يا اسرائيل يا بنيتي اطمني مفيش سلام لكن بلاش الضرب في بلاد العرب .. يا اسرائيل ده مش عشان انتي رحيمة وطيبة لكن عشان الضرب في الميت حرام

وانتم خواتها وبكره يجى اليوم عليكم

Friends Of Bamboute - Semsemia - سيدى اه يا عينى على اه

انا قولت الحق في بلدنا قالولي احا انت كداب 
و قافلو عليا في بلدنا يا احا يجيي ميت باب وباب 
قالولي انتا حر امشي ومر قولتلهم احا دا السجن متر في متر 
من هنا احا ومن هنا احا حطوني في سجن ليه بوابه ومفتاحها في ايد مأمور اقل كلمة عنده طلعت هي احا وطلعت مش انا بس اللي بقول احا دا كل الشعب بيقول احا 
بس انا ال قولت احا والناس قاعده في مطرحها ولما جوم يقاعدوني جنبهم قولتلهم احا 
احا علي النظام واحا علي العظام ال هو مش عظام احا علي الجلاء 
و احا علي الغلاء واللي من بعده الغباء 
احا علي الحكومة .واحا علي البهوات ال فاكرين انهم خلاص هيمسكونا 
احا وبسجل اعتراضي . احا واقولها ادام البيه ادام الباشا ادام القاضي 
قول احا لو كنت فاضي قول احا ان كنت عامل ان كنت قاضي قول احا في وقت جازت فيه مقولتك 
. احا ممكن تحرر بيها اهلك وعلتك. 
لأ يعني احا. اعترض أساسها احا .
عياط العيل علي سريره في عز ليله يعني احا 
احا علي العوالم ال عاملين هوانم وكل هانم وهانم يتقلها يجي الف احا 
احا علي الصفار اللي كان في الاصل خضار 
و احا علي الدمار اللي كان اصلا عمار 
و احا علي الشباب اللي شعروا ابيض و شاب من غير ما يقول احا 
بعد مجهوده الطويل شد حيله وقال أمين.
قالولوا . أمين مين يا احا لسه ادامك اكياس هم ولازم تفتحها
احا علي الاثار اللي بتسافر وطار وادينا بنقول احا يمكن حد يسمعها.
احتين وشخره وسب دين
فرحاانه على ايه يا بلدى دى خيبتك عالضفتين ضفه "فلس" والتاانيه "طين" 
واتجمعن الضفتين تبقى على راى المثل خخخخ " فلسطين "
ياللي هويت الاححه اح اح وقول احيه ما جمال مسك الرئاسه 
اوعاك تقولي ليه ...ما حسني يبقي ابوه احا انت ماتعرفش ولا ايه .﻿

نجيب سرور .. A7A ...قصيدة احا .

Facebook : فيس بوك
https://www.facebook.com/diab.live
....
Mixed By : Me
. بيدج مزيكاتي  .. شرفونا هتنبسطوا

www.facebook.com/Mazzikaty2

Enjoy ..



Mixed By : ♫ ♪ Mo.Hassan ♫ ♪


يا برج عالى فى طريج الواحة
لما وجع شت الحمام وراحا
يا برج عالى فى طريج الغايلى
لما وجع شت الحمام فى الليلاى



الصعيد هو موطن الالم 

 البيبة هى حبة البلح الخضرا التي لم يكتمل نضجها، كلمات الابنودي مقتبسة عن والدته من فلكلور صعيدي قديم كان يردده البنائون وعمال الحفر اثناء العمل للتهوين على بعضهم والحان ياسر عبد الرحمن من فيلم عرق البلح
.........





مزج صوفي 

https://soundcloud.com/mo-hassan2/egyptian_project

حكايه بنت مصريه

https://soundcloud.com/mo-hassan-16/story-of-an-egyptian-girl

Upper Egypt _  Pain  _ مزج صعيدي _الم

* الموال هو نوع من انواع الشعر الشعبي العربي و يراعى في الموال الطباق والجناس والزخرفة اللفظية في نظمها. 
أنواع الموال :-
 السداسي المصري: ويتكون في الأربع شطور الأولى من قافية معينة وفي الشطر الخامس قافية مختلفة، ثم يأتي الشطر السادس والأخير بنفس قافية الأشطر الأربع الأول

السبعاوي العراقي: ويسمى أيضاً بالبغدادي لأن أهالي بغداد هم من أوجدوه ونشروه، ويسمى في سورية بالموال الشرقاوي، تكون فيه الأشطر الثلاث الأول من قافية والأشطر الثلاث الباقية من قافية أخرى أما الشطر السابع فتكون له نفس قافية الشطر الأول في الأبيات الستة الأولى بحيث يكدس المغني همومه ويلتمس التنفيس عند المد والقفلة في الشطرالسابع

النغم الحجازي :ويطلق عليه أيضا مجس حجازي وقد ازدهر المجس في مدن الحجاز و تهامة : مكة والمدينة المنورة وجدة، وهو لون تراثي عريق. ويغنى من بيتين أو أربعة أبيات أو سبعة أبيات.

المصدر : ويكيبيديا :)

Soundtracks:
_____________
1- لو كنت اعرف ان الوعد متداري - دنيا مسعود و محمود الجندي
2-  على الهلباوى موال البنت قالت لأبوها
3-6- محمد العزبى مجموعة مواويل وعيون بهية 
4- يا مسا الجمال - منير
5- أحمد عدوية - موال يادنيا دمتي لمين 
7- محمد منير - موال الصبر
8- محمد طه - لسانك حصانك 
9-  أحمد عدويه - موال المال لو مال صاحبه
10- موال الأصيل و الخسيس - شفيق جلال
11 - عصفور ضعيف الجناح - عبده الاسكندرانى

Nostalgia mawaweel - نوستالجيا المَوَاوِيلْ

. جروب مزيكاتي ع الفيس بوك .. شرفونا هتنبسطوا 

https://www.facebook.com/groups/1471030076464570/

Mixed By : ♫ ♪ Mo.Hassan ♫ ♪
..
@mo-hassan2

والله وشبت يا عبد الرُّحمان ..
عجّزت يا واد .؟
مُسْرَعْ؟
ميتى وكيف؟
عاد اللي يعجّز في بلاده
غير اللي يعجز ضيف.!!
هلكوك النسوان؟
شفتك مرة في التلفزيون
ومرة .. وروني صورتك في الجورنان
قلت : كبر عبد الرحمان.!!
أمال انا على كده مت بقى لي ميت حول.!!
والله خايفة يا وليدي القعدة لتطول.
مات الشيخ محمود
وماتت فاطنة ابْ قنديل
واتباع كرم ابْ غبّان
وانا لسة حية..
وباين حاحيا كمان وكمان.
عشت كتير.
عشت لحد ماشفتك عجّزت يا عبد الرحمان.
وقالولي قال خَلَّفت
وانت عجوز خلَّفت يا اخوي؟؟
وبنات..!!؟
أمال كنت بتعمل إيه
طيلة العمر اللي فات؟
دلوقت مافقت؟
وجايبهم دِلْوكْ تعمل بيهم إيه؟
على كلٍّ..
أهي ريحة من ريحتك ع الأرض
يونسُّوا بعض.
ماشي يا عبد الرحمان.
أهو عشنا وطلنا منك بصة وشمة.
دلوك بس ما فكرت ف يامنة وقلت: يا عمة؟؟
حبيبي انت يا عبد الرحمان
والله حبيبي .. وتتحب.
على قد ماسارقاك الغربة
لكن ليك قلب.
مش زي ولاد الكلب
اللي نسيونا زمان

حلوة مرتك وعويْلاتك
والاّ شبهنا..؟
سميتهم إيه؟
قالولي : آية ونور.
ماعارفشي تجيب لك حتة واد؟
والاّ أقولك :
يعني اللي جبناهم..
نفعونا في الدنيا بإيه؟
غيرشي الانسان مغرور.!!

ولسه يامنة حاتعيش وحاتلبس
لمّا جايب لي قطيفة وكستور؟
كنت اديتهمني فلوس
اشتري للركبه دهان.
آ..با..ي ما مجلّع قوي يا عبد الرحمان.

طب ده انا ليّا ستّ سنين
مزروعة في ظهر الباب
لم طلّوا علينا أحبة ولا أغراب.
خليهم..
ينفعوا
أعملهم أكفان.!!

كرمش وشي
فاكر يامنة وفاكر الوش؟
إوعى تصدقها الدنيا..
غش ف غش.!!
إذا جاك الموت يا وليدي
موت على طول.
اللي اتخطفوا فضلوا أحباب
صاحيين في القلب
كإن ماحدش غاب.
واللي ماتوا حتة حتة
ونشفوا وهم حيين..
حتى سلامو عليكم مش بتعدي
من بره الأعتاب

أول مايجيك الموت .. افتح.
أو ماينادي عليك .. إجلح.
إنت الكسبان.
إوعى تحسبها حساب.!!
بلا واد .. بلا بت..
ده زمن يوم مايصدق .. كداب.!!
سيبها لهم بالحال والمال وانفد
إوعى تبص وراك.

الورث تراب
وحيطان الأيام طين
وعيالك بيك مش بيك عايشين..!!

يو.ه يا رمان..
مشوار طولان
واللي يطوِّله يوم عن يومه يا حبيبي .. حمار
الدوا عاوزاه لوجيعة الركبة
مش لطوالة العمر.
إوعى تصدق ألوانها صفر وحمر.

مش كنت جميلة يا واد؟
مش كنت وكنت
وجَدَعَة تخاف مني الرجال ..؟
لكن فين شفتوني ..؟
كنتوا عيال.!!

بناتي رضية ونجية ماتوا وراحوا
وأنا اللي قعدت.
طيِّب يا زمان..!!
إ
إوعى تعيش يوم واحد بعد عيالك
إوعى يا عبد الرحمان.

في الدنيا أوجاع وهموم أشكال والوان.
الناس مابتعرفهاش.
أوعرهم لو حتعيش
بعد عيالك ماتموت.

ساعتها بس ..
حاتعرف إيه هوّه الموت.!!

أول مايجي لك .. نط

لسه بتحكي لهم بحرى حكاية
فاطنة وحراجي القط..؟

آ.. باي ماكنت شقي وعفريت
من دون كل الولدات.
كنت مخالف..
برّاوي..
وكنت مخبي في عينيك السحراوي
تمللي حاجات.

زي الحداية ..
تخوي ع الحاجة .. وتطير .
من صغرك بضوافر واعرة .. ومناقير.
بس ماكنتش كداب.
وآديني استنيت في الدنيا
لما شعرك شاب..!!

قِدِم البيت.
اتهدت قبله بيوت وبيوت.
وأصيل هوه..
مستنيني لما أموت..!!

حاتيجي العيد الجاي؟
واذا جيت
حاتجيني لجاي؟
وحتشرب مع يامنة الشاي .؟؟

حاجي ياعمة وجيت..
لالقيت يامنة ولا البيت ..

الخال


العمه يامنه - مزج - الابنودي

عبد الرحمن الأبنودى _قصيدة يامنة at العورس _دينا الوديدى

سيد رجب - جزء من السيرة الهلالية

أصل الحكاية، سِمِعت دور يعَجِّبكّم
حادثة تِبَكّى سَليم القلب، يعجبكم؟
وراح فيها ولد فَنّ، صيتُه رَنّ، يعجبكم
من الصعيد للبحيرة ألِّفوا موّال، 
علشان جدع مات فى الغربه، مالوش موّال
وع الأواخر، أنا راخر هقول موّال
عسى يكون عال، والموّال يعجبكم
..
أصل القضية، بُنية، حلوة ونعيمه
وأهلها أغنيا بالمال، ونعيــــمه
لكين الهوى، لو هوى، فى بحرُه ونعيمُه
الحب، خلى الغزالة، إتعلّقت بالنِمس
وسابت بَلَدها، وراحت له بنوالنِمس
إوعى تلوم المَبالي تِبتلى باللَّمس
إسمع رواية، لحسن النِمس ونعيمه
حسن المُغنِّى، كان يغنّى فنّ وليالى 
ويندَعى بالطلب، ل أفراح وليالى 
ودَعوُه فى ليله، وكانت حظ وليالى 
"فى منشية أبو حنضل، أوَل قسم المنيا،
 مركز بنى مزار، تَبَع وجوار المِنيا"
راح الجدع، راح وقصده يبلُغ المُنيا 
والخَلق دُنيا، تقول يا عينى يا ليالى
.. 

غنى الكروان، وألحان النغم شبابيك
طِلعوا البنات فى العلالي، وفَتَّحوا الشبابيك
قالت نعيمه: غرامي يا حسن شَبَا بيك
بعتت له منديل، وأسباب الغرام منديل
والحب لاجله اتصل، واللي حصل منديل
إوعى تلوم المبالي، تتوه ما تِندَل، تتوه منديل!
وفى قُولتُه يا ليل، سِنَّار الغرام شَبَا بيك
لما إنتهى الفرح، قام الغريب روّح، والخلق نامت 
ونوم العاشقين روّح، والقَعده حِليِت، ونسيم الصباح روّح 
ونعيمه، سهرا الليالى جفنها ما اتلمّ
جرح المُحِبَّه، عِجِز عنّه الطبيب ما اتلمّ 
إوعى تلوم المبالي، يا خلق واتلمّ 
دا الحب بالدمّ، مش بالمال، قوم روّح
الحب، خلّى نعيمه، فِكرها مشغول، وسابت بَلَدها 
وأبوها م اللى صار مشغول، 
م الفِكر والعار، وكلام البلد، مشغول
غابت نعيمه، ليها مُدّه سَبَعة ايام 
بتشوف حبيبها الوحيد، أين بلد أيام 
راحت له بلده، وقالت له، فايته أبوي وِيَّام
والعرض متصان، وإنت يا حسن مش غول
قال يا تلميت مرحبا ،لما اتيت يا جميل
من جوه عيني ولا يمكن أحد يجميل
وقال لأمه، اكرميها غاية الكرم وجميل
رحنا حداهم لقيناهم كرام وهنا
بنت الاكابر مشافتش تعب وهنا  
والعرض غالي، ومين صانه يعيش فى هنا
وما دام أتت عندنا، يبقى الجَميل له جِميل
.. 
طلعوا الأهالى.. 
الأهل طلعوا وراها يشوفوا فين جُرِّتها 
لا تكون عجوزة من الأوطان جَرِّتها 
لِقيوها فى نِعمه، وأم السَبع جَريتها 
جابوا طبيب البلد، م النور والعَرض 
وأبوها بيقول، مش قادر على العار دِه
حُرَّه سَليمه، حُرَّه سَليمه؟!
سَليمه بِكر م العار دِه؟!
الخَد وردى، ولون البَدر قوريتها
خدوا البُنيّه بلدهم، والكلام بَطَّل 
حُرَّه سَليمه، حماها الله من البَطَّال 
واللى راحت له جدع، بين الرجال بَطَل 
سَبَع ليالى جاعلها أخته وطنيبه 
والأهل شاكرين فى أهل السبع وطنيبه
عايزين يداروا الإشاعة يوم وطنيبه
لكين المُصيبة، كلام الخلق ما يبَطَّل 
..
جالها ولد عمها وقالها، مش عيب!
 وأنا خطيبك وأهلك فى البلد، مش عيب!
وصرفت مالي عليكى، تُهجري، مش عيب!
قالت، يا اخويا العيون تنظر لمين تهواه
الحب خلى زليخة للصديق تِهواه
وأنا مش حجر صَمّ، ولا من حديد تِهواه
باحبه لله، ومين قصد الحلال مش عيب
قال، يا نعيمه اصبرى، بُكرا حسن تشوفيه 
وإذا كان معاكى مرض، وألا ألم تِشفيه 
شَمّتى فينا العِدا، وكلام البلد تشوفيه 
بُكرا أجيب لِك حبيبِك اللى عاتلا هَمُّه 
وأطفّى نارِك وأفكار الفُراق يَمُّه
وأقطع رقبتُه بإيدى والسلاح يَمُّه
وأخلِّى دمُّه بيجرى، وبالنظر تشوفيه 
..
خَد ابن عَمُّه، أوان الفجر والحيله 
 لبنى مزار، والمَكَّار له حيله 
فى مولد أبو الليل، كان سهر الجميل حيله 
سألوا القهاوى، مافيش مغنى تسلّينا؟ 
قالولهم، حسن سهران حَدا الدرديرى مع أبو سلينا 
راحم لـ عنده، حَكَم وعده مع سلينا 
لاجل المقدّر عليه، إنطبّت الحيله 
قالوا له، قوم يا حسن، الموعد الليله 
والفرح زاهى وباهى كقمر ليلَه 
قام معاهم، ولا يعلم، منين ليلُه 
وصلُم لحد البلد، قالُم لصاحب الغاب.. 
من غير مطرود، ماعيزينِش لا عود ولا غاب 
عاوزين حسن بس، نِتحَدّت عن اللى غاب 
بس..!

سيد رجب يحكى جزء من سيرة حسن ونعيمه

اه يالالالى يالالالى عالى اتغرب بعيد ولا قالى .....
 يالالالى يالالالى عالى اتغرب بعيد ولا قالى.........
الى غاب عن عينى ميتى يا ناس يجينى ...
بحنانه بغطينى يشوف الى حصلى ... 
واه يالالالى يلالالى عالى اتغرب بعيد ولا قالى
يالالالى يلالالى عالى اتغرب بعيد ولا قالى
خد معاه الغلاى يسوى فيه الشاى راح يوانسو هواى .. مين ياناس يقولى .
..و اه يالالالى يالالالى عالى اتغرب بعيد ولا قالى ..... يالالالى يالالالى عالى اتغرب بعيد ولا قالى.........
راح مع الرجالة ولا معا الجمالة ..... تاه من الدلالة ومين يا ناس يقولى .....واه يالالالى يالالالى عالى اتغرب بعيد ولا قالى ..... يالالالى يالالالى عالى اتغرب بعيد ولا قالى.........
خد شالو الحرير وتقيطه الكشمير ..راح يغيب كتير كتير... مين ياناس يقولى......
و اه يالالالى يالالالى عالى اتغرب بعيد ولا قالى ..... يالالالى يالالالى عالى اتغرب بعيد ولا قالى.........

Donia masaoud - ale etgharab - دنيا مسعود - ع اللي اتغرب

رسالة للعرب__ على الهلباوى

http://www.youtube.com/watch?v=FILBKqh3LJc


البنت قالت لأبوها جالي ثلاث خطاب و زيادة
الأولاني كتير المال وعنده يابا مال .. و زيادة
والثاني بديع الحسن والجمال  ..  و زيادة
والثالث فقيــر الحال ...  و زيادة

قاللها يا بنتي كتير المال  هزيدك بمال وزيادة
اما بديع الحسن والجمال هايزيدك دلال وخفة 
اما فقير الحال هايخدك معاه لفقره وينسى

قالتله يااابا يابا انت ماتعرفش في صنف الرجال حاجة
كتير المال هايتجوز عليا واحدة واتنين وتلاتة .. وزيادة
اما بديع الحسن والجمال هاتحبه واحدة واتنين وتلاتة .. وزيادة
اما فقير الحال مادام بحبه وبحبه هعيش معاه في سعادة

علي الهلباوي - موال البنت قالت لأبوها

 <3 <3 سحر المغنى في قلبه جمعنا 

رسالة للعرب__ على الهلباوى

SaRa Hąssąn

Recent comments

7oOoODA

Mamdouh Mahmoud

Ahmed Mokhles

Ds Ibrahem Elbana

Related tracks