فوزي المزداوي - يوم الوداع

كلمات:

ليش بعيد مشيتي عني
ليش بعيد مشيتي عني، ومادليتني لعنوانك لا جيتي
ما ودعتيني سافرتي ليش تركتيني، منك حاير خليتيني
راك خذيتي عقلي وعيوني بكيتي
بعيد رحلتي لا جيتي لا عنى سألتي
لا عنى سألتي واجد فى الغيبة طولتي
زعم جافيتي ولا صوب غلايا نسيتي

طال غيابك طال
طال غيابك طال، يا محبوب تعال
محتاج الخاطر لزويلك يا ريم الجفال
دوم نراجي فيك ما نزهى الا بيك
مشتاق لنظرات عيونك، لا نهدى محال
يا ريدي مشتاق، ما نحمل الفراق
طولت الغيبة يا غالي، ماجاني مرسال
ديما نطلب في مولاي، شدب فيا يا مشكاي
ماغيرك زاهي في عيوني، لا غيرك ع البال

الله بكاي
وزن طبيلة:
الله بكاي، عين الحايل، يخطرلي لو نبقى نايم يا ترحال
يا ترحال الله العالي يخطر وين النوم منايا
ذكريات تجي في بالي، وأنا بالي في مشكايا
تبقى ديما تتهيألي، لما كان رفيق معايا
طول غيابه طيب حالي، ماني قادرلك من دايا
سامر نومي ما يلفالي، وعيوني تدرف بكايا
نطريك بزينك موالي، وألحاني وحروف منايا
ياريت الدنيا تزهالي، وتجيبه ريدي يالايا
من ساكت عذاب جرالي، لو بكايا جاب الغالي
الله الدايم، عين الحايل، يخطرلي لو نبقى نايم يا ترحال

الشوق جبرني
يا محبوب الشوق جبرني، جيتك ليتك تعذرني
الشوق خذاني يا غالي واجد خذاني
منه يا محبوب نعاني، حتى في نومي حيرني
شوقي رازيني، كيف المجنون مخليني
في ليلي مانامت عيني، ظليت لو راك تهني

سوحي سوحي عيونك سود خذن روحي
سوحي في الليل، عيونك سود بلا تكحيل
سوحي سوحان، عيونك مليانات حنان
سوحي سوحان، عيونك سود من الرحمن
ياليل ياليل، وراقد فيها يا للّا
ياليل يا ليل، وجدي الريم جفل من ظله

فوزي المزداوي - وصلة ليش بعيد - غيابك طال يا ريم الجفال - يامحبوب الشوق جبرني

تسجيلات لوصلات غنائية للفنان فوزي المزداوي بمصاحبة آلة العود
كلمات:

طالب مولايا يا رب العالي، يكفيني هموم دمعي شكوى لي

لو كان الرأي والشورى في إيدي، لا ليلي لا حزنت على ريدي
لا دمعي سال، لا كثر تغريدي، راني مرتاح من ها الي جاء لي

طالب مولايا، والمولى قريب، عمره ما دعاء المحتاج يخيب
فرحني مولى الصيت الطيب، قولوا آمين يحققلي آمالي

فوزي المزداوي - طالب مولايا (على العود)

تسجيلات لوصلات غنائية للفنان فوزي المزداوي بمصاحبة آلة العود
كلمات:

مانشكي لوالي، وبعد فراق ينسوني الغوالي

ما نشكي بعذابي لغير الله، ولو كثرن أتعابي
وعارف داي، ويهون نصابي، بعد اليأس تسعد به أحوالي

ما نشكي همومي لغير الله لو ضاقن عزومي
ونصبر دوم في ليلي ويومي، ليا الصبر هو رأس مالي

فوزي المزداوي - مانشكي لوالي (على العود)

تسجيلات لوصلات غنائية للفنان فوزي المزداوي بمصاحبة آلة العود
كلمات:

ننسى الشوق وتعذيبه، يا الحبيبة، () يالاي قريبة

شوق وتعليل لا نشقى، ننسى التخميم ونبدأ
مرتاح وناسيه، دوم انسيه، عقلي ماعاد ()

ننساه أريافي، يبقى جوي ديما صافي
وأنا ديما عقلي وافي، ()

فوزي المزداوي - ننسى الشوق وتعذيبه (على العود)

تسجيلات لوصلات غنائية للفنان فوزي المزداوي بمصاحبة آلة العود
كلمات:

على شوقك ربي عالم، النية والقلب مسلم


ربي عالم على شوقك يا ريد، لا يلزم غلاء غيرك ما ندير جديد
لو لي تقسم عليا يا ريد، ويزول شقاي والفرحة اتم


جيتك يا غالي ساعة ما ريتك، حبيتك من قلبي ياما شاكيتك
ايش الي غير نفسيتك، واليوم عليا نادم؟

فوزي المزداوي - ربي عالم (على العود)

تسجيلات لوصلات غنائية للفنان فوزي المزداوي بمصاحبة آلة العود.
كلمات:

يانا ويانا يالله، ما قدرتش نسيانه
قالولي توب وصلي، وأنسى موال فلانة

يانا لو ريت حالي، مذيبلني فراقك يا غالي
سامر ما نوم جفالي، عيني منه سهرانة

يانا يانا صار فيها، نشكي من فرقة غاليا
ياربي يجيبه ليا، () في كل ملقانا

فوزي المزداوي - ماقدرتش نسيانه (على العود)

تسجيلات لوصلات غنائية للفنان فوزي المزداوي بمصاحبة آلة العود.
كلمات:

ليش عليا اللوم، وانت يا غالي ظالمني وتقول مظلوم


لاك داير للوم قريب، ما تنفع عيني تشيرلي صوب مكاتيب
ويا الحبيب، لك ماضاقت عيني النوم، غير ليش اللوم


لومك يا محبوب كبير، غير ويش اندير الي كاتب ربي بيصير
لا ما تحير، غلاك من قلبي دوم يدوم

فوزي المزداوي - ليش اللوم (على العود)

تسجيلات لوصلات غنائية للفنان فوزي المزداوي بمصاحبة آلة العود
كلمات:

شالت حبيب العين ماهانتني، الدنيا بشين أفعالها كافتني

الدنيا شالت زوله، وشدتني العمر بطوله
شي إنكتب وراد بيه المولي الأيام في ذكراه مانستني

شالت ريدي الدنيا، وزادت دمعتي وتنهيدي
واللي جرا مكتوب ماهو بيدي، عايش وحيد في غربتي خلتني

فوزي المزداوي - شالت حبيب العين (على العود)

تسجيلات لوصلات غنائية للفنان فوزي المزداوي بمصاحبة آلة العود
كلمات:

مرايف وينك تغيب علي، وتنساني قوايل وأنت ما تدري


(وزن مجرودة)
وين يطول غيابك عني، نطرح نبقى دوم عليل
ونبقى في ملقى مستني، ما نرتاح نهار وليل
وهموم الياسات يجني، نبقى للصبح ظليل
ونبقى في قويلك متمني، دمعي فوق الخد يسيل
ولو تقرب يا ريدي، كل هموم الياس تشيل
ونقرب ()، موالي ع الصوب خليل
ونبقى في قربك متنهي، وتزهيه، الخاطر والشوق تصفيه

فوزي المزداوي - غايب وينك (على العود)

كلمات:

يا ربي قربلي الحبيب، ونرضى بقسمي والنصيب
نعاني في شوقي سنين، وطيفه عني ما يغيب

ياربي جيبه بالأقسام، نعاني في شوق وغرام
مفارق عيني ما تنام، و ماعندي غيره طبيب

يا ربي قربلي مناي، الغالي الي في ايده دواي
نراجي من طول رجائي، والمرجى عندك ما يخيب


فوزي المزداوي - يا ربي قربلي الحبيب (النصيب على الله)

كلمات:

(وزن مجرودة)
بودي ما تبخل الأقسام، مع الأيام، تقربلي عين الي حام
بودي ما تبخل ياريت، الي غاليت، تجيبه لي زويله حنيت
الي صوبه ما يوم نسيت، معاه غرام، غلاء كان وياريته دام
بودي بعد سنين طوال، الي في البال، تجيبه بعد غيابه طال
الدمعة من عيني تنهال، وما نلتام، مسهرني والناس تنام
بودي لو نلقاه قريب، أعز حبيب، يجيني ويجيبه النصيب
ونطلب في علام الغيب، وفي الختام، يكون معاي زهاء ما دام


فوزي المزداوي - بودي ما تبخل الأقسام (النصيب على الله)

كلمات:

موال:

عديت للصبر وجريت، وخفتهم لا يلحقوني
ومن اليوم بعد كبرت وحليت، وركبني الشيب، وقل الشبح من عيوني
وهلبت على نجع الأحباب وكلمتهم ما جاوبوني

الصبر خير وأشوى ذنب وقت الجميل، وأولى من البكاء عليه يالعين لو كان تقدري

لو كان دمعك يالعين يجيبه، نبكي على المحبوب ماهي عيبه
ساهل بكاء عيني، قراب دموعي، مادام قسمي مامشى في طوعي
اليوم قاصرة يالعين يا لواجة، وماعاد على روحك قضيتي حاجة


فوزي المزداوي - موال عيد للصبر وجريت (النصيب على الله)

Counter Service - Libyan Shoegaze | Aug 29, 2025

"During the 1980s, the Overseas Broadcasting Department of the Socialist Jamahiriya, based in Malta, produced two complete funk/disco albums with the aim of popularizing Gaddafi's Third International Theory. "
Incredibly groovy Libyan state sponsored tunes!

Sail Along Jamahiriya!

ليش بطئ مرسالك عني  + Chopin Neoclassical Metal

Power Metal Instrumental - ايسلم عليك العقل - محمد حسن

Symphonic Metal - إبراهيم الصافي - جميلة

Μόνο Εσύ - Greek adaptation of اغار عليكي / Solo Tu

قناة تختص بتجميع الأغاني الليبية Collecting Libyan records.

استلهم اسم القناة من إيقاع البِرْوِلْ الليبي المميز بسرعته وحماسيته.

يوجد إيقاع البرول في أغلب أنواع الفنون الليبية مثل المالوف، الغناء الشعبي الفزّاني، المرسكاوي، النوبة الشعبية، الغيطة، والزمزامات، ويكون في العادة  في نهاية الوصلة الغنائية الشعبية (قفلة).

I upload my fave niche tunes from around the world and the Soviet era :D

I love experimenting with my trusty Ibanez RG370DXL, and any new toys I can get my hands on. Passion project.

For fan tribute tracks: All referenced IP © their respective owners. 
Not affiliated with or endorsed by original rights holders.
Non-commercial fan work. All work is non monetised.

New tracks tagged #Libyan