Í hesari Bilradio-samrøðu frá 4. apríl í 2009 er samrøða við Jógvan Hans Joensen í Miðvági, sum hevur nógv áhugavert at siga frá, á Rás2 kl. 11. Í sendingini Bilradio, sum kemur kl. 11 á Rás2, er samrøða við Jógvan Hans Joensen í Miðvági, ið er kendur fyri síni Bosch-testanlegg. Hann fortelur m.a. um, hvussu tað var at taka koyrikort, tá hann var ungur, um at hann einaferð varð eitraður av at arbeiða í eini garasju, meðan ein bilmotorur var í gongd. Samrøðan er gjørd í sambandi við at 50 ár eru liðin síðan hann keypti sín fyrsta hýruvogn og byrjaði sítt virksemi.

BILRADIO samrøða hjá Magnus Gunnarsson við Jógvan Hans Joensen í Miðvági (2009)

Í samband við, at fyritøkan Hans Egil Joensen og Synir á Eiði fylti 50 ár 2. februar í 2009 prátaði Magnus Gunnarsson (Maggi) við stovnaran, Hans Egil Joensen, og synir hansara Trygva og Jóhan. 

Bilradio samrøða við Hans Egil Joensen og synir á 50 ára degnum hjá fyritøkuni 2. februar 2009

Samrøða hjá Magnus Gunnarsson (Maggi) í sendingini Bilradio 5. februar 009 við Eyðun Berg, løgreglumann um ferðsluviðurskifti. 

Bilradio samrøða við Eyðun Berg, løgreglumann um ferðsluviðurskifti (5. februar 2009)

Í oktober og í november í 2009 vóru fólk frá NSÍ kring um í landinum og seldu lutaseðlar. Seðilin varð trektur á marknaðardegnum, ið var í høllini í Runavík tann 28. november í 2009.
Hepni vinnarin av bilinum, ein Mitsubishi Colt, var Leivur Nattestad í Miðvági. Hann keypti tveir lutaseðlar, og tað var seðil nummar 0055, sum vann. Hoyr Bilradio samrøðuna Magnus Gunnarsson (Maggi) gjørdi við Leivur Nattestad, tá hann fekk handað bilin hjá Ivan Johansen bilum 10. desember í 2009.

Bilradio samrøða hjá Magnus Gunnarsson við Leivur Nattestad, ið vann ein Mitsubishi (2009)

Hoyr samrøðuna Magnus Gunnarsson (Maggi) gjørdi við Vilhelm Jacobsen og Jan Brixen, arbeiðsmenn hjá Tórshavnar kommunu um EL hjólbøruna teir fingu í desember í 2009. 

Bilradio samrøða hjá Magnus Gunnarsson við Vilhelm Jacobsen og Jan Brixen um EL Hjólbøru (2009)

Jørgen Thygesen, ella Berner-maðurin, sum hann eisini verður nevndur, byrjaði hjá Berner í Danmark sum sølumaður í 1980. Tvey ár seinni kom hann til Føroyar fyrstu ferð og vitjaði bil- og maskinverkstaðir kring landið. Hetta gjørdi hann tvær ferðir um árið fyrstu árini, til hann búsettist í Føroyum í 1992. Tað sum hann seldi mest av til bil- og masikverkstaðir eru brúksting sum t.d. skrúvur, skivur, borir, sagir og aðra útgerð umframt el- og hondamboð. Berner er ein altjóða fyritøka, sum varð stovnað í Künzelsau í Týsklandi av Albert Berner í 1957, og er framvegis ein familjufyritøka. Í 1994 stovnaði Jørgen Thygesen heilsøluna Sp/f DAFA, har hann umboðaði ymiskar danskar fyritøkur við klædnavørum, stivlum og skóm. Hann hevur sostatt koyrt kring landið sum ferðandi sølumaður fyri bæði Berner og Dafa. Eftir at hava búð fast í Føroyum í 17 ár, gjørdi Jørgen av í 2009 av at flyta aftur til Danmarkar at búgva. Tann 1. desember sama árið yvirtók Geir Wardum í Havn heilsøluna Dafa, og Jørgen hevur sagt upp hjá Berner til 1. januar eftir næstan 30 ár í starvi. Síðst í januar fluttu hann og konan Oda, sum er føroysk, til Danmarkar at búgva. Tey keyptu hús í Fredericia. Hoyr samrøðu Magnus Gunnarsson (Maggi) gjørdi við Jørgen í sendingini Bilradio á Miðlahús Rás2 í desember í 2009. 

New tracks tagged #Bilradio á Miðlahús Rás2