لو من غير كلام
الصبر ..
انك تبقا عايش لاجل حلمك ..
بابتسامة و مش بضيق
الصبر انك .. 
تمشى فى السكة الطويلة المتعبة 
مهما الطريق حواليك يضيق
الصبر مش حبة كلام ..
عن معنى كلمه " صبر" فيك بتكمِّلك
الصبر .. صبر فى القلوب .. 
تستقوى بيه .. و يطمِّنك :)



الصبر_إسراء مجدي_سما نوار

قلبي كما حبة مطر ..
بيغيب كتير ..لكن ف وقت من السنه 
يظهر قوام ..ويفيض مشاعر ع البشر 
قلبي كما ..حبة مطر ~

لم يدفئني نور العالم بل قول أحدهم لي أني ذات يوم أضأت نورًا في قلبه

طوق نجاة_سما نوار_اسراء مقدم

Sama Nawar

Recent comments

My-Lįfę Fįłm-Hęndį

aLiaa gOMaa

aLiaa gOMaa

Loza Nwar 1

Related tracks