Hii leo ni siku ya mada kwa kina ambapo leo tutasafiri pamoja hadi visiwani Zanzibar nchini Tanzania kusikia harakati binafsi za mke wa Rais katika kutekeleza Malengo ya Maendeleo Endelevu ili kusaidia wanawake, wasichana, vijana na watoto. Pia tunakuletea habari kwa ufupi zikiwemo za afya uzazi , athari za mabomu ya ardhini na ubaguzi dhidi ya raia weusi nchini Tunisia. Mashinani tunakuletea ujumbe kuhusu athari za mabomu ya ardhini.

1.	Idadi kubwa ya watu wameathiriwa na utasa kwenye maisha yao, imeeleza ripoti mpya iliyochapishwa leo na shirika la Umoja wa Mataifa la Afya Ulimwenguni WHO.
2.	Leo ni siku ya kimataifa ya uelimishaji na usaidizi dhidi ya mabomu ya kutegwa ardhini maudhui yakisema “Hatua dhidi ya mabomu haiwezi kusubiri”. Katika ujumbe wake wa mwaka huu Katibu Mkuu wa Umoja wa Mataifa Antonio Guterres amesema kwa mamilioni ya watu wanaoishi katika maeneo yenye migogoro ya silaha hata pale ambapo migogoro hiyo itamalizika bado maeneo yao yanasalia kutokuwa salaama.
3.	Na tume ya haki za binadamu ya Umoja wa Mataifa inayopiga vita ubaguzi wa rangi CERD imeitaka mamlaka ya ngazi za juu nchini Tunisia kulaani hadharani na kujitenga na kauli za chuki na kibaguzi zinazotolewa na wanasiasa, watu mashuhuri na watu binafsi dhidi ya Waafrika weusi, hasa wahamiaji kutoka kusini mwa jangwa la Sahara na raia weusi wa Tunisia.
4.	Na mashinani tutakuletea ujumbe wa Danel Craig, Balozi Mwema wa Ofisi ya Umoja wa Mataifa ya huduma za kutegua mabomu ya kutegwa ardhini, UNMAS kuhusu athari za mabomu ya ardhini.

Mwenyeji wako ni Anold Kayanda, karibu!

JARIDA LA HABARI ZA UM 04 APRILI 2023: MADA KWA KINA TANZANIA, UTASA, MABOMU YA ARDHINI, UBAGUZI

Mashambulizi dhidi ya raia yanayoendelea huko Mashariki mwa Jamhuri ya Kidemokrasia ya Congo, DRC yanachochewa pia na kitendo cha makundi ya waasi kumiliki silaha. Silaha zinaripotiwa kupatikana kiholela na kutishia usalama wa rai ana mali zao. Ni kwa kutambua hilo, hivi karibuni ofisi ya  Umoja wa Mataifa ya huduma ya kutegua mabomu UNMAS kwa ushirikiano na Ujumbe wa Umoja wa Mataifa wa kulinda amani nchini humo, DRC MONUSCO waliendesha operesheni ya wiki mbili ya kutia alama kwenye silaha lengo likiwa ni kuhakikisha usimamizi bora wa silaha hizo. Je nini kilifanyika? George Musubao, mwadishi wa Idhaa ya Kiswahili ya Umoja wa Mataifa nchini DRC alikuwa shuhuda wetu na ametuma makala hii.

Makala- Utiaji alama kwenye silaha Beni, DRC ikiletwa na George Musubao

Hii leo jaridani tunaangazia Afya na malengo ya maendeleo endelevu. Makala tunakupeleka nchini DRC na mashinani nchini Rwanda, kulikoni? 

1.	Shirika la Umoja wa Mataifa la Afya ulimwenguni WHO limesema takriban nusu ya idadi ya watu ulimwenguni hivi sasa wapo hatarini kuungua ugonjwa wa Dengue huku ikikadiriwa kila mwaka watu kati ya milioni 100 mpaka 400 wanapata maambukizi.
2.	Jukwaa la Umoja wa Mataifa la ngazi ya juu la kisiasa kuhusu malengo ya maendeleo endelevu HLPF limekunja jamvi jana hapa Makao makuu ya Umoja wa Mataifa New York Marekani baada ya siku 10 za tathimini ya utekelezaji wa malengo hayo au SDGs. Waakilishi wa nchi na serikali, wanazuoni, mashirika ya Umoja wa Mataifa, wanaharakati na vijana ni miongoni mwa waliohudhuria. Kenya haikubaki nyuma katika jukwaa hilo.
3.	Makala inatupeleka nchini Jamhuri ya Kidemokrasia ya Congo - DRC, ambapo Shirika la Umoja wa Mataifa la kutegua Mabomu ya ardhini (UNMAS) Jumanne Julai 18 mwaka huu wa 2023 lilitegua bomu lenye uzito wa kilo 250 lililogunduliwa wiki iliyopita na wakulima katika eneo la Kididiwe, wilayani Beni. Jimboni Kivu Kaskazini. Wakazi wanaonesha furaha yao kwa Umoja wa Mataifa kwa kutegua bomu hilo linalosababisha vifo. 
4.	Mashinani tutaelekea nchini Rwanda kusikia ni kwa jinsi gani programu ya remedial ambayo imewafikia watoto zaidi ya 10,000 katika shule 200 na vituo 10 vya vijana imeboresha masomo kwa wanafunzi.
 
Mwenyeji wako ni Assumpta Massoi, karibu!

JARIDA LA HABARI ZA UM 21 JULAI 2023 NA ASSUMPTA MASSOI - DENGUE, SDGs, Mabomu

Nchini Jamhuri ya Kidemokrasia ya Congo - DRC, Shirika la Umoja wa Mataifa la kutegua Mabomu ya ardhini (UNMAS) Jumanne Julai 18 mwaka huu wa 2023  lilitegua bomu lenye uzito wa kilo 250 lililogunduliwa wiki iliyopita na wakulima katika eneo la Kididiwe, wilayani Beni. Jimboni Kivu Kaskazini. Wakazi wanaonesha furaha yao kwa Umoja wa Mataifa kwa kutegua bomu hilo linalosababisha vifo.  Mwandishi wetu wa nchini DRC, George Musubao amefuatilia na kuandaa makala hii.

Makala: Asante UNMAS kwa kutegua bomu lililotishia uhai wetu- Wananchi Kididiwe, DRC

Hii leo jaridani tnakuletea mada kwa kina inayotupeleka mjini Kigali ambako kumbukumbu ya mauaji ya kimbari imefanyika mwishoni mwa wiki na itaendelea kwa siku 100. Pia tunakuletea muhtasari wa habari na mashinani tunakupeleka nchini Sudan Kusini.

1.	Baada ya huduma ya ulinzi wa amani kwa zaidi ya miaka 20 huko nchini Jamhuri ya Kidemokrasia ya Congo, DRC chini ya ujumbe wa Umoja wa Mataifa wa kulinda amani nchini humo, MONUSCO, walinda amani kutoka China, hii leo wameondoka kutoka kambi yao iliyoko nje kidogo ya mji mkuu wa jimbo la Kivu Kusini, Bukavu ambako walishiriki kwa kiasi kikubwa katika ujenzi wa miundombinu.
2.	Msemaji wa Shirika la Umoja wa Mataifa la Kuhudumia Wakimbizi (UNHCR) Olga Sarrado Mur katika mkutano na waandishi wa habari leo mjini Geneva, Uswisi ameeleza kwamba vita nchini Sudan ikikaribia kutimiza mwaka mmoja kamili na ikiendelea kupamba moto, idadi ya Wasudan waliolazimika kukimbia sasa imepita watu milioni 8.5, huku milioni 1.8 kati yao wakiwa wamevuka mipaka ya nchi. 
3.	Na kwa mujibu wa Ripoti ya Shirika la Umoja wa Mataifa la Afya Duniani (WHO) iliyotolewa leo, idadi ya watu wanaofariki dunia kutokana na virusi vya homa ya ini inaongezeka. Ugonjwa huo ni wa pili kwa kusababisha vifo vya watu milioni 1.3 kwa mwaka, sawa na ugonjwa wa kifua kikuu, ambao ni ugonjwa wa kuambukiza unaosababisha vifo vingi zaidi kwa sasa. Hata hivyo WHO inasema lengo la kutokomeza  Homa ya ini ifikapo 2030 bado linapaswa kufikiwa.
4.	Na katika mashinani tutaelekea nchini Sudan Kusini kusikia ujumbe kuhusu hatari vilipuzi na mabomu ya kutegwa ardhini, salia hapo tafadhali.

Mwenyeji wako ni Assumpta Massoi, karibu!

JARIDA LA HABARI ZA UN 09 APRILI 2024 NA ASSUMPTA MASSOI

need artwork for mixtape or song covers DM @CMGGRAPHIX on all platforms

Jdubb - You Already Know (prod. 803yung)

Hii leo jaridani tunaangazia mzozo na hali ya kibinadamu katika ukanda wa Gaza, na msaada wa kibinadamu nchini Ethiopia. Makala inatupeleka nchini Tanzania na mashinani nchini Somalia, kulikoni? 

1.	Shirika la Umoja wa Mataifa la msaada kwa wakimbizi wa Kipalestina UNRWA limeonya hii leo juu ya idadi kubwa ya watoto ambao wako peke yao Gaza, ama wamepoteza wazazo au kutenganishwa nao pamoja na jamaa wa familia pia wakati huu ambapo hawawezi kuhudhuria masomo na shule nyingi zikigeuka kuwa makazi ya wakimbizi wa ndni.
2.	Nchini Ethiopia, Shirika la Umoja wa Mataifa la Mpango wa Chakula Duniani WFP na wadau wake waanafanya kazi kwa kushirikiana na jamii kutambua wale wenye uhitaji zaidi wa msaada wa kibinadamu, na wananchi wamepongeza WFP kwa mfumo huu mpya wa kutambua wenye uhitaji zaidi.  
3.	Makala inakwenda nchini Tanzania kumulika ni kwa vipi mradi wa shirika la Umoja wa Mataifa la kuendeleza mitaji, UNCDF uitwao CookFund unaofadhiliwa na Muungano wa Ulaya umesaidia wajasiriamali hasa wanawake kuinua wanawake wenzao kwenye sekta ya matumizi ya nishati jadidifu na hivyo kutekeleza ajenda ya 2030 ya Umoja wa Mataifa ya sio tu kuondokana na umaskini bali pia kuhimili na kukabili mabadiliko ya tabianchi.
4.	Mashinani ikiwa ni wiki ya chanjo, kniniki tembezi inayofanikishwa na shirika la Umoja wa Mataifa la kuhudumia watoto UNICEF imekuwa uti wa mgongo wa mfumo wa afya nchini Somalia na tunakutana na Jamila Moham, Mhudumu wa afya ya jamii katika kijiji cha Dhusamareeb.

Mwenyeji wako ni Leah Mushi, karibu!

JARIDA LA HABARI ZA UN 25 APRILI 2024 NA LEAH MUSHI

Hii leo jaridani inaangazia hali ya kibinadamu Rafah ambapo wakimbizi wa ndani Gaza wako katika jakamoyo wakisubiri taarifa kuhusu wito wa kusitisha mapigano. Pia inamulika udhibiti wa taka za plastiki kambini Kakuma. Makala inaangazia jamii ya watu wa asili na mashinani inatupeleka nchini DRC, kulikoni?

1.	Wakati kukiwa na ongezeko la wito wa kimataifa kwa Israel kujizuia na mashambulizi zaidi Gaza na ripoti za leo za mashambulizi mengine mabaya zaidi ya usiku kucha, wahudumu wa kibinadamu wa Umoja wa Mataifa wamesisitiza kuhusu athari mbaya zinazoendelea za vita hiyo na haja ya kuhakikisha njia za kuaminika za usambazaji wa misaada kwa watu wanaohitaji kwa udi na uvumba zinapatikana.
2.	Katika kambi ya wakimbizi ya Kakuma iliyoko kaskazini magharibi mwa Kenya, ambapo mkimbizi kutoka Jamhuri ya Kidemokrasia ya Congo, DRC amegeuza taka ngumu kuwa lulu na hivyo sio tu kuweka usafi kwenye makazi ya kambini, bali pia kuinua kipato chake na cha jamii inayomzunguka.
3.	Makala inaangazia changamoto za mabadiliko ya tabianchi zilizowalazimisha wanawake wa jamii ya Kimaasai nchini Kenya kutafuta njia mbadala ya kukabiliana na athari hizo ili kujikimu kimaisha.
4.	Na katika mashinani inayotupeleka katika kambi ya wakimbizi wa ndani huko Goma Kivu Kaskazini nchini Jamhuri ya Kidemokrasia ya Congo DRC ambapo vurugu za kutumia silaha zinaendelea kusababisha raia kupoteza maisha yao. Katika video iliyoandaliwa na shirika la Umoja wa Mataifa la kuhudumia wakimbizi DRC, wanawake wanaomba amani irejee.

Mwenyeji wako ni Anold Kayanda, karibu!

JARIDA LA HABARI ZA UN 01 MEI 2024 NA ANOLD KAYANDA

Selon le responsable du Service de lutte antimine des Nations unies (UNMAS) dans le territoire de Walikale (Nord-Kivu), une grande quantité d’engins de guerre non explosés se trouve dans les zones sous occupation du mouvement armé Alliance Fleuve Congo/Mouvement du 23 Mars (AFC/M23). Armes légères, grenades et autres engins explosifs sont souvent abandonnés par les belligérants, causant blessés et morts parmi la population. 

Tshiluba - Dans l'est, des opérations de déminage sont menées pour protéger les populations

Kikongo - Dans l'est, des opérations de déminage sont menées pour protéger les populations

Swahili - Dans l'est, des opérations de déminage sont menées pour protéger les populations

Lingala - Dans l'est, des opérations de déminage sont menées pour protéger les populations

Français - Dans l'est, des opérations de déminage sont menées pour protéger les populations

Idhaa ya Kiswahili ya Umoja wa Mataifa inatangaza habari kila siku kwa lugha ya Kiswahili, Kiarabu, Kichina, Kiingereza, Kifaransa, Kireno, Kirusi na Kihispania. Na mara moja kwa wiki inakuwa na vipindi vya lugha ya French Creole, Kibengal, Kihindi, Urdu na kiindonesia.
Radio ya UM inabadilisha taarifa zake kutokan na habari mpya zinavyokuja kila mara kwa siku. Pia inaandaa makala na kufanya uchambuzi wa mada mbalimbali za kijamii, kisiasa, kiuchumi, maendeleo na masuala yanayohusu tamaduni yanyohusisha Umoja wa Mataifa na kazi zake. Vipindi vya Idhaa ya Kiswahili ya Umoja wa Mataifa au UNNews  viko vingi na ni kuanzia habari,  makala, vipindi maalumu na taarifa za habari za kila siku na zile za kila wiki.
Na vipindi vyote hivyo vinaweza kutumiwa na vyombo vingine vya habari au watangazaji, na vinaweza kutumiwa kama chanzo cha habari kwa waandishi.  binafsi.Na kwa kuongezea tuu ni kwamba vipindi vyote hivyo na sauti zingine kwenye tovuti yetu vinatolewa bure bila malipo yoyote. Unaweza pia kujisajli kwenye ukurasa wetu ili upokee taarifa kila wakati zinapochapishwa.
Kwa uchaguzi zaidi wa ushirikiano usisite kuwasilina nasi.

Studio Hirondelle-RDC est un projet de la Fondation Hirondelle en République Démocratique du Congo.
Nous produisons et diffusons des programmes d’information et de dialogue en utilisant les supports les plus adaptés aux publics que nous voulons toucher, la jeunesse et les femmes.

New tracks tagged #UNMAS