Gàidhlig

Hi a charaid,

’S e an t-Sultain a th’ ann a-nis! Tha samhradh eile seachad is tha ràith eile mun cuairt oirnn. Dè an rud as motha a tha thu a’ coimhead air adhart ris mun fhoghar? Tha sinne air bhioran airson cuairtean am measg nan duilleagan a tha air tuiteam!

Bidh sinn a’ cur liosta de bhriathrachas cuideachail ri chèile airson gach ràith. Nach toir thu sùil air cuid de na faclan foghair as fheàrr leinn gu h-ìosal:

craobh-ghiuthais– pine tree: Lorgaidh tu tòrr chraobhan giuthais anns a’ Mhonadh Ruadh. 

duilleag  – leaf:  Seall air dath na duilleige, nach eil i br èagha? 

òr-bhuidhe – auburn: Tha na duilleagan òr-bhuidhe a’ coimhead gu math tarraingeach ann an dealbhan. 

fiadh – deer: Bi faiceallach, ’s dòcha gun ruith fiadh air an rathad. 

gràineag – hedgehog: Chan eil mi cinnteach a bheil an t-eagal air a’ ghràineig ron chù, no a bheil eagal air a’ chù ron ghràineig 

feòrag-ruadh – red squirrel: ’S urrainn dhan fheòrag ruadh snàmh, an robh fios agad air sin? 

cadal-geamhraidh – hibernation: Tha am mathan ann an cadal-geamhraidh a-nis, chan fhaic sinn e airson mìosan. 

Airson èisteachd ris na faclan seo, thèid gu LearnGaelic.scot > Reifreans > Fichead Facal, agus tagh  Briathrachas: Am Foghar.  

A bheil thu fhèin dèidheil air an t-àm seo den bhliadhna? Leig fios dhuinn dè na faclan a bhios a’ tighinn nad inntinn nuair a smaoinicheas tu fhèin air an ràith seo, le post-d no air na meadhanan sòisealta againne.

Sin e airson seachdain eile. Bho do charaidean aig Sgioba LearnGaelic, mar sin leat.




Beurla 

Hi there pal,

It’s September now! Another summer is over and autumn is upon us. What are you most looking forward to about autumn? We’re excited for walks amongst the fallen leaves!

We put a list together of helpful vocabulary for each season. Have a look at some of our favourite autumnal words below: 

craobh-ghiuthais– pine tree: You can find lots of pine trees in the Cairngorms. 

duilleag – leaf:  | Look at the colour of the leaf, isn’t it beautiful? 

òr-bhuidhe – auburn: The auburn leaves look very striking in photos.

fiadh – deer: Be careful, a deer might run onto the road.  

gràineag – hedgehog: I’m not sure if the hedgehog fears the dog, or if the dog fears the hedgehog! 

feòrag-ruadh – red squirrel: The red squirrel can swim, did you know that?

cadal-geamhraidh – hibernation: The bear is in hibernation now, we won’t see him for months. 

To listen to these words, go to LearnGaelic.scot > Reference > Twenty Words, and click on Vocabulary: The Autumn.  

Are you fond of this time of year? Let us know what words come to mind when you think of this season, by email or on our social media. 

That’s it for another week. From your friends at the LearnGaelic Team, bye for now. 


Briathrachas an Fhoghair | Autumn Vocabulary

Haidh a charaid, 

Dè tha dol? Tha sinne uile san àbhaist aig Sgioba LG. Bha rud ma seach a’ dol againn tron t-samhraidh, ach tha cùisean a’ fàs beagan nas socraiche a-nis gu bheil na mìosan ‘ber’ againn! Ged a tha an aimsir nas fhuaire sna mìosan seo, tha blàths annta cuideachd. Dathan blàtha, deochan blàtha agus stocainnean blàtha! 

Tha sinn an dòchas gum bi coimhearsnachd bhlàth mun cuairt ort cuideachd. Dè tha ‘coimhearsnachd’ a’ ciallachadh dhutsa? Do chuid de dhaoine, tha e a’ ciallachadh buidheann de charaidean a tha còir is taiceil. Do chuid eile, tha am facal a’ samhlachadh pian agus briseadh-dùil. Ach, tha feum againn uile oirre. Ma tha thu fortanach gu leòr a bhith stèidhichte ann an deagh choimhearsnachd, carson nach cùm thu sùil a-mach airson na daoine a tha fhathast air an taobh a-muigh? Agus ma tha cùisean air a bhith doirbh dhut gu ruige seo, cùm sùil a-mach airson daoine laghach... tha iad ann, ’s e geall a tha sin! 

Càit an lorg thu coimhearsnachd, ma tha? Uill, deagh naidheachd – tha taghadh gu leòr ann! Ma tha thu ceòlmhor, dh’fhaodadh tu a bhith nad phàirt de chòisir no còmhlan. Ma tha leughadh a’ còrdadh riut, dh’fhaodadh tu a dhol gu buidheann-leabhair. ’S dòcha gu bheil thu cruthachail... a bheil buidheann ciùird faisg ort? Mur eil ùidh agad ann an dad sam bith a tha a’ dol san sgìre agad, carson nach tòisich thu rudeigin thu fhèin? 

Chan urrainn dhuinn dìochuimhn’ a dhèanamh air a’ choimhearsnachd Ghàidhlig! Tha i làidir dha-rìribh, an dà chuid aghaidh ri aghaidh is air-loidhne. Cànan, cultar, ceòl is creideamh... tha iad uile air cur ri dualchas beairteach na Gàidhlig a tha luachmhor dhuinn uile! Ge bith càit a bheil thu, faodaidh tu a bhith nad phàirt dheth.  

Gus sùil a thoirt air dà choimhearsnachd eileanach, thèid gu Learngaelic.scot > Coimhead & Èist > An Litir Bheag is tagh 392: Dùthchas. 

Dè an rud as fheàrr leat mun choimhearsnachd agad fhèin? Leig fios thugainn le post-d no air na meadhanan sòisealta againn. 

Sin e airson seachdain eile. Bho do charaidean aig LearnGaelic, mar sin leat!  

 

 

 

 

 

Beurla 

Hi there pal, 

How’s it going? We’re all in the usual at Team LG. We had lots of things going on over the summer, but things are getting a little quieter now that the ‘ber’ months are upon us! Although the weather is colder in these months, there’s warmth in them too. Warm colours, warm drinks and warm socks! 

We hope that you’ll have a warm community around you too. What does ‘community’ mean to you? For some people, it means a group of friends that’s kind and supportive. For others, it symbolises pain and disappointment. But, we all need it. If you are fortunate enough to be settled in a good community, why not keep an eye out for people who are still on the outside? And if things have been difficult for you up until now, keep an eye out for nice people... they’re out there, we promise!  

Where can you find community, then? Well, good news – there’s plenty of choice! If you’re musical, you could be part of a choir or band. If you enjoy reading, you could go to a book group. Maybe you’re creative... is there a craft group near you? If there’s nothing in your area that catches your eye, why not start something yourself? 

We can’t forget about the Gaelic community! It’s very strong, both face to face and online. Language, culture, music, and faith... they’ve all added to the rich Gaelic heritage that is precious to us all! Wherever you are, you can be a part of it.  

To have a look at two island communities, go to LearnGaelic.scot > Look & Listen > The Little Letter and choose 392: Belonging.  

What’s your favourite thing about your own community? Let us know by email or on our social media!  

That’s it for another week. From your friends at LearnGaelic, bye for now! 

 

Coimhearsnachd

Am Mòd Nàiseanta Rìoghail | the Royal National Mòd

Gàidhlig
Haidh a charaid,
An Dàmhair – mìos a tha gu math cudromach airson nan Gàidheal. Tha aon adhbhar sònraichte ann airson seo... a bheil fios agad dè a th’ ann? Sin e, tha am Mòd Nàiseanta Rìoghail a’ teannadh dlùth a-rithist. ’S ann anns a’ Ghearasdan a bhios e am-bliadhna, agus tha sinn a’ coimhead air adhart ris gu mòr. Am bi thu fhèin a’ gabhail pàirt, no a bheil thu am beachd a choimhead air an Tbh? Bidh an t-seachdain a’ comharrachadh ar cànan agus ar cultar tro dhiofar mheadhanan. Seo dhut briathrachas a bhios feumail dhut: 
An Comunn Gàidhealach – The Highland Association: Tha am Mòd Nàiseanta Rìoghail air a chur air dòigh leis a’ Chomunn Ghàidhealach. 
Bàrdachd – Poetry: Bidh do ghuth a’ dol suas is sìos nuair a bhios tu ag aithris bàrdachd. 
Còisir – Choir: A bheil thu fhèin ann an còisir? 
Sgeulachd – Story: ’S urrainn dhut sgeulachd spòrsail a sgrìobhadh airson a’ Mhòid! 
A’ seinn – Singing: Dè an t-òran as fheàrr leat a sheinn? 
Farpais – Competition: Mhair an fharpais ud fad an fheasgair, bha còrr air dà fhichead farpaiseach ann! 
dannsa Gàidhealach – Highland dancing: Chan eil dannsa Gàidhealach furasta, feumaidh tu tòrr sgil is spionnaidh. 
Britheamh – Adjudicator: Cha bu toil leam a bhith nam bhritheamh, ’s e dleastanas mòr a th’ ann. 
Gus briathrachas a bharrachd fhaicinn, thèid gu LearnGaelic.scot > Reifreans > Fichead Facal agus tagh Am Mòd.
A bheil sgeulachdan sam bith agad fhèin bhon Mhòd? Leig fios thugainn le post-d no air na meadhanan sòisealta againn. Ma tha iad uabhasach fhèin inntinneach, ’s dòcha gun cur sinn dhan ath chuairt-litir iad!
Sin e airson seachdain eile. Bho do charaidean aig LearnGaelic, mar sin leat.



Beurla
Hi there pal,
October – a month that’s very important for Gaels. There’s one reason in particular for this... do you know what it is? That’s right, the Royal National Mòd is almost upon us once again. It’ll be in Fort William this year, and we’re really looking forward to it. Will you be taking part, or will you be watching on TV? The week will celebrate our language and culture through different means. Here’s some vocabulary that’ll be useful for you:
An Comunn Gàidhealach – The Highland Association: The Royal National Mòd is organised by The Highland Association. 
Bàrdachd – Poetry: Your voice goes up and down when reciting a poem. 
Còisir – Choir: Are you in a choir?
Sgeulachd – Story: You can write a fun story for the Mòd!
A’ seinn – Singing: What’s your favourite song to sing?
Farpais – Competition: That competition lasted all afternoon, there were over forty competitors! 
dannsa Gàidhealach – Highland dancing: Highland dancing isn’t easy, you need a lot of skill and energy.  
Britheamh – Adjudicator: I wouldn’t like to be an adjudicator, it’s a big responsibility.
Gus briathrachas a bharrachd fhaicinn, thèid gu LearnGaelic.scot > Reifreans > Fichead Facal agus tagh Am Mòd.
To see more vocabulary, go to LearnGaelic.scot > Reference > Twenty Words > and choose The Mòd.
Do you have any stories from the Mòd? Let us know by email or on our social media. If they’re really interesting, we might include them in our next newsletter! 
That’s it for another week. From your friends at LearnGaelic, bye for now. 





Am Mòd Nàiseanta Rìoghail | The Royal National Mòd

Hi a charaid,
Dè tha dol? Tha sinne a’ dèanamh fiughair ris a’ Mhòd Nàiseanta Rìoghail gu mòr, chan eil càil coltach ris! ’S ann a tha e a’ tachairt ann an Loch Abar am-bliadhna, oisean àlainn den t-saoghal. Eadar tràighean is beanntan, lochan is eileanan, chan eil mòran àiteachain nas fheàrr airson a bhith a-muigh is a-mach. Seo dhut sùil air cuid de na rudan a tha a’ dèanamh na sgìre seo sònraichte:
Tha Loch Abar na dhachaigh don bheinn as àirde san Rìoghachd Aonaichte - Beinn Nibheis. Faodaidh tu a dhol suas le do dhà chois fhèin, no air gondola!
Ardnamurchan, ros a tha loma làn de thràighean eireachdail. Bho na bàigh seo, gheibh thu seallaidhean àlainn de na h-eileanan beaga - Rùm, Eige, Muc agus Canaigh.
Tha sinn cinnteach gu bheil fios aig a’ mhòr-chuid agaibh air seo mu thràth! Nochd Drochaid-rèile Ghleann Fhionghain anns na filmichean Harry Potter. An e ‘Potterhead’ a th’ annad fhèin? 
Tha e freagarrach gu bheil am Mòd air a chumail an seo, leis gun deach mòran luchd-ciùil traidiseanta air an togail ann. Bho Fergie Dòmhnallach gu Raibeart Robasdan, tha fuaim a’ chosta an iar air buaidh a thoirt air iomadh ginealach.
An robh fios agad gu bheil taigh-dhealbh sgoinneil anns a’ Ghearasdan? ’S e ‘Highland Cinema’ a th’ air, agus a bharrachd air deagh fhilm, gheibh thu greim-bìdh cuideachd. Mar sin, cha leig thu leas a bhith steigte air na làithean fliucha!
Gus sgeulachd a leughadh a tha ceangailte ri Loch Abar, thèid gu LearnGaelic.scot > Coimhead & Èist > An Litir Bheag agus tagh An Dèirceach Abrach.
An robh thu fhèin riamh san sgìre seo? Am bi thu ann airson a’ Mhòid? Ma tha sgeulachdan sam bith agad fhèin mun àite, cur fios thugainn le post-d no air na meadhanan sòisealta againn! 
Sin e airson seachdain eile. Bho do charaidean aig LearnGaelic, mar sin leat! 

Beurla 
Hi there pal,
How’s it going? We’re really looking forward to the Royal National Mòd, there’s nothing like it! It’s taking place in Lochaber this year, a beautiful corner of the world. Between beaches and hills, lochs and islands, there aren’t many better places for being out and about. Here’s a look at some of the things that make this area special:
Lochaber is home to the highest mountain in the United Kingdom – Ben Nevis. You can go up with your own two legs, or on a gondola! 
Ardnamurchan, a peninsula that’s full to the brim with spectacular beaches. From these bays, you can get beautiful views of the small islands – Rum, Eigg, Muck and Canna.
We’re sure that most of you know this one already! The Glenfinnan Viaduct appeared in the Harry Potter films. Are you a ‘Potterhead’ yourself? 
It’s fitting that the Mòd is being held here, as this is where many traditional musicians have been brought up. From Fergie MacDonald to Robert Robertson, the west coast sound has influenced many generations. 
Did you know that there’s a great cinema in Fort William? It’s called ‘Highland Cinema’, and as well as a good film, you’ll get something to eat too. So, there’s no need to be stuck on the rainy days!
To read a story that’s connected to Lochaber, go to Learngaelic.scot > Look & Listen > The Little Letter and choose The Beggar from Lochaber.
Have you ever been to this area? Will you be there for the Mòd? If you’ve got any stories of your own about the place, let us know by email or on our social media!
That’s it for another week. From your friends at LearnGaelic, bye for now!


lochabar

Haidh a charaid,
An do chùm thu fhèin suas ris a’ Mhòd? Bha mòran farpaisich a’ seinn ann an tallachan làn dhaoine, agus uaireannan air telebhisean beò cuideachd! Às dèidh mìosan de dh’ullachaidh, tha sinn cinnteach gun robh gu leòr aca uabhasach fhèin nearbhach! Chan e rud furasta a th’ ann idir a bhith air beulaibh dhaoine, ach tha e math airson do mhisneachd a thogail agus tha e a’ toirt toileachas do na daoine a tha ag èisteachd agus a’ coimhead. 
Gu fortanach, cha leig sinn uile a leas a dhol air an àrd-ùrlar às dèidh dhuinn òran ionnsachadh, ge-tà! Dh’fhaodadh tu a dhèanamh dìreach airson spòrs. Tha e math airson do shunnd, agus faodaidh e cuideam agus iomagain a lughdachadh. ’S urrainn dha do fhèithean agus do chuimhne a neartachadh. Cuideachd, tha e a’ toirt dhut mòran chothroman gus ceanglaichean a thogail le daoine eile a tha dèidheil air seinn cuideachd. Ann an saoghal far a bheil aonaranachd pailt, tha sinn den bheachd gur e buannachd gu math cudromach a tha sin! 
Càit an tòisich thu, ma tha? Uill, tha taghadh gu leòr agad ann an saoghal na Gàidhlig. Òrain luath is òrain slaodach, òrain sona is òrain bhrònach – tha rudeigin ann dhan a h-uile duine. Mar eisimpleir, dh’fhaodadh tu port mar ’S iomadh rud a chunna’ mi ionnsachadh. Tha e an-còmhnaidh spòrsail a bhith a’ seinn ann an stoidhle puirt à beul, ged a tha e doirbh aig amannan na faclan fhaighinn a-mach! Mas fheàrr leat òran nas socraiche, dè mu dheidhinn Teann a-nall? Chan eil mòran Ghàidheil ann nach eil eòlach air – ‘crowd favourite’, mar a chanas iad sa Bheurla! 
Gus cluinntinn bho bhoireannach aig a bheil guth seinn àlainn, thèid gu LearnGaelic.scot > Coimhead & Èist > Look@LearnGaelic agus tagh Seinn. 
An toil leat fhèin a bhith a’ seinn? Dè an t-òran as fheàrr leat? Leig fios thugainn le post-d no air na meadhanan sòisealta againn!
Sin e airson seachdain eile. Bho do charaidean aig LearnGaelic, mar sin leat! 




Beurla
Hi there pal,
Did you keep up with the Mòd? Many competitors sang in halls full of people, and sometimes on live television too! After months of preparation, we’re sure a lot of them were very nervous! It’s not an easy thing at all to be in front of people, but it’s good for building your confidence and it brings joy to the people who are listening and watching. 
Fortunately, we don’t all need to go on a stage after learning a song, though! You could do it just for fun. It’s good for your mood, and it can reduce stress and anxiety. It can strengthen both your muscles and your memory. Also, it gives you many opportunities to build connections with other people who enjoy singing too. In a world where loneliness is abundant, we think that’s a very important benefit!  
Where will you start, then? Well, there’s plenty of choice in the Gaelic world. Fast songs and slow songs, happy songs and sad songs – there’s something for everyone. For example, you could learn a tune like ’S iomadh rud a chunna’ mi. It’s always fun to sing in the puirt à beul style, although it’s difficult at times to get the words out! If you prefer a calmer song, how about Teann a-nall? There aren’t many Gaels who aren’t familiar with it - a real crowd favourite! 
To hear from a woman who has a beautiful singing voice, go to LearnGaelic.scot > Watch & Listen > Look@LearnGaelic and choose Singing.
Do you like to sing? What’s your favourite song? Let us know by email or on our social media! 
That’s it for another week. From your friends at LearnGaelic, bye for now!  




Ionnsaich Òran - Learn a Song

Haidh a charaid,

An còigeamh latha den t-Samhain, ’s e latha sònraichte a th’ ann. Carson a tha seo? Bidh daoine a’ lasadh theintean air feadh na dùthcha gus Oidhche nan Gealbhan a chomharrachadh. ’S e oidhche spòrsail a th’ ann sna làithean sa, ach dh’fhaodadh e air a bhith na oidhche gu math dorcha ann an eachdraidh. Ma tha thu airson barrachd fhaighinn a-mach, thoir sùil air na sgrìobh sinn an-uiridh. https://mailchi.mp/learngaelic/filte-don-t-samhain

An-diugh, tha sinn airson briathrachas cuideachail a thoirt dhut airson na h-oidhche seo:

cleasan-teine - fireworks: Tha cleasan-teine àlainn, ach feuch nach seas thu ro fhaisg orra gun fhios nach tèid càil ceàrr.

sluagh - crowd: Thàinig a’ choimhearsnachd còmhla a-raoir, bha sluagh mòr ann.

gealbhan - bonfire: An urrainn dhut barrachd fiodha a chur ris a’ ghealbhan? 

lannireag - sparkler: Seall cho soilleir ’s a tha an lannireag! 

spreadhadh - explosion: Tha e cho math nach robh Guy Fawkes soirbheachail, no bhiodh spreadhadh uabhasach air a bhith ann. 

brag - bang: Obh obh, chuir am brag ud an t-eagal orm!  

sgarfa - scarf: Feuch nach dìochuimhnich thu air an sgarfa agad, bidh i fuar dha-rìribh a-muigh. 

brot - soup: Brot teth air Oidhche nan Gealbhan, chan eil càil nas fheàrr. 

Bidh fios aig mòran agaibh gu bheil teintean na phàirt mhòr de bheul-aithris na Gàidhealtachd. Gus leughadh mun a seo, thèid gu LearnGaelic.scot > Coimhead & Èist > An Litir Bheag agus tagh Litir Bheag 930: Teintean rainich air Oidhche Shamhna. 

A bheil gealbhan a’ tachairt faisg ort fhèin? Am bi thu a’ dol ann? Leig fios thugainn le post-d no air na meadhanan sòisealta!

Sin e airson seachdain eile. Bho do charaidean aig LearnGaelic, mar sin leat. 

Hi there pal,
The 5th of November, it’s a significant day. Why is this? People will be lighting fires all over the country to celebrate Bonfire Night. It’s a fun evening these days, but it could have been a very dark night in history. If you want to find out more, read what we wrote last year.  https://mailchi.mp/learngaelic/filte-don-t-samhain

Today, we want to give you some handy vocabulary for this evening:
cleasan-teine - fireworks: Tha cleasan-teine àlainn, ach feuch nach seas thu ro fhaisg orra gun fhios nach tèid càil ceàrr. | Fireworks are beautiful, but make sure you don’t stand too close to them in case something goes wrong. 

sluagh - crowd: Thàinig a’ choimhearsnachd còmhla a-raoir, bha sluagh mòr ann. | The community came together last night, there was a big crowd there.  

gealbhan - bonfire: An urrainn dhut barrachd fiodh a chur ris an gealbhan? | Can you add more wood to the bonfire?

lannireag - sparkler: Seall cho soilleir ’s a tha an lannireag! | Look at how bright the sparkler is!

spreadhadh - explosion: Tha e cho math nach robh Guy Fawkes soirbheachail, no bhiodh spreadhadh uabhasach air a bhith ann. | It’s just as well that Guy Fawkes wasn’t successful, or there would have been a mighty explosion. 

brag - bang: Obh obh, chuir am brag ud an t-eagal orm! | Oh my, that bang gave me a fright! 

sgarfa - scarf: Feuch nach dìochuimhnich thu air an sgarfa agad, bidh i fuar dha-rìribh a-muigh. | Make sure you don’t forget your scarf, it’ll be very cold outside.

brot - soup: Brot teth air Oidhche nan Gealbhan, chan eil càil nas fheàrr. | Hot soup on Bonfire Night, there’s nothing better. 

Many of you will know that fires are a big part of Highland folklore. To read about this, go to LearnGaelic.scot > Watch & Listen > The Little Letter and choose Little Letter 930: Fern fires on Hallowe'en.

Is there a bonfire happening near you? Will you be going? Let us know by email or on our social media!

That’s it for another week. From your friends at LearnGaelic, bye for now. 




Oidhche nan Gealbhan | Bonfire night

Taingealas-2026

Na tha seachad, tha e seachad – It’s over (Fuaime Gàidhlig) – Patrick Levien Fuaime Gàidhlig den òran a tha a’ dùsgadh na h-Eòrpa o Lisbon gu Vladivostok.
Na tha seachad, tha e seachad – tha an àm de chogaidhean seach-chomhairle, deachdaireachd nam bancaichean agus sgaradh a dh’aona ghnothach seachad.
Tha na h-Eòrpaich nan dùisg.Sgrìobhte, sgrìobhte agus riochdaichte 100 % le cuideachadh AI – dearbhadh gu bheil an àm ùr ann mu thràth.
Anns na seachdainean ri teachd anns na 24 cànanan oifigeil AE + Ucràinis agus Ruisis.Sìth | Uachdranas | Ioma-pholachas | DùsgadhTha sinn nar dùisg. 
#NaThaSeachad #ItsOverSruthadh & luchdadh sìos an-asgaidh – roinn gun eagal.



Na tha seachad, tha e seachad - Patrick Levien Ki Projekt

AAAAAAAAAAAAAALBA!!!!!
Mìorbhaileach, iongantach, do-chreidsinneach... dh’fhaodainn cumail oirnn! Thachair rudeigin mòr a-raoir, nach do thachair? Chan fhaca sinn a-riamh a leithid. Dà thadhal ann an ochd mionaidean aig deireadh a’ gheama, abair sgeulachd! Agus a-nis, ’s urrainn dhuinn na faclan seo a ràdh... tha Alba a’ dol gu Cupa na Cruinne! 
Ciamar a tha thu fhèin a’ faireachdainn? Air bhioran, tha sinn a’ creidsinn! Seo a’ chiad turas a tha Alba air àite a ghlèidheadh ann an Cupa na Cruinne bho 1998! Bidh an fharpais a’ tachairt anns na Stàitean Aonaichte, Canada agus Meagsago. Tha tòrr charaidean againn thar a' Chuain Siar, agus tha sinn cinnteach gum bi mòran agaibh mun cuairt. Albannaich, am bi sibh ann? Turas fada, ach abair turas sònraichte a bhios ann!
Gus sùil a thoirt air sgioba ball-coise nach eil buileach cho ainmeil, ach pailt cho dealasach, ris an sgioba nàiseanta, thèid gu LearnGaelic.scot > Coimhead & Èist > Coimhead Gàidhlig agus tagh 80 bliadhna de Sgioba Ball-coise nan Lochan.
Càit an robh thu fhèin a-raoir nuair a chaidh an tadhal aig Kenny McLean a-steach? Feuch gun innis thu dhuinn le post-d no air na meadhanan sòisealta againn!
Bidh sinn a’ tighinn, bidh sinn a’ tighinn, bidh sinn a’ tighinn sìos an rathad...
Sin e airson seachdain eile. Bho do charaidean aig LearnGaelic, mar sin leat!
Beurla
AAAAAAAAAAAAAALBA!!!!!
Marvellous, amazing, unbelievable... we could go on! Something big happened last night, didn’t it? We’ve never seen the likes. Two goals in eight minutes at the end of the game, what a story! And now, we can say these words... Scotland are going to the World Cup! 
How are you feeling? Excited, we’re sure! This is the first time that Scotland have qualified for the World Cup since 1998! The tournament will take place in the United States, Canada and Mexico. We’ve got many lots of friends across the Atlantic, and we’re sure that many of you will be around. Scots, will you be there? A long journey, but what a special one it will be!
To have a look at a football team that isn’t quite as famous, but just as passionate, as the national team, go to LearnGaelic.scot > Watch & Listen > Watch Gàidhlig and choose 80 years of Lochs Football club.
Where were you when Kenny MacLean’s goal went in last night? Make sure you let us know by email or on our social media!
We’ll be coming, we’ll be coming, we’ll be coming down the road...
That’s it for another week. From your friends at LearnGaelic, bye for now!


Alba – a’ tighinn sìos an rathad! | Scotland – coming down the road!

Haidh a charaid,
Bidh latha sònraichte Albannach ann an t-seachdain sa – Là Naomh Anndra. Tha an latha seo air a chomharrachadh air 30mh den t-Samhain gach bliadhna. Ma tha thu airson faighinn a-mach mun eachdraidh air cùl an latha, thoir sùil air a’ chuairt-litir a sgrìobh sinn beagan bhliadhnaichean air ais: https://us11.admin.mailchimp.com/campaigns/show-email?id=4881941. 
An-diugh, tha sinn a’ smaoineachadh air na dòighean eadar-dhealaichte as urrainn dhut an latha seo a chomharrachadh:
A bheil cèilidh a’ tachairt faisg ort? Ma tha, tha sinn cinnteach gu bheil oidhche spòrsail dha-rìribh romhad! ’S e deagh adhbhar a th’ ann airson breacan a chur ort – dè mu dheidhinn tàidh, no froga? Tha dannsa ann dhan a h-uile duine - dannsaichean slaodach, dannsaichean luath, dannsaichean buidhne, dannsaichean càraid. A bheil thu eòlach air mòran thu fhèin? Mur eil, carson nach ionnsaich thu fear no dhà? Tha goireasan gu leòr ann air an eadar-lìn, no dh’fhaodadh tu a dhol gu clas!
’S dòcha nach eil e comasach dhut a dhol gu cèilidh, ach ’s urrainn dhut èisteachd ri ceòl Albannach ge bith càit a bheil thu! Bho laoidhean gu puirt à beul, tha dualchas ciùil gu math beartach againn. Ma tha thu a’ fuireach fad air falbh bho Alba is tha beagan cianalais ort, ’s e pìos den dachaigh a th’ ann an ceòl dùthchasach a bhios daonnan còmhla riut.
Biadh, tha e an-còmhnaidh a’ toirt daoine còmhla! Tha Alba ainmeil airson measgachadh de bhiadhan – taigeis le buntàta is tuinneap, Cullen Skink is Cranachan nam measg. Carson nach cuir thu dinnear Albannach air dòigh còmhla ri do charaidean? Dh’fhaodadh tu a bhith cho cruthachail ’s a ghabhas... chuala sinn gu bheil a leithid de rud ann ri piotsa taigeise ann na làithean sa! 
Tha sinn air a bhith a’ bruidhinn air òrain is biadh... carson nach ionnsaich thu òran Gàidhlig mu dheidhinn biadh Albannach cuideachd! Thèid gu LearnGaelic.scot > Coimhead & Èist > Ionnsaich Òrain agus tagh ’S toigh leam fhìn Buntàta ’s Ìm. 
Dè na planaichean a th’ agad fhèin airson Là Naomh Anndra? Leig fios thugainn le post-d no air na meadhanan sòisealta againn!
Sin e airson seachdain eile. Bho do charaidean aig LearnGaelic, mar sin leat!


Beurla
Hi there pal,
There’ll be a special Scottish day happening this week – St Andrew’s Day. This day is celebrated on 30th November each year. If you want to find out about the history behind the day, have a look a newsletter which we wrote a few years ago: https://us11.admin.mailchimp.com/campaigns/show-email?id=4881941. 
Today, we’re thinking about the different ways you can celebrate this day:
Is there a cèilidh happening near you? If so, we’re sure you have a very fun evening ahead of you! It’s a good reason to wear some tartan – how about a tie, or a dress? There’s a dance for everybody – slow dances, quick dances, group dances, couple dances. Are you familiar with many yourself? If not, why not learn one or two? There are plenty of resources online, or you could go to a class!
Maybe it isn’t possible for you to go to a cèilidh, but you can listen to Scottish music wherever you are! From ballads to mouth music, we have a very rich musical heritage. If you live far away from Scotland and have a little ‘cianalas’, native music is a piece of home that will always be with you.
Food, it always brings people together! Scotland is famous for a mix of dishes – haggis with potato and turnip, Cullen skins and Cranachan included. Why not put a Scottish dinner together with your friends? You could be as creative as you’d like... we’ve heard there’s such a thing as haggis pizza these days!
We’ve been talking about songs and food... why not learn a Gaelic song about Scottish food too? Go to LearnGaelic.scot > Watch & Listen > Learn a Song and choose ’S toigh leam fhìn Buntàta ’s Ìm.
What are your plans for St Andrew’s Day? Let us know by email or on our social media!
That’s it for another week. From your friends at LearnGaelic, bye for now!


Là Naomh Anndra

Hier findest du Musik von Patrick Levien KI ProjektJesus Christus KI Generation , KI Komplott und Ki Sunclub Mallorca. Dieses Projekt wurde am 9 April 2025 von Uwe Joswig gestartet . 

Here you'll find music by Patrick Levien KI Projekt, Jesus Christus KI Generation, KI Komplott, and Ki Sunclub Mallorca. This project was started on April 9, 2025 by Uwe Joswig.  
https://www.youtube.com/channel/UC5cvu2aZt4Bf5n8oHr9UnfQ
https://open.spotify.com/intl-de/artist/236ea329HUvgkH7mIID8DT

LearnGaelic is your constant companion on your learning journey. Visit LearnGaelic.scot for online courses, an online dictionary, course finder, and more. These files provide audio support to the weekly newsletter.

New tracks tagged #Gàidhlig