بكتبلك هنا .. عشان مش عارف أوصلك ! .. بكتبلك هنا عشان بحبك ! .. عشان مش عارف أعمل ايه أكتر من اللى عملته .. بقالى فتره بتعالج نفسياً .. انتى مفهمتيش ده ! .. تصرفاتى مكانتش طبيعيه .. أهلى تعبوا معايا .. أصحابى بقوا محللين نفسيين و إجتمعوا مليون مره عشان يحلوّا مشكلتى .. وبردو معرفوش .. كل الناس اللى فـ حياتى جت عليكى عشان افتكروكي سبب المشكله .. المشكله الحقيقيه انك الوحيده اللى كان معاكى الدوا .. الدوا كان فـ ضحكتك .. الدوا كان فـ إهتمامك ووجودك .. اللى لما إختفوا انا انطفيت .. وبقيت فـ وسط صحابي زى عمود عـ الطريق فانوسه مكسور وسط كل العمدان المنوره ..
آخر حاجه يمكن كسرتنى .. انك محبتنيش  .. كان من حقى انفجر .. بس للأسف انا عمرى ما إنفجرت غير فـ نفسى ! .. زى العيل الصغير اللى بيتضرب بقاله كتير و ساكت .. و أول ما قال لا مش هتضرب .. إتضرب أكتر .. أوقات كتير بحس الوجع اللى فـ حبك عقاب من ربنا دلوقتى .. زى ما كان طبطبه منه فـ الأول !
أوقات كتير بتمنى انى أصحى ألاقينى كنت بتخيل كل اللى بيحصل ده .. و أقوم الأقيكى شخصيه وهميه و إختفت .. كل اللى انا نفسى أصدقه انك مش راجعه تانى .. 
أزمتى و مشكلتى و الرصاصه اللى فـ قلب روحى .. إنك دايما هنا و مش هنا .. معايا و مش معايا .. 
خيالات مريضه .. من شخص وصل معاكى لمرحلة الهوس .. خدى نفسك من دمى ان كان ينفع .. لو واثق ان زراعة قلب تانى هتخرجك منى .. كنت زرعت غيره .. 
نفسى أصحى ألاقينى بإسم تانى فـ مكان تاني فـ حته تانيه مع ناس معرفهاش ولا تعرفنى .. نفسى أفقد الذاكره .. أو مفقدكيش انتى !
زي مشهد من فيلم آسف على الإزعاج .. بين" ليه عملتى فيا كده "  و " انتي اللى عملتي مش انا " ..
جوایا گلام نفسی اقولھولک .. 
 گان نفسی اقولک شکرا انک عملتیلی عید میلادی عشان بس تفرحینی زی ما قولتی .. گان نفسی اقولک انک وحشتیني اوي ..
گان نفسی اقولک انی نفسی احگیلک زی زمان عملت ایہ و تتخانقي معایا و نتصالح قبل م ننام .. وتنامے منی و مرداش اقفل المگالمہ الا لما تقفل لوحدھا .. گان نفسی اقولک انی وحشنی الخروج معاگے و اننا بنتوھ و نقع ع الارض من ضحک ع ھبلنا اننا مش عارفین الطرق .. گان نفسی اقولگ وحشنی المشی معاگ و احنا مش حاسین ب الوقت و الاگل اللی بنگلہ اللی عمری ما جربتہ ولاقیت طعمہ زی ما گان عاجبنی و انا معاگے .. گان نفسی اقولک ان انتے سبب اللی انا فیہ ده دلوقتي و برغم کدھ مش قادر مسامحکیش .. گان نفسی اسآلک ازای حبتینی و فرحتینی و انتے عاملہ فیا گل دھ .. گان نفسی اقولک ان حتے لو رجعتیلی گل دھ مش ھیرجع تانی .. گان نفسی اسآلک فیکے ایہ زیادھ عن ای حد مخلینے شایفگ مختلفہ عنھم تماما .. گان نفسی اسآلک حبتینی ! .. و نفسی اسآل نفسی ازای بحبک کدھ .. ازای ماسگ فیکے گدھ .. ازای بعیط گل یوم انی سایبک .. ازای سایبک و ف نفس الوقت مش قادرھ اسیبک او ابطل تفگیر فیگے .. ازای ظلمتینے ..
آنا آسف .. أنا بكره نفسى عشان انتى مش موجوده هنا دلوقتى ! .. انتى سرطانى الخالد .. و الحب اللى علمنى أعيش و أموت و أبقى بين  الإتنين .. انتى فهمتى مرضى ضعف .. وانا مفهمتش ان بعدك عني كان عشان أبقى أقوى .. كنت محتاجلك جنبى .. و انتي كنتى محتاجه تاخدى جنب .. 
 انا آسف الى مالا نهايه .. القدر أجبرنا على كسر بعض ! .. و الزمن حطنا تحت ضرسه .. الحمد لله على كل شئ !
انا إستنفذت كل مشاعرى فـ القصه دى .. معتقدش ان قلبى لسه صالح للإستخدام الآدمى .. الباب مقفول على واحده قاعده جوا .. و المفتاح اتكسر و اللى كان كان !

#سيد_مصطفى
#المُختَـلّْ 

FB : https://www.facebook.com/SayeD.MoSstafa

سَيد مُصطفَى ـ المُختَـلّْ

Sayed MoUstafa