ألحان: رياض السنباطي
كلمات: حسين السيد 

يا حبيب الروح فين ايامك
وحشتني ووحشني خصامك
يا حبيب الروح فين ايامك
ايامك الحلوة اللى فاتتني يا ريت كان عمري اقصر منها
لكن الايام جت سبقتنى وانا اللى صبحت بعيد عنها
لا انا طايلة عطفك وحنانك ولا طايلة حتى حرمانك
يا حبيب الروح فين ايامك
يا حارمني من عز هناي شوف حالى باين فى عيني
ان كنت قريب ابكي معاي وان كنت بعيد ابكي علي
انده لي حتى فى منامك تلاقيني عروسة احلامك
يا حبيب الروح فين ايامك
انت اللى قدرت تفرحني وانت اللى عرفت تبكيني
دلوقتي لا فرح بيسعدني ولا دمعة بتريح عيني
ما يفرحنيش غير ايامك ولا يسعدنيش الا كلامك
يا حبيب الروح فين ايامك

حبيب الروح - ليلى مراد

قَاتلُوا دفَاعاً عَنْ أغَانِي قلُوبكُم.🕊️

حبيب الروح - ليلى مراد

SH