مدري بعيونك بيسان
يمّا سنابلنا لقينا ..
ملتّمة.. و جسمك عشقان
ب لمسة حقولو غوينا ..
نميل و نتمالس أنفاس
ناعم الصوت بينباس
نهرك الأبيض ميّاس
فار علينا غمرتينا ..
كل م شفناكي منشتاق
و نتسايل نسمة ع وراق
نبعك الصافي رقراق
جينا نملّي جرفتينا ..
تحت الكوفيّة جديلات
و افريقيات الخرزات
غمّيزة.. و سبع جنينات
بحر فواكة و ما حلينا ..
شو حلو خيالك شفّاف
و الهوا مشنشل ع كتاف
مرسومة شفافك بهتاف
بلونون ياما فديتينا ..
منضمّك اطرى من غيوم
مندوقك اطرى من كروم
مغروم يسابق مغروم
و انتي الريح سبقتينا ..
غنجك مهفهف.. خجلان
اوعا ليخافوا الغزلان
نحنا حرّرنا الأزمان
كيف بلحظة إسرتينا !..

شعر ..
موسيقى ..
صوت .. نديم محسن
رقص النار 2004


كوفيّة؛ نديم محسن

اعطيني خمس دقايق بس ؛

تسمّع ع الموسيقى .. لاحق تروح ...



Popular tracks tagged #مدري بعيونك بيسان