Name: عمرو حسن - قصيدة مكتبهاش نزار by Mohamed Adel
Duration: 6 min 19 s
Description: قصيدة "قصيدة مكتبهاش نزار" للشاعر عمرو حسن من حفل صاقية الصاوي

غناء حمزه نمره
بهديها لكل شهداء الافكار النبيله اللي ضحوا بوجودهم معانا عشان فكرتهم  نعيش بيها ... دايما في قلوبنا♥

اوعدوني - حمزه نمره

قصيدة السيدة الأولى

حبيبتي ويعلم ربنا حبك في قلبي ازاي
ويعلم عندي مقدارك يا غالية ياللي شايلاني
وجودك زي نعناعه لولاها ماكان له طعم الشاي
"قابلت البحر في عيونك شربت عطشت من تاني"*
مكانك عندي غير الناس ياست الناس وتاج راسهم 
تعيشي وتفضلي غالية وعالية وحابسه انفاسههم
باشوف الخلق تاه مني 
على قلبي اللي تاه مني 
وقلبك لو اتاه مني 
وجع وملامه هاحبسهم 
مافيش بعدك مكان ولا ناس ولا ليلة ف بعدك اعيش
ولسه زي ماقابلتك على وضعك وماكبرتيش
وفيكي حته طفولية بتخطف روحي وتجيبني
يا ورد لو اقطفه ليا عين الورد تعاتبني 
عيونك ف الوداع امي 
وحضنك ف اللقا ابني 
وحسك بس ف الدنيا ونس وصحاب وتحويشه 
يا سر اني لازلت سعيد وصابر لسه ع العيشه 
سعيد يومك يامولاتي 
ياصبح وطل ف حياتي 
شجر زهران امل ممدود هوا عابر ندى ف ورود دلال وجمال هدوء وشرود 
وكله ف الخيال موجود 
وكله ف اللقا وارد 
بحبك ياغزال شارد 
يا متربيه عفه وذوق 
تبصي لفوق وايه يعني
ما حقك تبقى باصه لفوق 
مادمتي معاكي خدي راحتك 
وطيري واجري ف مساحتك 
فصوص الماس تراب تحتك 
وقلب الناس رصيد مسروق

مابعد سنين من التوهة
ومن قلة أمل خدني
يشاء ربك يعوضني
وتيجي حياتي تمليها امل وحنان
ياأجمل خطوة بابدأها
ياقصة مش مصدقها لحد الآن
بقى انتي يانجمة يا نقيه
يا عاليه ياصعبه ياعصية
بقا انتي تفكري فيا؟
بقى انتي تطيبي خاطري
وتيجي طريقي وتخاطري
وقلمك يمشي على سطري ويكتب أيوه قلبي معاك؟
تخيل حد مكتوبُه
يقابل واحده مش توبه
تشوف احزانه وعيوبه
وبرضه تقوله انا قابلاك؟
ياحسن الحظ يا جماله
يا واحد ربنا اداله
عوض رب السما ع الأرض
شايفه ولامسه وقصادي  
جمال الحلم بعد كابوس
دخول الدهشة في العادي
مساء الخير يا كل الخير
يا أمسى وشمسي وبلادي
يا أصفاهم وأبدعهم يا أحلاهم وأجدعهم يا مفردهم يا أجمعهم
يا ميت واحدة ف روح واحدة
ما اقولش (معاها) أقول (معهم)
اتاري الدنيا فيها جميل
وحلوه عكس ما اتقاللي
وحظي الحلو مش ضايع
وكان جواكي متشاللي
وجيتلك بعد ما الأيام خدت مني وما ادتنيش
وكنت بعيش عشان كان لازم اني أعيش
وجايلك مستوي م الناس وم الأيام وعمايلها
لكن جوايا نقطة نور حايشها القلب وشايلها
وقطعه من البازل ناقصه عشان ايدك تكملها
واديني قصاد جمال قلبك
لا مال ولا قوة ولا حاشيه
باداوي جرحي بحنانك
يارحمة ربنا الماشيه
وأملي وكل طلباتي
ايديكي تمر ف جراحي
انا تعبان انا هلكان
انا قلقان بقالي زمان
وليا كام سنه صاحي
أرق وصداع ، قلق وصراع
وناس فاتت وناس عافرت
وناس ماتت وناس سافرت
ف جسمي بنات وعزف نايات
وجع ف ضلوعي مش متقال
ودمع ف عيني حنفيات
انا موجوع يابنت الناس
واكبر حلم دلوقتي اغمض عيني مش قلقان
يجمعنّي بعنيكي مكان
واعيط مره مش مكسوف
بحبك قبل ما الدنيا تجمعنا انا وانتي
وفتّحتي ف حياتي بيبان عاشت عمر مقفولة
برقة وردة خدتي القلب وروحتي وجيتي وسكنتي
وبالعشرة وبالأيام بقيتي السيدة الأولى

السيدة الأولى - عمرو حسن

عمرو حسن | حقك عليا للمرة الأولى من حفلة الساقية

حقك عليا | عمرو حسن

_ لسه الدنيا فيها حاجات.mp3

عمرو حسن - كان لازم احبك

#نفسي_أحبك #كايروكي #روما
#nefsy_ahebek
#anderground 
#music
#cairokee
#roma
#2022


نفسي احبك ~ كايروكي

كلمات أغنية حمزة نمرة - اوعدونى

لفيت كتير خفت المصير
اللى انتهاله ناس كتير
القاه انا
فى الدنيا ليه دايما نهايه محزنه
جوايا خوف ... من كلمه الظروف
تبقى طريق ... للوحده تذلنا


اوعدونى ... تبقوا جنبى تطمنونى
اوعدونى ... مهما كان مش هتسيبونى
يوم ما اروح ... والدنيا تدراينى
والوحده تنادينى ... زورونى مره كل عيد
اشوفكوا حتى من بعيد


اوعدونى لو يوم لقيت ... نفسى انحنيت
واحتجت من ضعفى بلاش تتأخروا
الناس تغيب ... بس انتو لازم تفضلوا


خايف اكون ... فى الدنيا وحيد
عمرى يهون ... اضيع وانتو بعيد
اوعدونى ..


حمزة نمرة | اوعدونى

قصه شتا - دنيا سمير غانم - محمود حسن - كامله-1.mp3

قصيدة "قصيدة مكتبهاش نزار" للشاعر عمرو حسن من حفل صاقية الصاوي

عمرو حسن - قصيدة مكتبهاش نزار

Mohamed Adel

Related tracks