حلّو المراكب - الشيخ إمام

في العام ,1968 كتب أحمد فؤاد نجم «جيفارا مات» تحيّة للثائر الأممي وقد غنّاها الشيخ إمام . اليوم ، في ذكرى رحيل «المناضل المثال»، يعيد ملحق «شباب» نشر القصيدة تحيّة لـ«نجم» وهو يصارع الموت. وهو أيضاً ثائر ومناضل.. على طريقته


جيفارا مات.. جيفارا مات
آخر خبر في الراديوهات
وفي الكنايس والجوامع
وفي الحواري والشوارع
وع القهاوي وع البارات
جيفارا مات.. جيفارا مات
واتمدّ حبل الدردشة والتعليقات
مات المناضل المثال
يا ميت خسارة ع الرجال
مات الجدع فوق مدفعه جوّا الغابات
جسّد نضاله بمصرعه ومن سكات
لا طبالين يفرقعوا ولا إعلانات
ما رأيكم دام عزكم يا أنتيكات
يا غرقانين
في المأكولات والملبوسات
يا دفيانين ومولّعين الدفايات
يا محفلطين يا ملمعين
يا جيمسينات
يا بتوع نضال آخر زمن في العوامات
ما رأيكم دام عزكم.. جيفارا مات
لا طنطنة ولا شنشنة
وإعلانات واستعلامات
عيني عليه ساعة القضا
من غير رفاق تودعه
يطلع أنينه يزعق ولا مين يسمعه
يمكن صرخ من الألم
من لسعة النار في الحشا
يمكن ضحك أو ابتسم
أو ارتعش أو انتشى
يمكن لفظ آخر نفس
كلمة وداع لأجل الجياع
يمكن وصية للي حاضنين
القضية في الصراع
صور كثير ملّو الخيال
وألف مليون احتمال
لكن أكيد ولا جدال
جيفارا مات موتة رجال
يا شغالين ومحرومين
يا مسلسلين رجلين وراس
خلاص خلاص مالكوش خلاص
غير بالبنادق والرصاص
ده منطق العصر السعيد
عصر الزنوج والأمريكان
الكلمة للنار والحديد
والعدل أخرس أو جبان
صرخة جيفارا يا عبيد
في أي موطن أو مكان
ما فيش بديل ما فيش مناص
يا تجهزوا جيش الخلاص
يا تقولوا ع العالم خلاص.

الشيخ امام - جيفارا مات - كاملة بجودة عالية | Sheikh Emam - Guevara Matt 1968 HD

جيفارا مات - اسكندريلا حازم شاهين - من حفل تأبين الشاعر الكبير أحمد فؤاد نجم الفاجومي دار الاوبرا المصريه

جيفارا مات - اسكندريلا  حازم شاهين - حفل تأبين الفاجومي دار الاوبرا







أعرفكم جميعاً.. إن السجن سور
واعرفكم جميعاً.. إن الفكرة نور
وعمر النور ما يعجز يأزح ألف سور
وعمر السور ما يقدر يحبس بنت حور

واعرفكم جميعاً.. إن الظلم شايخ
واعرفكم جميعاً.. باب السجن خايخ
واعرفكم جميعاً.. إن ملِهش أوكره
واعرفكم جميعاً.. إنه هيبقى ذكرى

واعرفكم جميعاً.. إن الثورة فكرة
وأبشركم جميعاً.. إن الوِعدة بكره
والنور عندنا وعندكو ياحبايب

http://www.youtube.com/watch?v=bo-AFL3jzdM


أحمد فؤاد نجم - الفكرة نور

سايس حصانك على القنا وتعالى

سايس حصانك على القنا وتعالى
تلجى الجليلة مبخرة وملانا
الصدر مرمر والنهود عريانة
مديت ايدى على النهود اتفرج
نطرت دراعى يادراعى ياانا

سايس حصانك بعد غيبة طويلة
يا عاوج الطربوش مع الارجيلة
العمر طول و السعادة قليلة
قولتلها و الله اللي رماكي رماني
نطرت دراعي يا دراعي يانا

نطرت دراعي وانا من الاول
عاشق وعشقي للجميلة طوّل
وازاي اتوب عن الغرام واتحول
يا ابو رمش جابنا للهوا ودانا

بحلم وحلمي قد ما انتي تريدي
بحلم وحلمي وانتي ايدك في ايدي
بحلم بيومنا وانتي ايدك في ايدي
قد الحلال قد القمر ويزيدي
قد الهموم اللي تبات شغلانة
نترت دراعي يا دراعي يانا
كلمات الشاعر نجيب شهاب الدين


سايس حصانك على القنا وتعالى ... الشيخ أمام

حلاويلا - فاطمة عادل

البوم صفحة جديدة لفريق اسكندريلا

من انتاج شركة مقام للانتاج الفني

حيوا اهل الشام

مالوش مثيل

Du Du Du.m4a

الطلق والتهنين - ولادة فى الندى (مش غريبة قعدة العياط

رمضان : الا اما انت يا شيخ حسنى محكيتلناش .. انت عميت ازاى ؟

الشيخ حسنى : انا اعمى يا غبى . ده انا اشوف احسن منك فى النور
 وفى الضلمة كمان .... يا سلاااام .. ده انت راجل عجيب يا رمضان

 رمضان : انت تشوف فى الضلمة بس .. سيبك  بقى من الهلفطة بتاعتك دى .. وقولى انت عميت ازاى

 الشيخ حسنى : كان ييجى عندى عشر سنين .. وكنا ساكنين فى البيت ده قبل ما مرات ابويا الله يرحمها تطردنا من الشقة .. فاكره اليوم ده 
كويس .. صحيت من النوم قبل الفجرية .. كنا فى بؤنة .. تقولش الشيطان صحانى .. لقيت نفسى ماشى ناحية البحر وكنت سخن .. سخن اوى   .
 سخن اوى .. نار كانت طالعة من جوايا .. والترمسة طالعة فى صدرى وجعانى .. قعدت عالشط .. الهوا كان واقف زى ما يكون غضب ربنا حل عالدنيا . غفلت .. يعنى ..عينى راحت فى النوم . مادريتشى دقيقة كانت ولا ساعة  .. لغاية ما صحيت .. بردو الشيطان صحانى .. لقت ادامى احلى منظر شوفته فى حياتى كلها .. تفتكروا شفت ايه ؟ 

القمر ...؟-

  لا القمر ده انا شوفته كتير قبل كده يا روح امك 

 الفجر ... ؟-

الشيطان ..مابيطلعش فى الفجر يا معلم الوظ

 جنية ...؟-

ياريت .. شفت انسية .. بنت مش عارف يمكن ولية بتقلع هدومها وبطرطش ميه على روحها وبتنزل البحر .. قلبى انخطف

 ...ومعرفتش كانت مين- 

لا عرفت طبعا

مين .. ؟-

 امك ..!  بحلقت .. بحلقت .. كانت غلطتى انى بحلقت

! وبعدين-

ولا قبلين .. قعدت متاخد زى المسحور .. لغاية ما طلعت .. وبس

بس ايه وبعدين ..؟-

بعد اسبوع .. عشر تيام .......... راح النور

 عميت ...؟-

 راح النور يا حمار.. مش عميت خلى عند اهلك نظر
يلا بينا ياخوانا بقى الفجر قرب يدن .. يلا .. بينا 
 عارف السكة ولا اوصلك يا رمضان 

حلاويلا - فاطمة عادل

sayed sob7y