“Dapat nang Itakwil!” (SONA 2014)
By TaBaKK

KORO:
Ang hatol ng bayan/ sa pahirap na pangulo
Tupukin sa apoy ang baboy sa palasyo
Noynoy! Dapat kang itakwil!
sama sama na lupigin ang hangal na taksil!


VLAD:
Apat na taon 
Mong panunungkulan
Marami ang nag hirap
At maraming na nakawan

Sa daang matuwid
Na lulugmok ang Pilipino
Na dati nasa publiko
Ngayon ay pang pribado

Maraming agrabyado
Na mamatay sa pagamutan
Kabataan ay kapos
Sa karunungan

Kabuhayan at tahanan 
Na kanilang winasak
Para sa mga dayuhan
Na sa bayan ay tatapak

San kaba naglilingkod
Sa sariling pangangailangan
Kamag anak,kaalyado
At iyong mga kaybigan

Protektor ng kawatan
Na nag-kasala sa bayan
Lahat ng dawit sa DAP
Makulong at pagbayaran

Ipadama ang ating galit
Na hambog sa asendero
Pork barrel king
Bumaba ka na sa pwesto

Inutil at gahaman
Na sa bayan ay taksil
Dapat ibagsak
Makatwirang itakwil


ALAYA x MICRO:
trabaho, napakahirap na HANAPIN
sa halip na kami tulungan nais pang PALAGANAPIN

ang isang kontraktwal trabaho na PANANDALIAN,
habang kita ng dayuhan ay NAGLALAKIHAN

di malutas ang kahirapan lalo pang LUMALALA
hanggang ngayon walang maayos na trabaho sa BANSA,

sa halip na itaas ang sahod lalong BUMABA,
pagkat ang tanging hangad ang yong bulsa ay TUMABA,

kabaligtaran ang sinasabi mo na pag-angat
presyo ng mga bilihin sa bulsa ay kay bigat

Ang yong mga ginagawa sa kababayan ay mali
Kalupitan ang dinaranas sa bawat sandali

at hindi lang dito sa lungsod maging sa KANAYUNAN,
damang-dama ang hirap masdan mo ang KATAYUAN

ng mga magsasaka na wala parin sariling LUPA,
tuwang-tuwa ka pa kapag maraming LUMULUHA

pinaasa at niloko sa baluktot na DAAN,
tutulungan ang mahirap libreng lupa naSAAN,

paghihirap ng marami sating bayan ay WAGAS
pagpapahirap mo sa bayan ay dapat ng magWAKAS.


LANSETA:
Sige sayaw sa bitag ng mga mapang-abuso
Daan taong niloko bayang papet ang pangulo

Ilang beses na sinargo ng mga mapang aba
Inalipin at namuhay sa ilalim ng kaba

Estratehiyang pangolonya ngayon ng US ay EDCA
Ginagawang legal sa mga batas nilang kinopya

Sariwain sa memorya, bilangin ang reporma 
Binomba padapa ng mayrong renda sa mayorya

Kondisyunal na moda ng bansa’y di malunok
Mga haring malansa pa sa isdang nabubulok

Sila na mga papet ay walang hangad na pagbabago
Pabor sa mga dayo para dito maglababo

Para buhay ng pinoy ay manatiling atrasado
Kritikal at kumplikado sa kamay ng sindikato

Ang halimaw sa ibayo at lokal nito na aso
Pabagsakin, upang kinabukasan ay magbago


RAJA:
Sino sangkot sa malawakang pag-atake
Uniporme kamoplahe makaprente ay disente
Pesteng napakagrabe itong ating el Presidente
Inutil na pusakal kung sumakmal ay mga bente

Talaga naming di mo mawawari
Sistemang sinestema at ang tema maghati
Sa pera – pero teka sa sa ‘min dapat yan
Walang pakundangan ang sabwatan nitong papet at dayuhan

Lintik ang kapit sa ‘ting mga leeg
Sino mang humadalang mapapaslang
Sukdulang dugo man ay dumilig
Dito sa lupang pinugaran ng mga buwitre at gahaman
Mga utak pulbura sa katangahan sobrang yaman

Kanyang pinamumunuan, sadyang pabaya
Kahirapang dulot ng dayuhan lalong lumala
Kaya’t kumapit at kumilos pag-umapawin ang pag-asa
Patunayan na ang pagkamit sa mithiin ay di lang isang pantasya.


NO-KEY x SALARIN: 
Humahagupet ang bagsik
Ng bulok nilang Sistema
Ngayon ang taong bayan 
Kanilang sinasalanta

Parang isang bagyong Yolanda kumitil ng biktima
Sampung libo iyon, ang iba di na makilala

Bakit laging dapa  kapag 
tayoy nasalanta 
Dahil di naghahanda 
pangulo puro salita

Mga ayudang pinagako
Tuluyan ng napako 
Pondo pang kalamidad
bagkus inyo ng tinago 

Ngayun gustong takpan
 kriminal na kasalanan 
Pinabayaan parang basahan
 at laging hinahayaan

Hindi to kapalaran itoy 
literal na  kahirapan
Problema ng bansa Kaylan 
nyo ba  malulunasan 
Tampalasan gubyernong 
hindi na naasahan 
Saming pinagdaanan 
hustisya ay  nasaan 

lapatan ng karampatan
solusyon nito’y paglaban
patalsikin ang pangulo 
Kriminal sa ating bayan 


SAGRADO x SUPREMO:
Para daw sa kabutihan kapangyarihang natanggap,
Ngunit ang nangyayari bangungot sa lahat.

Naghahasik ng lagim ang oplan bayanihan, mga kontra insurhensya sa hanay ng taumbayan

Sa ambisyon na mapigilan naglagay ng abusado,
Karahasan ang pinairal sa maraming Pilipino.

Utak ng grabeng paglabag sa mga karapatang pantao,
Pamamaslang pandurukot tortyur at pag aaresto.

Lantarang ng dadahas pananakot at pag patong, gawa gawang mga kaso ay kanya pang sinusulong.

Dahil sa mga yan nagpapatuloy pa ang gera,
Masakit nga lang isipin pinoy ang laging bala.

Ayaw pag usapan ang usaping pangkapayapaan
Kaya tumitindi ang bugso ng himagsikan.

Ibagsak ang sistema at si Aquino na delubyo,
Kapit bisig kakamtin ang kalayaan hanggang dulo!


Dapat nang Itakwil (SONA 2014)

Pakikibaka by Rebolusyonaryong Makata

Pwersa ng Taumbayan (PnT) by Lanseta

Tanghalang Bayan ng Kulturang Kalye
(Peoples' [Stage/Venue] of Street Culture)

TaBaKK

Popular tracks