ألحان: محمود الشريف
كلمات: فتحى قوره

ليالى العمر معدوده.. و ليه نبكى علا الدنيا
و ناس ف الدنيا موعوده.. نصيبها يروح لناس تانيه
.....
ليالى العمر ..ليالى العمر
ليالى العمر..ليالى العمر
ليالى العمر.. ليالى العمر معدوده
.....
صحيح الدنيا دى خاينه .. و خدعانا بأمانيها
نهاية ضحكها باينه.. و بتحاول تخبيها
كفايه شقاها و خداعها.. كفايه سيبونى اودعها
لا عندى آمال تضيعها ..ولا فيه بخت ف الدنيا
.....
ليالى العمر.. ليالى العمر
ليالى العمر..ليالى العمر
ليالى العمر ليالى.. العمر معدوده
.....
بيعوها يا اللى شارينها.. و سحراكم لياليها
بيعوها يا اللى شارينها. و سحراكم لياليها
دا عاش اللى خرج منها.. و مات اللى فضل فيها
امانه يا اللى تهوانى.. تغيب عنى و تنسانى
امانه يا اللى تهوانى..تغيب عنى و تنسانى
و فكر ف حبيب تانى.. يكون له عمر ف الدنيا
.....
ليالى العمر.. ليالى العمر
ليالى العمر..ليالى العمر
ليالى العمر.. ليالى العمر معدوده
.....
نقدر و القدر يضحك.. و نفرح و الزمن ساخر
نقدر و القدر يضحك.. و نفرح و الزمن ساخر
و باتعجب علا أمرك.. يا طالب عمر للآخر
ف دنيا فانيه و تحير.. لا ترضى كبير ولا صغير
ف دنيا فانيه و تحير..لا ترضى كبير و لا صغير
دا لو اللى سابها يتخير.. ما يرضا يرجع الدنيا
.....
ليالى العمر .. ليالى العمر
ليالى العمر.. ليالى العمر
ليالى العمر.. ليالى العمر معدوده

ليالي العمر معدوده - شادية

SH