My Tracks {shimaa sadek} ♥

كلمات خليل عز الدين
لحن أيمن حلمي

صوتك أدان - نغم صالح

الأبنودى "وجوه على الشط" - عبد المولى

لو كان لي قلبان لعشت بواحد
و تركت قلبا في هواك يعذب
لكن لي قلبا تملكه الهوا
لا العيش يحلو له ولا الموت يطلب
كعصفورة بيد طفل يضمها
تذوق سياط الموت و الطفل يلعب
فلا الطفل ذو عقل يحن لما بها
و لا الطير ذو ريش يطير فيهرب

يا من هواه اعزه واذلني
كيف السبيل إلى وصالك دلنى 
وصلتنى حتى ملكت حشاشتى 
و رجعت من بعد الوصال هجرتنى 
الهجر من بعد الوصال قطيعه 
فياليتك قبل الوصال قد اعلمتنى
أنت الذى علمتنى و حلفت لى 
وحلفت بأنك لن تخون فخنتنى 
فلاقعدن على الطريق و اشتكى
كشبيه مظلوم وأنت ظلمتنى 
و لندعون عليك فغسق الدجى
يبليك ربى مثلما أبليتنى 

أنا في سبيل الله ما صنع الهوى
بليت بداء ليس يشفيه الدواء 
رماني غزال اهيف بجماله
فجارت سهام القتل من جانب الدواء
فرحت لقاضي العشق احكي قصتي
ليحكم بيني وبين احبابي بالسوا
فأجابني قاضي الغرام وقال لي يا فتى
كم من قتيل قد مات قهر في الهوى
أنا قاضي العشق والعشق قاتلي
وقاضي قضاة العشق قاتله الهوى

لطفي بوشناق_لو كان لى قلبان _يا من هواه أعزه وأذلني

الدايرة المقطوعة .. عبدالرحمن الأبنودي

أمَّايه ... وانتي بترحِي بالرَّحي ..
علي مَفَارقْ ضُحي ..
وحدكْ وبتعدّدي
علي كل حاجة حلوة مفقودة
ما تنسينيش يا امَّه في عَدُّودَه
عَدُّودَه مِن أقدم خيوط سودا في توب الحزن
لا تولْولي فيها ولا تهللّي ..
وحُطّي فيها إسم واحد مات
كان صاحبي يا امَّه ..
واسمُه   
     ناجي العَليِ.

يا قبر ناجي العلي ... وينك يا قبر
يا قبر معجون بشوك مطلي بصبْر
الموت يقرب عليك .. يرتد خوف
وإذا ما خافْش الموت .. يرتد جبْر.

ياقبر ناجي العلي .. يا دي الضَّريح
كان مَيّتَك للأسف .. وطني صريح
تـحتَـك فتـي ناضر الـقلـب .. غَضّ
كان قلبُه .. أرض مخيمات الصفيح.

الأرض مـتـغـرَّبـه .. والـحـلـم ملـْك
خريطة شَبْه الوطن محاصرها سلك
واقـف وراهـا شـريـد عـاقـد إيـديـه
حَـنّ الـوطن ذلك .. للأرض .. تلك.

غشيـم في حـب الـوطن .. طبعاً غشيم
يـاللي تـحـب الـوطن .. من الـصميـم
علي طريقة العرب في الحـب عيِـش
ولـي .. نـقـي .. متَّـقي .. لـكـن لئيـم.

ناجي العلي في الأغنيّة
هلّ عليّه
زي الغزالة البريّة ....... ماسكْ رسْمَه

كام قلت له: قولها خفايف
نُصّ شفايف
قاللي: يا شاعر لو خايفْ ...... شوف الرَّسْمه

والرَّسْمه فيها دمع وضحك
وأرضٍ مِلْك
وإبن واقف خلف السلك ..... قْصاد رسْمه


والرَّسْمه فيها يهود .. بحاخام
والأنكل سام ..
وعَرَب لطاف عايشين بسلام ..... جُوَّه الرسمه


رسَم الكفوف زيّ الصبار
"حنظل" .. بمرار
صبي قصير واقف محتار ........ قُدّام رسّْمه

رسمه لا تعرف تتحادِق
ولا بتنافق
عيب ناجي إنُّه عاش صادق ....... عاش للرسمه


كان زيّي .. يائس ياس مُميت
لكن عفريت
دخل لأعداؤه في البيت ....... شايل رسمه

والرسمة مافيهاش سما وبيوت
لكن فيها صوت 
يا ناجي كان لابد تموت ........ برَّة الرسمه

لو كان إنسان جِزاتُه في الحياة .. عملُه
أنا اللي سافر بلاد الإنجليز .. قتلُه

قـتـلـت نـاجـي الـعـلـي لّما رسـم صـورة
يـواجـه الحـزن فـيـها بـرايـة مـكـسـورة
لّما فضحني ورسمني صُورة طبـق الأصْل
ما عْرفشي يكذب ولا يطلع قليل الأصل
الناس بترسم بريشة وهوَّه ماسك نصْل
فضح رموز الرواية وهيّه علي المسرح
قتلته بإيدي وإيد غيري في آخر الفصل
ويا بلادي .. ما تزعجيش نفسك عشان صورة.

أهـلـي لا أهـلَـك .. ولا أهـلَـك سـاعات أهـلـك
ما تحكيـليش ع اللّي قتلك .. مش حاخدْلَكْ تار
قـتـيـل في غـربـة .. بـيـفرق عن قـتـيـل الدار
يا مـاشـي للنـور .. ومش ماشي علي مهـلـك
واحـنـا خـطاويـنا يَـمّ المـوت .. تجـيـب العار
أنا المـوساد .. والفساد .. قـاتل كتيـر قبـلك
"كمال" .. و"غسّان" .. وإسـأل "مـاجد آبـو شرار"
وحاموت .. لا شُفْتك .. ولا حاعرف في يوم قبرك
لا حـاحُـط زهـرة عـليـه .. ولا حـاغـرس الصبـار
حــاولـت قـتـل الـجــهـل طلـع الـجــهـل مـتـعـلـم
وأهُــــــــــــــــــــــــه قـــــــــــــتــــــــــــــــــــلك
وحـولك وأنــت واضــح .. ســر مــن الأســـرار


أمَّايه ... 
وانتي بترحِي بالرَّحي ..
علي مَفَارقْ ضُحي ..
- وحدكْ - وبتعدّدي
علي كل حاجة حلوة مفقودة
ما تنسينيش يا امَّه في عَدُّودَه
عَدُّودَه 
مِن أقدم خيوط سودا في توب الحزن
لا تهللّي فيها ولا تولولي ..
وحُطّي فيها إسم واحد .. مات
كان صاحبي يا امَّه ..
واسمُه   
     ناجي العَليِ.


عبد الرحمن الأبنودي - الموت علي الأسفلت

لازم تـكـون مـؤمـن ان كـل حـاجـة وحـشـه بـتـحـصـلـكـ وراهـا اكـيـد فـى حـاجـه حـلـوه اوى ... اصـل الـكـوبـايـة مـش ديـمـا فـاضـيـه لا الـكـوبـايـة نـصـهـا مـلـيـان ... ^_^ 
Voice / https://soundcloud.com/shimaa-sadek-2
Lyrics / https://soundcloud.com/shimaa-sadek-2
Edit By / https://soundcloud.com/malexfaiz 


(shimaa sadek)جـرعـة سـعـادة لـ  ^_^

(shimaa sadek)روَّح لـ

voice :- @shimaa sadek
Edit by :- @omrezz
{من روايه مالك لـ الكاتب محمود بكرى }
رساله مالك لـ مريم 

ممكن طلب ؟ متشميش هتمشى ازاى وانا متعلق بكل تفاصيلك .. فى فيونكه صغنونه على كتف  بلوزتك , وخاتم مالوش مكان الا فى صوابعك , عنيكى الى ديما بتهرب منى مكسوفه , ودمعه وسط الزعل مش راضيه تنزل .. مخنوقة ,, ضحكه مستخبيه ورا التكشيرة .. تكشيرة بدلع لما بغلط غصب عنى .. عيون متكحله .. مينفعش تبص لحد غيرى .. أنتى ديما جوا قلبى .. بين ضلوعى زى طيرى ,, أنتى الوحيده اللى بكون قاصد انسى غلطاتها  , عشان حبنا أكبر من الحاجات دى  بكتير , أكبر من رده سلام على ولد  انا منبه عليكى متكلميهوش , ولا انك خرجتى  من غير اذنى .. مع انك عارفه انى بقلق ,, معاكى بس عرفت يعنى ايه حب .. صوتك الى عندى احلى من كل الاصوات الى فى الدنيا  .. صوتك الى بيفرحنى فى كل مره اسمعه  .. اكيد محدش قالك انك احلى بنوته فى الدنيا , اصلهم مش شايفينك بعنيا .. انتى مالكيش وصف الوصف ظلم ليكى  .. عارفه لما بتوحشينى , بتبقى قدام عنيا منين ما اروح  ,, بحلم بيكى وانا صاحى .. بتخيلك برسمك  على باب عنيا  ,, فاكرة أول مره اتقابلنا فيها .. حسيت ساعتها أنك بنتى .. حبيت حاجات كتير بس عشانك , وكرهت حاجات  حبيتها قبلك برضو عشانك .. عارفه ؟ هستناكى .. لو مش هنا هيكون فى مكان أحسن , ومش هخلى حد  ياخد قلبى منك , حتى لو مش عاوزاه , عشان واخده  من قلبى كله .. ومن تفكيرى كله .. ده انتى اصلا حلمى كله .♥

(shimaa sadek)ممكن طلب ♥(رواية مالك)لـ

عن كل وجع مدفون جوانا وبنداريه بضحكه صوتها عالى    :)

(shimaa sadek)وجـع لـ

رواية (ربما نلتقى ) آولى الاعمال الورقية للكاتبة  ( هند سعد الدين )  قريبا بالاسواق . 
اداء صوتى :- shimaa sadek
هندسه صوت :- mohamed hany 
.
.
عايزنى ارجع ليه  ؟! ... مضايقك هروبى منك ... ولا مضايقك إنى مكنتش رقم فى حياتك ؟! ... مجرد عابر سبيل حطمته ودوست عليه  .
عارف إنت عملت فيا إية ؟! ... إنت خذلتنى .. عارف يعنى إية ؟! ولا اقولك أنا ؟! 
يعنى تطلع مع حد جبل عالى اوى وتبقى ماسك إيده وحاضنها أوى .. لأنه هو الى بيحسسك بالأمان .. ويجى الحد ده  يسيب إيدك  ... يشوفك بتقع وتموت .. تنادى علية ويشوف الخوف فى عينك  .. وبكل قسوة يديك ضهره من غير حتى شفقه  !! 
عارف كمان وجودك ده .. تاعبنى أوى .. بيفكرنى بكل حاجه إنت عملتها فيا .. إمشى أرجوك متجيش تانى  ... أنا ضعيفة  .. ضعيفة أوى بيك.
ليه قلبى واجعنى كده ؟! ... ليه بيوجعنى للدرجه دى  ؟!  .. قلبى بيتعصر ... كل مابشوفك بحس إنك  بتعصره كمان ...ورغم كل ده  !!! ... نفسى تاخدنى فى حضك  ويطلع كل  ده كابوس مزعج وهصحى منه ... قولى  .
قولى إن أنا كنت بحلم  قولى وأنا هصدقك  والله هصدقك

ليه بحبك كده  ؟! .. وليه أتوجعت منك كده  ؟! ... وليه عايزاك تحضنى أوى كده ؟! .
إنت مبتردش ليه ؟!   ... بتبصلى كده ليه ؟! ... عايزة أنساك .. ارجوك . 


(shimaa sadek)رقم فى حياتك من روايه (ربما نلتقى )لـ

صبر الفتى في الحب لا يجديه
فاسمع قتيل اللحظ مايرويه
فأنا الذي قد مِت طوعا فيه
اخفي الهوى ومدامعي تبديه
و اُميته وصبابتي تحييه

يا نفسِ عن الحب لا تتوقفِ
و ياروح عن الكل الوجود به اكتفي
اني فُتنت بحسنه في الموقفِ
فكأنه بالحسن صورة يوسفِ
وكأنني في الحزن مثل أبيه

إن لم تحن عَذِّب و زِد في مصائبي
وارو الرياض بادمعي كسحائبِ
والنار احرق لا تراع معاتبِ
احرق بها جسدي و كل جوانبي
واحرص على قلبي لأنك فيه

لما رأى العذال حُبيّ عنّفوا
قلت ادخلوا في الحب لا تستنكفوا
البعد عذبني واني مدنفِ
و حبيبيّ حلو الشمائل أهيفِ
وحبيبيّ كل المحاسن فيه

يا نفس عن الحب لا تتوقفِ
و ياروح عن الكل الوجود به اكتفي
اني فُتنت بحسنه في الموقفِ
فكأنه بالحسن صورة يوسفِ
وكأنني في الحزن مثل أبيه

عامر التوني _ صبر الفتى في الحب لا يجديه - من حفل مسرح الجمهورية 12 نوفمبر 2015

قصيدة يامنة للخال الراحل عبدالرحمن الأبنودى 
القاء:-شيماء صادق
هندسة صوت :- اسلام عادل

يامنة_عبدالرحمن الأبنودى/ القاء_شيماء صادق

قصائد الأبنودي - بعد التحيه والسلام 10

follow us on ::
www.facebook.com/mousaproject
www.instagram.com/mousa_project

موسي بروجيكت - لوكان لي قلبان

حرفـ : عبد العزيز عبد الله
أداء : سما نوار
https://www.facebook.com/samanawar2

لما تحس بأن الدنيا معاندة معاك
وانها ولا بتحس وجودك ولا شايفاك
وانك مهما تحب وتخلِص 
تلقى حبايبك مش حاسّاك
وانك لما بتفرح حبّة
تلقى دموعك تستناك
لازم تعرف حاجة مهمة
ان الدنيا مهيش قصداك
وانك لاجل ما تمشى حياتك
لازم ترمى الهم وراك
أتشعبط ف الحلم وعافر
هتلاقى الأحلام ويّاك
كل الكون راح يبقى ف صفك
لو حسّك صادق ف غُناك



إتشعبط في الحلمـ_عبد العزيز عبد الله_سما نوار

عبدالرحمن الأبنودي ويا قلب يا أبن الكلب...

♥ عالم موازي بنتنفس فيه المزيكا

يامنة_عبدالرحمن الأبنودى/ القاء_شيماء صادق

Shimaa Sadek ♥

Recent comments

Isis 55

Hossam Sayed

ahmed gomaa 1

Related tracks