"إستغماية" 
تستخبى من العيال بالليل
تدّي حبة من الخيال للسيل
تنسى حبة، وتفتكر حبّات
تسهى حبّة، وتفتكر حبّاك
ترمي نفسك ليك من الشباك
تلقُفك ذِكرى وتتطوّح
كنت برقص، والغُنا روَّح
عِشت عُمرَك كُلّه بتنوّح
والسما ساكته مبتبُصّش
ماشي بتدوّر على مخبأ
والدّموع كاملة مبتنُصّش
ارتجيت الذاكرة : قُصي
بس كانت حالفة متقُصّش
مش هترجع 
إمشي ماتهلوسش
مش عيونها
إمشي متبُصّش 
استخبّى قبل يوم الوَعد
شوف كِتاف لايقة على راسك
مش هتديك السما غير رَعد
وارسم الأوفيا في كراسك 
واجري قد ماتجري 
هتفارِق
كلها متشابهه
هات فارِق؟ 
عممونا كإننا بتوعهم
علمونا نكتوي بطوعهم
علمونا نستوي 
مانلومش
علّمونا نلتوي
مانقومش
علّمونا كُل شيء إلّا
الحياة العادِلة، العِدلة 
إجري قد ما تجري
واتخبّى
املى الطريق وِدّك
واملى الهوا مسبّة 
لبّي اللي كان لبّى
واسلخ جلود اللي باع
حِب اللي كان حبَّ
واكسر قيود السّباع
اجري بلا وجهة
واتخبّى من غير قناع
وان كان لا بد النزاع
خلّي الجبين عالي
واسرح في كون أجمل
الحالي كون آلي
ابحَث عن الغالي
واتبرّى م الخاليين
واتخبى لو خابِت
في كفوف خياليين 
هيّ الحياة القدَر
حتّى يحين الحين
هيّ الحياة القدَر
اتنين ومتلازمين 
القبح جوا الجمال
والقسوة جوا اللين.
- عصام شوقي

عصام شوقي - إستغماية

مسحراتي منقاراتي 
منجاراتي دواليب زمان
ما تشتكوشي دقة شكوشي
جت في الاوان
يا ناس حبايب يا ناس جيران 
انا قلبي دايب على البيبان
 عجوز شويه لكن عيني روحين حنان
لا ظني سئ ولا جبان
درويش واوسطي وشيخ كمان 
وفي عبي قطة ازاي حتلعب فيه الفيران 
المشي طبلي والدق على طبلي
ناس كانوا قبلي قالوا في الأمثال : 
“الرجل تدب مطرح ما تحب”
وأنا صنعتي مسحراتي في البلد جوال
حبييت ودبيت كما العاشق ليالي طوال
وكل شبر حتة من بلدي حتة من كبدي حتة من موال

من ديوان المسحراتي لفؤاد حداد
والحان وغناء سيد مكاوي


طبول الحب - المسحراتي

كلمات فؤاد حداد، غناء وألحان أحمد إسماعيل

حي على بلدنا - أحمد إسماعيل - من أشعار فؤاد حداد

مدونة تراثنا للفن الأصيل
www.Torasna.blogspot.com

كلمات: فؤاد حداد | الحان: سيد مكاوى
من تسجيلات عام 1971 

حى معايا الخطوات
حى مصر الفلاحين
تولد مصر الأسطاوات
حى معايا الخطوات
يا فجر الأيام الهادى
يا شرفى وحبى وجهادى
يا ولدى يا ضى ولادى
يا واقف فى الخط الأول
لليوم اللى يتم الآية
وحياة المجرى اللى أتحول
وحياة الحق اللى معايا
حى معايا الخطوات
يا ورد مفتح فى صوانى
يا زندى وعندى وصوانى
يا قلب الطين الأسوانى
حى معايا الخطوات
يا قايم على راس فدانه
من نسمة تشوش فى ودانه
والقمح يضرفله عيدانه
حى معايا الخطوات
يا نجفى ومدت أسلاكه
يا شعب وحاكم أملاكه
يا ولادنا بكرة محلاكوا
حى معايا الخطوات

حى معايا الخطوات - سيد مكاوى

مدونة تراثنا للفن الأصيل هى معنية بجمع التراث المصرى الموسيقى، نقدم اغانى زمن الفن الجميل مصحوبة بمعلومات توثيقية دقيقة
جميع الاغانى التى يتم نشرها تم تسجيلها ومعالجة الصوت بواسطة فريق عمل المدونة

أحسن حاجة تعملها لا تسمع ولا تتكلم، وان كان لابد خليك فى الاغاني 
اسمع 
واتسلطن
وانبسط
ودندن
وبس

الصفحة الرسمية للشاعر عصام شوقي

New tracks tagged #فؤاد حداد