چې ماته زړه وايې، ته دا له زړه وايې؟
کنه يو رنګ دی، هسې په خوله وايې

زه غږوم؛ د وصال مست سازونه
او ته داستان د بېلتانه وايې

زه ملامت صحي خوله مې ګنډلې ښه
تاته اختيار دی، وايه چې څه وايې

خاموشه مه کېنه، راته خبرې کوه
ته چې هرڅه وايې، ډېر يې خواږه وايې

ای ! د نه ګټه څه ده د هو تاوان څه دی؟
راکه ځواب راته ولې؟ هو نه وايې

ماته راګوري، موسيقار ته وايي
غوږ درته ږدم، که شعر د ده وايې

ويل يې وه کريمي! ما اوريدلي داسې
چې ته غزل وايې او ډېر يې ښه وايې
Bakht-Jamal Karimi

Bakht Jamal Karimi - Chi Maa Ta Zra Waye ( چې ما ته زړه وایې )

Music Arranger, Singer, Sound Designer, Voice Artist & Dj & RJ

New tracks tagged #Taranom #ترنم