سلسلة كتب بصوت "الدحيح"، بالعامية المصرية. محتوى أطول للدحيحة اللي بجد. الزوزات بتوع زمان أصحاب النفس الطويل. "الدحيحة" كتب سيرة ذاتية وقصص تاريخية ملهمة، من تقديم أحمد الغندور. هنسمع في الموسم الأول قصة غزو أمريكا وعلاقتها بفلسطين والاحتلال الإسرائيلي، وشخصيات غيرت التاريخ، محمد علي كلاي ومالكوم إكس، وأبطال وكُتاب عرب ومصريين وصلوا للعالمية زي نجيب محفوظ ومحمد صلاح، إيه الرابط بينهم وليه نسمع حكاياتهم؟
وفي الموسم التاني، بنعيش الكارثة النووية في تشرنوبل، وبنشوف التحول الرهيب في حياة يورجن كلوب، وبنعرف أكتر عن الفيسبوك في كتاب أخطر شركة في العالم، وبنحضر كواليس الأفلام العالمية كلها ونشوف اللي بيحصل فيها في كتاب كريستوفر نولان، وأخيرا بنتعرف على ألبرت أينشتاين العالم العبقري وهل كان عبقري في الحياة زي عبقريته في العلم؟

اسمع السلسلة كاملة

سلسلة الدحيحة - الموسم الثاني

الدحيح

عزيزي تقدر تسمع باقي الكتاب وسلسلة الدحيحة الجزء 2 على تطبيق ستوريتل، حمل التطبيق من الرابط التالي:
www.storytel.com/ae/ar/app?source=soundcloud
ومتنساش تدوس لايك وتشترك في القناة عشان يجيلك كل جديد في عالم الكتب الصوتية

ستوريتل تقدم سلسلة الدحيحة الجزء السادس تشرنوبل
تأليف: طاهر المعتز بالله
قراءة: أحمد الغندور
جميع الحقوق محفوظة

نبذة عن الكتاب:

ما هي تكلفة الكذب؟

في 26 أبريل 1986، على بُعد حوالي 130 كيلو متر من مدينة كييف عاصمة أوكرانيا، اللي كانت وقتها جزء من الاتحاد السوفيتي، أدّى اختبار مش مُصرَّح بيه وخطأ في التشغيل بعد قفل توربينات المياه المستخدمة في تبريد اليورانيوم وتوليد الكهرباء، إلى ارتفاع حرارة اليورانيوم في المفاعل الرابع في محطة تشرنوبل للقوى النووية، وفقدان السيطرة على المفاعل، فحصل انفجار وحريق كبير دمَّر مبنى المفاعل وطلَّع كميات كبيرة من الإشعاع في الغلاف الجوي.

إهمال المديرين لقواعد الأمان والسلامة، زوِّد درجة حرارة وقود اليورانيوم في المفاعل وانصهر من الحواجز الواقية، وحصل الخلل بسبب تراكم أخطاء بشرية وقلة خبرة مهندسين شبان قاموا بالمناوبة في الليلة دي. كل دا عمل اضطراب في إمدادات الطاقة في جمهورية أوكرانيا، والمصانع قفلت، واتعطلت المزارع، ووصلت الخساير المادية أكتر من تلاتة مليار دولار أمريكي تقريبًا.

كارثة تشيرنوبل مُصنفة عالميًا كأسوأ كارثة للتسرب الإشعاعي والتلوث البيئي شافتها البشرية لغاية دلوقت. والتقارير الرسمية بتقول إن فيه واحد وتلاتين شخص ماتوا بسبب الانفجار، لكن تقديرات الأمم المتحدة بتقول إن الضحايا ممكن يكونوا أربعتلاف شخص بسبب التعرض للإشعاع، وشككت منظمات دولية تانية في الأرقام دي وتوقعت وفاة ما بين عشرتلاف وأكتر من تسعين ألف شخص نتيجة إصابتهم بسرطان الغدة الدرقية المميت.

اللي حصل في تشرنوبل ونتايجه، كان المُحرك الأساسي لتفكيك الاتحاد السوفيتي، وبداية انهيار الشيوعية والاشتراكية والمادية، لإن كل النظريات والقيم دي عجزت عن استيعاب الكارثة، أو بمعنى أصح الكارثة أكدت زيف القيم والشعارات اللي كانوا بيؤمنوا بيها. إزاي حصل كل دا؟

ويا ترى اللي حصل في أوكرانيا زمان، ممكن يتكرر تاني دلوقتي بالتزامن مع الغزو الروسي لأوكرانيا؟

تشيرنوبل كتاب بالعامية المصرية من سلسلة «الدحيحة»، بصوت «الدحيح» أحمد الغندور، ومن تأليف طاهر المعتز بالله مؤلف كتاب الدحيح وأحد كتّاب أهم وأشهر حلقات البرنامج.

من إنتاجات ستوريتل الأصلية

استمع الآن.

كتب الجزء الثاني من سلسلة الدحيحة
(تشرنوبل - يورجن كلوب - فيسبوك أخطر شركة في العالم - كريستوفر نولان - ألبرت أينشتاين)
كتاب كل يوم أربعاء

اسمع الكتاب كاملا

ستوريتل أوريجينال - سلسلة الدحيحة 2 - تشرنوبل - بصوت الدحيح أحمد الغندور

عزيزي تقدر تسمع باقي الكتاب وسلسلة الدحيحة الجزء 2 على تطبيق ستوريتل، حمل التطبيق من الرابط التالي:
www.storytel.com/ae/ar/app?source=soundcloud
ومتنساش تدوس لايك وتشترك في القناة عشان يجيلك كل جديد في عالم الكتب الصوتية

ستوريتل تقدم سلسلة الدحيحة الجزء السابع يورجن كلوب
تأليف: طاهر المعتز بالله
قراءة: أحمد الغندور
جميع الحقوق محفوظة

نبذة عن الكتاب:

لماذا يحبك الناس؟ - لأنك تحبهم.

كان حلمه من صغره إنه يبقى لاعب ومدير كرة قدم كبير وناجح. بدأت حكايته مع الكورة بسبب أبوه اللي كان بيعشق كرة القدم وكان قدامه فرصة للعب في نادي كبير في ألمانيا في الخمسينيات، لكن أبوه رفض فمعرفش يحقق حلمه، وكان كل هدفه لما كبر إنه يخلف ولد عشان يحقق اللي هو ماعرفش يحققه.

درَّب كلوب الأب ابنه من سن صغير جدًا، لإنه كان مقتنع إن الجهد أهم من الموهبة، فكان بيمرنه تدريبات كروية خاصة، ويحاول ينمي قدراته الجسدية والعقلية. ورغم معاناة يورجن من تحكم الأب وتربيته الصارمة، إلا إنه بيعترف فيما بعد إن كل اللي وصل له من نجاحات كان بسبب اللي عمله معاه والده.

بدأ حلم كلوب يتحقق في عُمر ستاشر سنة، لما انضم لنادي الهواة «إيرجينزينغين»، وبعدها انتقل لنادي «ماينز» اللي قضى فيه أغلب مسيرته كلاعب بيحلم يصعد لدوري الدرجة الأولى، ولظروف النادي اضطر يتولى تدريب الفريق وهو لسه لاعب جواه! ومن وقتها وهو قرر يصب كل تركيزه في التدريب، ودا كان تغيير مهم في مسار حياته. إزاي بقى «يورجن كلوب» من أفضل المدربين في العالم؟ وإيه السر في إنه بيراهن وبيصمم يدرب فرق مستواها متراجع؟ وإيه الدروس اللي نتعلمها من تجربته؟

يورجن كلوب كتاب بالعامية المصرية من سلسلة «الدحيحة»، بصوت «الدحيح» أحمد الغندور، ومن تأليف طاهر المعتز بالله مؤلف كتاب الدحيح وأحد كتّاب أهم وأشهر حلقات البرنامج.

من إنتاجات ستوريتل الأصلية

كتب الجزء الثاني من سلسلة الدحيحة
(تشرنوبل - يورجن كلوب - فيسبوك أخطر شركة في العالم - كريستوفر نولان - ألبرت أينشتاين)
كتاب كل يوم أربعاء

اسمع الكتاب بالكامل

ستوريتل أوريجينال - سلسلة الدحيحة الموسم 2 - يورجن كلوب - بصوت الدحيح أحمد الغندور

عزيزي تقدر تسمع باقي الكتاب وسلسلة الدحيحة الجزء 2 على تطبيق ستوريتل، حمل التطبيق من الرابط التالي:
www.storytel.com/ae/ar/app?source=soundcloud
ومتنساش تدوس لايك وتشترك في القناة عشان يجيلك كل جديد في عالم الكتب الصوتية

ستوريتل تقدم سلسلة الدحيحة الجزء الثامن فيسبوك أخطر شركة في العالم
تأليف: طاهر المعتز بالله
قراءة: أحمد الغندور
جميع الحقوق محفوظة

نبذة عن الكتاب:

العالم قرية صغيرة في أخطر شركة في العالم.

طفل عنده عشر سنين، والده بيشتري له كمبيوتر خاص وبيعلِّمُه البرمجة من كتر شغفه بيها، لدرجة إنه في السن دا كان بيروح ياخد كورس دراسات عليا في البرمجة في الجامعة بعد ما بيخلَّص يومه الدراسي في المدرسة. الطفل دا كان كل يوم يروح المدرسة ويرجع ياكل ويعمل الواجب ويقعد يبرمج خمس ساعات وبيزيدوا لحوالي ستاشر ساعة في نهاية الأسبوع، وقدر يعمل نسخ من ألعابه اللي بيحبها، ومن ضمنها نسخة من لعبة "ريسك" اللي هدفها السيطرة على العالم في عصر الدولة الرومانية، اللاعب فيها بينافس يوليوس قيصر، وكان الطفل بيقدر يكسب كل مرة!

الطفل دا بيكبر وبيبقى صاحب شركة عملاقة بتسيطر على أهم مواقع التواصل الاجتماعي بيستخدمها أكتر من اتنين مليار شخص، وهي شركة فيسبوك اللي تحولت إلى «ميتا»، اللي تعتبر نقلة كبيرة في تقنيات واستخدامات الواقع الافتراضي. رحلة شيقة بخطوات واسعة قدر خلالها «مارك زوكربيرج» يتحول من طفل بيحب الإلكترونيات زي والده طبيب الأسنان إلى مبرمج كبير وراجل أعمال سابق عصره ومنافسيه. إزاي قدر يحقق كل دا وهو لسه في أوائل التلاتينات؟ وإيه الصعوبات اللي واجهها في البداية أو بيواجهها طول الوقت في شركته؟ وإزاي بيقدر يراوغ طول الوقت ويخرج من معاركه ولو بانتصارات صغيرة؟ وإيه مدى تأثير المواقع اللي هو بيديرها على مستخدميها؟ وإزاي حقق حلم طفولته وقدر يتحكم في سلوكيات مليارات من البشر، لدرجة تأثيرها على الانتخابات الأمريكية!

فيسبوك أخطر شركة في العالم كتاب بالعامية المصرية من سلسلة «الدحيحة»، بصوت «الدحيح» أحمد الغندور، ومن تأليف طاهر المعتز بالله مؤلف كتاب الدحيح وأحد كتّاب أهم وأشهر حلقات البرنامج.

من إنتاجات ستوريتل الأصلية

استمع الآن.

كتب الجزء الثاني من سلسلة الدحيحة
(تشرنوبل - يورجن كلوب - فيسبوك أخطر شركة في العالم - كريستوفر نولان - ألبرت أينشتاين)
كتاب كل يوم أربعاء

ستوريتل أوريجينال - سلسلة الدحيحة الموسم 2 - فيسبوك أخطر شركة في العالم - بصوت الدحيح أحمد الغندور

عزيزي تقدر تسمع باقي الكتاب وسلسلة الدحيحة الجزء 2 على تطبيق ستوريتل، حمل التطبيق من الرابط التالي:
www.storytel.com/ae/ar/app?source=soundcloud
ومتنساش تدوس لايك وتشترك في القناة عشان يجيلك كل جديد في عالم الكتب الصوتية

ستوريتل تقدم سلسلة الدحيحة الجزء التاسع كريستوفر نولان
تأليف: طاهر المعتز بالله
قراءة: أحمد الغندور
جميع الحقوق محفوظة

نبذة عن الكتاب:

لا وقت للانتظار.

لما بنتفرج على أفلامه، غالبًا بنبقى متأكدين من إننا هنحس بقدر كبير من المتعة وهنشوف حاجة مختلفة مليانة بالخيال والألغاز والإثارة، ومع كل إعادة مشاهدة بنكتشف حاجات جديدة. ودايمًا أفلامه بتاخدنا لمواضيع مهمة زي الوجودية والمعرفة والتجربة الذاتية وتشويه الذاكرة والأخلاق الإنسانية والأحلام وطبيعة الزمن وبناء الهوية الشخصية. قدر يحط بصمته بجدارة في صناعة السينما.

في لندن سنة 1970، اتولد «كريستوفر نولان» لأب إنجليزي بيشتغل في مجال الدعاية، وأُم أمريكية مضيفة طيران ومُدرسة لغة إنجليزية، ودا خلاه يتنقل في طفولته بين لندن وشيكاغو. وفي سن صغير جدًا، خلال زيارتهم لأمريكا، اتفرج على فيلم "ستار وارز" في السينما مع والده. ومن ساعتها وهو ندهته نداهة السينما والعوالم الخيالية دي، اللي تقدر تحول من خلالها أحلامك وخيالاتك لصور يتفرج عليها الناس.

لما والده حس بهوسه بالسينما، سمح له يستخدم الكاميرا بتاعته، اللي كانت بدائية وبتصور مقاطع مدتها دقيقتين ونص ومن غير صوت، بس في عمر سبع سنين قدر بيها يقلد أفلام الفضاء اللي شافها، واستخدم الطين والدقيق وكراتين البيض كديكور واتفنن في صنع خدع بصرية. ولما بقى عنده حداشر سنة، قرر إنه لازم يبقى مخرج مُحترف، بس للأسف في الوقت دا والده قرر يدخله مدرسة داخلي في لندن حرمته من السينما ومن الإخراج. إزاي قدر يتغلب على دا؟ وإزاي لما كبر بقا واحد من أهم مخرجين السينما في العالم؟

كريستوفر نولان كتاب بالعامية المصرية من سلسلة «الدحيحة»، بصوت «الدحيح» أحمد الغندور، ومن تأليف طاهر المعتز بالله مؤلف كتاب الدحيح وأحد كتّاب أهم وأشهر حلقات البرنامج.

من إنتاجات ستوريتل الأصلية

استمع الآن.

كتب الجزء الثاني من سلسلة الدحيحة
(تشرنوبل - يورجن كلوب - فيسبوك أخطر شركة في العالم - كريستوفر نولان - ألبرت أينشتاين)
كتاب كل يوم أربعاء

ستوريتل أوريجينال - سلسلة الدحيحة الموسم 2 - كريستوفر نولان - بصوت الدحيح أحمد الغندور

عزيزي تقدر تسمع باقي الكتاب وسلسلة الدحيحة الجزء 2 على تطبيق ستوريتل، حمل التطبيق من الرابط التالي:
www.storytel.com/ae/ar/app?source=soundcloud
ومتنساش تدوس لايك وتشترك في القناة عشان يجيلك كل جديد في عالم الكتب الصوتية

ستوريتل تقدم سلسلة الدحيحة الجزء العاشر ألبرت أينشتاين
تأليف: طاهر المعتز بالله
قراءة: أحمد الغندور
جميع الحقوق محفوظة

نبذة عن الكتاب:

قول للزمان ارجع زمكان.

في طفولته، كان فيه حدثين مهمين أثروا عليه: الأول لما والده جابله بوصلة وهو عنده خمس سنين، فاحتار من القوة غير المرئية اللي بتحرك إبرة البوصلة. والحدث التاني في سن اتناشر سنة لما اتعرّف على طالب الطب الشاب «ماكس تالمود» اللي أهداه كتاب في علم الهندسة، فاستوعبه بسرعة رهيبة واعتبره «كتاب الهندسة الصغير المقدس»، ولما ساعده «تالمود» أكتر على التبحر في الرياضيات والفلسفة، وعرفه على سلسلة علوم للناشئين، وهي كتب مبسطة في الفيزيا كتبها «آرون بيرنشتاين».

في سنة 1879، اتولد أبو الفيزيا الحديثة «ألبرت أينشتاين» لأسرة يهودية في ألمانيا. مكانش يبان عليه كطفل عنده مشاكل في الكلام والنطق لغاية تلات سنين وبيعاني من صعوبات تعلم في المدرسة وبيشتكي منه المدرسين وبيطردوه كل شوية، إنه لما هيكبر هيغير مسار العلم وهيبقى مضرب مثل في العبقرية، وإنه بفكرة صغيرة هيوصل لها بخياله الجامح هيعمل انقلاب كامل في الفيزيا وفهمها للطبيعة. ليه تعتبر النظريات اللي وصل لها نقلة علمية كبيرة؟ وإيه اللي حصل في حياته عشان يحقق كل دا؟ وإيه هي التحولات الفكرية اللي مر بيها؟ وإيه علاقته بالقصف النووي على هيروشيما وناجازاكي؟ وإيه هي أحلامه السياسية اللي اتحولت لكوابيس؟

ألبرت أينشتاين كتاب بالعامية المصرية من سلسلة «الدحيحة»، بصوت «الدحيح» أحمد الغندور، ومن تأليف طاهر المعتز بالله مؤلف كتاب الدحيح وأحد كتّاب أهم وأشهر حلقات البرنامج.

من إنتاجات ستوريتل الأصلية

استمع الآن.

كتب الجزء الثاني من سلسلة الدحيحة
(تشرنوبل - يورجن كلوب - فيسبوك أخطر شركة في العالم - كريستوفر نولان - ألبرت أينشتاين)
كتاب كل يوم أربعاء

ستوريتل أوريجينال - سلسلة الدحيحة الموسم 2 - ألبرت أينشتاين - بصوت الدحيح أحمد الغندور

تعد ستوريتل أحد أهم منصات الكتب الصوتية والإلكترونية بالعالم، والتي تستخدم نظام الاشتراك الشهري وتمتلك أكثر من 500,000 كتاب على مستوى العالم. وتتمثل رؤيتها بجعل العالم مكانًا أكثر تعاطفًا وإبداعًا بالقصص المميزة والتي يمكن مشاركتها والاستمتاع بها في أي وقت وفي أي مكان ومن قبل أي شخص. وتتواجد الآن ستوريتل في أكثر من 20 سوق حول العالم ويقع مقرها الرئيسي في العاصمة السويدية ستوكهولم.

ستوريتل أوريجينال - سلسلة الدحيحة الموسم 2 - كريستوفر نولان - بصوت الدحيح أحمد الغندور

Storytel ستوريتل