
مهما شوفت بعمرى ياما من مواقف مؤلمة
عايشة زى ناس كتير على الهموم متأقلمة
واللى يحصل ليا دايمآ راضية بيه ومسلمه
لما أكون فرحانه احس الدنيا حلوة كتير فى عينى
واما اكون مخنوقه بحتاج للى جمبى انه يواسينى
دايمآ اهرب من همومى قبل هى ما تلاقينى
مين فى كل الدنيا ديا عمره مره ما اشتكى
مين مجربش السعاده ولا حس بالبكى
أغلب القلوب دى حالها فى الحياه مستهلكة
كل يوم بيعدى بكسب منه دايمآ شئ جديد
المهم يضيفلى حاجه والأهم انى اسفيد
فى الحياه مفيش ضمان أو أحتمال لشئ اكيد
فى حاجات جوايا باقيه مهما عشت مابنسهاش
والحياه بالنسبة ليا لسه برضو ماعيشتهاش
واللى حساه ان دايما لسه اجمل يوم مجاش

Asala - Mawakef Mo2lema

semsemaia