Sam Lattakia | سام لاتاكيا
EveryThing Changed | كلشي تغير


● LYRICS | الكلمات  :

[Intro]
كلشي تغير ، سام لاتاكيا
كلشي تغير ، كيف هيك صار
كلشي تغير ، شو السبب
كلشي تغير ، من ايمت
كلشي تغير ، يا حسرة
كلشي تغير ، لهون وبس
كلشي تغير وانا بعدني نفس الشب (×2)

كلشي تغير وانا بعدني نفس الشب
نفس الاوجاع والاهموم مافيني شي اتبدل
كلشي تغير وانا بعدني نفس الشب
كنت صححت كل اخطائي لو بضرب بالمندل

كنت ومازلت بستهين بقدراتي
محاط بأحزان كافية تثبط معنوياتي
بعدني بحط سماعاتي ، لما ببيتي
يعلا صوت المشاكل ف بشغل غنيتي

كلشي تغير وانا بعدني نفس الشب
برجع بعيد وبحب ، بنفس الكاس بصب
بتفادى شمس بطريقي ، بمشي بضباب
بركد ع جهنم ، بترك جنة وخيرات وأعناب

كلشي تغير وانا بعدني نفس الشب
بفشل بالدراسة ، لكن بنجح بالهيب هوب
حياتي شو بتسوى ، حياتي قصة تروى
لما حدا يوقف جنبي بضعف بدل ما أقوى

أفكاري شو بتعني ، أمسياتي بنعي
بصفن جوا غرفة ، مع حالي بصير بلعي
نفسي بتلعي ، لما قدامي تنجاب
سيرة قانون الغابة ، وانا هو السنجاب

بيسألني انت سام ! شكلو اسمي انتسى
م انا الميت وبنفس الوقت بحضر العزا
كلشي ، مقيت ، بالدنيا ، بيجتمع ، بحزمة
بينعمل Setup على تفكيري بسبب كلمة

كلشي تغير وانا بعدني نفس الشب
نفس الغرفة نفس الكركبة والفوضى
كلشي تغير وانا بعدني نفس الشب
نفس التخت بتذكرو من أيام الروضة

كانو ينادولي الخال ، بس ماكانت حارة خالية
م انا حياتي بتتجزء متل شقف بالية
قاعد بنفس الحارة ، سارد بنفس الزاوية
والباقي كلن صاروا بأوروبا ومطارح تانية

بأمن بأعدائي ، بشكك بالناس الأخيار
أكتر أيام بكرها بداية شهر آزار
الأفكار الي إضاءة ، لو يئطعوا التيار
بتطلع مسبة لا إرادية تئيلة العيار

كلشي تغير وانا بحب البنت نفسا
مهما دار القدر هالبنت مافيني انسا
رغم الجرئة اللي جواتي ، معروف بالخجل
كلشي تغير وانا باقي حتى قرب الأجل

طلعلي لحية ، شعري عم يتساقط
وجهي ختير ، ملامحي فيني داقت
كل ما دبل الوطن وجهي بزيد اصفرارو
واقع متنكر بزي الوسخ ليخفي عارو

عيوني كل ماشافت أكتر بزيد شرودا
كلشي تغير معي الا الاليغانس السودا !

كلشي تغير وانا بعدني نفس الشب (×2)


[Outro]
ليش كل ما اتقدم خطوة لازم ارجع عشرة لورا !
ليش لازم ينهدم كلشي ببنيه ، ينحبط كلشي بخططلو !!
ليش دائما لازم ارجع عيد من الصفر !
الدنيا حواليي كلها تغيرت ، الا انا ، وحياتي بعدا مستمرة بنفس الروتين
هه كلشي تغير ..

Everything Changed - كل شي تغير

Sam Lattakia - سام لاتاكيا