لايف من دايرة كامب. كلمات أحمد فؤاد نجم، ألحان الشيخ إمام، توزيع بهية
---
عن موضوع الفول واللحمة 
صرح مصدر قال مسئول
إن الطب اتقدم جدا
:و الدكتور محسن بيقول
إن الشعب المصرى خصوصا
من مصلحته يقرقش فول
حيث الفول المصري عمومًا
يجعل م البني آدم غول 
والبروتين الكامن طيه
نادر زيه ف أيوها فول
تاكل فخدة في ربع زكيبة
والدكتور محسن مسؤول
يديك طاقة وقوة غريبة
تسمن جدًا تبقى مهول
لحمة نباتي ولا في الحاتي
تاكل قدرة تعيش مستور

ثم أضاف الدكتور محسن
إن اللحمة دي سم أكيد
بتزود أوجاع المعدة
وتعود على طولة الإيد
وتنيم بني آدم أكتر
وتطير منه المواعيد
واللي بياكلوا اللحمة عمومًا
هيخشوا جهنم تأبيد

يا دكتور محسن يا مزقلط
يا مصدر يا غير مسؤول
حيث إن انتوا عقول العالم
والعالم محتاج لعقول
ما رأيك جنابك وجنابهم
في واحد مجنون بيقول
إحنا سيبونا نموت باللحمة 
وانتو تعيشوا وتاكلوا الفول
ما رأيك يا كابتن محسن 
مش بالذمة كلام معقول؟

عن موضوع الفول واللحمة

الاديب الادباتي الانتخباتي لـ الشيخ امام
كلمات أحمد فؤاد نجم
--
انا الاديب الادباتى الانتخاباتى
هشرحلكم برنامجاتى وانتم عارفين
قرنين لكل جدع منكم طول ما سريركم
مشغول تمللى بناس غيركم وانتم راضيين
وخازوق يكنش على مقاسكم لجل قياسكم
داير على قد مداسكم وانتم حافيين
ولأنى وطنى ديمقراطى لازم أطاطى
للامريكان انا ومراتى وانتم واقفين
والجوع لناسنا اللقاقه والنقاقة
يصرف على كل بطاقة بدل التموين
وأدي اسرائيل الغلبانة ناصبة حدانا
مسرح على عرض قفانا واحنا موافقين
ملعون أبو اللى يزعلكم طول ما عيالكم
مربينهم امثالكم حايسين لايصين

خرفان وخايبين ميت خيبة يا دي العيبة
عايشين قطيع جوه زريبة وانتم ساكتين
ده أي حزب يكون مسعور ما يخليش نور
من طول دراعكم ما هو مكسور واهه كدة حلوين

شكراً على حسن القعدة يكفى مناهدة
يا خلق فى الحق مهاودة خليكوا نايمين

الاديب الادباتي الانتخباتي | الشيخ امام

ناح النواح والنواحة... على بقرة حاحا النطاحة
والبقرة حلوب تحلب قنطار... لكن مسلوب من أهل الدار
والدار بيه اصحاب و 11 باب... غير السراديب وجحور الديب
وبيبان الدار واقفين زنهار... وفي يوم معلوم عملوها الروم 
زقوا الترباس هربوا الحراس...
دخلوا الخواجات... شفطوا اللبنات
والبقرة تنادي وتقول يا ولادي... وولاد الشوم رايحين في النوم... حاحا
البقرة انقهرت... في القهر انصهرت
وقعت في البير سألوا النواطير
طب وقعت ليه؟!! وقعت من الخوف
والخوف ييجي ليه؟!! من عدم الشوف
وقعت مـ الجوع ومن الراحة... البقرة السمرا النطاحة
ناحت مواويلي النواحة... على حاحا وعلى بقرة حاحا

بقرة حاحا - دقة قديمة

🎤🎼فريق للموسيقى العربيّة و إحياء التراث🎤🎼

New tracks tagged #أحمد فؤاد نجم