.که څوک غواړي چې د نازیه اقبال په قد او قامت ځان خبر کړي، دغه سندره دې واؤري.
د پښتنو سندر غاړي تل ډېر په نیستۍ کښې ژوند کوي، لامل یې دا دې چې هنر مند ډېرو سهولتونو ته اړتیا لري، لکه سازندې اخستل، پروګرامونو ته د تللو د پاره سورلي (موټر) پېدا کول، هم دغه شان د خپل صحت او خوړو او ورسره د رنګ روغن خیال ساتل. خو ولې په یو نیستمن وطن کښې دغه سهولتونه کښې ژوند کول ډېر ګران شي. چې سندر غاړي او هنر مندان دې ته مجبور کړي، چې هغه سندرو، کمپوزونو او موسیقسۍ ته غاړه کیږدي، چې خپله به هم خوند نه ورکوي (هم دغه خبره ظاهر ماشوخیل په یو انټرویو کښې ډېره په تفصیل کړې، چې تاسو یې په یوټیوب کتلې شئ).
په دغه ګډوډۍ کښې زمونږ ځينې ملګري او ځوانان په سندرغاړو ډېرې نيوکې کوي، خو ولې خبر نه وي چې سندرغاړي دغه کار د خپلې بقا د پاره تر سره کوي. هم په دغه سندرغاړو کښې یو نوم د نازیه اقبال هم دې، چې ډېر وخت د خلکو د نیوکو د لاندې راغلې. خو ولې ډېر کم خلک په دې پوه دي چې نازیه اقبال ډېر د سوات د بڼ (اوس طاهر اباد) نه راوتلې هغه بلبله ده چې ډېر د وړوکوالي نه یې د موسیقۍ ذده کړې کړي، او تر اوسه یې د ذده کړو دغه سفر روان دې، او د دغه ټول سفر په نتیجه کښې په موسیقۍ ډېره پوهه لري (مونږ ته دې یاده وي، چې اکثر د پښتو زنانه سندرغاړې په موسیقۍ پوهه نه لري، او تیار کمپوزونه وائي او هم په هغې یې شهرت موندلی وي). نازیه اقبال بېلا بېل داسی کمپوزونه هم زمزمه کړي، چې د اولس تر مینځ د خپل وخت مشهور کمپوزونه پاتي دي.
تاسو سره یې د دري ژبې یو سندره شریکوم، چې زما د خوښې د سندرو نه یوه ده.
نازیه اقبال ته لوې ژوند او هنر ته یې دوام غواړو.

So wrazi ba ojaram pa ta pasi- Nazia Iqbal Ghazal

څاروان ټکر