ياعبد الغني ربك اذا حب عبد اغناه

‎⁨عليك أرسل مراسيل الغرام

تسري علي اليّا استوى كل دالهّ

ياللي ليا جيت

ليه ضيعت ياعين المها

نهار سبعة عشر سبعة بتالي رجب = يا ليتني ما دخلت السوق وأنا أجنبي

العصر مريت يوم السبت سوق الذهب = لقيت مخلوق لا هندي ولا مغربي

من شوفته ما لقيت إلا السهر والتعب = صار السهر والتعب من شوفته مكسبي

اللبس لبس أجنبي والدم دم العرب = زول ليا شافها الشايب يعود صبي

مكمل بالجمال وبالحسب والنسب = قلت  السلام  وتبسم  قال لي  وش تبي 

وإليا تقربت من زين الحلايا هرب = وأقول عطنا الصراحة وأنت أبو ما تبي

بغيت أعرفه وش اسمه مير الله ما كتب = يقول أبي سمعتي واخشى على مذهبي

تبيّن النور من خده علي واحتجب = يالله عليك الخلف تخلف علي تعبي

أنا قتيل العيون النجل سود الهدب = ذقت العنى والعذاب ولا حصل مطلبي

قلت ارحمي من طواه الهم وأنت السبب = قالت  لعله يطاولك السهر بسببي

قلت  الظليمة حرام بكل حشمه وأدب = قالت معي علم وصانا عليه النبي

أنشد ولا يلحق النشاد لوم وعتب = أنا غريب وقضى مايوقضه مزهبي

أنتي من أهل الكرك والدير وإلا حلب ؟ = قالت يشيب الولد ما حصل للي يبي 

عليك رسم البداوة والزمان أنقلب = قالت عظامي ودمي واللحم وعصبي

أنا من البدو كان الدم وصل الركب = يوم السلاح المفتل والرصاص حلبي

أبوي قال الدبش يسرح ولا له جنب = رمحي بيمناي والبندق على منكبي

قلت  أنتي من السويد أهل الفرح والطرب  = قالت  بلاد العروبة رغبتي وطلبي

أنتي من أهل الخليج مخلصين النشب  = قالت من المسلمين وجد أبوي عربي 

أنتي ربيتي بدار مطوعين الصعب = بابو ظبي ياحسين الدل والا دبي 

قلت انتي من اهل نجد معزلين السرب = قالت ورى البحر الابيض شعبي ومنسبي

قلت انتي من اهل مصر وزاد بيها الغضب = قالت لاوالله ياعني مذهبي وذهبي 

قلت انتي من اهل الكويت مفرجين الكرب = قالت جنوب البحر بحدود مرمى الظبي

وإللي يقول الهوى كله خطر ما كذب = قلت أوعديني وعد بس أذكره وأكذبي

قالت رجاجيل شط النيل مع من غلب = اليوم انا راضيه واخشى يزيد غضبي

قامت تعجب  وقالت يا زمان العجب = يا لايم أهل الغرام أنا أشهد إنك غبي




نهار سبعة عشر = راكان القحطاني

Sultan

Recent comments

عبدالله مايع

Mohammed

Related tracks