عمرو حسن وعمرو دياب

تالِت تراك
وأنا لسه لم أراك
يجوز يكون الأخير
يجوز يكون لأ
مابطلتش دعاء ليك
لكن، الدنيا نازلة فينا رزع ودق
نوازل
هوازل
مهازل
وعِدّ يا صاحبي كتير
أصحابنا بقا عندهم أولاد
وفيه منهم بقى أشطر كتكوت
وفيه منهم سَكنوا مصر
بنستسهل فنقول ع القاهرة اللي بتعصر عصر
إنها مصر
القاهرة .. لوحده اسم مخيف
مصر بردو اسم لطيف
المهم يا سيدي
بقوا فران تجارب لشركات التوظيف
الرأسمالية مش عاتقانا
تيران ف ساقية وبنلف

خيري اتجوز! ياااااه شوفت الأيام
كنا بنقول ده م الأحلام
وأديه اتحقق
لو هاندقق
هانعرف إن كتير م الأحلام اتحقق
إلا إني أشوفك
فبقيت أكلم خيالك
اطمن منه على ظروفك
واسأل منه على أحوالك
إسلام.. على حطة إيدك زي الكبريت
لا بهزر خطب وبيدور على صنايعية
ما هو بردو فيه حاجات اتغيرت أكيد
أسامة لسه زي ما هو
قلبه يوماتي يزيد حنية
علاء بقا أبو زيانا
هشام لساه شهيد
أهيه دنيا يا صاحبي ومش سايبانا
يوماتي فيه جديد ف جديد
جارحي ومعتز وزيدان
بقوا عرسان
لساه حمدان
ومنيسي بقت مقابلاتنا ليه بعيدة
شقراني بقا عند تميم
وطلعت بقا من ساكني المنيا الجديدة
تركي بقا عنده ولدين
عبَّاقي بقا دكتور أطفال
وأنا لسه زي ما أنا حسين
بقول كنا وكنا ومكناش
اترحمنا على ناس بتموت
اترحمنا على ناس ماتت ببلاش
اترحمنا على سرمحتنا ف الشوارع والبيوت
اترحمنا كمان على ناس عايشة
جه وقت وكانوا حبايب زيك
أو تحديدًا مش زيك 
إنت مكانش ومش هايكون فيه زيك
كات وشوشهم بتنوَّر، صبحت قبر
وعلاقات جديدة دخلناها أخدت م العمر

اقعد أحكيلك
أخليهم يحضروا لقمة
يا ابني هاناكل بالموجود
دايت إيه سلمها لربك
بلا سعرات بلا كوتش
طب تشرب شاي؟
طبعا هاتقولي من غير سكر
طب ثانية وجاي
خد راحتك البيت بيتك
خد باسورد الواي فاي
معلش اتأخرت عليك
صلي على شفعيك
طمني عليك
أنا عن نفسي كويس جدًا
أو يمكن حتى كويس بس
أو يمكن...
مش عارف مالي
من يوم غيبتك ومحدش داري
تقريبا بنخاف نتقابل
نتحول لدموع وقنابل
ف الأحضان بنتبت جامد
بنخاف المرة الجاية ننقص واحد
أو حتى اتنين، من يوم تلاتين
حساباتنا اختلفت وبقينا
أشبه بكآبة مساجين
حتى مقابلاتنا من سنة للتانية
بقا عندنا قاعدة وحيدة ف وسط الضحك
|الله يرحمك يا رجب| وبنسكت ثانية
بنعد ف عداد السنوية
نتجمع ف البيت تلاتين واحد
مش دايمًا بنكون تلاتين واحد
نقرأ ف المصحف لحد ما نختملك
وندعي ربنا الواحد
إنه يغفرلك ويهنيك
ويعوض شبابك ف الجنة
ونفضل ندعي وندعي ليك
وندعي يا رب يصبر أبوك
ونفضل نهزر ونضحك أخوك
وعم رجب بيصمم
مانروحشي غير واكلين
كإننا ف واجب 
والمفروض إننا يا دوب بنسد الدين
كام مرة على إيدك اتجمعنا
نتعصب ونتشن وإنت بتسمعنا
ترمي الإفيه
شوف ابن الإيه
جبته منين والله ما عارف
أنا بعدك يا رجب بقيت خايف
اضحك على إفيه غيرك
أو اضحك أصلا فيفتكروني
إني نسيتك!
ف الدنيا حاجات مابتتنسيش
ولو حتى ليوم القيامة
زي وجودك وضحكك
كل حاجة سبت فيها علامة
زي ساعات من الأنس
"زي مثلاً" "أحمد أسامة"
حاجات كتير
مع الوقت مش بتتغير
أمانة خلي بالك منه
أخوك الصغير
خده من إيده لجل ياكل تمر
ويشرب وقت ما يعوز خمر
وإحنا بندعيلكم 
يبعد عنكم أي حر وجمر
وإحنا أهوه راضيين
بتعدي بينا سنين
ويعدي فينا أنين
ولم نزل صابرين
شوفت الجمعية
بقت جمعية..
أقولك غَيَّر ف السيرة
احكيلي عن يومك
احكيلي كل تفصيلة
قبل اما تكمل
معلش هاقاطعك إنت عارفني
سؤال وجه على بالي
إنت شايفني؟!
طب إنت بتسمعني؟
يعني بيوصلك اللي بقوله
بتشوف سهري الليل بطوله
ما تقوم تمشي
آه والله صحيح قوم
ما أنا هافضل اتكلم
وإنت هاتسمع بس هموم
حقك عليا أنا اللي حمار
قلبك اللي بوسع مجرة
ماتحملش شوية بخار
وبقيت يا صاحبي من أهل الجنة
قوم ياسطا إيه جابك
يومين وهانيجي لجنابك
هانلاقيك ف نفس سنك
مش هاقاطعك وهاسمع منك
هاتقولي احكيلي
هاقول حكيتلك
هاتقولي جديدك
هاقول ف سيرتك
هاتقولي واحشني
هاقول دي جيرتك
هاتقولي احضني
هاكلبش رقبتك
هاتقول بالراحة
هاقول من غيبتك
هاتقولي سامحني
هاقول .. سامحتك

تالت تراك

Msh Nassay - مش نساي

•Performed By Hassan Sami
•Music Production, Mix & Master By Medo Atef
•Composed By Elsayed Agamy
•Lyrics By Hagar Nabil
•Photography By TVR Production
•Artwork & Video Graphic By Sir Mix

Msh Nassay - مش نساي

Mesh Nassay - مش نساي

اغنية #نرجع_تانى_لية_لا  كايروكى و دينا الوديدى

اهو دا الى صار  في دينا الوديدى

Vocal1 : Islam Greeny
Vocal2 :  Usama Atiia
Guitar: Mostafa Badawy

Islam Greeny & Usama Atiia (Guitar)Mostafa Badawy l مش معايا فلوس في جيبي

حقك على عيني

حلو ولا وحش

هنيهالك ،

تجنن - كاريوكى , عايده الايوبى و زاب ثروت

ساعاات بحب احس ساعات ف نبضى اجس ساعات ف قلبى رعشه لما جيتاره يتلمس 
انـسان بدائى؟..لاء برود بدائى؟..لاء امبراطوريه م المشاعر ال فى قلبى؟.. لاء


ياما الكلام عاند لثانى سابنى ف الامانى 
سابنى اعييش خيال من المحال صعب اعيده تانى
اربعيين سنه كمان يومين يبقى عيد ميلادى
سنين طويله مرت م الولاده للسنادى
لسه عاذب لسه نصى ناقص من غير جواز  
اخرى واحد من الجمهور بتفرج من ورا الازاز
فلاش باك من ايام الكليه كانت اجمل سنين حياتى اول حب ليا 
عشت قصه حب تتحكى فى مجلدات طويله 
كنا زى عقل واحد قلب واحد كنا روح جميله 
بس الواقع كان له رأى تانى مستخبى لينا 
صـدمه الحقايق ال تكـسر السفينه
فى يوم غريب قابلتها اخر مقابله 
دموع عنيها اتكلمت لكن قوليلى قبله..خــيــر؟؟
عريس جديد طلب ايديها جاهز من جيوبه 
معاها حق تنبهر طب مانا اسباب رسوبه


ساعات بحب احس ساعات ف نبضى اجس ساعات ف قلبى رعشه لما جيتاره يتلمس 
انـسان بدائى؟..لاء برود بدائى؟..لاء امبراطوريه م المشاعر ال فى قلبى؟.. لاء
ساعات بحب احس ساعات ف نبضى اجس ساعات ف قلبى رعشه لما جيتاره يتلمس 
انـسان بدائى؟..لاء برود بدائى؟..لاء امبراطوريه م المشاعر ال فى قلبى؟.. لاء


عريس غنى يخطف قلب يكسر قلب تانى
كان ساعتها ده زمانه مستحيل يكون زمانى
قالوا زمان كتيير مفيش راجل يعيط 
لكن بكيت بحرقه ف الجروح مش عارف اخيط
اتسحبت زى اللص ابص يومها فى الخطوبه 
اشوف ده شكله ايه تخين بكرش ولا احدفلى طوبه 
لاقيته شاب مبتسم وسيم انيق مالك زمامه 
ايش جاب لجاب انا مقامى مش من مقامه 
حسيت حياتى زى ورقه طارت ف الهوه
معادش ليها قيمه طول مانا مش ف المستوى
استغفرت ربى قولت لا اله الا الله
مش هى ديه ال تبقى نقطه فاصله ف الحياه
رضيت بقدرى واجتهدت قطعت تذكر وسافرت
سيبت بلدى كلها ورميت ماضياه وعافرت
ومر الزمن ربنا كرمنى واغتنيت
رجعت بلدى تانى كل ذكرياتى انا خلاص نسيت


ساعات بحب احس ساعات ف نبضى اجس ساعات ف قلبى رعشه لما جيتاره يتلمس 
انـسان بدائى؟..لاء برود بدائى؟..لاء امبراطوريه م المشاعر ال فى قلبى؟.. لاء
ساعات بحب احس ساعات ف نبضى اجس ساعات ف قلبى رعشه لما جيتاره يتلمس 
انـسان بدائى؟..لاء برود بدائى؟..لاء امبراطوريه م المشاعر ال فى قلبى؟.. لاء


سنيين تمر فجأه خدت بالى من الزمن 
كنت ناسى ان عمرى بدأ يضيع من غير تمن 
كلمتنى امى عن جوازى اديتها الموافقه 
واختارتلى بنت حلوة هاديه ليا متكافئه 
اتفائلت وقولت جايز تختلف حياتى تانى
يمكن القدر مخبى راحه بعد سنين بعانى
يوم ماتمت المقابله مع اسرتها الكريمه 
لاقيتها مش سعيده زى ماتكون عامله جريمه 
دب فيا شك مرتبط بذكرى صعبه 
قولت يمكن الامور بتلعب معايا لعبه 
مشيت وراها تانى يوم علشان اجيب قرارها
اكتشفت كان فى شخص وغير ف اخر مسارها 
كانت المفجأه شاب ف نفس سنها 
بنظرة واحده انا فهمت قالتله يبعد عنها 
انكساره جاب خيال قديم لكن انا اقفشته
دا مشهد انا عارفه اصلى شوفته قصدى عـشته


ساعات بحب احس ساعات ف نبضى اجس ساعات ف قلبى رعشه لما جيتاره يتلمس 
انـسان بدائى؟..لاء برود بدائى؟..لاء امبراطوريه م المشاعر ال فى قلبى؟.. لاء
ساعات بحب احس ساعات ف نبضى اجس ساعات ف قلبى رعشه لما جيتاره يتلمس 
انـسان بدائى؟..لاء برود بدائى؟..لاء امبراطوريه م المشاعر ال فى قلبى؟.. لاء


نفس الموقف تانى ودورى اتغير ف الاستدج
بقيت انا خطاف قلوب طب اسكت ولا ماسكوتش؟
ف نفس اليوم قابلتها حكيتلها انى شوفتها
لكن قبل ماتتفزع انا كنت خلاص فهمتها
قولتلها انا متأذتش لما شوفتك مع حبيبك 
بس عايزك تبعتيهولى المكتب هاخليه خطيبك
كان الولد مابين ايديا لما جبتله الوظيفه 
سألت نفسى هل انا كده روحى بقت نضيفه؟
حسيت براحه غريبه لما خلاص جوزتهم
كنت واقف ف الفرح بكل حب مبتسم
قررت انسى بعدها الجواز والحب والارتباط
زى مايكون قلبى وعقلى حاصل بينهم اختلاط
بقيت بعدى ف الشوارع ماشى ابص ع البشر
بحس كل شخص له حكايه صعب تتنشر 
تجيلى لحظه فجأه بحس برعب من الحياه
لكن برجع واقول فى سرى..الحمدلله


ساعات بحب احس ساعات ف نبضى اجس ساعات ف قلبى رعشه لما جيتاره يتلمس 
انـسان بدائى؟..لاء برود بدائى؟..لاء امبراطوريه م المشاعر ال فى قلبى؟.. لاء
ساعات بحب احس ساعات ف نبضى اجس ساعات ف قلبى رعشه لما جيتاره يتلمس 
انـسان بدائى؟..لاء برود بدائى؟..لاء امبراطوريه م المشاعر ال فى قلبى؟.. لاء

إنسان بدائى _ محمد أسامة

Shady Mohammed Salah