مصطفى

أوبيريت 100 سنة سينما - الجزء الأول - كلمات بهاء جاهين \ موسيقي عمر خيرت

لسه شايلك جوه قلبي  راب حزين

غويط الغابه شكل تاني لابوتريكه عبسلام 2015

#عبسلام_غويط_الغابه at هندسه بنها

الغرام ف الدم سارح
والهوى طارح معزة
والحنين ف القرب بارح
والنوى جارح يا عزة

يا ابتسامة فجر هلت
بددت ليلى الحزين
يا ندى الصبح اللى شقشق 
فوق خدودى الدبلانين
بل شوقهم
صحى لون الورد فوقهم
كل خد وشمله وردة
ومين يدقوهم غيرك انتى ومين سواكى
يا حياتى ..يا ملاكى
يا نسيم الحب لما هب هز القلب هزة 
يا هوى الأحلام يا عزة
الليلادى 
جم خدونى يا ملاكى
جوز تنابلة ونص دسته من التيران
كنت بحلم يا حبيبتى
كنت بحلم بيكى انتى
ومين سواكى
يا حياتى ....يا ملاكى
يا نسيم الحب لما هب هز القلب هزة
يا هوى الأحلام يا عزة
كنت قال انا وانتى قال
ف جنينه خضرا
ومحاوطنا البرتقان والسيسبان
وانتى جو قرنفلاية
بالعبير بتستحمى
اجرى يمك يا هوايا
تسبقينى وتجرى يمى
والغصون واقفة وشايفة
بتراعينا بس خايفة م العيون
والعيون بتقول كلام
والكلام طاير حمام
بينادينا بالأغانى ويهادينا بالسلام
وانطلق ف الجو فجأة
يا حبيبتى صوت مفاجأة
صوت يخلى الدم يجم 
اصحى يا احمد
اصحى يا احمد
انتو مين؟
انتوا دود الأرض والآفة المخيفة
انتوا ذرة رمل ف عنين الخليفة
انتوا كرباج المظالم والمآسى
انتوا علة ف جسم بلدى
انتوا جيفة
سكتوه ابن الكلاب
سففوه من التراب
فتشوا كل الأماكن
طلعوا رفوف الدولاب
كممونى يا حبيبتى
كتفونى يا حبيبتى
قومونى
قعدونى
كل شعرة ف جسمى بالعين فتشوها
المخدة من جنانهم
شرحوها
وانتها التفتيش....مفيش
صديقنى
هو فى يا عزة عندى ممنوعات
غير بحب الناس وبكره السكات بص واحد م التانلة جو عينى
وانتى عارفه
عنيا صافية وطيبين
زى كل عيون شبابنا يا حبيبتى
شباكين
ع القلب دغرى موصلين
كان مناه يلمح علامة خوف بسيطة
طب هيجى الخوف منين ابن العبيطة
هو مين فينا الجبان
ولا مين فينا اللى خان
اللى قلبه بالامانى
والربيع الاخضر مزهر والاغانى
ولا كلب الصيد واسياده الاباطرة
أكالين لحم البشر فوق الصوانى
هو مين فينا الجبان
ولا مين فينا اللى خان
هو بص ف عينى بصة 
ارتجف وف حلقه غصة
واتعوج ومال وقال
جملتين مش مفهومين
أصله شاف صورتين جمال
ف العيون الطيبين
مصر ف العين الشمال
وانتى ف العين اليمين
ايوة انتى ومين سواكى
يا حياتى...يا ملاكى 
يا نسيم الحب لما هب هز القلب هزة
يا هوى الأحلام يا عزة.




بلدى وحبيبتي_ عزه أحمد فواد نجم

اغنيه غلطه راب حزين 2014.mp3

عبدالله حسن  | ابن الحنين |  عيد الأم 2015

اغنية سانده عليك - البوم متنوع - انغام - نغم العرب.mp3.mp3

اسماعيل يس  ....  عشرين مليون وزيادة

قارئة الفنجان - عبدالحليم حافظ - كوبليه.mp3

دموع فى عيون وقحة - بداية

Melody Hits

غناء والحان: محمد عبدالوهاب

كلمات: حسين السيد

قلبي بيقولي كلام - محمد عبدالوهاب

كان عمرى عشرين بارودى

نسمه عبد العزيز - علي مين

عبدالله حسن | ابن الحنين | عيد الأم 2015

Belal Sedky

Recent comments

kim shahy

Mohamed Mahmoud

Related tracks