Note: https://www.facebook.com/notes/junno-mars/new-song-katabiang-kanta-nating-dalawa/10154397314780021

Katabi (Ang kanta nating dalawa)

by: Junno (4:30 AM 11/11/2015)
Nagsimula ang lahat nung ako’y bumanat
Sa kaibigang tapat, “Oi ----- pa-reto ka naman”
Sabi ko, “Wag yung tanga. Yung seksi’t maganda”
Sabi niya, “Sige may kaibigan akong ganyan”
Kaya kami’y dumalo, isang salu-salo, at sa may dulo
May babaeng nakaputi
At doon siya pinakilala, “Si ----- nga pala”

Chorus 1:
Minsan sa buhay na ito
May taong darating sa iyong mundo
Bibigyan ka niya ng kaligayahan
Alaalang hindi malilimutan
At pagkagising sa umaga
Katabi mo siya

Ilang araw ang dumaan, gumawa ng dahilan
Meron lang pupuntahan diyan sa may España
Sabi ko, “Pwede bang patambay naman
Kahit saglit lang”, pumayag naman siya
At sa sobrang kaba, ako’y namumutla
Kaya ang sabi niya, “Uy kumain ka na ba?”

At doon nagsimulang magsama
Style kong bulok, pasok pala
Kadalasan walang pera, pero ok lang naman
Walang kwentang dahilan para lang magkasama
Ganun lang ay  masaya na
Kaya pag minsan siya’y tulog, tinititigan ko lang siya
“Wag ka sanang mawala, sobrang mahal kita”

Chorus 2:
Minsan sa buhay na ito
May taong darating sa iyong mundo
Bibigyan ka niya ng kaligayahan
Alaalang hindi malilimutan
At kung swerte ka may mabubuo
Isang pag-ibig na sadyang totoo
Sasabihin mo sa iyong mahal
Na ang tanging dasal sa Maykapal
Na tuwing gigising sa umaga’y
Katabi kita

Bridge:
At dumaan ang ilang buwan
Biglang nagkalabuan
Dahan-dahang napansin, parang meron nag-iba
Nawala na ang ninging sa iyong mga mata
“O sinta, may problema ba?”
Ang dating malambing, ngayo’y walang kibo
Panay iyong iling, ulo mo’y nakayuko
“Mahal ko, may nagawa ba ako?”
Iyak ka ng iyak at ako’y sumisigaw
Magulo na ang lahat pero ayokong bumitaw
“Eto ba ang huling sayaw?”
Dahan-dahang nagwakas at bigla kang nawala
Nag-iba na ang landas, nagkaro’n ka ng iba
Taon ang lumipas, sinulat ko ‘tong kanta
At kung meron man diyang nakikinig neto ngayon
May aral sa’king kwento at ito yun

Chorus 3:
Minsan sa buhay na ito
May taong darating sa iyong mundo
Bibigyan ka niya ng kaligayahan
Alaalang hindi malilimutan
Ang kung swerte ka may mabubuo
Isang pag-ibig na sadyang totoo
Alagaan mo siya at wag bibitawan
Baka matulad ka sa’king kapalaran
Na tuwing gigising sa umaga, hiling ko’y
Katabi pa rin siya

-wakas-

New Song: Katabi(Ang kanta nating dalawa DEMO) *first try

Junno is Not Informed