அரி அயன் தேவர்கள் போற்றிடும் லிங்கம் 
அழகுடன் ஒளிவிட துலங்கிடும் லிங்கம்   
பிறவிகள் வேதனை போக்கிடும் லிங்கம் 
நான் பணிவேன் சிவன்  நிலைபெறு லிங்கம் 

முனிவர்கள் அமரர்கள் மொழிதரும் லிங்கம் 
மதனை எரித்தருள் அளி தரும் லிங்கம் 
இராவணன் அகந்தையை நீக்கிடும் லிங்கம்
நான் பணிவேன் சிவன்  நிலைபெறு லிங்கம்   

நறுமணக் களிம்பின் நல் வாசனை லிங்கம் 
நல்லறிவருளிடும் ஞான நல் லிங்கம் 
அரக்கனும் அமரனும் அடிபணி லிங்கம் 
நான் பணிவேன் சிவன்  நிலைபெறு லிங்கம் 

பொன்மணி சூடியே பொலிவுறும் லிங்கம் 
பணியரசினை தலை பாவிடும் லிங்கம்
 தக்கனின் வேள்வியை தகர்த்திடும் லிங்கம் 
நான் பணிவேன் சிவன்  நிலைபெறு லிங்கம் 

குங்குமம் சந்தனம் சூடிய லிங்கம் 
கமல மலர் மாலை  கமழ்ந்திடும் லிங்கம் 
தங்கிய பாவங்கள் தீர்த்திடும் லிங்கம்
நான் பணிவேன் சிவன்  நிலைபெறு லிங்கம் 

அண்டரின் கூட்டம் அருச்சிக்கும் லிங்கம் 
அன்புடன் உணர்ந்திடும் அடியவர் லிங்கம் 
விண்ணொளி ஆயிரம் விளங்கிய லிங்கம்
நான் பணிவேன் சிவன்  நிலைபெறு லிங்கம்  

எட்டிதழ் மலர்களும் எழில் தரும் லிங்கம் 
இப்பெரும் உலகினை இயற்றிய லிங்கம் 
எட்டெனும் வறுமையை ஓட்டிடும் லிங்கம் 
நான் பணிவேன் சிவன்  நிலைபெறு லிங்கம் 

அமரரின் ஆசான் அடிதொழும் லிங்கம் 
ஆகச நறுமலர் அடிதொடும் லிங்கம்
உயர்வினும் உயரிய ஒரு பெரும் லிங்கம் 
நான் பணிவேன் சிவன்  நிலைபெறு லிங்கம்  

எட்டடி மாலையை யார் படித்தார்களோ 
கிட்டிடும் சிவபதம் களிப்புற அவர்க்கே !

New tracks tagged #Lingastakam