Hii leo jaridani tunakuletea mada kwa kina ambapo tunakwenda nchini Kenya kuangazia juhudi zinazofanywa na ofisi ya Umoja wa Mataifa ya kupambana na dawa na uhalifu UNODC katika kuwasaidia askari magereza na wafungwa kukabilia changamoto za msongo wa mawazo na afya ya akili. Katika kujifunze Kiswahili tunapata ufafanuszi wa neno "SAKARANI" na Onni Sigalla.

1.	Mkutano wa kuchangisha fedha kwa ajili ya kufanikisha elimu kwa zaidi ya watoto milioni 222 duniain ukianza leo huko Geneva Uswisi ukiandaliwa na mfuko wa Umoja wa Mataifa wa kusongesha elimu kwenye maeneo ya majanga na mizozo ya muda mrefu, Education Cannot Wait au elimu haiwezi kusubiri, Katibu Mkuu wa Umoja wa Mataifa Antonio Guterres amesema watoto milioni 78 wa kike na wa kiume duniani kote hawaendi shuleni kwa sababu ya vita, majanga ya tabianchi na ukimbizi wa ndani na mamilioni wengine wanapata elimu isiyo makinifu, hivyo ametoa wito wa fedha zaidi kwa elimu kwa watoto kwenye maeneo ya dharura.
2.	Mamia ya wanawake nchini Tanzania wameanza kunufaika na upatikanaji wa huduma bora zaidi za saratani ya shingo ya kizazi baada ya kufungwa kwa mashine za kuimarisha kiwango cha juu cha dozi HDR katika Taasisi ya Saratani ya Ocean Road (ORCI) jijini Dar es Salaam, mashine ambazo zinayoratibiwa na IAEA.
3.	Na shirika la Umoja wa Mataifa la Mpango wa chakula duniani, WFP limeongeza kwa asilimia 43 mgao wa chakula kwa wakimbizi wanaoishi kwenye kambi zote tano nchini humo ili waweze kukidhi mahitaji yao ya msingi, kufuatia ongezeko la bei za vyakula na nishati duniani kote. 
4.	Na katika kujifunza Kiswahili leo tukipata ufafanuszi wa neno "SAKARANI" na mtaalam wetu ni Onni Sigalla Mhariri mwandamizi wa Baraza la Kiswahili la Taifa  nchini Tanzania , BAKITA.  

Mwenyeji wako ni Anold Kayanda, karibu!

HABARI ZA UM 16 FEBRUARI 2023, MSONGO WA MAWAZO GEREZANI, ELIMU, WAKIMBIZI, NENO LA WIKI

Idhaa ya Kiswahili ya Umoja wa Mataifa inatangaza habari kila siku kwa lugha ya Kiswahili, Kiarabu, Kichina, Kiingereza, Kifaransa, Kireno, Kirusi na Kihispania. Na mara moja kwa wiki inakuwa na vipindi vya lugha ya French Creole, Kibengal, Kihindi, Urdu na kiindonesia.
Radio ya UM inabadilisha taarifa zake kutokan na habari mpya zinavyokuja kila mara kwa siku. Pia inaandaa makala na kufanya uchambuzi wa mada mbalimbali za kijamii, kisiasa, kiuchumi, maendeleo na masuala yanayohusu tamaduni yanyohusisha Umoja wa Mataifa na kazi zake. Vipindi vya Idhaa ya Kiswahili ya Umoja wa Mataifa au UNNews  viko vingi na ni kuanzia habari,  makala, vipindi maalumu na taarifa za habari za kila siku na zile za kila wiki.
Na vipindi vyote hivyo vinaweza kutumiwa na vyombo vingine vya habari au watangazaji, na vinaweza kutumiwa kama chanzo cha habari kwa waandishi.  binafsi.Na kwa kuongezea tuu ni kwamba vipindi vyote hivyo na sauti zingine kwenye tovuti yetu vinatolewa bure bila malipo yoyote. Unaweza pia kujisajli kwenye ukurasa wetu ili upokee taarifa kila wakati zinapochapishwa.
Kwa uchaguzi zaidi wa ushirikiano usisite kuwasilina nasi.

New tracks tagged #Langata