ألا يالله إني طالبك طاعتك ورضاك = وعلم اليا ذكروا هل الخير نذكربه 

أنا في رجاء عطفك وانا ملتجي بحماك = تفرج هموم القلب يافارج الكربة 

أليا ذعذع الغربي وحرّك غصون الرّاك = وناح الحمام وعالي الصّوت يجهربه 

تنهدت مثل المضرم اللي لقا التنباك = تنهد صويب مونس لكزة الحربة 

أجاوب حمام الورق يالايمي عساك = يحدك زمانك يم من لاتبي قربه 

ذليل أليا جيته خجول تعد خطاك = تلزا قلبك واهج النار يسعر به

ألا ياحمام الورق هيضتني بغناك = مع الهم والغربال والبعد والغربة

ألا ياحمام الورق ماشفت والا جاك = ترى ينفع المهموم علم يبشربه 

عن الدار واهل الدار والسر مايخفاك = غريب تحداه الزمان وقلع سربه 

منول يجوز العذر للي يروح هناك = وأنا اليوم مالي عذر ويش اتعذربه 

مسكها حكيم الراي وان دارت الأفلاك = وقاد السفينه واشرق النور مع دربه 

ألا يالله == فهد مطر

مني سلام عليكم 
تسليم غالي لغالي
واحلى معاني السلامة
ماجورين والسلامة
بمعتّق المسك والعود
يفوح لا هبت النود
بانفاس ريح الخزامى
ماجورين والسلامة
============
سلام اطيب من الطيب
من دون شك ولا ريب
سلام حب وكرامه 
ماجورين والسلامة
أصفى من الماء الزلالي
باول زماني وتالي
حبٍ تزايد ركامه 
ماجورين والسلامة
بعد بشعور المحبين 
والوان ورد البساتين
وبروق نو الغمامه 
ماجورين والسلامة
وأبيات شعر تلالي 
للي غلاه ومبالي 
حظيو بكل اهتمامه
ماجورين والسلامة
اللي سكن مقلة العين
ناس دوم علي غالين
حضر وبدو وتهامة 
ماجورين والسلامة

يرجع بكل الموازين
واسرع بمره وثنتين
من عين زرقاء اليمامه 
ماجورين والسلامة

يسوقه الود والذوق
من قلب زايد به الشوق
مضمون وافي كلامه 
ماجورين والسلامه

ماجورين اداء صالح اليامي

نهار سبعة عشر سبعة بتالي رجب = يا ليتني ما دخلت السوق وأنا أجنبي

العصر مريت يوم السبت سوق الذهب = لقيت مخلوق لا هندي ولا مغربي

من شوفته ما لقيت إلا السهر والتعب = صار السهر والتعب من شوفته مكسبي

اللبس لبس أجنبي والدم دم العرب = زول ليا شافها الشايب يعود صبي

مكمل بالجمال وبالحسب والنسب = قلت  السلام  وتبسم  قال لي  وش تبي 

وإليا تقربت من زين الحلايا هرب = وأقول عطنا الصراحة وأنت أبو ما تبي

بغيت أعرفه وش اسمه مير الله ما كتب = يقول أبي سمعتي واخشى على مذهبي

تبيّن النور من خده علي واحتجب = يالله عليك الخلف تخلف علي تعبي

أنا قتيل العيون النجل سود الهدب = ذقت العنى والعذاب ولا حصل مطلبي

قلت ارحمي من طواه الهم وأنت السبب = قالت  لعله يطاولك السهر بسببي

قلت  الظليمة حرام بكل حشمه وأدب = قالت معي علم وصانا عليه النبي

أنشد ولا يلحق النشاد لوم وعتب = أنا غريب وقضى مايوقضه مزهبي

أنتي من أهل الكرك والدير وإلا حلب ؟ = قالت يشيب الولد ما حصل للي يبي 

عليك رسم البداوة والزمان أنقلب = قالت عظامي ودمي واللحم وعصبي

أنا من البدو كان الدم وصل الركب = يوم السلاح المفتل والرصاص حلبي

أبوي قال الدبش يسرح ولا له جنب = رمحي بيمناي والبندق على منكبي

قلت  أنتي من السويد أهل الفرح والطرب  = قالت  بلاد العروبة رغبتي وطلبي

أنتي من أهل الخليج مخلصين النشب  = قالت من المسلمين وجد أبوي عربي 

أنتي ربيتي بدار مطوعين الصعب = بابو ظبي ياحسين الدل والا دبي 

قلت انتي من اهل نجد معزلين السرب = قالت ورى البحر الابيض شعبي ومنسبي

قلت انتي من اهل مصر وزاد بيها الغضب = قالت لاوالله ياعني مذهبي وذهبي 

قلت انتي من اهل الكويت مفرجين الكرب = قالت جنوب البحر بحدود مرمى الظبي

وإللي يقول الهوى كله خطر ما كذب = قلت أوعديني وعد بس أذكره وأكذبي

قالت رجاجيل شط النيل مع من غلب = اليوم انا راضيه واخشى يزيد غضبي

قامت تعجب  وقالت يا زمان العجب = يا لايم أهل الغرام أنا أشهد إنك غبي




نهار سبعة عشر = راكان القحطاني

ياويلي من النشاد لاقال كيف الحال = جروحي بعد ما هايفت تنبري صاحت
ماعندي جدايد غير دمعه وضيقة بال = ترقرق على رمشي من العز ما طاحت 
تغيب النجوم بحال وأصبح وأنا في حال = ولانفسي ارتاحت ولا عيني ارتاحت 
من اللي يلوم اللي همومه تجيه أشكال = هني العيون اللي لا جاها البكى ما حت
بعد مر نصف العمر كنه ضجيج أطفال = بقى نصفه اللي دلته ما بعد فاحت 
على راسي اللي رغم ميل الدهر ما مال = سحابة حزن تمطر من العام ما انزاحت 
ياحر الدموع اللي تهامل على رجال = بعد راحت أفراحه معه فرحتي راحت 


ياويلي من النشاد - كلمات عبدالله مرهب أادء منير البقمي

سريني 
ياوجد عيني على شوفك







سريني =  صالح اليامي

اللي يميز في الحلال وفي الحرام 
ما يخطي الماجوب والنهج القدي
يالله يارب السموات العظام 
ياللي على سنة نبيك نقتدي
يامنبت القيعان من وبل الغمام 
ياغافر  زلات الانفس وجهدي 
أنت المقدر والمبدئ بالكلام 
وأنت الكريم اللي بذكره نبتدي
سبحانه اللي ميز عقول الانام
عقل يقدي قوم وعقول تغدي 
واللي يميز في الحلال وفي الحرام
مايخطي الماجوب والنهج القدي 
والرجل لولا العزم ما شد الحزام
ولاحدن فرق بين السنافي والردي 
للناس ترتيب ومكانات ومقام
وكلن يعرف سهيل ويعرف الجدي 
والشمس نور يكشف خيوط الظلام
والحق سيف فوق حلق المعتدي 
والكلمة اللي في الصدر مثل اللحام
أشد من ضرب الصقيل الاجردي
والفرق مابين الاشداء والمسام
وكف البخيل ومدة الكف الندي
والسر مطلاع الوبر فوق السنام 
والا سبيب حصان والخيل تعدي
مادري قعد في الدرب والا في الامام 
واللي بدربه تاهي قز ويحدي 
حذف المقفي عيب بسلوم الحشام
وعن حذفة المقفين محشومه يدي
ولو كل من طاوع مزورة الكلام 
ماعاد تلقى الجود عن الاجودي
هذا الصحيح ولا على الصادق ملام
اليا جهر بالحق والحرف ابجدي 







يالله =راكان القحطاني

يقولون الذي كاره يلاقي للفراق أسباب
وانا والله ما في يدي عذر من شان يجفيني
تصنع له حروف من الألم مليون ناب وناب
لجل يكسر مجاديف العذر في فعلة ايديني
=========
يقول الآه في صدري بنت لك في خفوقي باب
لاجل ترحل عن ظلوعي عسى بعدك يداويني
زرعت في حبنا ورده ربت بالشوك يوم غاب
وكل ما جيت ابقطفها تأذيني تأذيني
عقب ما عمر أحلامي أشوف الحلم بيده ذاب
رجيت الله ولاحلم بعد فرقاه ينهيني 
======
رحلت وفي يدي قلب على كثر الوله منصاب
وتركت لخطوتي كلي لأي درب توديني
إذا مر الهوى وجابه أطير بالخفوق أسراب 
تنادي له على وصلي وعلى وصله تمنيني 
تنادينا الأماكن وينكم هو ليه يا أغراب 
وتخنيقني اجابات عقيمه تدمع بعيني 
ورد أقول وهو كاره ولاقي للفراق أسباب
وانا والله ما في يدي عذر منشان يجفيني

يقولون الذي كاره = خالد عبدالرحمن

هزني بالحشا
خالد دايم العز

هزني بالحشا = خالد دايم العز

خذني معك لاصير جسم بلا روح 
حيث إنها تقفي ليا اقفيت روحي
ارحم خفوق بين الاضلاح له نوح 
عقبك يعلم ساجع الورق نوحي 
ليلي يطول إن غبت من غير مصلوح 
وان جاء النهار اطول وعيا يروحي 
لو ضامني وقتي ترى الوقت مسموح 
وعيني تشوفك يامداوي جروحي 
باب المحبة لك مدى الدهر مفتوح 
وعن حب غيرك فيه سبعين لوحي
سري بحبك دايم الدوم مفضوح 
لو مانطقت دموع عيني تبوحي 



شيلة خذني معك لاصير جسم بلا روح - منير البقمي

ياسعود العلي عذبني 
ملهوف الحشا واتعبني
واغبني عليه  واغبني 
من غير جميع أرقامه
صده ما عرفت أسبابه
واللي ما حسبت حسابه
غير رقمه واتسابه 
واسنابه مع استقرامه 
هجره خنجر في كبدي
واوجدي عليه واوجدي
ودي المستهام بنجدي 
لاهبت عليه انسامه 
نار تسطلي في جوفي
وان طال الجفا ياخوفي
إن ما شفته أفقد شوفي
والمغرم تروح أيامه
ماشفته حوالي حولي 
مالي حيله ولاحولي
خذني للمطار الدولي 
والمشتاق شد حزامه
حولني بصالة هيثرو
واركب باصها والمترو
يالي مادريتوا فادرو 
عاشق لعن ابو من لامه
وص الناس فردا فردا 
يامن عينه في لندن 
قله لو فؤادي معدن 
ذاب من الجفا من عامه 


واغبني كلمات  خليل الشبرمي  آداء عبدالعزيز العليوي

واتسبدي اللي من الهجران منفطره
واعيني اللي من الأحزان ماجفت
واروحي اللي من المحبوب منشطره
واكفي اللي عن الأبيات ماانكفت
واقرأ قديم الرسايل وأرجع لـعطره
وأصد وأخاف لايدرون وأتلفت
عطشان ادور مابين أشياء القطره
وأحاول أشعل شموع بايدها وطفت
ذي حالتي وادري ان الحال ذي خطره
لكن ماأقدر جيوش الشوق قد صفت
وياعاذل القلب توه ماقضى وطره
عروسة أفراح قلبي تو ماانزفت
مازلت أخايل غيومه وارتجي مطره
وأرقب سنين العمر قدام وش خفت

واتسبدي = آداء: عبدالعزيز العليوي

واكبدي ياللي من الهجران منفطرة 
شطرن عليه الطواري حامت ولفت
واقلبي ياللي جروحه زادت بشطره
وانا احسب انها تلاشت واثرها خفت
من السهر ما تفارق عيني القطره
أعف عيني وبعض الناس ما عفت 
من همي اسهر وهو يسهر من البطره
وش فود حي مشاعر قلبه اتوفت
بعض المواقف تسوق الخط في سطره 
ولولا الهبايب ترى الاعلام ما رفت 
ناس لاغبت ذكرت السيرة العطرة 
وناس تساوت معي ان جات وان قفت 
مشكلتي امشي بهذا الوقت علفطره 
والوقت كفى بجرحي والعرب وفت

شيلة واكبدي -- كلمات سعيد بن مانع -- اداء صالح اليامي

سجة مع الهاجوس طبيعة لي 
طبيعة باموت ماجزت عنها 
أشكي على الخلاق وارفع له يدي
لاكثرت الأفكار يفك منها 
أما الكرم قد فاز به حاتم الطي
حتى الفرس من شان ضيفه طعنها 
خلوني اكرم في حياتي وانا حي 
ولامت مدري جثتي مدري من دفنها 
خلقت بالدنيا وانا ما معي شي 
وبروح منها مامعي شي منها 
مسكين ياللي تحسب الواجد شوي 
العافية لو تنشرى وش ثمنها 
ياجاهل الدنيا تراها كما الفي 
يامخبر اللي في حياته ومنها 
والا حارت لك قامت تروح وتجي
مثل الذلول اللي طويلن رسنها 
وان دبرت خلتك طايح ومرمي 
وكم واحدن له حاجتن ما ضمنها 
ولابد ما نرحل عن المزح والغي
ونسكن بيوت قبلنا من سكنها 
النفس مثل الغصن عايش على الري
ولولاه كل الناس عافت وطنها 
يالله عسى الحسنات تقضي على السي
لاقربوا للنفس ذرعات كفنها 

سجة مع الهاجوس = فهد مطر

زامل مع شيلة سريني آداء المنشد صالح اليامي

زامل+سريني آداء صالح اليامي

إنكتب لي أحبك - أداء - حسين آل لبيد و منير البقمي

نسيتني علّمني شْلون أبـ انساك	في هالزمن نسيان الاحباب عادي
وشلون لامرّت على البال ذكراك	وطيفك سرق مني لذيذ الرقادي
وشْلون لاقالوا لي الناس وش جاك	من كنت في لّذة منامك تنادي
وشْلون اعيش اللي بقالي بليّاك	لا من غدينا كل واحد بوادي
لو قلت اداوي جرحي اللي تباطاك	ماكلّ جرح يْفيد فيه الضمادي
اعلنت حبك لين كل تمناك	غلطة وغيري من خطاي استفادي
لو لي مثل قلبك تمنيت فرقاك	واكيد قبلك بالجفا صرت بادي
حلوه عذاريبك وحلوه مزياك	حتى بيوم (فراقنا) كنت هادي
كنّ الليالي ودها تكسب رْضاك	وأنا يطول مْع الليالي جهادي
في ذمتي .. ماهي غريبة خطاياك	مبطي وقلبك لو تنبّهت غادي
سهلة على من كان مثلك وشرواك	( مثل الثياب يغيرّون المبادي )
علمني اكره ذكرياتك وطرياك	وانسى من الليله صدوق الودادي
ولاني بقايل عقبها وين اب القاك	راضي لو ان جروح قلبي جدادي
ولاّ القصايد جعلها من فداياك	لبّستها مبطي ثياب الحدادي
باكر على المخطي يدورنّ الافلاك	ونشوف من يصعب عليه البعادي

نسيتني = حمود الشاطري

الليل السروري  -  منيّر البقمي

رقبة الغزال - منيّر البقمي

ياقاسي (راكان القحطاني - حمود الشاطري - منير البقمي)

يارباه آداء عبدالعزيز العليوي

Sultan

Popular tracks