وائل جسار - عيون القلب (CAMUS ACIXDEdit)

أوقات كتيرة بنمر بمواقف فى حياتنا .. 
المواقف دي بيكون لينا فيها تصرفات معينة .. 
أحيانا بنعملها بدون تفكير .. 
أو بإعتقادنا ان التصرف اللى عملناه ده هو التصرف السليم .. 
وإنه أفضل شئ ممكن يتعمل ..
لكن بعد مرور الوقت .. 
وإننا منحصلش على النتائج إللى عايزينها دي .. 
بنشوف إننا أخطأنا .. 
وقتها بيجيلنا إحباط وبنحس إننا فشلنا فى الموقف ده .. 
والأسوء من كده .. بنحس بالندم .. 

واحدة إرتبطت بواحد كانت شايفة إنه إنسان كويس .. وبعد فترة من الزمن إنفصلوا لأي سبب متعلق بيه.. وقتها بتحس بالندم على إختيارها .. 
واحد إستقال من وظيفته اللى كانت بتجيبله دخل ثابت .. لإن كان عنده حلم يبدأ مشروعه الخاص .. وبعد م إستقال وفتح مشروعه .. خسر .. وقتها كان ندمان على تصرفاته .. 

وغيرها مواقف تانيه كتير .. 
ممكن إنها تمر علينا,, ومنحققش فيها النتائج اللى بنتمناها .. 
بنحس بحالات من الإحباط واليأس .. وبنندم على تصرفاتنا .. 
نندم على الوقت اللى ضيعناه فيها .. 
وده مش أسوء شئ فى الموضوع .. 
والندم ده مش نهاية الطريق ... 
بالعكس خالص .. 
ده بداية لحالة من اليأس والإحباط .. 
وعدم الثقة بالنفس .. 
أصل الشخص اللى كل شوية يندم على تصرفاته .. بيحصل عنده نوع من الخوف من المغامرة والتجربة .. علشان ميضطرش يندم من جديد .. 
وبالتالى .. 
الخوف ده بيبقي قيد بيأثر على حركته وقرارته وإختياراته بشكل كبير .. 
وبعد كده تلاقي إن الشخص ده مش عارف ياخد قرار بنفسه علشان خوفه ده .. 
وبالتالى هيتحول لشخص إعتمادي .. بيعتمد على الناس اللى حواليه إنهم يختاروا ويقرروا ويعملوا .. ويكون هو مجرد شخص منفذ .. 
علشان كده ممكن تلاقي الواحدة اللى إتكلمنا عليها من شوية وإنها إختارت عريسها وإنفصلوا .. بعد كده هتعتمد على أهلها علشان يختارولها العريس المناسب .. وتوافق عليه بدون تفكير .. 
وتلاقي الشخص اللى كان متحمس إنه يسيب الوظيفة الأمنة دي .. وكان حابب إنه يغامر ويبدأ مشروعه الخاص ولكنه للأسف خسر.. بيدور على وظيفة ثابته من تاني لمجرد إنه كده هيضمن مرتب ثابت كل شهر حتى لو مش هتحققله الإشباع الذاتي.. 
وناس غيرهم كتير تلاقيهم ماشيين جانب الحيطة .. وعايشين بمدأ من خاف سلم .. 

لكن أكيد مش هي دي الحياة اللى الواحد بيتمني إنه يعيشها .. 
يعني هو أنا يا إما أعيش ندمان ومتأثر بتجارب الماضي .. 
أو أمشي جانب الحيط .. وأبقي شخص عادي عاش عادي وإتخرج عادي .. وإتجوز عادي .. وخلف عادي ومات عادي ..

أكيد الحياة مش كده أو كده .. 
هتقولي إزاي .. 
هقولك يا صاحبي .. 
انت دلوقتى لما تعيش تجربة معينة .. 
والتجربة دي محققتلكش النتائج اللى كنت بتتمناها .. 
هل معني كده إن الوقت ده راح ع الفاضي .. 
وإنك تعيش ندمان على تصرفاتك دي .. 
أو تندم على الوقت اللى راح فى العلاقة الفلانية .. 
أو فى الشغلانة اللى كنت فيها دي .. 
أكيد لا .. 
كل لحظة بتعيشها فى عمرك .. ليها تأثير كبير على حياتك إللى بعدها .. 
كل دقيقة بتقضيها .. بتتأثر بالعالم من حواليك .. 
وبتتخزن فى العقل اللاواعي .. إللى بيستوعب أكتر من 2 مليون معلومة فى الثانية الواحدة ..
بتسمع وبتشوف وبتحس بحاجات هتأثر على إسلوب وطريقة تفكيرك .. 
هخلي نظرتك تختلف للحياه .. لإنك إكتسبت مهارات ومعلومات جديدة مكانتش عندك قبل كده .. 
وبالتالى هتأثر على طريقة صنعك للقرار .. 

وبرده دلوقتى .. وانت بتسمع كلامي ده .. هتلاقي نفسك تلقائيا بتفكر في حاجات معينة بشكل مختلف عن قبل كده .. 
هتشوف زوايا تانيه من الموضوع هتأثر على عملية صنع القرار عندك .. 
وبالتالى التجربة اللى مريت بيها زمان دي مراحتش على الفاضي .. 
ده بالعكس إن إتعلمت من خلالها دروس كتير يمكن مش واخد بالك منها دلوقتى .. 
بس لو حصل وإتحطيت فى نفس الموقف مرة تانيه .. 
هتلاقي إن ردود أفعالك وتصرفات هتكون مختلفة .. 
يبقي ليه نندم على الوقت إللى عيشناه ؟!!


في رأي الشخصي أنا بعتبر الحياة دي زي لعبة الشطرنج .. 
عارفينها .. 
الأرضية المربعة دي اللى بيتلعب عليها بإستخدام قطع مختلفة الأشكال بلونين الأبيض والأسود .. وبيكون الهدف منها إنك تموت الملك عند خصمك فى اللعبة .. 
لعبة جميلة وبتعتمد على درجة عالية جدا من الذكاء .. 
انا بقي بشوف فيها الحياه اللى بنعيشها دي .. 
عندك هدف عايز توصله .. 
وعلشان توصل لهدفك النهائي .. انت محتاج تقوم بشوية خطوات صغيرة .. هتحرك عسكري معين .. أو هتاخد خطوة بالوزير .. أو الحصان .. أو غيرها من قطع الشطرنج المعروفة .. 
كل خطوة هتقوم بيها مينفعش تكون عشوائية .. 
لازم تكون مدروسة ومعمول حسابها .. وعارف إيه عواقبها ونتائجها .. 
وبالتالى إنت بتتحمل مسئوليتها لما تقوم بيها ..  
ولو حصل وعملت خطوة مش كويسة .. أو كان ليها نتائج غير اللى عايزها .. مينفعش إنك ترجع بالزمن وتلعبها بشكل تاني ..
زي حاجات كتير في حياتنا .. 
الكلمة اللى بنقولها وبتطلع من لساننا مينفعش ترجعله تاني .. 
الخطوة إللى أخدناها .. والوعد اللى وعدنا غيرنا بيه .. مينفعش نرجع فيه .. 
طيب بيكون إيه العمل وقتها ..
وقتها إنت مطالب بتحمل مسئولية الخطوة دي .. 
لا عتاب أو لوم أو ندم ممكن يرجع اللى حصل .. 
لإن الماضي خلاص فات وانتهي .. ومش بإدينا إننا نغيره .. لكن لو لسة عايزين نوصل للمستقبل اللى بنتمناه .. فإحنا بنملك الواقع حاليا .. 
أفعالنا دي هي اللى هتخلينا نصلح أخطاء الماضي ده .. علشان نوصل للهدف بتاعنا فى المستقبل ..
تخيل كده إنت ماشي بعربية وعايز تسافر من بلد لبلد تانيه .. 
 بس إنت جيت فى مفترق طرق معين .. وبدل م تدخل يمين .. دخلت شمال .. هتعمل إيه ساعتها .. هتكمل فى طريقك الجديد عادي وهتقول أكيد انا نصيبي كده .. ولو كان مكتوبلى إني أروح البلد الفلانية دي كنت أكيد هوصلها من غير م أتوه .. 
ولا هتركن العربية وتقعد تعيط وتندم على الخطأ اللى انت عملته ده .. 
ولا حاجة منهم هتخليك توصل لهدفك .. بالعكس .. ده إنت هتتأخر عن الميعاد اللى كنت هتوصل فيه .. ويمكن الليل ييجي وانت لسة فى مكانك وموصلتش .. 
أومال إيه الحل .. 
الحل إنك تعترف بإنك أخطأت .. مهو الإعتراف بالمشكلة ده جزء كبير من الحل .. 
وبعد م تعترف بالمشكلة دي .. هتبدأ تسأل هو انا ممكن أرجع للطريق التاني ده إزاي .. 
هل هتستخدم كوبري أو نفق يوصلك ليه .. ولا هترجع بالعربية لحد مفترق الطرق اللى دخلته وتغير إتجاهك .. 
شوفت إزاي إن الندم عمره م كان حل للمشكلة .. وإنه هو ممكن يكون المشكلة فى حد ذاتها ..

علشان كده النهاردة فى كبسولة النجاح بنقول لا للندم .. 
ولا لذكريات الماضي اللى بتأثر فينا بشكل سلبي .. 
الماضي ده حصل ومحدش يقدر يعدل فيه من تاني .. 
بس هو موجود علشان نتعلم منه .. 
وعلشان نقدر من خلال التجارب اللى حصلت فيه .. 
إننا نصلح في الحاضر .. 
علشان نوصل للمستقبل اللى بنتمناه .. 

وبكده نكون وصلنا لنهاية حلقتنا النهاردة من كبسولات النجاح .. 
لكن بكرة فى نفس الميعاد هنكمل مع كبسولة جديدة .. 
كبسولة يومية لحياة عصرية .. مع وائل محمود

08- كبسولة النجاح - ندمان


#وعادى_ازعل !!!

و عادى اِزعل ,,
وعادى اِتعب ,,
وعادى تغيب ومايهمكش !!
ومين أصلا ً ,,
فـ يوم يسأل ,,
ويتعب برده لو مالاقكش ؟؟
ومين فـ البُعد يبقالك ..
ومين يزعل على حالك ,,
ومين لو مرّه تحتاجله ،،
يسيب روحه ويفضالك ؟؟
محدش أصله هايفكَّــر ,,
يكَمِّل رحلته ويَّــاكـ ..
يا عم الناس دى بتقدَّر ,,
صحاب المال أو الاملاكـ !!
وعيشت هناك ,,
بعيد عنهم ,,
وسيبت الناس ،،
تقدَّرهُم !!
وبعد البُـعد والرحله ,,
رِجعت وقولت أسألهم !!
وقبل الإيد ماهتسلِّـم ,,
وقبل ما حتى أتكلم ..
قالولى بلاش ومايخُصَّـكش !!
و عادى اِزعل ,,
وعادى اِتعب ,,
وعادى تغيب ومايهمكش !!
كتبت همومى 
ف رساله ,,
بجد خلاص 
بقيت عاله ؟
أغيب ازاى ومش فارق ؟
وفجأه ازاى بقيت حاله ؟
قالولى الناس ماتسألش ِ
مشاعرك ,, برده ماتميلش ِ
ما ياما حاجات ماتتقالش ِ
فـ عز العِشره واتقالـت !!
وقالوا الناس ,, كتير غابوا ،،
كمان للبُـعد أسبابه ,,
ولما انا غيبت يوم ,, جابوا ,,
مكان منّى ,, طرف تالت !!
سِكِتّ انا برده كـ ـالعاده ,,
وقولت فـ سِرِّى مش غايب ..
هاسيب الجرح يتمادى ,,
وبرده القلب مش تايب !!
أتارى القلب ,, بيحرَّك .
مشاعر ناس ماتتحركش !!
وقالوا الناس بلاش تتعب ،،
وتعشق ناس مابتحبَّكش !!
و عادى اِزعل ,,
وعادى اِتعب ,,
وعادى تغيب ومايهمكش !!
سنين عدّوا ,,
ما يتعدّوا ،،
يا ناس البُعد مين قدّه ؟
نِجيب العِشق ونطبطب ..
وهمّ ما زالوا بيصُدّوا !!
بندفن راسنا وندارى ..
عشان نبقى على العِشره ,,
بنيجى تملّى على روحنا ،،
وهم ّ اصلاً ’’ دهب قشره ’’ !!
حاجات ضاعت وانا مسامح ,,
مانا القلب اللى عاش ليهم
و برده عشان انا الطَّـيب ،،
دعيت المولى يحميهم !!
وهمّ يغيبوا .. ويشدّوا ,,
وراهم قلبى من تانى ,,
بَعَتّ رسايلى واتردُّوا ,,
و بعتوا معاها أحزانى !!
فـ يوم مانغيب ونتدارى ,,
بنخلق 300 حجه ،،
و نخنق روحنا بـ سجاره ..
وبرده البُعد مش حِجّه !!
وعادى ابعد وهات حجه ,,
و وقت ما تبقى ع الآخر ,,
ورجلك حتى مش شايلاك ،،
عشان الرحله دى بعيده ..
يقولوا ماخدتناش ويّاك ,,
خلاص ابعد وبالتالى ,,
قلوبنا خلاص ,, مابتميلَّكش !!
و عادى اِزعل ,,
وعادى اِتعب ,,
وعادى تغيب ومايهمكش !!

وعادى ازعل
#محمود_نعمةالله


محمود نعمة الله _ وعادى ازعل

إسمحيلي ياما

I believe in you

Writting By : Amr Mansour 
Beat by : free beat 
Rec & master : Amr Mansour  
Vocal : mohamed khaled
Postar By : ibrahim masoud

Lyrics

Veras 1

عاش ايام حياته كلها مليانه سعاده 
دايما ضحكته مرسومه وطيبته موجوده بذياده 
عاش بحب الناس صافى النيه فى الاساس
 عمره ما بص لغيره ماشى مرفوع الراس 

واقف فى ضهر صاحبه حاميه وقت شدته
 مفاروقوش ولا حتى لحظه لجل يعديه من محنته
 وجود صاحبه فى حياته شىء مهم فى حد ذاته
 والى عنده ليه كتير  ولسره الف بير 

عايش فى الدنيا دي على اى حد ما بيعادي
 كل محنه بيواجهها بالنسباله كانت عادي 
مفيش  حاجه بتقف قدامه على الارض صامد ثابت
 ميهزوش الريح والدمعه فى عيونه عمرها ما سالت

 لو صاحبه طعنه بكسينه ودمه على الارض سايح
 تانى يوم يبص فى وشه ويقوله يا صاحبى مسامح
 دايما صافى النيه ولا يعرف معنى الازيه
 راجل من ضهر راجل مفيش منه فى الدنيا ديه

Coras
عاش بحب الناس صافى النيه فى الاساس X2

Vares 2

وفى يوم من الايام قلبه دق من نظرة عين 
حب واحده شالها جوه عينه الاتنين 
فجأه حياته اتحولت والدنيا ضحكتلوا اكتر 
شالها جوه  قلبه وعمره فى يوم ما قصر 

كانت حلم بالنسباله بيسعه وراه تحيقيقه 
بيعافر بكل جداره لكن ما فى شىء بأيده 
مكدبش عليها وحكالها ظروف حياته 
وبدل ما تقف جنبه للاسف وقفت قصاده 

 خلاص اللعبه اتكشفت والكل على اصله بان 
اتقفلت البابان وماتت روح الانسان 
ههههه انسان . اهو الانسان معدش ليه مكان 
طيبته الزياده لمت عليه  كل لغربان 

عاش شاف عمره في يوم ما خاف 
دايس على كل شىء  لجل تحقيق الاهداف 
اتحولت الشخصيه لشخصيه مختلفه تمام 
رؤيته لكل الناس انعكست انعكاس تام

كان جدع ( Amr Mansour  Ft Mohamed Khaled )

لخبطيطه 😂

قالوا ايه علينا دول .صيحة الصاعقه المصريه

يوتيوب \ https://youtu.be/gUFd8RVJ1pw
للمتابعه \ https://www.facebook.com/hamo.alamed
للتحميل \ http://www.mediafire.com/file/cvsemjpje7r3k4v/%D8%A8%D9%88%D8%AF%D9%8A.wav

احلى اغنيه في 2018اغنيه |الحب زي الوتر | غناء بودي الشريف توزيع العبادي |Al7ob zy alwtar|

Safwat Hossam
#ana el masry # - # انا المصري #
#صفوت حسام# # safwathosam# # safwat hosam#
#اغاني وطنيه# 
#تحيا مصر#
#احمد منسي#
#الاختيار#
#الجيش#

إسمحيلي ياما

singer sh