Ⲉⲣⲉ ⲡⲥⲟⲗⲥⲉⲗ ⲙⲙⲁⲣⲓⲁⲙ
Ϧⲉⲛ ⲛⲓⲫⲏⲟⲩⲓ ⲉⲧⲥⲁⲡϣⲱⲓ
Ⲥⲁⲟⲩⲓⲛⲁⲙ ⲙⲡⲉⲥⲙⲉⲛⲣⲓⲧ
Ⲉⲥⲧⲱⲃϩ ⲙⲙⲟϥ ⲉϩⲣⲏⲓ ⲉϫⲱⲛ

Ⲕⲁⲧⲁ ⲫⲣⲏϯ ⲉⲧⲁϥϫⲟⲥ
Ⲛϫⲉ ⲇⲁⲩⲓⲇ ϧⲉⲛ ⲡⲓⲯⲁⲗⲙⲟⲥ
Ϫⲉ ⲁⲥⲟϩⲓ ⲉⲣⲁⲧⲥ ⲛϫⲉ ϯⲟⲩⲣⲱ
Ⲥⲁⲟⲩⲓⲛⲁⲙ ⲙⲙⲟⲕ ⲡⲟⲩⲣⲟ

Ⲥⲟⲗⲟⲙⲱⲛ ⲙⲟⲩϯ ⲉⲣⲟⲥ
Ϧⲉⲛ ⲡⲓϫⲱ ⲛⲧⲉ ⲛⲓϫⲱ
Ϫⲉ ⲧⲁⲥⲱⲛⲓ ⲟⲩⲟϩ ⲧⲁϣⲫⲉⲣⲓ
Ⲧⲁⲡⲟⲗⲓⲥ ⲙⲙⲏⲓ ⲓⲉⲣⲟⲩⲥⲁⲗⲏⲙ

Ⲁϥϯⲙⲏⲓⲛⲓ ⲅⲁⲣ ⲉⲣⲟⲥ
Ϧⲉⲛ ϩⲁⲛⲙⲏϣ ⲛ̀ⲣⲁⲛ ⲉⲩϭⲟⲥⲓ
Ϫⲉ ⲁⲙⲏ ⲉⲃⲟⲗϧⲉⲛ ⲡⲉⲕⲏⲡⲟⲥ
Ⲱ ⲑⲏⲉⲧⲥⲱⲧⲡ ⲛⲁⲣⲱⲙⲁⲧⲁ

Ⲭⲉⲣⲉ ⲛⲉ ⲱ ϯⲡⲁⲣⲑⲉⲛⲟⲥ
Ϯⲟⲩⲣⲱ ⲙⲙⲏⲓ ⲛⲁⲗⲏⲑⲓⲛⲏ
Ⲭⲉⲣⲉ ⲡϣⲟⲩϣⲟⲩ ⲛⲧⲉ ⲡⲉⲛⲅⲉⲛⲟⲥ
Ⲁⲣⲉϫⲫⲟ ⲛⲁⲛ ⲛⲉⲙⲙⲁⲛⲟⲩⲏⲗ

Ⲧⲉⲛϯϩⲟ ⲁⲣⲓⲡⲉⲛⲙⲉⲩⲓ
Ⲱ ϯⲡⲣⲟⲥⲧⲁⲧⲏⲥ ⲉⲧⲉⲛϩⲟⲧ
Ⲛⲁϩⲣⲉⲛ ⲡⲉⲛϭⲟⲓⲥ ⲓⲏⲥⲟⲩⲥ ⲡⲓⲭⲣⲓⲥⲧⲟⲥ
Ⲛⲧⲉϥⲭⲁ ⲛⲉⲛⲛⲟⲃⲓ ⲛⲁⲛ ⲉⲃⲟⲗ

Raising of Incense Vespers and Matins (Live) رفع بخور عشية وباكر

The Vespers Doxology for the Virgin ♱ Raising of Incense (Live) ذوكصولوجية العشية للعذراء ♱ رفع بخور

Ⲱⲟⲩⲛⲓⲁϯ ⲛⲑⲟ ⲙⲁⲣⲓⲁ
Ϯⲥⲁⲃⲉ ⲟⲩⲟϩ ⲛⲥⲉⲙⲛⲏ
Ϯⲙⲁϩⲥⲛⲟⲩϯ ⲛⲥⲕⲏⲛⲏ
Ⲡⲓⲁϩⲟ ⲙⲡⲛⲉⲩⲙⲁⲧⲓⲕⲟⲛ

Ϯϭⲣⲟⲙⲡϣⲁⲗ ⲛⲕⲁⲑⲁⲣⲟⲥ
Ⲑⲏⲉⲧⲁⲥⲙⲟⲩϯ ϧⲉⲛ ⲡⲉⲛⲕⲁϩⲓ
Ⲟⲩⲟϩ ⲁⲥⲫⲓⲣⲓ ⲛⲁⲛ ⲉⲃⲟⲗ
Ⲛⲟⲩⲕⲁⲣⲡⲟⲥ ⲛ̀ⲧⲉ ⲡⲓⲡⲛⲉⲩⲙⲁ

Ⲡⲓⲡⲛⲉⲩⲙⲁ ⲙⲡⲁⲣⲁⲕⲗⲏⲧⲟⲛ
Ⲫⲏⲉⲧⲁϥⲓ ⲉϫⲉⲛ ⲡⲉϣⲏⲣⲓ
Ϩⲓϫⲉⲛ ⲛⲓⲙⲱⲟⲩ ⲛⲧⲉ ⲡⲓⲓⲟⲣⲇⲁⲛⲏⲥ
Ⲕⲁⲧⲁ ⲡⲧⲩⲡⲟⲥ ⲛⲛⲱⲉ

Ϯϭⲣⲟⲙⲡⲓ ⲅⲁⲣ ⲉⲧⲉ ⲙⲙⲁⲩ
Ⲛⲑⲟⲥ ⲁⲥϩⲓϣⲉⲛⲛⲟⲩϥⲓ ⲛⲁⲛ
Ⲛϯϩⲓⲣⲏⲛⲏ ⲛⲧⲉ ⲫϯ
Ⲑⲏⲉⲧⲁⲥϣⲱⲡⲓ ϣⲁ ⲛⲓⲣⲱⲙⲓ

Ⲛⲑⲟ ϩⲱⲓ ⲱ ⲧⲉⲛϩⲉⲗⲡⲓⲥ
Ϯϭⲣⲟⲙⲡϣⲁⲗ ⲛⲛⲟⲏⲧⲉ
Ⲁⲣⲉⲓⲛⲓ ⲙⲡⲓⲛⲁⲓ ⲛⲁⲛ
Ⲁⲣⲉϥⲁⲓ ϧⲁⲣⲟϥ ϧⲉⲛ ⲧⲉⲛⲉϫⲓ

Ⲉⲧⲉ ⲫⲁⲓ ⲡⲉ ⲓⲏⲥⲟⲩⲥ
Ⲡⲓⲙⲓⲥⲓ ⲉⲃⲟⲗϧⲉⲛ ⲫⲓⲱⲧ
Ⲁⲩⲙⲁⲥϥ ⲛⲁⲛ ⲉⲃⲟⲗ ⲛϧⲏϯ
Ⲁϥⲉⲣ ⲡⲉⲛϫⲉⲛⲟⲥ ⲛⲣⲉⲙϩⲉ

Ⲫⲁⲓ ⲅⲁⲣ ⲙⲁⲣⲉⲛⲧⲁⲟⲩⲟϥ
Ⲉⲃⲟⲗϧⲉⲛ ⲡⲉⲛϩⲏⲧ ⲛϣⲟⲣⲡ
Ⲙⲉⲛⲉⲛⲥⲱⲥ ⲟⲛ ϧⲉⲛ ⲡⲉⲛⲕⲉⲗⲁⲥ
Ⲉⲛⲱϣ ⲉⲉⲃⲟⲗ ⲉⲛϫⲱ ⲙⲙⲟⲥ

Ϫⲉ ⲡⲉⲛϭⲟⲓⲥ ⲓⲏⲥⲟⲩⲥ ⲡⲓⲭⲣⲓⲥⲧⲟⲥ
Ⲙⲁⲑⲁⲙⲓⲟ ⲛⲁⲕ ⲛϧⲣⲏⲓ ⲛϧⲏⲧⲉⲛ
Ⲛⲟⲩⲉⲣⲫⲉⲓ ⲛⲧⲉ ⲡⲉⲕⲡⲛⲉⲩⲙⲁ ⲉⲑⲟⲩⲁⲃ
Ⲉⲩϯⲇⲟⲝⲟⲗⲟⲅⲓⲁ ⲛⲁⲕ

Ⲭⲉⲣⲉ ⲛⲉ ⲱ ϯⲡⲁⲣⲑⲉⲛⲟⲥ
Ϯⲟⲩⲣⲱ ⲙⲙⲏⲓ ⲛⲁⲗⲏⲑⲓⲛⲏ
Ⲭⲉⲣⲉ ⲡϣⲟⲩϣⲟⲩ ⲛⲧⲉ ⲡⲉⲛⲅⲉⲛⲟⲥ
Ⲁⲣⲉϫⲫⲟ ⲛⲁⲛ ⲛⲉⲙⲙⲁⲛⲟⲩⲏⲗ

Ⲧⲉⲛϯϩⲟ ⲁⲣⲓⲡⲉⲛⲙⲉⲩⲓ
Ⲱ ϯⲡⲣⲟⲥⲧⲁⲧⲏⲥ ⲉⲧⲉⲛϩⲟⲧ
Ⲛⲁϩⲣⲉⲛ ⲡⲉⲛϭⲟⲓⲥ ⲓⲏⲥⲟⲩⲥ ⲡⲓⲭⲣⲓⲥⲧⲟⲥ
Ⲛⲧⲉϥⲭⲁ ⲛⲉⲛⲛⲟⲃⲓ ⲛⲁⲛ ⲉⲃⲟⲗ

The Matins Doxology for the Virgin ♱ Raising of Incense (Live) ذوكصولوجية باكر للعذراء ♱ رفع بخور

Ϣⲱⲡⲓ ⲛⲑⲟ ⲉⲣⲉ ⲥⲟⲙⲥ ⲉϫⲱⲛ
Ϧⲉⲛ ⲛⲓⲙⲁ ⲉⲧϭⲟⲥⲓ ⲉⲧⲁⲣⲉⲭⲏ ⲛϧⲏⲧⲟⲩ
Ⲱ ⲧⲉⲛϭⲟⲓⲥ ⲛⲛⲏⲃ ⲧⲏⲣⲉⲛ ϯⲑⲉⲟⲧⲟⲕⲟⲥ
Ⲉⲧⲟⲓ ⲙⲡⲁⲣⲑⲉⲛⲟⲥ ⲛⲥⲏⲟⲩ ⲛⲓⲃⲉⲛ

Ⲙⲁϯϩⲟ ⲙⲫⲏⲉⲧⲁⲣⲉⲙⲁⲥϥ
Ⲡⲉⲛⲥⲱⲧⲏⲣ ⲛⲁⲅⲁⲑⲟⲥ
Ⲛⲧⲉϥⲱⲗⲓ ⲛⲛⲁⲓϧⲓⲥⲓ ⲉⲃⲟⲗϩⲁⲣⲟⲛ
Ⲛⲧⲉϥⲥⲉⲙⲛⲓ ⲛⲁⲛ ⲛⲧⲉϥϩⲓⲣⲏⲛⲏ

Ⲭⲉⲣⲉ ⲛⲉ ⲱ ϯⲡⲁⲣⲑⲉⲛⲟⲥ
Ϯⲟⲩⲣⲱ ⲙⲙⲏⲓ ⲛⲁⲗⲏⲑⲓⲛⲏ
Ⲭⲉⲣⲉ ⲡϣⲟⲩϣⲟⲩ ⲛⲧⲉ ⲡⲉⲛⲅⲉⲛⲟⲥ
Ⲁⲣⲉϫⲫⲟ ⲛⲁⲛ ⲛⲉⲙⲙⲁⲛⲟⲩⲏⲗ

Ⲧⲉⲛϯϩⲟ ⲁⲣⲓⲡⲉⲛⲙⲉⲩⲓ
Ⲱ ϯⲡⲣⲟⲥⲧⲁⲧⲏⲥ ⲉⲧⲉⲛϩⲟⲧ
Ⲛⲁϩⲣⲉⲛ ⲡⲉⲛϭⲟⲓⲥ ⲓⲏⲥⲟⲩⲥ ⲡⲓⲭⲣⲓⲥⲧⲟⲥ
Ⲛⲧⲉϥⲭⲁ ⲛⲉⲛⲛⲟⲃⲓ ⲛⲁⲛ ⲉⲃⲟⲗ

Conclusion to the Doxologies ♱ Raising of Incense (Live) ختام الذكصولوجيات ♱ رفع بخور

Ⲙⲁⲣⲉⲛⲟⲩⲱϣⲧ ⲙⲡⲉⲛⲥⲱⲧⲏⲣ
Ⲡⲓⲙⲁⲓⲣⲱⲙⲓ ⲛⲁⲅⲁⲑⲟⲥ
Ϫⲉ ⲛⲑⲟϥ ⲁϥϣⲉⲛϩⲏⲧ ϧⲁⲣⲟⲛ
Ⲁϥⲓ ⲟⲩⲟϩ ⲁϥⲥⲱϯ ⲙⲙⲟⲛ

Ϫⲉ ϥⲥⲙⲁⲣⲱⲟⲩⲧ ⲛϫⲉ ⲫⲓⲱⲧ ⲛⲉⲙ ⲡϣⲏⲣⲓ
Ⲛⲉⲙ ⲡⲓⲡⲛⲉⲩⲙⲁ ⲉⲑⲟⲩⲁⲃ
Ϯⲧⲣⲓⲁⲥ ⲉⲧϫⲏⲕ ⲉⲃⲟⲗ
Ⲧⲉⲛⲟⲩⲱϣⲧ ⲙⲙⲟⲥ ⲧⲉⲛϯⲱⲟⲩ ⲛⲁⲥ

The Gospel Response ♱ Raising of Incense (Live) مرد الإنجيل ♱ رفع بخور

Ⲁⲙⲏⲛ ⲁⲗⲗⲏⲗⲟⲩⲓⲁ
Ⲇⲟⲝⲁ ⲡⲁⲧⲣⲓ ⲕⲉ ⲩⲓⲱ ⲕⲉ ⲁⲅⲓⲱ ⲡⲛⲉⲩⲙⲁⲧⲓ
Ⲕⲉ ⲛⲩⲛ ⲕⲉ ⲁⲓ ⲕⲉ ⲓⲥ ⲧⲟⲩⲥ ⲉⲱⲛⲁⲥ ⲧⲱⲛ ⲉⲱⲛⲱⲛ ⲁⲙⲏⲛ
Ⲧⲉⲛⲱϣ ⲉⲃⲟⲗ ⲉⲛϫⲱ ⲙⲙⲟⲥ ϫⲉ ⲱ ⲡⲉⲛϭⲟⲓⲥ ⲓⲏⲥⲟⲩⲥ ⲡⲓⲭⲣⲓⲥⲧⲟⲥ
Ⲥⲙⲟⲩ ⲛⲓⲙⲱⲟⲩ ⲙⲫⲓⲁⲣⲟ ⲙⲁⲣⲉ ⲡⲉⲕⲛⲁⲓ ⲛⲉⲙ ⲧⲉⲕϩⲓⲣⲏⲛⲏ ⲟⲓ ⲛⲥⲟⲃⲧ ⲙⲡⲉⲕⲗⲁⲟⲥ
Ⲥⲱϯ ⲙⲙⲟⲛ ⲟⲩⲟϩ ⲛⲁⲓ ⲛⲁⲛ
Ⲕⲩⲣⲓⲉ ⲉⲗⲉⲏⲥⲟⲛ Ⲕⲩⲣⲓⲉ ⲉⲗⲉⲏⲥⲟⲛ Ⲕⲩⲣⲓⲉ ⲉⲩⲗⲟⲅⲏⲥⲟⲛ ⲁⲙⲏⲛ
Ⲥⲙⲟⲩ ⲉⲣⲟⲓ ⲥⲙⲟⲩ ⲉⲣⲟⲓ ⲓⲥ ϯⲙⲉⲧⲁⲛⲟⲓⲁ ⲭⲱ ⲛⲏⲓ ⲉⲃⲟⲗ ϫⲱ ⲙⲡⲓⲥⲙⲟⲩ

Amen Alleluia for the Waters ♱ Raising of Incense (Live) آمين الليلويا لمياه النهر ♱ رفع بخور

Ⲁⲙⲏⲛ ⲁⲗⲗⲏⲗⲟⲩⲓⲁ
Ⲇⲟⲝⲁ ⲡⲁⲧⲣⲓ ⲕⲉ ⲩⲓⲱ ⲕⲉ ⲁⲅⲓⲱ ⲡⲛⲉⲩⲙⲁⲧⲓ
Ⲕⲉ ⲛⲩⲛ ⲕⲉ ⲁⲓ ⲕⲉ ⲓⲥ ⲧⲟⲩⲥ ⲉⲱⲛⲁⲥ ⲧⲱⲛ ⲉⲱⲛⲱⲛ ⲁⲙⲏⲛ
Ⲧⲉⲛⲱϣ ⲉⲃⲟⲗ ⲉⲛϫⲱ ⲙⲙⲟⲥ ϫⲉ ⲱ ⲡⲉⲛϭⲟⲓⲥ ⲓⲏⲥⲟⲩⲥ ⲡⲓⲭⲣⲓⲥⲧⲟⲥ
Ⲥⲙⲟⲩ ⲉⲛⲓⲥⲓϯ ⲛⲉⲙ ⲛⲓⲥⲓⲙ
ⲙⲁⲣⲉ ⲡⲉⲕⲛⲁⲓ ⲛⲉⲙ ⲧⲉⲕϩⲓⲣⲏⲛⲏ ⲟⲓ ⲛⲥⲟⲃⲧ ⲙⲡⲉⲕⲗⲁⲟⲥ
Ⲥⲱϯ ⲙⲙⲟⲛ ⲟⲩⲟϩ ⲛⲁⲓ ⲛⲁⲛ
Ⲕⲩⲣⲓⲉ ⲉⲗⲉⲏⲥⲟⲛ Ⲕⲩⲣⲓⲉ ⲉⲗⲉⲏⲥⲟⲛ Ⲕⲩⲣⲓⲉ ⲉⲩⲗⲟⲅⲏⲥⲟⲛ ⲁⲙⲏⲛ
Ⲥⲙⲟⲩ ⲉⲣⲟⲓ ⲥⲙⲟⲩ ⲉⲣⲟⲓ ⲓⲥ ϯⲙⲉⲧⲁⲛⲟⲓⲁ ⲭⲱ ⲛⲏⲓ ⲉⲃⲟⲗ ϫⲱ ⲙⲡⲓⲥⲙⲟⲩ

Amen Alleluia for the Seeds ♱ Raising of Incense (Live) آمين الليلويا للزروع والعشب ♱ رفع بخور

Ⲁⲙⲏⲛ ⲁⲗⲗⲏⲗⲟⲩⲓⲁ
Ⲇⲟⲝⲁ ⲡⲁⲧⲣⲓ ⲕⲉ ⲩⲓⲱ ⲕⲉ ⲁⲅⲓⲱ ⲡⲛⲉⲩⲙⲁⲧⲓ
Ⲕⲉ ⲛⲩⲛ ⲕⲉ ⲁⲓ ⲕⲉ ⲓⲥ ⲧⲟⲩⲥ ⲉⲱⲛⲁⲥ ⲧⲱⲛ ⲉⲱⲛⲱⲛ ⲁⲙⲏⲛ
Ⲧⲉⲛⲱϣ ⲉⲃⲟⲗ ⲉⲛϫⲱ ⲙⲙⲟⲥ ϫⲉ ⲱ ⲡⲉⲛϭⲟⲓⲥ ⲓⲏⲥⲟⲩⲥ ⲡⲓⲭⲣⲓⲥⲧⲟⲥ
Ⲥⲙⲟⲩ ⲛⲓⲁⲏⲣ ⲛⲧⲉ ⲧⲫⲉ ⲙⲁⲣⲉ ⲡⲉⲕⲛⲁⲓ ⲛⲉⲙ ⲧⲉⲕϩⲓⲣⲏⲛⲏ ⲟⲓ ⲛⲥⲟⲃⲧ ⲙⲡⲉⲕⲗⲁⲟⲥ
Ⲥⲱϯ ⲙⲙⲟⲛ ⲟⲩⲟϩ ⲛⲁⲓ ⲛⲁⲛ
Ⲕⲩⲣⲓⲉ ⲉⲗⲉⲏⲥⲟⲛ Ⲕⲩⲣⲓⲉ ⲉⲗⲉⲏⲥⲟⲛ Ⲕⲩⲣⲓⲉ ⲉⲩⲗⲟⲅⲏⲥⲟⲛ ⲁⲙⲏⲛ
Ⲥⲙⲟⲩ ⲉⲣⲟⲓ ⲥⲙⲟⲩ ⲉⲣⲟⲓ ⲓⲥ ϯⲙⲉⲧⲁⲛⲟⲓⲁ ⲭⲱ ⲛⲏⲓ ⲉⲃⲟⲗ ϫⲱ ⲙⲡⲓⲥⲙⲟⲩ

Amen Alleluia for the Air ♱ Raising of Incense (Live) آمين الليلويا لأهوية السماء ♱ رفع بخور

Kiahk (Live) كيهك

Tenoweh Ensok ♱ Kiahk (Live)  تين اويه انسوك ♱ كيهك

Bosso Shoufou ♱ Veneration (Live)  بصوا شوفوا ♱ التمجيد

The Third Hoos ♱ Bright Saturday (Live 2023) الهوس الثالث ♱ سبت النور

Cantor Tharwat Nady from the Coptic Orthodox Church of Virgin Mary and Saint Athanasius in Mississauga, Ontario, Canada.

New tracks tagged #CantorTharwat