بيحب كل الفصول .. 
صيف او شتاء ..
في المنطق المعقول .. 
ايامه متثبه ..

معزول عن العالم .. 
وعن نفسه ..
بيَنتصر لـ رمل الطريق .. 
وبينافسه ..

علي مين الدنيا هتطيره .. 
اسرع ..
علي مين الدوسه هتخليه .. 
افظع ..

علي مين مساحته اصغر .. 
ومتداري ..
علي مين بياخد كل يوم .. 
شكل انهياري ..

وبينكمش وبيحتمي ..
وبينتمي .. 
لـ رمل الطريق .. اكتر من التاني ..

رمل الطريق - احمد ضيف

Ahmed Attia on facebook: https://www.facebook.com/PoetAhmedAttia




ابراهيم

خلاص مش راضية تضحكلك
أيوة كئيبة ومتعبة.
مين اللي بيقول غير كده؟
مين اللي بيقول إنه قادر، منها يسرق فرحته ؟!
.
نفس السؤال بيدور فـ بالي،
كم باب فيومي بيتقفل؟
ماتقولش بكرة هاتتعدل،
بكرة حكاياته كلها، الموت كاتبها فـ قسمته
.
حتى الأمل من حالي مل،
وسابلي يأسي يهدني.
وكل ماحلم باللي جاي،
الخوف لتحت يشدني.
حتي حكاياتي اللي ابتدت حلوة،
مش باقي منها غير كلام.
وكل مابدأ سكتي بفكرة،
خط النهاية يترسم قبل الأوان

احمد

ممكن تكون فـ الصف واقف،
واللي ابتدي بعدك وصل.
ممكن تكون مش راضية تضحك،
بس أنت جربت تبتسم
خلي البداية تبقي ضحكة،
ملامحها سابقة خطوتك.
دور فـ نفسك ها تلاقيك،
عنوان بيوصف سكتك.
مهما يكون صعب الطريق،
ماتقولش كلمة للأسف.
كمل جنون يمكن تكون،
قرب توصل للهدف.
سر السعادة كلمتين،
موجود مابين صبر و رضا.
لسه ماجاش اليوم صحيح،
بس البداية مُبشرة

A Promising Beginning

That’s it--it’s unwilling to laugh for you
Yes--it’s depressing and exhausting
Who says otherwise?
Who says that he’s capable of stealing his happiness from it?

The same question runs through my mind
How many doors shut for me in a day?
Don’t say tomorrow will be better
All the stories of tomorrow--death is written in his destiny

Even hope gave up on me
And left me in my desperation to consume me
And every time I dream of what’s to come
Fear pulls me down
Even my stories that started out beautiful
Are nothing but words left behind
Every time I start following a new path
The finish line is drawn prematurely


You could be standing in line
And the person behind you arrives first
She could be unwilling to laugh for you
But you tried to smile
Let it start with a giggle
Its characteristics will precede your next steps
Search inside yourself and you’ll find
A map that describes your path
No matter how difficult your journey
Don’t say sorry
Continue the insanity
You may come close to reaching your goal 
The secret of happiness exists between two words
Patience and satisfaction
The right time has yet to come
But it’s a promising beginning


Ahmed Attia X Ibrahim Farouk - Bedaya Mobashera | احمد عطية و ابراهيم فاروق - بداية مبشًرة

Abdulrahman Mohammed & Mohab Omar - asabak 3eshq عبد الرحمن محمد و مهاب عمر - اصابك عشق

كلمات : عمرو حسن
الحان: يحى نديم
توزيع : حمادة نبيل
غناء : عمدان النور

كان بلياتشو متخصص .. يموت قدّامها تضحكله
وكان عارف بيبني إزاي .. ملامح ضحكة على شكله
كان بلياتشو متخصص .. يموت قدّامها تضحكله
وكان عارف بيبني إزاي .. ملامح ضحكة على شكله
وقف ع الكرسي قدامها .. وشد المشنقة بإديه
وهو لأنه بلياتشو .. مقالشي هو نفسه في إيه
ده كان لما يشوف دمعة .. يروح ويشيلها في المونتاج
وكان لو يوم يعوز ضحكة .. يقوم يرسمها بالمكياج
ده كان لما يشوف دمعة .. يروح ويشيلها في المونتاج
وكان لو يوم يعوز ضحكة .. يقوم يرسمها بالمكياج
وقف ع الكرسي قدامها .. وشد المشنقة بإيديه
وجه واحد وقال .. وقّف !! .. وضحكوا الناس على الإفّيه
فضل يضحك على نفسه .. ومش عارف بيضحك ليه ؟!

كان بلياتشو متخصص .. يموت قدّامها تضحكله
وكان عارف بيبني إزاي .. ملامح ضحكة على شكله
كان بلياتشو متخصص .. يموت قدّامها تضحكله
وكان عارف بيبني إزاي .. ملامح ضحكة على شكله
وقف على كرسي قدامها .. وشد المشنقة بإيديه
دخل بدماغه في الحلقة .. وشدوا الكرسي من تحتيه
وهو لأنه بلياتشو .. مقالشي هو نفسه في إيه
وف المرادي تحديداً .. مجاش واحد كما العادة
في اخر لحظة قال .. وقّف !!

وبص في عينها وقت الموت .. تخيل وقتها شاف إيه ؟!
لقاها واقفة بتسقف .. مع الجمهور على الإفيه !!
ده كان بلياتشو متخصص .. [مقالشي هو نفسه في إيه]
وكان عارف بيبني إزاي .. [ملامح ضحكة أو إفيه]
كان بلياتشو متخصص .. [وراح مع دوشة السوكسيه]

El - Belyatsho - البلياتشو By GazagaBand - عمدان النور

Reaching

رسائل ما قبل الموت

ب اكسر فى قلبي كل يوم حبة وجع
واعمل جدع
واضحك ف وش الجرح واتريق عليه
ب ادفن بكايا بالبطئ
وبلم دمعي م الطريق 
واتداوا بيه
عرفت ان المشكلة مش ف الدموع
وان الرجوع لاى راح اصلا سخف
انا لسه بافهم للاسف
وهاكون مواظب ع الجاي بدون بكا

ب اكسر فى قلبي كل يوم حبة وجع

Facebook Account : https://www.facebook.com/profile.php?id=100009361705490

Facebook Page : www.facebook.com/Abdlrhman-Ghonei…163217057669316/

Yuotube Channel : www.youtube.com/channel/UCvKabVAw…iew_as=subscriber

.........................................................................

Lyrics

مبدئياً
اعتذاري للأماكن 
اللي لسه مروحتهاش 
اعتذاري للقهاوي 
اللي معرفتش طريقها 
اعتذاري للسيجارة 
اللي دابت في القماش 
واعتذار لإسكندرية 
عن كام ديسمبر مروا بيا 
ونسيت افوت ك العابرين 
واعتذاري ليكي جدا 
عن كل شئ بين البينين 
عن قلب متعلق وحيد 
وكادو اتنسي من كتر ما اتجرَّح 
عن كل شئ كان مهم 
بالنسبة ليكي 
عن حضن مسروق في الترام 
عن صمت متتبع كلام 
وعن نظرة حلوة في الزحام 
انا بعتذر عن كل شبر غرقت فيه 
عن كل ماضي حاولتي بيا ترجعيه 
وفشلتي بيا في ذكريات كانت تعادي ١٠٠ وطن 
عن كل ودن في سماعاتي 
جعلت في روحك شئ جديد 
عن شرخ يمكن جوا قلبي 
لكنه ظاهر في الإزاز 
عن كسر في صميم الأغاني 
بيبان في لقطة من الفراق 
عن أيام فاتت من وقت 
وبعيد إحياءها في خيالي 
وأكتشف ان جروح الماضي 
هحصدها هموم في المستقبل 
والخمرة بتسكر في الأفراح 
لكن جوا الليل بتبكي
بشربها لوحدي ليلاتي 
وأبات مغلوب بصبح غالب 
ومع أول رشفة من القهوة 
بكتشف ان رقم افراحي 
كان بالسالب 
الدنيا مقابر 
اكتر ماهي بار 
واللي عندي بقا سابق اي نهار 
محجوز في اطار 
جوا الامطار 
وبحب ديسمبر من فترة 
بعشق صوته 
ومدمن ريحته 
وبحب كمان لحظات الشوق 
اللي في قلبه 
انما في الصيف برجع عادي 
وبحب جديد 
وبزور علاقات اكتر ما بزور 
دفتر شعري 
ببنيلها بيوت تقريبا 
في السابع من يوليو 
وأرجع أهدمها في نوفمبر 
ويجي ديسمبر 
ف أبني الأبيات 
هديت في بيوت وبنيت أبيات 
وعشقت حاجات وكرهت حاجات 
وأنفخ بلالين وأكسر في بنات 
وأفزع نايمين وأهدم لذات 
وبعيد احياء الماضي كتاب 
من بعد ما مات 
هل دي الحكايات اللي كانت 
جدتي بتقولها ليا عشان انام 
هل دي الروايات اللي في درجي 
جنب شرايط مكي وأنغام 
وأديني عرفت كويس 
فرق الحواديت م الروايات 
كبرنا يا صاحبي 
والشيب اتمسك في هدومنا 
قبل هدوم مواليد السبعين 
والجاكيت الصوف اللي عليك ده 
تبت في جواكت بعض بنات 
اكتر ما اتمسك بدولابك 
أصبحت أملك كوم 
من لمسات لبنات في كتافي 
بمشي في طريق الشوق حافي 
مع انه ازاز 
ببني قوافي 
وأهدم في نشاز 
وبنات الماضي مطاوعني 
لكني بخاف ارجع تاني 
بعشق جدا 
مشيي لقدام 
وأدخل علاقات 
لسه معرفتش مضمونها 
او ايه لونها 
أو مين مش قادر يحضنها 
ويكون منَّها ويصونها 
مش أنا ذاك الشخص الولهان 
يا صديقي أنا بدخل علاقاتي 
علشان أتساب 
علشان يتقال ان انا مهزوم 
وعلي فكرة ده مش عيب
أنا واحد حبيت حبيت الأحزان 
طب ما أنا لو مدخلتش علاقات 
هكتب عن مين 
وازاي هتحول شخص حزين 
وانا مش متساب 
وبعد ما تخلص فترة حزني 
برجع وبخبط ع الأبواب 
ويصادف حظي فراق 
وتيجي وتخلص زي ما تخلص 
يا أتساب مجني يا هسيب جاني 
اديتها شروطي واهي وافقت 
ويوم ما أتركها 
هتعود وتلومني علي خيانتي 
أنا مش قولت شروطي يا بنتي 
وصحيت تاني يوم بسمع مبروك 
وانتي يا حلوة اساسا عارفة 
ان انا جاي م الأول متروك 
أنا عادتي كده 
لازم آجي وآخد تاري 
وأنا عارف انك مغلطتيش 
ده غلط غيرك 
بس اعذريني 
كنت نايم بفتكرها 
جت عليا ...
جيت مكسر ألف غيرها 
مش هعيش مخنوق بصوتها 
مش هكون منصف في موتها 
يوم ما تيجي الفرصة ،هقتل 
يوم ما كنت معدي صدفة من شارعها 
شوفتها في نفس المكان 
اللي كنا فيه سوا 
وأما بصتلي ببراءة 
طير الشعر الهوا 
شوفت فيها ٥ سنين 
اتسرسبوا من عمري راحوا 
٥ سنين 
صحوا للواحد جراحه 
ولقيتها في ايد واحد تاني 
نفس النظرة ،نفس الوقفة 
لما بتفرح ،نفس السقفة 
اهي قتلتني
واهو ده مكفاش 
جت وسابتني 
كملت الدور واتمادت ثم خانتني 
ليه مقتلهاش ؟
علي فكرة 
انا لو قولت بحب 
هكون غشاش 
وهكون كداب 
ف اعذريني 
كان لازم أسيب اكتر ما اتساب 
أنا كبري ميسمحليش 
أتأمل نفسي في مرايتي 
وأشوفني حزين 
أو اكون منهار 
ف اعتذاري للبنات 
اللي كُسِروا بفعل قلبي 
واعتذاري للسجاير 
اللي داقت طعم نار 
واعتذاري للقهاوي 
اللي في وَضَح النهار 
واعتذاري لإيدي طبعا 
اللي عرفت لون سجايري 
قبل ما تعرف بنات
واعتذاري لقلبي جدا 
اللي داق طعم الهزيمة 
قبل ما يدوق الهزار 
واعتذاري لعقلي اللي 
من كتر المقارنات السخيفة 
كان علي وشك انتحار 
واعتذاري لصدري ممكن 
بعد كل نفس سيجار 
والأكيد بعد الكلام ده 
هو انا 
انا غير جدير بالإعتذار

غير جدير بالإعتذار - عبدالرحمن غنيم

حصريا اغنية لمين الفل - احمد بدوي & وسام2019

كلمات و لحن /    أمير يوسف 
غناء / أمير يوسف

زيّ زيك - Mega Fm - Ameer Youssef

"حواديت العالم خلصت يا زينه"

قبل النهايه بيوم

المزيكا حياة ♥
"ده عينيكي شبابيك أغاني .. بَطُل منها و بشوف"

Abdulrahman Mohammed & Mohab Omar - asabak 3eshq عبد الرحمن محمد و مهاب عمر - اصابك عشق

Soska Nabil