متفوتنيش أنا وَحدي ، متفوتنيش أنا وَحدي ، أفضل أحايل فيك :"




صنعت سجنك من الهوا ودخلته بارادتك
واديت حبيبك نفسك ما سالت فين حطك ..

أزاي اخف من حبك♥️

نفسي أرجع الحاجر يا ام سعيد - 

يا رايح الشام لاجل الغنا رب هناك رب هنا - 

لا...الحاجر حاجه تانيه -

منتصر

الهروب - عاطف الطيب - ١٩٩١



لا...الحاجر حاجه تانيه

الغرام ف الدم سارح
والهوى طارح معزة
والحنين ف القرب بارح
والنوى جارح يا عزة

يا ابتسامة فجر هلت
بددت ليلى الحزين
يا ندى الصبح اللى شقشق 
فوق خدودى الدبلانين
بل شوقهم
صحى لون الورد فوقهم
كل خد وشمله وردة
ومين يدقوهم غيرك انتى ومين سواكى
يا حياتى ..يا ملاكى
يا نسيم الحب لما هب هز القلب هزة 
يا هوى الأحلام يا عزة
الليلادى 
جم خدونى يا ملاكى
جوز تنابلة ونص دسته من التيران
كنت بحلم يا حبيبتى
كنت بحلم بيكى انتى
ومين سواكى
يا حياتى ....يا ملاكى
يا نسيم الحب لما هب هز القلب هزة
يا هوى الأحلام يا عزة
كنت قال انا وانتى قال
ف جنينه خضرا
ومحاوطنا البرتقان والسيسبان
وانتى جو قرنفلاية
بالعبير بتستحمى
اجرى يمك يا هوايا
تسبقينى وتجرى يمى
والغصون واقفة وشايفة
بتراعينا بس خايفة م العيون
والعيون بتقول كلام
والكلام طاير حمام
بينادينا بالأغانى ويهادينا بالسلام
وانطلق ف الجو فجأة
يا حبيبتى صوت مفاجأة
صوت يخلى الدم يجم 
اصحى يا احمد
اصحى يا احمد
انتو مين؟
انتوا دود الأرض والآفة المخيفة
انتوا ذرة رمل ف عنين الخليفة
انتوا كرباج المظالم والمآسى
انتوا علة ف جسم بلدى
انتوا جيفة
سكتوه ابن الكلاب
سففوه من التراب
فتشوا كل الأماكن
طلعوا رفوف الدولاب
كممونى يا حبيبتى
كتفونى يا حبيبتى
قومونى
قعدونى
كل شعرة ف جسمى بالعين فتشوها
المخدة من جنانهم
شرحوها
وانتها التفتيش....مفيش
صديقنى
هو فى يا عزة عندى ممنوعات
غير بحب الناس وبكره السكات بص واحد م التانلة جو عينى
وانتى عارفه
عنيا صافية وطيبين
زى كل عيون شبابنا يا حبيبتى
شباكين
ع القلب دغرى موصلين
كان مناه يلمح علامة خوف بسيطة
طب هيجى الخوف منين ابن العبيطة
هو مين فينا الجبان
ولا مين فينا اللى خان
اللى قلبه بالامانى
والربيع الاخضر مزهر والاغانى
ولا كلب الصيد واسياده الاباطرة
أكالين لحم البشر فوق الصوانى
هو مين فينا الجبان
ولا مين فينا اللى خان
هو بص ف عينى بصة 
ارتجف وف حلقه غصة
واتعوج ومال وقال
جملتين مش مفهومين
أصله شاف صورتين جمال
ف العيون الطيبين
مصر ف العين الشمال
وانتى ف العين اليمين
ايوة انتى ومين سواكى
يا حياتى...يا ملاكى 
يا نسيم الحب لما هب هز القلب هزة
يا هوى الأحلام يا عزة.




بلدى وحبيبتي_ عزه أحمد فواد نجم

عبدالله حسن  | ابن الحنين |  عيد الأم 2015

خضرة محمد خضر- من أشهر الغجريين المصريين

عبدالله حسن | ابن الحنين | عيد الأم 2015

Belal Sedky