مدونة تراثنا للفن الأصيل
www.Torasna.blogspot.com

كلمات: ابراهيم عاكف | الحان: السيد قاسم
من تسجيلات الاذاعة المصرية عام 1955

داين تدان ده شئ طبيعى وباين
واى حد داين لازم يدان
لما تشوف ستات فى السكة
بتروح قايل نظرة يا باشا
ياللى مفيش منك فى امريكا
واجمل من بطلات الشاشة
تفضل يا جرئ ملاحقها
وفى كل طريق تضايقها
وان مرة الست مراتك
جت تشتكى رخرة كمان
من واحد زى حالاتك
بتقولها اصله جبان
طب ما انت كذلك
واكتر من ذلك
داين تدان
واما تكون مليان سوء نية
لو تتغاط مثلاً من واحد
بتفكرله فى اى اذية
من غير رحمة وتفضل جاحد
وحقدت عليه من قلبك
وهاتعمل ايه بمقالبك
وفى يوم من حيث لا تدرى
بتلاقى اللى بيأذيك
وبيقضى عليك من بدرى
وتقوله الله يجازك
طب ما انت كذلك
واكتر من ذلك
داين تدان

داين تدان - لبلبة

مدونة تراثنا للفن الأصيل
www.Torasna.blogspot.com

كلمات: عبد الرحيم منصور | الحان: منير مراد
من تسجيلات الاذاعة المصرية عام 1979

الكلمات
دنيا دنيا دنيا
دنيا غريبة والنبى
دنيا دنيا دنيا
دنيا عجيبة والنبى
اه يا قلبى ياما انت غريب
وفى الطيب مالكش نصيب
دنيا بتاخد بكرة تجيب
وتروق لينا والنبى
يرجع تانى غريب الدار
ليل القسوة يبانله نهار
مشوار الدنيا الدوار
يضحك لينا والنبى
مهما يا دنيا تلعبى بينا
دى العشرة متهنش علينا
شوف شوف شوف
قمر الحب يا شاغل الناس
امر الهوى ع العين والراس
يبكى ناس ويفرح ناس
محدش خالى والنبى
طول ما قلوبنا فيها سماح
ننسى عذاب وألم وجراح
ده مسير العاشق يرتاح
طول ليالينا والنبى
مهما يا دنيا تلعبى بينا
دى العشرة متهنش علينا
شوف شوف شوف
دنيا دنيا دنيا
دنيا عجيبة والنبى
دنيا دنيا دنيا
دنيا غريبة والنبى

دنيا غريبة - لبلبة

مدونة تراثنا للفن الأصيل هى معنية بجمع التراث المصرى الموسيقى، نقدم اغانى زمن الفن الجميل مصحوبة بمعلومات توثيقية دقيقة
جميع الاغانى التى يتم نشرها تم تسجيلها ومعالجة الصوت بواسطة فريق عمل المدونة

New tracks tagged #لبلبة