كشغرة

 الراس - خيط الدم // موسيقى ألغام تحت بروكلين

El Rass - Bloodline (Prod. Mines under Brooklyn)

happy

"كلها كلها قلها كلا "

@el-rass-the-head كلها كلها - الراس
Chyno إنتاج و هندسة صوت : نصر شربجي 
تنفيذ و أداء و كتابة:  الراس

"من ألبوم "الضالين

@GheirQissa بالتعاون مع

"The Whole Thing" - El Rass
Produced and Mixed by Nasser "Chyno" Shorbaji
Performed and Written by El Rass

From the album " #El_Dahleen "

Mastered by Lopazz at Mixmastering, Germany

Artwork by: Ahmad Tarek (www.instagram.com/tycho23)

--------------------------------------------------------------------------------------------
:الكلمات

ما بحكي باسم حدا بطلع بس من ياللي ببالي
ما بنطق عن الهوا هي من عقلي مش خيالي
ما بتلقم الراي ماني دابة ماني الة ماني ظاهرة ماني حالة
اكبر من كل خانة
بتفرض عليي السؤال بحول سؤالك سؤالي
 وبجاوب عحالي
ليش بحسب ولاءك رءاسي وحكومي ونيابي
فيك ترجع من سوريا شهيد وفيك ترجع جثة ارهابي؟
مين بيبعت ذخيرة وبطيزها دغري كاميرا
نكتة سمجة صورتنا ماننا سكسي الا اذا دمي غمرها
هشتاغ حجاب هشتاغ جهاد
 نحن اشباه اجساد اوجاعنا حاجات شاشات تيدور استهلاك
بس بعدني عم اشكيلك ليك
ليش الدبح عالتكبير اقسى عليك
 من عتمة زنازين من غزوة براميل
الفرق بالاخراج اكلتلك راسك هوليوود
 بلعتلك عينيك
طب كيف في دول بتمول دولتنا من ميل
 ومن نفس الاموال بتعبي
 جيب جمعيات بتربي الناس عانتماء بيناقض كل فكرة لبنان
دخلك شو فكرة لبنان؟
 ارزة او انسان؟
ومنين بجبلك عنفوان وشموخ
 اذا ما موعود غير بفلوكة كاوتشوك
بزعران كلبشوني
يقبشوني عضلات وطن هني بس اوطاننا مجنونة
في لحية امنية ولحية تهديد امني
معتدل اذا غني
في زيت وسمنة
لتسليك الخازوق انواع للدهون
مذاهب بتتميز بالضحك عالدقون
بيتقاسموا الادوار يوم انا فرعون يوم انا المظلوم
 وتدوم وتدوم وتدوم وتدور وتدور
والبيموتوا شبه بعضن  هون هونيك
 والبيعبوا كروشن نفسهم هون ومن هونيك
لازم تخلق محظوظ حتى تظلك سمباتيك

 لداعش لاخواتها للطوايف كلها كلا
 بيتاجروا بالتاويل والحقيقة نحن كلها
للمحتل قد ما طول النا الارض كلها 
لنصابين السلطة واحزابن كلها
كلها كلها قلها كلا
بدنا نصير بدنا نتعلم بدنا نحب بدنا نتسلى
بدنا نطير بدنا نتجادل بدنا نشبع ونتحلى
بدنا نرفض دون خوف بدنا نبدع ونتجلى
الوفي بينقد وطن بالعقل متسلح
ما تغرك المظاهر مسّيح الجوخ تخلى

مين بيركض صوب الموت غير الميت؟
فلا تسال ليش قتلنا مين قاتله ؟
اذا الظلم خطف روحه وحرمانه ربى جنونه
اذا اسود علم داعش متل الاسود تحت عيونه
اذا الدم اللي عالشاشة لحقه عتخته بمنامه
وقديش الشيخ بيقبض عالحماسية بكلامه
نحن بنكره الغرب ولا الغرب اللي غزانا 
كيف اللي حرق فرحنا بده يشاركنا بعزانا
كيف بتحارب الارهاب اذا بتقسم الناس
بيءة حاضنة بيءة خايفة واشرف ناس 
نصيحة حطها حلقة 
الهوية مسلسل ومن نصك ناقص حلقة
اذا الوطن باوجاعي ما بيعترف
الغربة رح احترف
وسهل الغربة بالاوطان تقلب عنف

Kulla Kulla - El Rass // كلها كلها - الراس

Lyrics & Vocals By El Rass
Production By Munma
Photo By Wajdi Elian


أنا راء ألف سين أنا رغبة ألم سرّ أنا لسان التنين أنا عبد الحق الحرّ أنا مش كافر أنا طافر أنا ميم بسورة غافر أنا مدمن معنى الفكرة أنا سمكة حسن الشاطر أنا مش أنا أنا غيري أنا راهب أنا متصوف غارة غيرة بتنسف ديري أنا صوت سعلة مسلول أنا سوسة بصحن الفول أنا عكس الكول أنا فحص البول بعمله نص البول/أنا عائد إلى حيفا أنا مسافر عن عطول/أنا اللي قتلت الحنش لما  سنه بصدري خدش/ أنا مش تبع الاوتوبيس/ عبد المنعم مدبول/أنا إشي أنا شيّ أنا شي/ التشي سيجاره الكوبي أنا بصابيعي حاشيه/حاشاني قول أنا/أنا شقائق النعمان مش أحلام أبو الهنا/أنا منتحر متفائل/استشهادي الإرادة بس علجنة مني سائل/دمعي من البصل سائل/أنا المجرم الفاشل/أنا  هيبي عخط النار/أنا تكنو بقندهار/أنا اللي لمات عوينات عمر المختار/ أنا أصيع إبن بار/أنا أرضى ولد عاق/أنا جسمي حبس مؤبد/وأنفاسي عمل شاق/أنا فلو ألطاي تدفق الفرعي ورشاشات مقاطعة/أنا بسمة بوج الموت/ أنا نكتة بنص الفاجعة/أنا كاشف سر العادة/لنسف العادي بالمراجعة/أنا عاشق في الصلاة وخاشع في المضاجعة/أنا سنّي من الروافض/أنا شيعي من النواصب/أنا ميكس بين أبو بكر وعلي بن ابي طالب/أنا منشق عن النظام أنا النظام بالانشقاق/إذا في البدء كلمة سميني الاشتقاق/أنا معترف بالواقع/بس معتمد علسامع/أنا محترف بالطابق السابع/أنا البواب/أنا مخترق لصوت المدافع/أنا السحاب/أنا كاشف العورات/ثائر ناقد للثورات/أنا حافظ رأس المال والانجيل والتورات/أنا مسلم للإله مش مسلّم لعباده/أنا كاره للإكراه ولو كانت حمرا السجادة/أنا حبل عرقبة مرت ابو لهب (الأسد)/أنا حفّار القبور دافن حرير ودهب.

بعبع ببؤبؤ العين كنت أحمر/تكتك ففكفكه المخ صرت أخطر/صفصف بنهزهز/جرجع بنمزمز/طقطق بنفزفز بتسخّف بنجهبذ/بتفجّر الأطفال/بنفجر براكين/إنت واو راء ميم أنا راء ألف سين/

الرأس و مونما -  16 (أنا مش أنا) تحية

تراك مسجل من أشهر قبل الثورة، نزلته اليوم ميشان مع التراك الجديد نقيس الفرق

فيه ياللي بيحسب سعرات تيسهر الليلة
فيه ياللي بيحسب أسعار تما يجوع بكرة
فيه ياللي محارب الغابة تتاكل العيلة
فيه ياللي بينقذ أشجار وبيعبط البقرة
فيه ياللي بيزعل عالخروف بيذرف الدمعة
وفيه ياللي بيحتفل باللحمة بيشكها بشمعة
مش قلبن الأقسى بطنن الأفضى
مش خطيئة آدم جوعه نجح الأفعى
هون الدخان رخيص سد جوعك بتدخين
هون سرطان المحرومين شيف بمطبخ الولعة
أسامينا عالمينيو اللبنة صارت بسبعة
مصارينا بالفينيو وما رح ننطر الدفعة
تتأخر ح نحلبها لانه ما حدا بيحمينها
الملايكة هون بنصلبها بنسلبها يقينها بالحق
واذا حكينا بنتسبدل كلمة السعر بالحق
واذا حلمنا بنستعجل قصير النفس عالكبت
بنبيع الولد للكلب بضيع الجهد للكب
بيظل الندم والندب
بحارة كل مين ايده إله بطّل حدا يمد يد
يا للغم يا للغد
هي حرب كل يوم
ناوي راسي يظلوا عالي وناسي بمأمن
بضلوعنا طلعنا فوق الجوع اسآل ال"مكمن"
تم كبير وايد قصيرة عصر الفقمة
متاهة استهلاك كبيرة 
ما في ربح بالآخير


أنا صيام ببلاد الباكمان

ظلوا يقولوا على الله كل مظلوم وإله الله
جوع حروب وعلى الله
عيش مهزوم ومن الله نحط ذنوبنا على الله
بركي نتوب وعلى الله
نجيب النور وهرم يخور بركي نكون وعلى الله

ظلوا يقولوا على الله
والحاكم ما إله الله بركي نطوله من الله
هيدا سكوت ما إله الله
بركي نتوب وعلى الله
نشيل ذنوبنا عن الله
نجيب النور وهرم يخور بركي نصير وعلى الله

اعطيني خبز ربطة وقنينة بيبسي
لاني ناوي حاسب ولا سلم نفسي
انا رجل غااانغ ديلر تشيبسي
تشك تشك بانغ بانغ جاهزين للكبسة
بيقرط طيارات ما بيشلح تاكسي
سارق وزارات بده يقاضي الجوع
متل الكهربا عليك خمسين خط مقطوع
عليه ملايين رح يعطوا عالثقة للأبد مهلة
شلحوني أرضي مرضولي أهلي
مارادونا ايدي معي يد الله
واللي جاع بايمان ما عايده الله
واللي معن سلطة معاً يدلّون
إنه في قانون على ضهورنا سرج حتى يركبوا
إنه الذكا تحالف قاتل أبوك
بدك مزيد؟ حارب فساد حتى يرشوك
عندك مشروع؟ سلم قيم هيدا تابو
باب الوزير؟ لا فض فوك
هيدا النظام لو نظفوه ما بيبقى فيه كرسي واقف
هيدا النظام سالخنا ضبوط مال مسروق والشرطي مخالف
والأمن أمن للي معه التمن تنافس عخدمة تجار
بنولنا خصم صنم من وهم صفونا عالداير من دار
تينفس غضبنا بالرجم وتعور رفقاتنا الحجار

الراس - على الله | مارادونا

انتاج المنقرش (Produced by dub Snakkr)

"هذا هو اليوم الذي صنعه الرب، فلنفرح ولنتهلل، نتهلل به"

خلي مدننا تفرح قوم رقص الشهيد
حزني عالإيقاع بدبح كأنه خروف العيد
الليلة غني الأوف وبكرا منرمي مولوتوف
كاس عرق وإذا كنت متدين مافي فرق
فودكا حلال اسم الدرينك "سلفوف"
سلطن عالموسيقى هز حلحل المفاصل
فاصل ونعود للمعارك والحدود
أوعك تنسى أننا بالنهاية نوع قرود
سرود عبرود كل العمر مش مقبول
بس البوز إذا بيطول معقول تصير كلب
ويصير العقل شبيه بالغول
مش عم أحكيك عن ال"كول" عم أحكيك عن تخطيط مسؤول
إذا الغضب والتحليل بيطول
بدون إستراحة للعقول بينعكس المفعول
الفلاح بيعرف لما الأرض بدها راحة
والراس بلا قلب بينفجر للصراحة
شوف الزار بالتحرير حتى من قبل الإطاحة
شوف دبكة دير الزور عطبول بالساحة
كون درويش حور دور طير فوق السور
لازم ترتفع حتى تكشف المساحة
الناس عم بتموت والراس بده يانا نهز الخصر عالتابوت
كتير "إيغويست" مش معقول شو هالوقاحة
مدام ما دام دم الشهيد سال كرمال يضله
الراس مرفوع يرسموا الأطفال ألوان
موال سجل موقف قطشناله من زمان
ناويين ننتصر فمنخطط بإتقان
أنصت للقرآن
ما تخلي قلبك حجر خلي المي تنفجر
حتى بموسم الربيع تقدر تشرب مي زهر
اجتهد كل الشهر وبس يكتمل البدر
اخطف الفرح غدر وبالغصب عن القهر
خلي القمر ينبهر من الضو بعيونك

هور يابو الهوارة\ تحيا الثورة وأحرارها
ناس بتبكي لترتاح\ وناس بترقص من نارها

فرحي فواشة تعا بحر الموت عوم
عم أفطر عالموسيقى تعن قهر البوط صوم تعا سحور الثورة قوم
تعا بذور الصبح هون
كان نشف عبد الناصر لولا ميّة أم كلثوم
عربش على شجرة تفاح وطي بنطلون فنتر عوجه البوم
زمن مشؤوم بس الأسود معلوم لما درسته للظلام صرت اكتشف الوان بصندوق مختوم
رقص نوبي قبل ما يغرقهم بسد أسوان
قميص عثمان صار بده كوي يا مان
آخر الدواء كل ما عليها فان
بلبنان عنده مذهب الفان قواد فنان
حلولهم سوداء متل كوب كوفي عنان
ضلوا الأخضر والأفيون للشعوب
منوم اجتماعي شغل السعودية وإيران
بفضل زرع أرضي بالإقناع
داعبها بخبطة الرجلين عالإيقاع
ما رجع الشهيد لما غنيناله ارجاع
الحداد إعداد للعودة للحياة بس كترة السواد عملتنا للموت عباد
الحداد إعداد للعودة للحياة بس كترة السواد عملتنا للموت عباد

فوش\Foosh -  الراس

Prod. Al Darwish
Guitar\Synth: @mme-chandelier 
Mixing and Mastering. El Rass
Art work and design. Sedki Alimam

11 - بدي | Beddi ft. MMe Chandelier

المزاج :
https://www.facebook.com/profile.php?id=100011368405907

إنتاج غيث بدران : https://www.facebook.com/profile.php?id=100010103954520

بوستر : محمد رضوان
https://www.facebook.com/mhd.robben

ميكسينغ و ماسترينغ : بلال
https://www.facebook.com/bilal.derky.9
النص :

ماني ضايع من لما لقيت حالي
الأرض باردة ف بعد الفلق ف مشيت حافي
أحلامي عريضة.. و رفيع لحافي
فما تقلي مدمد شي انا خلقة مطول بالي
داق خلقي و انا برر أسباب اعتكافي
قال أن انا المزبوط و انتو ما ركبتو ع راسي
ف عطيتكن وج ركبتو ع راسي
كيفنا بلله؟
ع راسنا ريشة نحنا .. خير الخلق لما كل الخلق تكفر ب الله
من اليوم و رايح ح ضلني مغمض خلص
صوتي ما عاد يعلى و خصوصي بوجه الغلط
هه عايشين بغلط
علمياً الأرض ح تكون ع شكل مؤخرة
هه عايشين بخرا
فعلياً صعب توصف ال عم يصير بلا قلة أدب
هه ف حلّا بقا

الجورة وسعت.. الوسخ طما
العرصا ربح خلص طبطب ع كتفو طمن
ضابب صوتي تحت بلاطة ضامن الله تحت باطو
ف بطاطي ليلزق راسي بالرمل فكرة ما حطت لقمة بالصحن أحسن نبّت بطاطا

انغشينا بالحنين طلع الوطن عبارة
مانا وطني الأرض ال قدرت عليي و ما قدرت لعرصاتا
حل عن طيزي بقوميتك.. وطني مطرح ال ما بخاف
و أرضي أمي اللي ما بخافا
بعدني ناطر بالغصب
صابر بالعجب
قلي مالك بالطويلة تعا خبرك هالحلم
قال كنت عايش بالقصر
حاسس بالندل كأن خادم وقت اعرق يغسل عني بمازهر
حاطط دمي و صافن
ناطر شرا من غيمة.. عاصر دمي بالسطل
كل شي غبش غطا محاولات الشمس
مستغرب من كل الضجة يلي براسي رغم الصمت
حاصروني كني دبيحة الشاطر يسرق شي فخد
صرت أركد و أنزف و أضحك كلو مع بعض
و فقت!
عقل باطن اختصر كزا سنة بهالعرض
عطاني أمل عاد جرني عالأرض زخرفني عطب
كنت شايف كل شي صح ل أجا الكف
علمني أنطق صح و فكر صح
ماعندي مطالب مديت ايدي ما طالت
عطيتيني مجال و وقفتيلي عالحرف
حظي تمدمد و لحافي قصير
حبل مشنقتي مو فاضي حاطط عليه الغسيل
شاطف راسي من بكير
معلق خمس آيات كذب و بروازين فاضيين
شفت حية عم تبكي نعامة عم تطير
ووعود من حكومات لشعوب بالأحسن
و بيوت و معالق دهب بتتوزع عكل فقير
و الله بطل حاطط حطانا و فل من سنين
و صرنا نمرق عالحواجز بدون وراق
و ابليس عمل تسوية وضع و الوضع رواق
أرضنا اللي راحت رجعت و رجعت راحت
خضرا يا بلادي و شرعولنا الحكي
كل اللي فلو عادو و انت ما كنتي تستحي
لسا شي وصلت هتيتيني قلتي رايحة
هه يطعمك الحج و الناس نازحة
هي مو نكتة هاد الوضع ما الوضع نكتة بايخة
اسمي عم يحكني طيزي كبيرة صايرة
مو هاد المطلوب لاقدر اتأقلم بالدايرة
يلي سميتيها نحنا
يلي كل ما نفكر حالنا رجعنا منطلع لاء رحنا؟
كنت ناسي اني هون و كنت شايف كل شي غلط..
لأجا خرا
فيقني قلي تعا
طمشني قلي اكتبلي
عطشني قلي ابزقلي
عصبني قمت قمت قلت خلص ماني شايف بس بعرف اني متت
بلحظة اللي وقعت
ساعتي بإيدي بس ما عم حس بالوقت
تلتين نهاري مو الي ف عبد انا عبد
ف تعبت انا تعبت
حسيت بأهلي كلن على كتافي 
و بكي بكي
شديت حيلي قلت عيب اوقع و انا أصلاً تحت
تنحت.. بلكي الفلك معي؟
امبارح كلو خرا بس بلكي بكرا فرق معي!!
الدفع اليوم و الدين ممنوع 
العتب ع قد المحبة طول ما الدم عالكوع

محاولات|المزاج|| mazaj_muhawalat||prod by: ghaith bdran

إيقاع | السيد درويش و وتر

سكة عرجة، مضرج بدم ال"آخر" لأنها لذة "أخرى"
غزة أختها: نفس اللقيط واقف عالزيق، حرس حدودي خزّيق على الروسي عزّيف
"طاخ" باخ" كله نفسه  وكله أرشيف
الواحد محير خمسين ملة وتعريف
مختلف معك عالفحوى فما رح ناقش بالتحريف
ما فتوى الإيلاج من الأذن بقصد التنظيف؟
تجديف!؟ أكيد هي التهمة بتلبقي، خلي براسك
يتيم صعب يعمل سلم أهلي
شلت سطلي عالنبعة وكنا سبعة
أنا وحمص وقانا وداريا وصبرا وشاتيلا وشبعا!
عم تاكلك الضبعة لأنك تاجرت بالرجعة
طز لما تغرق القارب وتشوف الثورة بدعة
مناضل خدعة، خدله خزعة، ورم خبيث متله متل خدام ورفعت
إزحط.....

منشق ومدروز سابقاً
كما لوحظ شقه مرات عديدة وتدريزه مرات أخرى عديدة
وشنق نفسه خمس مرات في غرفته بخمس أفكار سديدة

حديدة رديئة الصنع، تاريخك ملزق بالصمغ
قوات الردع استعمار باسم النخوة
ايديك عالرشاش رخوة
عزيزي المستمع طبقنا اليومي عدو مشوي
هو نكرة أي لا تطلب تعريفه، شعار المرحلة وظيفي
لا تعتبره مبدأ وبالشأن السوري تغرق لأنها مو نصيحة
قبل ما تمدهن شمهن ريحة إيديك كتير قبيحة.

عشت وأنا عبي دمي بالطشط
لأني وقت حقي بصير هردبشت
قد ما رح تحكي لغات بالحمصي بتضلك "بوشت"
كثافة إنتاج سوء توزيع صلعة ومشط.. دفة
عم حس بخفة! بخفي حنين رجعت عم عبي الوجع بالقفة
عم قفي نثر أجسادهن من بيتي لاطراف الحفة
من التيتة ليما الضفة..... صعب لما تعرف أنه الحكي ما بيكفي!

كفي أحياناً بترجف بس ما بتصافح.. وصارت
في كراسي طارت هالحبل عالجرار مرابط
كلشي بحسابه العدس بترابه زابط
انسى كلامي في صبية فوق عم بتغني ساقط
ضابط وجهك بوجهين فبغشك مرتين
مرة ب"بوطي" ومرة ب"بوتين"
بيكفي تسألني الثورة لمين، رح أضرب حالي برجلي إذا ابني بينسى فلسطين.
أنا بنسف طور سنين، منسف صحيح بس محرّف.
خرّف لبس توب النعجة فكر حاله اتصوّف
اتمسك بحبل الله لما الكل عوّف
عرجعة الإيمان طلع صرح واتخوّف.
أجوف، طبل. ناس ومي وسطل.. شطفة صغيرة للإسطبل
براسي انهي السلطة بشي تحديد للنسل، تجويد سورة النمل
تحطيم قصور أبي جهل. شعوب بلشت تصحى
تفريق النص عن النصل، وهابي سلفي أوبعثي بيشوّه الصورة الأصل
لقد تم اكتشاف العطل... قبطان راكب، عطيار راكد على حصان، بيعشق كرّة..
بتعشق بغل!

تداعي حر | السيّد درويش

Written & performed by @sootgilgamesh
Produced, mixed & mastered by @jundimajhulwatar
Artwork by @7oari

الكلمات

ما في شي احدثك عنو 
بسال كيفك؟ انا كويس ماشي الحال 
هيو في الخزانة معلق قميصك
و على ايدي رابط منك خلخال 
بحسك محال ... شو هالفال ما؟
نكبر  احلامنا تركض قدامنا 
بعدك بلشت اصدق كارما
بقلها بديش انسى، بترد ما في شي كان
هان! عشوي بفتح دكان 
براسي ضابب الك مكان
 وقفي جنان
بكرهك لما تضلي عطول بالبال
و بكره اني اكره اعطيكي هالقد اهتمام!
بس سيبك هادا كلو كلام 
ولما كل شي يقلب سيئ بضل تمام
سيبك كان النا اشياء حلوة بالماضي 
 بهاي الدنيا ولا عمرو شي دام 
و يمكن الظاهر مش زي المخبى 
قلبي ولد شقي ما عرف يتربى 
بضل برغي و اكتب بلكي يتتزبط 
عبث في بحر هواكي قلب قرصان
شعرك ذهب .. راسك خربان
فش حل الك بالزبط زي لبنان
حبك بتعب.. فكرت اني نسيان 
طلعت ملبسك السما براسي فستان

درت بلاد الله ما لقيت مكان 
بعدني حاسس ببرد الشام 
الشوارع علمتني كيف احب 
بيتنا اعطاني اول درس بالهجران 

بدهم يانا وحوش.. ضليت انسان 
الحب نصري المتواضع عالسجان 
حكاها وليد ابو دقة في الزنزانة 
بعد ٢٥ سنة اعتقال بسجون الاحتلال
و هيني ثابت نفس الموال 
بغنيكي بعقلي عنفس المقام 
اتضلي بعيدة و انا اضل رحال 
تسعتلاف ميل بيناتنا وانا بعدني علقان

درت بلاد الله ما لقيت مكان 
بعدني حاسس ببرد الشام 
الشوارع علمتني كيف احب 
بيتنا اعطاني اول درس بالهجران

Ma L2et Mkan - ما لقيت مكان

Soot Gilgamesh | صوت جلجامش

Recent comments

ع

ع

ع

ع

Related tracks