Hotbox The Whip

editeing, mixing and mastering by RC hip hop Records.
https://www.facebook.com/RCHipHopRecords/

Lyrics:
V1:
لو اللسان يقول بحبك .. فالايدين تطعن خناجر
 و بتغمق اللوحة اكتر زى الليل حزين مهاجر
 يعزف نايك صرخة ساكتة تقسم قلبى الف حتة 
عيشت بيكى ومت فيكى وانتى قدرتى ازاى ساعتها 
تنسى كل حاجة بيننا .. تدوسى على كل ذكرى حلوة
 يدبل لون الورد بعدك الدروب تطول مابينا 
داء الكدب يصيب الجسد يصبح بيه مريض للابد 
كل حلم انا شوفته بعينك اصلا كان سراب للأسف
 
و دفى القلم يحضن حروفه وانتى حضنك ليه كان برد 
والخيوط مابيننا تدوب ويبقى سوادها بلون البعد والقهوة تمرر اكتر وانفخ فى الإزاز بخار 
والضلوع ماتساعش قلب عايش فوق بركان افكار 

انك خونتى وانك بيعتى وانك وانك والظروف
 مش محتاجة تقولى اسفة وانى المح فى عيونك خوف 
مش مصدق ان كل القصة كانت فيلم 
يعنى يوم ما قولتى بحبك كنتى تحت أثر البينج

Choures:
لو عينك شايفة فاقلبك اعمى وعمرك ماتحسينى
بكرة الدموع تملى الكفوف هعيش وتموتى ياترجعيلى
واوعى الايام دى تغرك داير الزمن هيقولك 
اللى فاكر نفسه كبير ع الدنيا تدوس عليه ومردودلك

V2:
يا عيون دموعها جهنم// ياسطور ريحتها خنقة
كل شعر كاتبته ف وصفك كان من الصعب يكونلى مقوى 
فعادى اعيش لحالى وعادى القلب يكون انانى 
كتر البكى يدوب قلب حجر ..  وانتى العناد اساكى

انساها وانسى كل ذكرى ليك معاها 
ده العيشة فى برد غيرها اهونلك م الموت ف دفاها
ياعايش عشانها ميت او يا مفارق كل ذكرى 
خلى الايام دى تعزف ع الوتر اللى بينى وبينها 

علمتنى انى احتاجلها فى كل وقت بدونها ضعيف
وانى احيا فى براويز عيونها صورة باهته من غير طيف
نفسى اسألك سؤال ياللى عشقك كان ضميرى
ازاى قبلتى تقولى وانتى نايمة ف حضن غيرى 

شوفتك بعينى .. وانتى ايديك ماسكة ايده
وتشب نار فى جمسى فى كل مرة بشوفك تضحكيله   
هخلق من سيرتك ذكرى بس عشان اتعلم منها 
انى ليه اعذب روحى وهى مسيرها للى خالقها

Choures:
لو عينك شايفة فاقلبك اعمى وعمرك ماتحسينى
بكرة الدموع تملى الكفوف هعيش وتموتى ياترجعيلى
واوعى الايام دى تغرك داير الزمن هيقولك 
اللى فاكر نفسه كبير ع الدنيا تدوس عليه ومردودلك

Lw einek shayfa||لو عينيك شايفة - RC (Kaiser, Bassam) #ana_RC

*
lyrics : Amr Saiko 
Rapper : Amr Saiko
Vocals : El Aswany 
S:E : EL Aswany
Z8aba Team <3

Cover D. By Rona MosTafa <3
*************
lyrics : 
*
يفضل المكان ويمشى الناس والاحداث
ك اثبات للى غاب ان الى فات مايشغلناش
بحر واسع جداً بس شواطئه مضيقاه
هى شافت وش البير ماعرفتش الى جواه
عشمان فـ موتها اكسر شوكها من ورودها
بنتى الى اتحامت فيا - بتعلى عليا دلوقتى بصوتها
بس عادى عاش - عامتاً باخد مساحتى
فا حتى لو حصل جواز هاطلع فى البرواز لوحدى
انا جيبتلها وردة هو جابلها فاترينا
انا كان حيلتى الوردة هو حيلته 1000 جنينة
فانا اديتها كُلى وقل هو كان قليله كتير
فا بحكم الطمع وقفت بقلبى فى الصف الاخير
The End اتكلمت الفلوس فا سكت - مش هاكتب 
دخلت شيلت - الحب من قلبى وماحتاجتش بينج
*
مشيت بنت - بس سابت روجها ع التيشيرت
سابت شعرة جوا هدومى - وشابت الشعرة لما كبرت
وانتهى وقتها هنا - وروحت انا اشوف نصيبى
لفيت فى نفس الدايرة وروحت كسرت قلب غيرى بايدى
بالمقارنة بينى وبينه كونى اغنى طبع
فا الحبيبة سابت الافقر منى بحكم الطمع
واتعاد المشهد واتحولت من مفعول لفاعل
واتحول التراك من محزن - الى تراك ساخر
ونصيبى جت تسألنى ايه الى ساعدنى اوصل ليها
قولتلها كل حاجة فى الدنيا فلوسنا بتشتريها
زعلت منى - عشان قولت الحقيقة خام
واول ما غلبها النوم - بلعت الشمس عشان تنام
ياقلب - الحب ده وهم ابن كلب 
مش موجود يا موعود بالسهر ليالى فى عز البرد
علاء الدين وياسمين والباقيين - روايات
عمرك ما تصاحب حلم لو خطوط الفقر حداك
بس عنتر حب - رغم كونه اصلاً عبد 
استمر الحب فـ قلبه رغم ظروفه عشان ماسمعش لحد 
______
الحب ده للروايات - حب واحدة على مقاسك
عمر ابن البواب ما عينه هاتطول بنت الباشا
ماحيلتيش الا كلام - ايد ورا وايد قدام
مانيش فارس احلام عشان فقير عشان غلبان
زمان - عبدو بقر عبدو صنم عبدو جاموس
وحتى بعد الفهم شوفت ناس بيعبدوا الفلوس
ماحيلتيش مهر - ولا مرتب كل شهر
بس لو سألوكى عنى - قولى مايعيبهوش كونه ماعهوش
_____
راحت ترقص ل غيرى عشان بطلت اطبلها
غير يطبل هى ترقص - هى تطبل غيرى يرقصلها
الاسباب - ظروف قفلت ف وشى الباب
الدنيا بتيجى ع الغلبان الدنيا مبتديش محتاج
لو عايزه حاجة غير الحب ماكنتيش حبيتينى
مانتى عارفة قلة حيلتى ليه يا بنتى تعجزينى
قليل المال يتاكل نىّ - الفقير مش حى
افكر فى الدباديب والحب ولا افكر فى الى جاى !

______
Thx 4 ur listening <3
Amr Saiko @ 2016

TraCk | بنت الباشا - Amr Saiko Ft. El Aswany - Z8aba team

*
topic : 
بيحكى كلام ان لابوه الى خلاه من صغره عايش فى قفص وخوف ورعب بحجة خوفه عليه وبعده عنه بحجة ان الحب مجرد فلوس وصرف
ودى مشكلة كلنا بنعانى منها .. 
اسيبكم تسمعوا

lyrics : Amr Saiko
Rapper : Amr Saiko
Vocals : El Aswany 
S:E : El Aswany

@ 2016 Prod By Z8aBa team official studio 
******

صفوا النفوس , الاب عمره ما كان اب بفلوس
مش كل شىء هانحطله عذر الخوف وحواليه نروح نطوف
فهموا الاهل ان الحب مش بفلوس وريش
فهموا الاهل ان الخوف مابيربيش
يابويا يالى من زمان فى القمقم حابسنى 
بعلى صوتى واقول كفاية - اتمنى تكون سامعنى
بسببك انتَ فضلت لوحدى مدة تزيد عن دسة سنين
بسببك - اصبحت ضمن المرضى النفسيين
بتخلق الف عقدة و عقدة - وتسيب الخوف يسوقنا
بتحببنا فى الغلط - بتموتنا ف موتنا
ها ارتحت - اه ابنك مكسور يا حاج
ربيته يهابك وقت حضورك لكن وقت غيابك لا
خلقت من نفسك شخص اعتبره عدو ليا
بقت ماسخة اوى حجة انك لساك بتخاف عليا
لأ - كل ده كدب وانا وانتَ اكيد عارفين
مافيش اب يعامل ابنه معاملة المساجين
______
الأوضة بقت زنزانة - والبيت قفص كبير
اوعاك تقتل فـ حلمى وتفتكر انى هافتكرلك خير
لما اكبر اكبر احلامى ماكونش حد شبهك
عشان ابنى الى يجيلى اضمن انه هايكون احسن
اتمنى تكون صحيت ويكون ده اخر تراك
ولو فضلت زى مانتَ , عارفك هاتبطلنى راب
حجات بخاف اقولهالك فوشك قولتها فى التراك
هاتفتكر الى قولته لما تزول كل حاجة مقوياك
عليا - يالى انتَ قتلتنى بايديا
كل تراكاتى عن حاجات عدت انتَ قصة حية
كتر الزعيق بينشذ الى عايز الصح يروح للغلط
ماتخلنيش احبك بس علشان غرض
خليك احسن من كدا عايزك توحشنى لما تغيب
ماتخلنيش اكره قُربك واحبك تبقى بعيد 
اب وهب ابنه حب - نفعه عن اكوام فلوس
الاب لو حب ابنه - يحبه الابن لو معهوش
______
لو ع الفلوس - محدش هنا بيموت م الجوع
وان كانت كدا فانت مش كفيلى لحد يوم ما اموت
بكرهك - رغم حبى ليك الى اتولدت بيه بالفطرة
لو الى ما بينا فلوس هاعاملك بيها وقت ما تكبر
اقف معايا حداد على حلم مات بسببك انتَ
اقف معايا حداد على ابن مات بتعامله كانه بنتك
شكراً لانك علمتنى ازاى اطلع خواف
شكراً لأنك استهزأت بحلمى وسط الناس
مبروك - علمت ولادك يكرهوك 
علمتهم ان الاب مجرد راتب او مصروف
بكره كل شبه بينى بينك لما بشوف ملامحى
بكره كل لحظة عدت بكرهك يا نفسى لو هاتسامحى
كتير الزعيق - بيضغط الاعصاب ويخلى العقل يسيب
بتوصلنى لانى ادعى ربى تكون عنى بعيد
بحلم بيك - بصحى فى نص الحلم خايف
حتى الحلم فى المنام لو شوفتك فيه بيبقى تالف
_____
يا قلبك - بتقولها فى وشى مش محتاجنى جنبك
مستنى منى ايه - مستنى اخاف اجرح مشاعرك
لأ - لكل شىء سقف - لكل ضغط نهاية
لكل عصر أجل - لكل ابن اتعجن م الضغوط حكاية
مش محتاج منك فلوس محتاج احس ان انا موجود
محتاج لعلاج للضغط - لما تخلقلى الضغوط
محتاج اموت - محتاج لحد يفهم صمتى و كلامى
محتاج ابص فى المراية اشوف انسان قدامى
محتاج اكون - محتاج ماتصنفنيش مجنون
محتاج حجات وعلاج وناس - محتاج ابعد عنك واغور
محتاج ف وقت النوم ماحسش يوم انى مكسور
محتاج ماحتاجش حاجة من الى فوق دول
امتى ناوى تفوق ؟ لما تحس بقرب الموت !
ترجع تلعن الخفلة بعد اما العمر يفوت
ترجع تلوم .. ع الاصول وع الابن الى غاب مسألش
مانتَ نفسك الى قولت ان الحب فلوس وبس
_____
فهموا الاهل ان الحب مش بفلوس وريش
فهموا الاهل ان الخوف مابيربيش

Track | اب فالصو - Amr Saiko - S:E El Aswany

Godzee - Klam - 3

(إتفضلي - Etfadly )

مشيتى وحبى لسه عايش فيكى 
كملى حياتك انا مش عارف اعيش بعديكى
محمد مش مجرد شخص اتسلى بيكى 
حاربت كل الناس عشانك واهلك شاهدين عليكى 
صوتك وحشنى بس القدر هو اللى حشنى 
كنت كل حاجه ليكى بس ياريت فضلتى جنبى 
فاكر كل يوم فى ال5 سنين وانا مستنى 
مراتى وام عيالى ونعيش فى بيتنا متهنى 
اهلك حبوكى وفى وقت المصلحه سبوكى 
كان نفسى اعوض كل حنيه ابوكى
عمرى ماكنت باجى عليكى خلاص مناعوكى 
لسه فاكره حب محمد ولاخلاص هما نسوكى 
طب فاكره بيتنا لمست ايدك نسيتنى حياتنا 
انا كل يوم مع دمع عينى جوه الليل فاكر صورتنا 
ضحكه عنيكى مش مفارقه ذهنى واحنا بلبس دبلتنا 
فرحة عليتنا من جوه القلب يالمبه نورت ضلمتنا 
                          حبيبى دى احلى كلمه عشان بقولها ليكى 
                         اصل خروجك من قلبى  كسر قلبي تاه وديني
                          عيشتينى الخيال حلم العيال ضاع  ضمرتيني
                            كنتى السند والضهر بس انتى كسرتينى 
                            اغلى من الدهب بس اتكتب انك تسبينى 
                           ادعى ربك زي مابدعى انك فى الجنه تشوفينى 
                      يابابا انا عمرى مااسيبك ده اللى انتى بيه عهدتينى 
                      اصل وعد الحر دين وعليكى دين انك سبتينى 
ياامى ابوس ايدك  سامحينى
عشان خاطر عيونك انا هكمل نص دينى 
بس فدينى اوعى توسينى خلينى دايب جو حلم احلم سبينى 
يابويا هدينى  حتى انتى ياضحكتى فارقتينى 
طب صابرها علمتها وانت مكبرها 
يامحمد دى عشره حياتك اوعى فى يوم تخسرها  
ياقلبى هفضل دايس عليك اصل عمرك ماهتكرها 
يابنى يلا قوم بص لحياتك اصل صورها اللى فضللناه
اول واحده اجرى عليها عشان افضفض
 حببتى من بعد فراقك انا مستنى المووت يقرب 
انا لسه شايف صورتك بالفستان الابيض 
اهم حاجه عندى تكونى مرتاحه معاه مش اكتر 
 بحبك ...دى احلى كلمه منك احب اسمعها 
لمست ايدك لايدى مستحيل تانى ارجعها 
ماانا لما امووت ياخويا اوعى تروحلها توجعها
عرفها بعد محمد عنك غلطه هو دفعها

Samara سبتينى

Diary of dead - مذكرات ميت (حسام المارد - seven sam)Ft. Capo

التراك ده مُختلف .. إسمعهُ فى ضلمه و هُدوء ^^ 

Lyrics :-

كَتب كُل ليلة عنها , أصَر يفضل لـ نهايتها
هى لـ غيرهُ و هو لـ غيرها , فايق أو سكرااان حاببها
خمنى الشوق وداانى لناس فوق , محيلتيش غير دعوه
الناس دى بلوه ما لها دعوه , خدت كارت الفرح ليا دعوه

و روحت كنت بجرى إليها , شوفت عينها بتضحك ليه 
و عينهُ بتضحك ليها , دموعى بكتمـ فيها
أنا بأذينى مش بأذيها , ضيعت من بعديها
كله روح كان بيضحك , روحت لوسكى ببكى عليها ^^

فـ أنا , بنتقل مش شاب لـ العجز , ضهرى إنحنى
و ليل وسُكر وسهر مُر عالقلوب بدوب فى أذى
و عرفت إن أنا ماليش غير نفسى من ليلتها
بهدى و أفتكر ضحكتها , بغفل و فى أحضانى صورتها :")

عَلمنى أنسى بقى , كفايه تَعب 
أنا شاب عشرين سنه , بس عيشتى بلى و زهق
صابيت كاس و لسانى تِقل , وَرد عُمرى دِبل
قَطر حُبى خَدها ومِشى , سَاكت بس عقلى '' تِعب
------
أنا .. ضِحكت و قولت كويس
بكدب , تحت عينى كان  مبين
مسقطـ بس مركز , مطبق و مهيس
لوحدى , مش عايش و مش ميت

ضعيف القلب , بحن , بخاف
مريض الكِبر , بشتاق من سُكات
و عزه نفسى ترمى روحى بين متاهات
أنا وسطـ زحمه بس فين الناس :) '!? ..

محتاج أتكلمـ , شوفتها أبلمـ
فجأه ببتسمـ و أدمع طول ما هى بخير أنا كويس
عادى , برداان حاضنى حالى
بغلى من جواايا بس من براايا هادى

قسيت شويه , عيطت شويه , لـ صور
خوفها بيحارب دماغى , صوتها بيطاردنى بـ " عُمر ") .. 
الوِحده مونسانى تانى 
مع حالى , مع حالى , مع حالى مع أغانى :)
------
ملعون بـ الطرب , قلبى إتضرب بيها إتعلق 
أعيش مع نفسى أحلى  , بظهر قبل كل فرحه " بقلق أرجع
مش مُجبر أعيطـ و أنا بتصور هَضحك
بس مش جبروت أنا بَتعَب , مَتزومش علشان هبان بدمع

زى طفل كان مكسورلهُ أول لِعبه بَكى
زى شاب إختار الـاخره غصب بـ المشنقه
زى حد ضحك بس إتخذل , من عياطه إترمى
قد ما واافيت قلبى إتهلك , كل دول كان " أنا

عيدت السيناريو , كل الوِحش أنا زيواا
طبيبى إتمرض بيا , تقدر تاخد مـ إللى أنا شايلواا !؟
هااه , عجزت بدرى و سنى سابقواا
شُريانى سار فى بُعاد حبايبهُ , لو شارى قلبى أنا بايعواا :) 

خايف من نفسى مش من حد كيف كَفيف
بَسقَع مِنى فى عِز الصيف , هَغلى كُل ما أكون خفيف
و أتارى , هعيد من تانى , الوحده معذبانى
زااد كتمانى فى روحى بَصرُخ و أنا بَعاتِب حالى .. 
----
Mix&Master : Seif Leo
Like & Share If You Like It ♥
--
Follow Me Through :-

Instagram " instagram.com/omar_kivock/ "
Facebook " www.facebook.com/omar.kivock "
--
Much Love & Respect ♥

Omar Kivock | كتمانى - Hide

Rec & Mix & Master : Sound Studio
Artist : Amrr.h | gOzAa
Prod by : Muhamed Mahmoud Beats " بشكله "
Bostered By : Amrr.h | gOzAa

- Lyrics

تعبت قلبى .. أديتك كل حاجه عندى 
كتبت حروف من وردك تزورينى بيها فى قبرى , 
كان نفسى اكونلى كويس بس الحزن عليا اتفرض 
كنت عايزك تبقى علاج بس كعادتك كنتى مرض 
...
و الحل ؟ كأن كل الحزن اتخلق لـ اجلك 
كنت بحكى عنى بس محدش فيهم باين سامعك ,
بقيت لوحدى .. قلبى أصبح بيت مهجور :'))
و أحلفلك مهما احلفلك أن مشفتش بعدك نور 
...
انا كنت ببهت كل مره بشوف عينيكى فيها ')
من بعدك كل يوم سهران بكتبلك  100 قصيده , 
جايز اكون مريض كل يوم بـ مزاج و حاله 
بسهرلك كل يوم بكتب و بمسح ألف رساله 
...
سيبت عقلى يعارك قلبى و أدى اول حرب ابتدت 
و اديكى راجعه تانى بعد ما كل حروبى انتهت , 
 مهما تلفى مش هتلاقى حد حبك قدى 
و مهما الف مش هلاقى حد تعبنى قدك :))

---
 مش طبيعى انى اضحك و أنا جوايا كوم هموم 
حربت عشانك و كنتى سبب كل حرب تقوم 
زعلى هد فيا اوقات ملامحى تبانلك شارب ' 
هدت ضهرى مكنتش سهله انا كل يوم بحارب :')
  ---
بشتاق و أنا بسقى ورده دبلت كله أذاها و ماتت 
و يوم ما فاقت سابت أيدين حبتها و سابت ,
أنا بقيت مش فايق بروح بستنى تحت شباكك 
بتعب و بمشى كل الخلق فى عينى بقت أشباهك :))
...
 استنى و متروحيش , خليكى متبعديش 
كفيانى موت , تعبت و نفسى أعيش  '))
أنا اسف انى احتجتك و أنى فى يوم قولت أنا مشتاقك ,
 علاجى فيكى أرجعى انا تعبت خلاص محتاجك 
...
كل حاجه فيا خربت , كل حاجه بعدك ماتت 
ايدك لما فلتت ايدى جوا منى الحرب قامت :')
ايديا تعبت من الكتابه حكيتلك ياما فى ورق ,
أنتى عارفه كويس انى اشتقتلك و قلبى اتحرق 
...
سلملى على الباقى و قوله وقتك جى و تخرب 
كله بطل حزن و لساك قاعد جوا البار بتشرب , 
أشتقت لـ يوم زمان , هلكت قلبى بالدخان 
حبيت الخير للـ كل ..  كله فيا خان :')
--- 
 مش طبيعى انى اضحك و أنا جوايا كوم هموم 
حربت عشانك و كنتى سبب كل حرب تقوم , 
زعلى هد فيا اوقات ملامحى تبانلك شارب 
هدت ضهرى مكنتش سهله انا كل يوم بحارب :))
---
Much Love & Respect ♥

Sound Studio

لم نعد سويا | Amrr.h gOzAa

Lyrics :

بلّعت حزني ماده دمعي خبتُه المخده
لا موّده كله فوق عدى تكّه كنت هودّع
فالبُعد بدّع , علمني كيف القسوّه
وانا مش بنسى كل نغزه أبحّر بس ما أرسى

ماعدِتش فارقّه وفرقّك ان الكل فارقك
لو نحسب بالورقّه فّ انت جميل من جوا ولسه بلزقك
دي ليلّه زرقا وانا خارِج م الشقه
ابويا فين صحابك؟ اقوله تحت وانا لوحدي ف دنيا واسعه

وما اتبقالي احباب الحُب ديالي غاب الغالي ف
بالي وساب وداني معاه لهناك وسد فِ وشي الباب
ف اسهر عذاب اشرب هباب انا كنت فُقت منه
والشوق غلاب لكن دي كلاب ماحبتناش يّ خِلوو

بحار أنا مين يدلو ؟ حبيبهُ كان خريطّه
              بعدك كل سكّه حيطّه
المرادي جاي افضفض انا مالقِتش حد احكيلوا
انا شخص لا يسوى شيء بلى ابوه وأمه اللي بتدعيلوا

..................................................

متعودين عّ البُعد , الحب رُعب , الليل ده بُعبع ضُموا بعض خلوا الفرقه صعبه بلاش الكل يُغدر
مفيش من جُوا , اعيش دور حد مش هُو
انا عديت الوقت وحدي , كنت لاحول ولا قُوّه

 ....قلل ناسّك , كلُه سابك , اتقتّل احساسك
كنت قّد كله ماحدِش كان مقاسّك
زعلت وكلُه هرّج ، حرموني أخرّج
مش هبوح لحد هكتب واللي مايشتريش يتفرّج

وديني لسكه تنسي بعت نفسي ليأسي ضعت ومشيوا عكسي رجعت مطفي وكله كان مستني هلسي
الضحك اتحوِل لو تركاتي بتكإتب حول
هنا مفيش يهون ايدي بتكتب ربع من اللي فيا إتكوِم

انا بخاف مـ العالم ، ماليش خروج مـ الأوضه
صقفة للفنانه خدتني فـ الرجلين بروڤاا
وانا B-Nova , مابتكسِرش لكِني بحزّن
لحن ، مزيكتي أحن منكوا واحسن...

بوح | Basaam B-Nova

سنوب ار.سي (رابر/مؤلف)
بسام محسن او المعروف بـ"سنوب ار.سي" رابر من حوالي 6 او 7 سنين .. 
تابع لعلامة التسجيل ار.سي فاميلي المكونه من 13 واحد ..
 خريج كلية الاعلام قسم انجليزي/ جامعة القاهره 
من شبرا مصر ♥ 
#ana_RC

Lw einek shayfa||لو عينيك شايفة - RC (Kaiser, Bassam) #ana_RC

Snoop RC- سنوب